المبيض البطئ .....

[بنت النــور]

انا لحد الان موب فاهمه الطبيب يقول ان المبيض عندي بطئ رغم الابر المنشطة اللي يعطيها لي يعني ينتج كمية قليله من البويضات مقارنه بكمية الابر اللي اخذتها

ويقول ان جودتها جيده و حجمها جيد لكن عددها قليل

طيب هاذي في حالة اني اخذت ابر منشطه لكن في الشهور العاديه ؟!!

انا قرأت وبحثت في غوغل ولقيت اسم ( كسل المبيض)


فهل كسل المبيض هو نفس حالتي ؟؟


وهل انتظام الدورة دليل غير كافي على انتاج بويضات صالحه للاخصاب ؟؟



سؤالي اللي للاسف ماظنيت الطبيب قدر يفهمه.


هل كون المبيض بطئ مع استخدام الابر المنشطة ... يعني ان تاخر الحمل في الشهور العاديه اللي مااستخدمت فيها اي منشطات ... ايظا سببه بطء المبيض ؟؟ طيب شلون يكون بطئ وانا دورتي الشهريه منتظمه كل شهر ؟؟




رجاااااااااااااء اللي فاهمه تفهمني

 

[المنــــى]

حياك الله بنت النور ...

أنا مثلك تقريبا لكن دورتي مو منتظمة كلش أحيانا تجي كل شهر وأحيانا تطوف يعني
كان تأخيرها مقبول نوعا ما ...

وفحصت بالسونار المهبلي وتبين ان عندي مبيض نشط ومبيض خامل بس الأثنين فيهم
بويضات بس ضعيفة جدا تمنع الحمل كانت بدون التنشيط 6 و8 .. وبعد الكلوميد وصلت 9 بس

وأخذت 4 أبر في اسبوع واحد كانت مغامرة والحمدلله وصلوا لحجمهم الطبيعي
وكان زوجي يسأل الصيدلي اذا الأبر مانفعت شنو بعدها قال في ألف طريقة وألف نوع
والدكتور يحدد نوع الأبر اللي تحتاجها المريضة ...


وكون عندك بويضات حجمها زين اذا مانزلت في اليوم 14 من دورتك
اطلبي تلقيح صناعي ... لأن الدكتور لازم يشوف البويضة برى المبيض وحجمها زين
بعدين بيقولك لازم فيه جماع لمدة 3 أيام على الأقل ... وبإذن الله يصير حمل ...

ويمكن تكونين كبيرة بالعمر يخلي بويضاتك قليلة ...
وتأكدي تماما ما في مشكلة الا ولها حــل ... الطب تقدم كثير وكل يطلعون لنا بإختراع .....

وهذي تجربتي ومعلوماتي اللي على قدي :blush-anim-cl:

الله يرزقك يارب وكل محروم ...



:icon26:
​

 

[عيون حورية]

اختي البردقوووووووووووووووووووووش منشط قوي للمبايض وباذن الله بكتي لك ربي الحمل عاجل غير اجل

 

[أم حميدة]

ملعقة حلبة مع ملعقة مرامية على كاسة ماء ويغلى ويشرب مرتين في اليوم لمدة شهر منشط طبيعي وبدون أضرار ومجرب