المهـــر وما ادراك مالمهر ...[you] تعالي قصي لنا تجربتك...

[قوية بإصراري]

والله انا مهري 50 الف ريال والحمدلله كفت ووفت

 

[βēṩђőσ]

انا متزووجه لي ثلاث شهور ولله الحمد
مهري كان خمسين
والصرااحه اهلي الله يخليهم ولا يحرمني منهم حطوا من عندهم خمسين ثانيه عشان اكمل اغراضي
والحمد لله الغلا كان ضااااارب
*ـ^
​

 

[شريان الروح]

انا متزوجه من5 سنوات ومهري25 الف ريال وطبعا ابوي الله يخلي زادني

 

[كتاب حياتي]

صباح التوت على احلى بلقيسات..

انا لي 5 سنوات متزوجه وطبعا مهري كان 40 الف بس امي الله يخليها لي ويشفيهاازادتني اهم شي التوفيق مو بكثر المهر والا بقلة هي دراهم.....تقبلوا ودي

 

[بيبي ون]

السلام عليكم جميعا الموضوع من فترة بس توني شفته اولا اشكرك اختي فيض الحنين واحكي لك والاخوات قصتي مع المهر المهر 60 الف مع شبكة وساعه الساعه حلوه لانه هو اختارها بس الشبكة تلوع الكبد ذوق اخته مع انها ياحرام مختارتها كبيره يعني اوجه المهم صرف تقريبا 40 الف ذهب وكان كله شغل حلو وغريب والكل انعجب فيه بس ياحسره بعته قطعه قطعه ولاعاد بقا منه شي اما باقي المهر فمنه الحفله اللي سووها لي اهلي ومنه بدلة العرس كانت شي حلو وناعمه وغريبه طبعا امي ما ارتاحة لما سوتلي اكمام للبدلة شي يضحك ادري بس والباقي ملابس وعطور وشوي مكياج اما بالنسبه للقمصان فكلها محتشمه وعاديه اختيار الوالده طبعا عسى ربي يطول بعمرها تستحي وتحسب كل البنات يستحون بس هذا بالمختصر ولو استهليت كان الخوات سكرو الصفحة هذي انا بيبي ون اذا تقصديني واتمنى تردين علي ليه انا بالذات وانا جديده بينكم ولاحسبت احد بيذكرني على العموم مشكورة سواء قصدتيني او غيري ودمتم

 

[وهج1]

قلبتي المواجع انا كان مهري 55الف طبعا قبل ست سنوات واشتريت ذهب ب18 الف والملابس الله يسامح ابويه اعطاني بس 2000ويقول تكفي والباقي راحت مدري فين على الرغم امي الله يسعدها ويفرحهابوظيفه لخويه ماقصرت والاهم من الفلوس الله اعطاني اطيب واحن قلب زوجي الله يحفظه وينوله اللي في باله​

 

[ام جود2009]

والله مهري قصتة قصة

 

[القلب المجروووح]

أنا مهري أربعين ألف ريال ,, ومع ذلك مااستوفيت شي خاااصة مع غلاء الأسعار

وأنا زودت عليها من عندي15 ألف ومع ذلك ماسوت شي ..

ولي 5 سنوات متزوجة ,,,

بس الحمدلله ,,

أهم شي التوفيق من عند الله ..

وهذا الموضوع حساس من عندنا يالبنات ,,

 

[ع ــذبــه..]

‏ ‏ اهئ آهئ,,,,
‏ ‏ بآآآقي توني باديه بحوسة التجهيز.,
‏ ‏ بقرآ تجاربكم وان شاء الله استفيد.

 

[عبيرالغلا]

انا زواجي قبل اربع سنوات مهري كان ثمانين الف ابوي الله يعطيه العافيه اخذ اربعين و اشترى لي ذهب من غير يشاور والباقي ملابس وعطورات طبعا اشتريت كل ملابسي من لندن لكذا ما كفت الفلوس بس انصح كل عروس تشري ذهب حتى لو شي بسيط الملابس تبلا لكن الذهب عزوه
والملابس تقدر تشري مع العريس لكن الذهب لا

 

[بسمة حبيبي]

انا تزوجت قبل 5 سنوات
مهري كان 1500 دينار يعني 15000 ريال سعودي والحمدلله كفت ووفت واكثر النساء بركة اقلهن مهورا
ويسلمو ع الموضوع

 

[روووز22]

اولا يسلموووو على الدعوه:5:
ثانيا انا متزوجه من ست سنوات تقريبا
كان مهري 35000 ,اشتريت ب27 الف دهب وكان مره غالي لانو كلو لازوردي ونصه قد خلص بح :13:
والفستان كان بـ3000 وندمانه اني فصلته بس الحمد لله البس بعدي اكتر من خمس مرات يعني تحلل
والملابس مره كانت يادووب على القد ماكترت لان الوحده بعد الزواج تعمل حساب العوامل الجغرافيه اللي على البئه فتروح الملابس وهي جديده تكون ضاقت عليك والحمد لله
ومكياجي جاني هديه من اخته وانا كملت العطور اشياءبسيطه من كماليات والحمد لله على كل حال
اهم شي القناعه تكوني اسعد الناس وحتى لو كان دبشك قليل القناعه القناعه والله يعوضك خير ادا كنت راضيه
وسلامتكم صح الساااانك خلوهااا خلوووهاااا ههههههههه

 

[غلولوه]

مساء الورد.....حبيت اقولكم تجربتي وتصرفي مع مهري انا لي ثلاث اسنين متزوجه كان مهري اربعين الف طبعا اول شي بديت با الحجوزات الكوفيره الفستان المصوره الكوشه طبعا دفع العربون وحطيت الباقي على جنب عشان يوم الزواج لا انحاس فصلت فساتين عشان اغرب وارخص تقريبا 4 بديت اشتري لبس البيت خصصتله مبزانيه لس البيت موماركه من ستي ماكس ريتاغ الهرم اهم شي لبس الناس الان زوجي مايعرف الماركه طبعا انا اقوله من نعومي اكذب هههههه كذبه بيضا لبس الناس لازم يكون ماركه ومرتب العطور 3 بعني واحد صباخي واثنين مميزه اخطيت اني اخر شي فكرت با الذهب ماكفت الفلوس شريت طقم واحد واهيت لامه اسواره وللعلم الشنط من مكافاءتي والوشناتخواتي جابوها هدايا يعني كملو الناقص وامي شرت صندوق السجاده وكماليات البيت وصديقاتي ماقصرو كل هداياهم كماليات يعني استفدت من الهدايا كلها ذوق بس تعبت با التجهيز لاني اشيا تلقينها غاليه تشترينه لضروره تروحين مجمع ثاني تلقينها فرق 50 ريال طفشت من الترجيع لاني فلوسي قليله لا وازيدها من مكافئتي وبس اهم شي قسمي عشرين للملابس عشره للحوجوزات عشره للذهب لو طقم اهم شي فيه ذهب يمسك فلوسك ولاتكثرين من الملابس حسب مجتمعكم لاني كنت ادرس ما اطلع لناس الااوقات قليله نص ملابسي ماشافوها الا بعدسنه ونصها والله لبسه وحده وبدرج احس تجهيزي منظم مشكوره للي حطت الموضوع للفائده

 

[ام حصيص]

خواتي العزيزات انا صار لي من تزوجت 8 سنوات وكان مهري 4000 دينار يعني 40000 ريال والصراحه تشريت منه القليل من الذهب والباقي شاركت في تاثيث شقتي طبعا يا بنات هذا الحين اكتشفت انه غلط
فرجاء لا حد يغلط غلطتي
اللي يجيها مهر زين تستانس فيه بروحها واشور عليها تبدا به بمشروع بسيط يفيدها هي بس

 

[عطر الاحباب]

امممم هل تقصديني هههههه ....فيس يقلب عيوونه


انا مهري 60000 والحمدلله كفت ووفت ...وبقي مبلغ واشتريت فيه اررض


والحمدلله ع كل حال

 

[مسروقه فرحتي]

اما انا مهري 50 الف غير الشبكه والساعه والدبله الي جات مع المهر ..
ابوي اخذ من مهري ممكن 7000 تصدق فيها
والذهب 25 الف والذهب حتى لو ماتلبسينه اشتريهه ااحسن من كل النواحي الوحده منا ماتدري وش الي بيصيرلها والذهب اماااان مستقبلي عن نفسي
والباقي عطور ومكياجات وملابس ومااالازم الباقيه..

 

[شاي اخضر1990]

الخلاقين يمين خلاقين يسار خلاقين فوق خلاقين تحت خلاقين ارض خلاقين موج خلاقين بحــــــــــــــــــــــــــــــــــــــــــــــــــــــــــــــــتر خلاقين طوفااااااااااااااااااااااااااااااااااااااااااااااااااان خلاقين
الخلاقين طلعت مع شبابيك البيت والابواب غضب غضب االله يكافي

 

[فوفو27]

السلام عليكم انا ليا 12 سنه متزوجه مهري30000الف ماخليت شي ما اشتريتو اهلي زادوني وانصح اي بنت لا تشتري ملابس كتير

​

 

[اليــــــــــم]

هلا فيض الحنين

مشكوره حبيبتي

انا مهري خمسين الف شريت فيه مابين الملابس والذهب

وتحف وغيره ........

وهالخمسين غثني فيها زوجي مااسوي شي الا انا ترى دافع

خمسين فرحان فيها ياحظي ......

ههههههههههه

ومشكورين ع الموضوع الحلو

 

[..ضباب..]

انا مهري اربعين الف
وراحوا كلهم بخرابيط وملابس مالهم داعي ماكان عندي خبره

​