المقعد الامامي من احق به الام ام الزوجه؟؟

الحالة
مغلق و غير مفتوح للمزيد من الردود.
اكيد امه لكن بعض الزوجات تحب تستحقر الوالده الدنيا دواره
 
اسمحولي اشوف اللي يرضى على امه تقعد ورى مب ريال وحرمته قليلة ذوق وما عندها احترام!!شو ما بقا الا تقعد امه ورى عشان صاحبة الدلال اللي ما عرفها الا من سنه او اقل او اكثر بشوي؟؟واللي تقول عندنا بالامارات عاااادي تتكلم عن نفسها والا اهل الامارات اهل الذوق والقدر كله ويعرفون الواجب زييييييين ..
 
اكيد الام واصلا من باب الادب والاحترام والذوق ان الزوجه تقول لعمتها اركبي قدام حتى لو مارضت تغصبها
 
والله انك صادقه ياغزال شارد وصح لسانك فديت اهل الامارات والله يالبى قلوبكم
 
اكيد الام وبدون نقاش استحي على نفسي انا قدام وهي ورا
 
موضوع جداً حساس
هذي المواقف شفناها كثير ويكون السبب الزوجه وقيحه بحراكاته لاتحترم أكبر منها ولا تعرف معنى الأحترام
أما الأبن هو أيضاً راضي وهذا دليل يفضل زوجته على أمه التي ربته وسهرة عليه وتعبته ععليه لين ماتزوج
طبعاً سيأتي يوم وعيالهم بيعاملونهم بالمثل
موقف يفجع القلب من الآلم والآسى والحزن
لاحول ولاقوة إلا بالله
الله لايكثر من أمثالهم​
 
واللة هذا برجع للام والزوجة يعني انا ام زوجي ماترضى تقع قدام
وامي مع زوجت اخوي نفس الشي ماترضى تقعد قدام
ولاحتى يوم اكون مع زوجي امي ماترضى تجلس قدام
زوجي يحلف عليها
 
انا مستحييييل اركب قدام وهي معنا من باب الاحترام لها ولنفسي وحتى لوكنت حامل ماقدر
ادكر مره مرضت وتبي تركب وراء علشان تنسدح احس اني مستحيه وعلى اعصابي وطول الوقت وانا لافته لهاوانا تربيت على الاحترام واصلا وراء ولا قدام كلها واحد بنوصل سوى
 
موضوعك يأميره بلا قصوروالله حلو جدا جدا ...
اما راي انا فأقول طبعا الام ثم الام ثم الام فوق اي اعتبار...
امه طبعا ربي يطول بعمرها ...
 
ترنيمة البنفسج قال:
شوفي و الله قبل لا اطلع من بيت اهلي قالت لي امي يا بنت خلي عمتج تركب في السياره جدام قبلج ... قتلها ان شاءالله و هذا اول شي سويته ... يوم ركبت ورا .. مااشوووف عمتي الا تقولي نزلي و ركبي عند زوجج .. و حلفت علي .. و من يومها هيه تركب ورا و انا جدام .. صراحه موقف اثر فيني وااايد ...


بس اذا جدته تركب اخلها تركب جدام طبعا ...​
أنقر للتوسيع...

نفس الشئ هيا ترفض تجلس قدام
 
الواجب انه ام الزوج تجلس في المقعد الامامي
ام زوجي بتقتل نفسها عشان تجلس بالمقعد الامامي
لو تشوفوها كيف نافشة ريشها كانها طاووس هههههههههه
انا ما بهتم لهالشي من الاساس
حتي ماما الله يطوللنا بعمرها نفس الشي ما بتهتم ، بتخلي زوجة اخوي تجلس بالمقعد الامامي
حتى يوم زواجي من العادات والتقاليد في بلادنا انه ام العروس بتجلس بسيارة العروس
عشان اضلها قريبة من بنتها ، بتعرفوا هالليلة غير كل الليالي وبتحب الوحدة تكون امها بجانبها
المهم والله انه ام زوجي ما رضيت تنزل من السيارة لما اجوا اخدوني من بيت اهلي لنروح للفندق

بس احنا مو قليلين عقل والحمد لله
اخدنا الموضوع بكل بساطة وروح رياضية
خليها تتهنى بالمقعد شو بده يصير ؟؟؟ بيطول عمرها ؟؟؟؟؟ لأ طبعا:23:
 
هالنقطه مو مهمه بالنسبه لي,لاني اعرف ان الام اولى انها تركب بالامام,لكن بالنسبه لهم حساسه هالنقطه،يعني مره سافرت معانا ام زوجي طبعا انا كنت ورا,واستغليتها فرصه جبت مخده واتمددت وارتحت,لما التفتت وشافتني على طول قالت لولدها وقف باارجع وراا ارتاح,انا استانست وبدلت معاها وجلست اسولف مع ريلي واتقهوى معاه لين وصلنا,هالعالم حكم هههههه
 
عادي يا قلبي ما تفرق
و مالها علاقه بالادب لا من قريب و لا بعيد
لسبب
انا شخصيا لمن تطلع امي معانا اصر انها تقعد جدام
بس اهيا ترفض و تروح تقعد ورا
و ام زوجي نفس الشي بس اهيا تسمع كلامي و تروح جدام
يمكن اللي شفتيها اهيا طلبت انها تقعد ورا
 
والله اشوف ان الام احق فيه
تتخيل كل وحده لو يكبر ولدها وينطلها وراء وزوجته قدام وش بتحس فيه
 
انا بعد زواجنا باسبوعين رحنا للعمره سوا وقلت لها تعالي قدام ورفضت ومن بعدها مانقشتها صرت انا قدام ​
 
الحالة
مغلق و غير مفتوح للمزيد من الردود.
عودة
أعلى أسفل