المفروض الوحده كم تجيب من العيال

[الباطنيه]

السلام عليكم
ادرى خواتي بتستغربون سؤالي
لكن ابي مشورتكم
انا لي سنين متزوجه وجبت 5 اولاد وبنات والحمد لله بعضهم عمليات وطبيعي
مره
والحين صار لي ما حملت تقريبا 7 سنين
اسوى مانع وزوجي متفهم وبيني وبينكم احسه مكتفي من العيال
لاني الحين متفرغه له ولدلعه
ولجبت سيره الحمال ما يعلق
وامي ما عندها سالفه الا اني بعد احمل واجيب سادس
وانا بين وبين\
مرات اقتنع واقول اجيب
ومرات اقول انا الحين مافيني بارض للبيبيات
ومراعاتهم
والتقيد
وانا صحتي لاباس الحمد لله
بس انا من النوع لحملت تتغير حياتي فوق تحت من التعب والقلق وغير انه بعمليه بعد
هل عادى الوحد تكتفي ب5
والحمد لله على النعمه
والله يبارك لي فيهم ويبارك بكل وحده ترد علي

 

[روج احمرر]

مادري اقولك راي زوجي كم قالي يبي عيال يقول ع قولته 6 أنا قلت له مستحيل
ورأيي ان الوحده بهالوقت تجيب 2 او 3 يعني ع قولتهم قلل ودلل وكثره العيال مو حلوه
والله يخلي لك عيالك واحس 5 يكفون مالك بوجع الراس

 

[عشق النعومه]

حبيبتي ماعليك من احد امك ماراح تربيهم اهم ش ي زوجك مقتنع والولاده بالعمليه صعبه الحمد لله انا وزوجي اتفقنا نجيب 4وامه تحن تقول اربعه مايكفي خخخخخ ليش طالبين من مطعم ماعلينا منها نسمع هنا ونطلع هنا انا حامل ب البيبي الثالث يعني باقي 1 لكن لو ربي اعطاني اكثر من غير تخطيط للحمل انا راضيه بالنعمه فانتي ماعليك تفاهمي مع زوجك لو كان يبقى احملي

 

[مامت جود]

خلاص خمسه يكفون يارب لك الحمد تدرين زوجي يقول طول ما فيك حيل ولدي هههههه اذا قلت لا يقول ع راحتك ربي مكثر الحريم ....قصده يتجوز
يقول اذا وقفت احس اني شايب شوفو كيف يفهمها ............اشرهه ع الي يطيع كلامه انا اقول بما اني لسا بداية العشرين وعندي بنت اجيب له ها الي مع اطريق واعيش ها الباقي من العشرين بشبابي وجمالي لان ها الفتره ما يعوضها شي
واخذ دخلت الثلاثين بولد ع قولته

 

[ام ديما وبس]

ياقلبي انا احس انو يكفي بس بعض الرجال الله يهديهم يحبوا العيال كتيرا

 

[دلوعةزوجي]

الله يخليهم لك وفيهم الخير والبركه المهم زوجك راضي خلاص مالك بالباقي

 

[نارينا]

والله احس انه يكفي
انا متفقه مع زوجي مو اكثر من 3 اطفال بصراحه الحياه تحتاج وانا ابي اتدلع اشوي واسافر واروح واجي على راحتي الاولاد صدق يجون برزقهم بس انا مالي بكثرة المصاريف
3 الحمد الله
دامك جبتي 5 خلاص اكتفي عيشي حياتك ترى بكره وراكي مذاكره ومدارس ووجع راس انتي في غنى عنها هههههه

 

[الباطنيه]

جزاكن الله خير على الردود
انا مقتنعه ان الوحده تنجب عدد معين من الابناء بس بعدين تتفرغ لروحها ولزوجها ولعيالها
اشوف هذى اللي ما عندها غير الانجاب
مهمله بزوجها وبنفسها وبعيالها
على بو انها خصبه وتنجب وصغيره​

 

[ام سلطان وسارا]

الحمدلله على كل حال بس التربيه البحين صعبه والعيشه اصعب الله يخليلج هالخمسه ان شاء الله

 

[MannaR]

خلاص خمسة ودلعي نفسك ياعسل

الحمد الله ع كل حال​

 

[كركمان]

انا متفقه انا وزوجي 1 ويكفي العمر كله
الله يجيبه ويجيب بركته معاه

 

[مرت ولد الحموله]

اامي الله يطول بعمرها جابت 8
وام زوجي جابت 15
واشوف امي وام زوجي فيه فرق شاسع من ناحيه الحياة ام زوجي كل وقت وداخل عليها احد من عيالها الظهر العصر بعد العشاء ((يعني لاقيه من يسليها وبقضي عليها النهار ))
اما امي بناتها تزوجو وراحو لبيوتهم واخواني الله يصلحهم كلن عايش حياته
امي جالسه اغلب النهار بروحها
يعني البركه في التربيه لا في الكثره
يمكن واحد عن خمسه
ويمكن خمسه مايسون واحد
وفي الاخير رددي الايه ///ربنا هب لنا من ازواجنا وذرياتنا قرة اعين واجعلنا للمتقين اماما//

 

[زحل..]

احسه كفايه بهالزمن الله يطرح فيهم البركه يارب

بس ماتدرين يمكن يجي وقت تحنين فيه لنونو يرضع او يجري حولك المشاعر تتغير فلا تحكمي من الان

 

[يفداني بقلبه]

اذا انتي وزوجك مرتاحين على كذا خلاص الله يبارك لك فيهم

 

[ساميه1]

الله يخليهم لج ماشاءالله 5 اكفايه
الحين تقدرين تتفرغين حق روحج وحق ريلج تقدرين تهتمين بروحج
انا عندي هالقناعه اجيب وانا صغيره ولين وصلت 30 خلاص اهتم بروحي وبزوجي وعيالي ما ارد اجيب واربي ياهل صغير واعيال بالمدرسه جذي تعب وايد
علي انا ودي اجيب 3 او 4 بس زوجي مايبغي غير الا واحد او اثنين بس لالا مايكفون على الاقل 4 حلوين

 

[رقــه وعـذوبـه]

كفاااايه مررره 5والله يخليهم لكم التعب

موالحين التعب إذا كبرتي وانتي لس تربين عيال

 

[الباطنيه]

ربنا هب لنا من ازواجنا وذريتنا قرة اعين واجعلنا للمتقين اماما
الله يجبر بخواطركم ويعطيكم اللي تتمنون
اللهم قنعني وبارك لي بذريتي

 

[روح الزعفران]

الحمد لله خمسه نعمه من رب العالمين وخصوصا ان زوجك مقتنع وماعنده مشكله .. بصراحه اللي ينصح بالحمل ماياخذ شي من التعب والسهر كله على ظهر الأم الله لايحرمنا الاجر

 

[أم حميدة]

جيبي مادام أنك بصحة وعافية وما عندك مشاكل صحية ، ووقفي على سن 40 سنة ، يكون الجسم بعدها أقل تحملا ، هذا من رأي وبراحتك :21:
( تزوجوا الودود الولود ، فإني مكاثر بكم الأمم يوم القيامة )

 

[دلوعه اسعد]

يا اختي انا وخطيبي متفقين 2 او 3 مافي داعي للكثره انتي خلاص 5 وبس الله يخليلج اياهم رتربيهم احسن تربيه