المراهق خبير الالكترونيات ..عندما يتكبر علي والديه

[راجيه الرضا]

المراهق ??غالبا بيظن انه أكثر علما و خبرة و دراية من والديه لييييه؟
غالبا بتبتدي الامور في التصاعد معاه من مرحلة ما قبل المراهقة
لما بيكتشف انه اكثر خبرة في الاليكترونيات من والديه ( الدقة القديمة)
و لما بيلاقي أهله جاهلين بمجتمع اليوتيوبر والجيمر
نظرا لقصر نظر المراهق ورغبته في التميز و اثبات الذات و النزق المميز للفترة دي
مش بيقدر يفصل أو يميز
و بيعمم جهل والديه في المجال ده لجهلهم المطلق في كافة المجالات?
و بالاضافة لانبهاره بمعلومة جديدة اللي بيخيل له ان ده اكتشاف و لا يمكن والديه يكونوا وصلوا للمعلومة دي
يعني
كان بان عليهم ?
بيظهر ده من خلال نظراته المصدومة ان الوالدين عارفين المعلومات دي واكتر من سنين ضعف عمره او اكتر
فبيحس نفسه أعلم و أخبر و أدري منهم بالحياة
أو على أحسن الفروض بيحس انهم في مستواه
راسه براسهم يعني

على الوالدين انهم ياخدوا الامر ده ببساطة وود يفهموه ان مش عشان جاهلين بشيء يبقي جاهلين في كل شيء
و مايسخروش من جهل ابنهم
و لا ياخدوا الموضوع بتحدي

فترة وهتعدي
يقصرها علاقة الصداقة والود بينكم
و يلطفها الدعاء لله والتوسل له بالهداية و التربية على النحو الذي يرضاه
و الالتزام بمنهج علوم شرعية تعلم الابن التقوى و حقوق الوالدين و البر و غيره

إلا إذا الامر ده تطور وخد منحني مرضي مع الابن
وبدأ يجادل بدون احترام
و يسخر من الوالدين وآرائهم
لابد من توضيح ان ده من العقوق
و لازم اتخاذ وقفة تربوية حازمة حتي يرتدع
نتجنب الضرب لأنه غير مجدي و ضرره أكثر من نفعه

ممكن تجنب الكلام معاه
او التجاهل لفترة
او عدم تلبية طلباته
حرمانه من الاجهزة الاليكترونية
استمرار الدعاء في قيام الليل لهم بالهداية
والله المستعان

هدي الله أولادنا و رباهم وأصلحهم لنا
#دشيمامشرف