الناس الحكيمه واللي تفهم في الشخصيات ساعدوووني الله يسعدكم

[Paeoniaa]

كيفكم
ودي افضفض احسني ضايقه وتعبانه نفسيًا واخاف اقول كلمه ادمر حياتي عشان كذا ابغى ناس حكيمه تدلني ع ايش اسوي صحيح انا زوجي طيب حنون لكن فيه تصرفات احسها دمرتني زي
1// المصروف مايعطيني الا القليل وباقي راتبه يوزعه يلعب فيه مااااادري اش يعمل فيه الله اعلم بس كل اخر الشهر يجيني يقول راتبي مدري فين يروح (((هو راتبه جيد ))) ..
2/ النقطه الثانيه حياتي كلها عند الناس لو اتفه شي اشتريه او اعمله الناس تعرف عنه وبعدين لما افاتحه بالموضوع يقول لي تعبتيني شوي وانفجر ويقول لو سالني ابي او امي اش اقول لهم اخخخخ
3// ولما نجي نعمل حاجه بس يشاووور الناس ويغيروا الناس تفكيره
4// اي شي في حياتنا يتدخلوا فيه الناس بسبب تشكيه لو على اقل شي واتفه شي
ساعدوني عجزت افهم شخصيته وعجزت اوصل له اللي ابغى
ابغى افهمه ويفهمني وابغى حياتنا تكون خصوصيه وابغى مصروف شهري بحيث يغطي كل مصروفاتي من ملابس وغيرها ساعدوني بالطريقه

انا التجأت لكم بعد الله وشفت نصايحكم كيف غيرت حياة ناس كثير
ممكن اليوم ماقدر ادخل المنتدي ??وسامحوني اذا كلامي ملخبط ومو مفهوم

 

[ريماس الحزن]

والله صفي جنبي بنفس طابور الانتظار هههه
مليت من البخل زوجك عنده وظيفه وحدة
انه زوجي عنده ثنين وظايف ومدخلوهم جيد
اليوم اريد اراجع دكتورة علشان كلبي تعبان والله من القهر مالته مايقبل ياخذني هو للطبيب الا طبيب رخيص ويكولي انتي مصرة تخسريني تعجبت كتله انه مريضه مصرة اخسرك شلون؟ لهذي الدرجه انه خسارة بعينك امه راح تاخذني مو مشكله بس فلوس الدكتور ينطيهم لامه يكلي انتي مبذرة وهو اصلا مايصرفلي مصروف شهري الا اتعارك وبالنهايه ماينطيني يكولي لسانج طويل هو يدوس بطني بالقهر والله اتمنه اموت واخلص انه ايماني ضعيف ميحتاج الله يختبرني هجي اختبار لو يموتني احسن من القهر الي جاي يعيشني بي

 

[وردة الكرز]

اهلين اختي ربي يفرج همك و هم كل زوجة تعاني مع زوجها. عزيزتي انا لست خبيرة بالشخصيات و لكن حبيت اعطيكي نصيحة يبدو انكم في بداية حياتكما الزوجية و زوجك ليس لديه خبرة و لذلك يستشير الآخرين بكل شيء كما أن إدارته للمال ليست جيدة هنا اختي عليكي اولا تفهم زوجك و تعديل سلوكه بالحكمة و الهدوء و الصبر فالتغيير يحتاج وقت و جهد . اولا كوني زوجة منظمة يعني لديكي قائمة باحتياجات المنزل كاملة طيلة الشهر يعني المقاضي و المواد الغذائية و المنظفات كل ما تحتاجينه للمنزل تكتبيه في قائمة و تطلبي من زوجك احضارها مرة واحدة طبعا بعض المواد كل اسبوعين مرة مثل الألبان و الخضار والفواكه. المهم أن يتعلم زوجك الالتزام بأسرته. ثم حضري طلباتك للشراء في المواسم قبل الموعد مثلا قبل الشتاء قومي بعمل جرد للملابس لك و لزوجك و لاطفالك و اعدي قائمة بكل الاحتياجات موسم الصيف الاعياد و هكذا علمي زوجك أن يدفع و يصرف على بيته و امدحي كرمه و اشكريه كلما اشترى شيء . شجعيه ليستمر و هكذا تضمني أن يكون الراتب لك و للبيت منذ بداية الشهر . اذا لم يكن لكما بيت ملك لكما فشجعيه على التوفير و الادخار لشراء منزل أو مثلا شراء ارض للمستقبل و هكذا . لا تقولي له اريد مصروف و انت لا تعطيني الافضل قولي له احتاج كذا و كذا علبه الكريم خلصت و لا اريد ان تتشقق يدي العطر خلص و لا احب اجلس دون أن اتعطر الصيف في مناسبات كثير و يجب أن نستعد .

 

[وردة الكرز]

بالنسبة لنقطة إفشاء أسرار البيت الطلب المباشر قد يزيده إصرار على نقل الاخبار للآخرين لذلك اجعلي الكتمان اسلوبك حتى مع أقرب الناس إليك مثلا تعمدي أن لا تتحدثي عن اخبارك بالتفصيل لوالدتك او اختك بحضوره دعيه يعرف انك تعملين بحديث الرسول صلى الله عليه وسلم( استعينو على قضاء حوائجكم بالكتمان) . مثلا قولي أمامه انا إنسانة ذكية و ناضجة و أستطيع إتخاذ القرارات بنفسي فلماذا استشير امي بكل شيء. أو صديقتي أو زميلتي في العمل تخبر اهلها بكل مشاكلها مع زوجها و بالنهاية تتصالح مع زوجها و امها تبقى قلقة عليها أو جميع اهلها أصبحوا يكرهون زوجها بسبب نقلها لخلافاتهما . شيئا فشيئا سيتعلم زوجك منك أن يصبح ناضجا يحل أموره بنفسه و أن نقل الاخبار للآخرين يؤدي إلى مشاكل عديدة .

 

[أنثى بعطر الورد]

قبل كل هذا.. مشكلة زوجك العناد ..ويسوي اللي برأسه ..و المشكلة مو عارف النتائج اللي يسويها ..وأنها تضر ناس غيره ..وما يعرف يتصرف ..تلقائي ممكن ما عنده خبث او كره لك يعني ما يقصد ..بس هي كذلك تصرفاته اندفاعيه ..ما عنده نضج في الحياة الزوجيه ..انه المفروض عنده خصوصيه وحياة خاصه ..ترا اغلب الرجال كذلك ..لما تلاقيه رايح لغيرك امه او اي احد يثق فيه او غيره تاكدي انه مو السبب انت هو ما يقصد هو متوقع انه هذا هو الصح والبر بالوالدين ..او انه لما يشتشير احد انه بهذا العمل هو إنسان ناضج ومرتب ..بس في الواقع هو غير ذلك ..
والواقع هو غير ما يتوقعه في نفسه ..
زوجك يلفت انتباه لنفسه ..اني شخص كذا وكذا ويحب الظهور بهذا المظهر ..وهذا نتيجة انه ما عنده الوعي ..يعني مش مثقف ..
هو محتاج قائد ..وعشان تكوني انت القائد لازم يثق فيك ..لازم تدخلي لمخه وتسايريه مثل الطفل وترجعيه بشويش للي لازم يكون ..انت وياه اللحين تتخبطون في بعض ..هذا باتجاه وانت باتجاه

 

[Paeoniaa]

قبل كل هذا.. مشكلة زوجك العناد ..ويسوي اللي برأسه ..و المشكلة مو عارف النتائج اللي يسويها ..وأنها تضر ناس غيره ..وما يعرف يتصرف ..تلقائي ممكن ما عنده خبث او كره لك يعني ما يقصد ..بس هي كذلك تصرفاته اندفاعيه ..ما عنده نضج في الحياة الزوجيه ..انه المفروض عنده خصوصيه وحياة خاصه ..ترا اغلب الرجال كذلك ..لما تلاقيه رايح لغيرك امه او اي احد يثق فيه او غيره تاكدي انه مو السبب انت هو ما يقصد هو متوقع انه هذا هو الصح والبر بالوالدين ..او انه لما يشتشير احد انه بهذا العمل هو إنسان ناضج ومرتب ..بس في الواقع هو غير ذلك ..
والواقع هو غير ما يتوقعه في نفسه ..
زوجك يلفت انتباه لنفسه ..اني شخص كذا وكذا ويحب الظهور بهذا المظهر ..وهذا نتيجة انه ما عنده الوعي ..يعني مش مثقف ..
هو محتاج قائد ..وعشان تكوني انت القائد لازم يثق فيك ..لازم تدخلي لمخه وتسايريه مثل الطفل وترجعيه بشويش للي لازم يكون ..انت وياه اللحين تتخبطون في بعض ..هذا باتجاه وانت باتجاه

صادقه وصف دقيق لشخصيته ماشاءالله عليك بس ذحين كيف اكون قائد وادخل له واسايره
لاني اكثر وقتي اسايره

 

[أنثى بعطر الورد]

صادقه وصف دقيق لشخصيته ماشاءالله عليك بس ذحين كيف اكون قائد وادخل له واسايره
لاني اكثر وقتي اسايره

تعاملي معاه من نفسيته ..
هو عنده جوع التقدير ..فامليء هذا الكاس ..املئي هذا الجوع عن طريقك انت ..وافقيه ..وان كان علي خطاء ..بالاول وافقيه الي ان يطمئن لك ..انك معاه مو ضده مو عدوته ..انت هو ..لما يركز علي هذا راح يكون اكثر اطمئنان اليوم اللي حسيتيه انه اطمئن واستمتع بهالاطمئنان ادخلي رايك يعني فكره تساعده انه يفكر مو فكره تعطيه الحل ويركز انه الحل منك انت مو هو لا أعطيه مجال انه يفكر للوصول للطريقة اللي انت تبغيها ..من الاول ..لا تعانديه ..سايسيه ..خودي بعقله ..
شوفي الطريق اللي يحفزه انه يسوي الشيء اللي تبينه ..
زوجك عاطفي ..وشخصيته غربيه ..يحب صورة المثقف الفاهم ..العبيها معاه ..لاتعانديه في هالنقطة اذا راح للغير يستشيرهم بموضوع وافقيه وبعد ما وافقتيه في وقتها ادخلي فكرتك ويعني مثلا قال ..انا قلت لفلان او فلان قال انه كذا قولي نعم صحيح اللي قاله فلان اللي هو نفسه الشخص اللي قولي قال كذا كذا هنا قولي فكرتك ..كذا وكذا هي فكرتك اللي تبين توصليها له عن طريق فكرة فلان اللي استشاره خليه يوضحلك لا هو قال كذا وكذا ..انت اسكتي ..لما حاول انه يصلحلك الكلام انه هو قال كلام غير ..انت اسكتي ..ليش لانك اذا كملتي راح تدخلون في باب المجادله اللي ما فيها نتيجه ..بس لما هو راح لفلان وفلان اعطي فكرته واتي إليك وقالك انك فلان قالي كذا وكذا انت رديتي بالموافقة نعم صحيح اللي قاله كذا وكذا وهذه فكرتك ..وثم قام يصلح زوجك لا هو قال كذا وكذا يصلحلك لانه مو منتبه ترا تلقائي ..لانكم في حوار ..بس انت سكني ما رديتي لا بالموافقة ولا بالرفض عشان لا تدخلون في مجادله وعشان تثبت فكرتك في مخه ويفكر ويرجع الكلام هو قال كذا وكذا بس لو قال كذا وكذا هذا هو الصح المفروض لانه كلامه بكذا وكذا المهم يدخل في باب التحليل ..
المهم كلامك هو الصح ..بس كنت محتاجه توصليله المعلومه فاستخدمتى معاه أسلوبه ..
حياتك الخاصه ../
انه يتكلم عنها ..لا تجادليه ليش قلت وليش علمتهم
بل خودي من منطلق تفكيره ..اسكتي ..الي ان تلقيها ..بيعاندك ..ليش لانه يشوف فيك انت شريره اللي قال لهم ما راح يسوون لك أذي زي ما انت مفكره ..لانك شريره ..او يكون ردة فعله العناد لانه يشوف فيك انك تتهمينه بالجهل ..وعدم التصرف ..
العناد معاك هو اللي محتاج منك العلاج
اللي بينكم مو مشكله بقدر هو عدم التواصل ..ما عرفتي كيف توصلي المعلومه ..لزوجك ..فصار هو في وادي وانت في وادي ..
صاحبيه نعم صاحبيه ..كوني له صاحب ..
لما يقول انه تكلم مع شخص أمراءه او رجل انك شريتي شيء لا تذكري ذلك الشخص بسوء ..لانه راح يدافع عنه لانه قاله وطالما قال له يعني مطمن له ..فلا تكوني المهاجم ..لانه حيدافع عن الاخر وحيدافع عن نفسه عشان يهرب من اتهامك .. يتمسك برأيه وانه هو الصح ..
اوك ..

 

[Paeoniaa]

الله يسعدك انثى بعطر الورد
منجد محتاجه اكلمك خاص