اختي كاتبه محرره انتي قلتي فضفضوا وانا والله قلبي متروس حجي فعذريني اذا طولت عليج وعلى باقي العضوات,,,,
1-كـــم دامـــت فتـــرة زواجــــك..؟
دامت اربع سنوات
2-هل عـــندك اطــــفال.؟ وكــــم عددهــم؟
عندي وولد ووبنت,,الولد 3 سنوات والبنت 6
3-ماكـــان ســبب الطــلاق بنظرك.؟
السبب امه واخته...ايه هم اللي فرقونا,,,وهم الايد الخفيه اللي لعبت وراء الكواليس,,
والسبب انه صارت مشكله بيني وبينه وانا نفاس وراح علم امه وامه ماصدقت خبر قامت هولت المشكله واخته كملتها
كنت نفاس وتعبانه وفوق هذا هو اللي غلطان علي,,,
4-هـــل انتــي راضـــيه بالطــلاق الان..؟
في بدايه طلاقي او اول سنه ماكنت راضيه,,,لكن اللحين لاوالله الا مرتاحه وسعيده جدا جدااا
5-هل كان طلاقك (خلع / فسخ عقد نكاح / طلاق ).؟
لا هو اللي راح طلق لان المشكله وقعت وانا نفاس وبعد ولادتي بخمسه شهور كفأني بالطلاق
بصراحه مدري ليه هو بعد ماصارت المشكله ماطلقني على طول,, قعد له فتره قرابة خمسه شهور بعدين طلق,,
6- هل كان طلاقك بشكل ودي...ام بالمحكمه..؟
اخ ياكاتبه,,,سؤالك هذا حيرني مدري شلون ارد عليك,,لانه صعب تدرين ليه,,,لان اخته متزوجه اخوي وهم عفسوا السالفه وكان اخوي يجيني ويقول ان طليقي مايبني ومايحبني وانه يقول عني عووووووع,,,واخوي يروح لزوجي ويقوله نفس الكلام,,,تستغربين سكوتي اني ماتكلمت لاني وقتها منصدمه ايه منصدمه من افعال اخوي,,وبالاخير جاء طليقي,,,,وكلم اخوووي كلااااام طويل وجاء اخوي ومسكني وقال من الاخير اقولك زوجك بيطلقك قلت طيب وش الكلام اللي قاله لك قال مالك دخل خلاص هو قال انه يبي يطلقك وبس<<<الحظتها حسيت ان اول من فرح بطلاقي اخوي ولد امي وابوي,,,امي بكت وانصدمت,,وانا رفعت كفاي لله وقلت اللهم اخلفني في مصيبتي وارزقني خيراا منه,,وراح للمحكمه هو واخوي وطلق,,,,
كم عدد المشكلات اللتي كانت تحدث بينك وبين طلقيك عندما كنتي معه بالشهر؟؟
ماذكر بس مشاكلنا كانت سخيفه واغلبها انه مو فاهمني ابداا
8-هل تزوج طليقك..؟
ايه تزوج قبل اربعه شهور
9- اذا عندك من طليقك اطفال...مامصيرهم الان.؟وهل هم سعيدين لما وصلت لها الامور.؟
عيالي ولله الحمد عايشين احسن عيشه,,,بس بنتي فاقده ابوها وهي المتضرر الاول في الطلاق لان ابوها حنون عليها
وكانت لاشافته ماتفكه لان قليل ماكانت تشوفه بسبب سهره ودوامه,,اما ولدي مايدري شطبخه لانه من فتح عيونه ماعرف الا امه وجدته واما ابوه مادرى عنه
10-كم عدد الخطاب لك بالسنه.؟وماوضعهم الاجتماعي..؟
تقدم لي واحد لكنه غير مستقر في زواجه ويبي يتزوج على زوجته بس انا رفضت وقلت مابني سعادتي على تعاسة الاخرين ولربما رفضي له فرصه لعوده المياه لمجاريها,,
11-هل شعرتي بالراحه بعد الطلاق..؟
ايه ارتحت حيل يكفي اني اناااام عدل
12-هل تتمنين ان تعود السنين الى الوراء وتعودين لاحضان طليقك؟؟
قصدك بهالسؤال اني اشتاق لزوجي,,,احيان اشتاق اني اكون معه لكن مجرد مافكر بالعوده لاحضانه
احس بجرح يختلج صدري,,,لان جرحه كبير كبير كبير,,
13-اذكري 3 عيوب تذكرينها بطليقك وكانت سبب او دافع لطلاقك منه..
بخيل,,,دايم هو الصح والناس الغلط,,,,,,ضعيف شخصيه ويسمع لاخته وامه
14-اذكري 3 محاسن لطليقك..تحنين لها بالوقت الحالي..
محاسنه القاها واشوفها مع اهله اما معي ماذكر أي حسنه له,,,سوى انه حنون مع بنته وبس
15-هل فكرة الطلاق كانت منك..ام من زوجك..؟
لا مني ولا منه من امه واخته واخوي,,,بس هو اللي نفذها,,
16-هل تزوجتي بعد طلاقك.؟واذا كانت الاجابه بنعم هل زواجك الاخر ناجح.؟
لا ماتزوجت
17-كيف تقضين يومك من دون طليقك اللذي اعتدتي عليه.؟
نت,,,اقرى كتب,,,امارس هوايتي من رسم وكتابه,,واتسوق
18-هل تتذكرين الماضي وتحنين له..؟ام مسحتيه نهائيا..؟
ماذكر الماضي الا اذا شفت او سمعت بشي يرجعني للماضي مثل لما اشوف البوم زواجي او أي شيء يرجعني لورى
هني اذكر الماضي واكيد اذا ذكرت شيء حلو اتمنا اني ارد له,,,نحن بشر وجميعنا له ماضي سواء كان زين او شين,,
19-كلمه تريدين ان تقوليها لطليقك...
اشكرك لانك طلقتني فبطلاقك ايقظتني من غفلتي,,,,اشكرك
20-كلمه تقولينها لانسانه مطلقه مثلك....
صحيح ان الحياه من بعد من نحب صعبه,,,لكنها ليست بمستحيله,,,
عيشوا حياتكم وانظروا لقدام والدنيا ماتوقف عند احد مهما كان,,,
الطلاق انطلاق لحياه اجمل واحلى وارقى,,,وعسا ربي يرزقنا باللي احسن من اللي فات,,
21-كلمه تقولينها لزوجه سائت عشرتها مع زوجها وتفكر بالطلاق..
لا تخلين الطلاق اول حل لحياتك,,,,الطلاق اخر الحلول وعلى قولتهم اخر العلاج الكي,,,
اذا الزوج فيه رجاء وامل,,,فاصبري عليه,,,اما اذا كان ميح ومامنه رجاء فلا تظلمين نفسك ابدااا
22-صفي مشاعرك الان بسطرين او اكثر وماالذي تشعرين به بعد الطلاق ومالذي يضايقك بالحياة بعد الطلاق.
الحمدالله انا مرتااحه حيل والله لاغير علي ان شالله...بس اللي مضايقني في طلاقي انه ماجاء من اقتناع من زوجي للاسف جاء عن طريق اهله,,,لو انه جاء منه كان قلت عادي لكن جت من غيره,,,وهذا ان دل دل على ضعفه كشخص وزوج,,,,بس دايم اشعر بشعور داخلي ينادي فيني ويقول بيرجع بيرجع<<<ليس املا فيه لكنه شعور احس فيه لا اكثر ولا اقل اتمنا تفهموني,,,
23-كيف تجدين معاملة اهلك لك بعد الطلاق.؟
الحمدالله اهلي مو مقصرين معي وعارفينه عدل والمشكله ان اختي بعد ماخذه اخوه ويوم طلقوني طلقوا اختي معي فصرنا مطلقتين فاهلي اكيد مقدرين وواقفين معنا وبشده لان اللي خذونا مو كفو لنا,,
24-كيف تقضين وقت فراغك.؟
اقعد مع عيالي مع اني شوي اتنرفز من صجتهم بس شسوي مالي الا الله ثم هم...وانام واطلع شوبينق يعني هيك شيء,,,
25-امنيه تتمنين ان تتحقق....
اتمنا ان انجح في دراستي لان باقي لي سنتين واتخرج من الثانويه...واتمنا ان ربي يخلي لي امي وابوي وعيالي...وان ربي يرزقني بالرجال المصلي المسمي الصايم,,,,ويرزق بنات المسلمين,,,
26-كم تستغفرين الله من مره في اليوم؟او في الاسبوع؟او في الشهر.؟(بصراحه)
باليوم مره<<<<عسا ربي يهديني ان شالله
27-كلمه ترددينها دائما لاقرب الناس لك..اختك او صديقتك.
الله يعين
27-اخر كلمه قلتيها لطليقك..؟
ابدفن ذكراك بالتراب,,,
28-كلمه او فعل كان يبدر من طليقك واشتقتي لها..
لا يوجد
29-هل انتي متفائله بالمستقبل..؟وكيف تتوقعين مستقبلك..؟
حيييييييييييل متفأله ان بكره اجمل واحلى .....ومستقبلي ان شالله متوقعته زاهي وحلو وجميل
30-السؤال الاخير.....لو قلت لكي كلمتان (ناجح / فاشل )
وقلت لكي كلمتان اخرى (زواج / طلاق ) وطلبت منك ان تربطي بين كل كلمتين من الكلمتين الاولى للكلمتين الثانيه..
مثلا :ناجح>زواج فاشل>طلاق او العكس
بمنظورك مالذي كان ناجح بالنسبة لك وماهو الفاشل.؟
زواجي فشل لكن طلاقي نجح,,,,,,,وسبحان الله مع اني كنت متمسكه بزوجي ومابي الطلاق وصبرت عليه وعلى اهله الا اني بالاخير تطلقت الله يقول,, عسا ان تكرهوا شيء وهو خير لكم,,,,,
وبمنظوري ان وراء كل فشل نجاح باهر,,,الفشل هو الدافع الاساسي لنجاح,,,وانا استفدت من طلاقي اشياء كثيره,,,,ويكفي اني عرفت الناس اللي كنت مغشوشه فيهم,,
اشكرج ياكاتبه انج خليتني اطلع مافي صدري لاني مطلقه من سنتين ونص ومافضفضت لاحد...مشكوره يالغاليه حيييييييييييل:32:
