الملكة == هل تفضلينها و تفضلها حفلة كبيرة أو عائلية صغيرة

[miss.cute5]

بسم الله الرحمن الرحيم
السلام عليكم ورحمة الله وبركاته

حبيت آخذ رأيكم بالــ"ــملكة":blushing:
هل عمل حفله كبيرة يومها في استراحة مثلا امر ضروري
بمعنى وش تفضلون
تكون في العصر عائليه في البيت اهل الزوج والزوجه وكتابة عقد الزواج والشبكة ...
أو عائليه بينهم وقت العَشَاء
أو حفلة كبيرة شوي في استراحة ونفس الشيء عزيمة عشاء

واللي عندها أفكار لهاليوم لاتبخل علينا..

بانتظاركم

 

[قلب حر]

هلا بك مس كيوت ...
على حسب كل وحدة واللي تحبه ...
انا افضلها عائلية .. عشان يكون الفرح مميز

 

[boomb flower]

في وحده من اقاربي عجبتني طريقتهم
عملوا زفه طويله عريضه من بيت العريس لغاية ماوصلوا بيت العروسه وهناك كتبوا العقد وبعدين زفه لغاية ماوصلوا القاعه.

 

[حبيبة زوجها]

انا بالنسبه لي عملت ملكه كبيره لكن من تجربه كل اللي يسير في الملكه تكون منسيه يعني بعد الملكة والصور وبعد

مايشوفوها الناس خلاااااااااااااااااااص ولا احد يدور عليها مو زي الفرح ليلة العمر من جد تفضلي فرحااااااااااااااانه بيها

ان شاء الله لغاية ما تزوجي اولادك انا لي متزوجه 7 سنين والى الان الناس يبغوا يشوفوا الصور والفيديو حتى لما احط

البوم الملكة محد يهتم ما اعرف لي مع ان فستان ملكتي احلى من فستان الفرح .

ونصيحتي حطي طاقتك وافكارك الحلوة والغريبة وتكاليفك كلها في الفرح وخلي الملكة عائليه وحميمه اكثر

الله يوفق الجميع

 

[زهرة البوادي2006]

افضل حاجة عائلية والنقله حفله كبيرة وفي قاعة

 

[miss.cute5]

قلب حر
حبيبة زوجها
زهرة البوادي 2006

حياكم الله وأسعدني تفاعلكم

بس مدري ايش تقصدون عائليه

يعني عادي لو كانت العصر يجي الزوج واهله لبيت العروسة ويتم عقد القران ثم يدخل عليها يلبسها الشبكة
وطبعا يكون فيه حلويات وشكولاته وجاتوه للمناسبه وشربات وغيره..... وبس

هل هذا اللي تقصدونه يعني بين اهل العريس (والديه واخواته واخوانه وحريمهم) واهل العروس (والديها واخواتها واخوانها)

اذا عندكم افكار ثانيه زودونا بها...

 

[miss.cute5]

حبيبتي
Boomb Flower
شرفتينا بمرورك

بس مدري يمكن الفكرة هذي ممكن تصلح في يوم الزواج مو الملكة

 

[aldana]

والله يا عزيزتي ...أنصحك نصيحة لوجه الله .... اختصري في الملكة قد ما تقدري ...وتنازلي تماماً عن صديقاتك ...

حتى لو متزوجات ...

واحتفلوا بشكل عائلي أفضل لكم إن شاءالله .

وبالنسبة لحفلة الزواج ...سوي زفتك بروحك ...مافي داعي البنات يتفرجوا على زوجك ويحسدونك عليه ...

حتى صور الملكة والزواج بس يشوفونك لحالك لا يشوفونكم سوى ...

أدري بتقولين عني معقدة .... لا والله ماني معقدة نهائياً ولا حتى مريت في موقف فيه حسد ولا عين الحمدالله رب العالمين ........ ولكني لا أرتاح لنفسيات بعض الناس ...فأشملهم جميعاً بكفة واحدة حتى أسلم

أهم مافي الموضوع سعادتك .... فلا تعرضيها للناس (وداري على شمعتك تقيد)

وبالتوفيق يالغلا وربي يسعدك ويبعد عنك عيون الحساد

 

[miss.cute5]

حبيبتي Adana
ربي يحفظك ويخليك لعين ترجيك

والله انك فعلا تستحقين لقب ملكة بجدارة

نصيحتك درر جزاك الله خير

وما رح اقول معقدة بالعكس كلامك هو عين العقل الله يحفظك

أنا كنت ابكتب في البداية اني وأخواتي العيون علينا بقوووة وكل شيء يستكثرونه الناس علينا حسبي الله ونعم الوكيل وهذا اللي خلاني اتردد واستشيركم

بالنسبة للزواج انا أشوف ان الأفضل ان الوحدة تزف لوحدها قبل يجون الناس يعني والقصر فاضي وتصور زفتها


اممم الملكة بتكون ان شاء الله الأسبوع الجاي >> عائليه اهله واخواته واخوانه واهلي واخواتي بس

وعسى ربي ييسر .... ادعوا لي الله يخليكم من جد شايله هم التوفيق
(لانه الله يهديه يدخن و السكن مع اهله )

اممم انتظر نصائح زيادة ليوم الملكة

 

[سمينة طيب]

رغم اني أموت على الحفلات و الفرفشة و اليباب :bleh: :bleh:
إلا اني اشوف إن حفلة و عشاء الملكة يكون على نطاق ضيق بين العايلتين فقط

 

[هتاف]

انا ما اؤيد الملكه علشان كذا ماسويت بس في الفرح طلعت لي طله لانه ما احد شافني حتى امي تقول كنتي قمر

ودمتي بود هتوفه

 

[miss.cute5]

بسم الله الرحمن الرحيم

اسعدني مروركم

سمينة طيب
هتاف

طيب يعني لازم تكون حفلة عشاء
ماينفع تكون مرة مختصرة في العصر يعني
وايش رايكم بالتصوير
انا اشوف ان الوحدة في الملكة تكون على خجلها يعني مافيه داعي تجيب مصورة وتخليها تصلح حركات مع زوجها صح
يكفي اذا تبي تصور تستخدم كاميرا فوتوغرافيه ووحده من اخواته تصورهم

 

[princessa]

الملكة العائليه افضل
أهل العروسه واهله
حفله صغيرة في بيت العروسه
والتصوير بدون مصورة
وما افضل العصر .. الا اذا بعد ما يروحوا اهله يرجع يسهر مع خطيبته ...
وبالليل افضل..
عشان العروسة تجلس مع خطيبها اطول وقت ممكن ..
يمديه يشوفها بكامل زينتها..



الله يوفق الجميع

 

[miss.cute5]

ام لولو

حياك الله ويسر امرك يارب

ياحبيلكم ياعضوات مملكة بلقيس:icon26:

والله آرائكم بتفيدني كثير لأني اول وحدة من أخواتي بتزوج ان شاء الله:in_love:

ما ادري من غيركم - بعد الله- وش اصلح

الله يثيبكم ويغفر لكم ووالديكم:icon26:

 

[miss.cute5]

طيب حبيبات قلبي

ايش رايكم بالتسريحة والمكياج في هاليوم ان شاء الله

انا أفضل المكياج يكون هاديء بس يبرز جمال العيون

والشعر مدري مرة اقول حلو تسريحة خفيفه ومرة اقول لاْ ... تكون فخمه احلى