الماضي...ولا الحاضر؟

[(همس)]

السلام عليكم يا بنات المنتدى
انقل اليوم لكم حيرتي واتمنى انكم تساعدوني وما تبخلون علي بالدعاء
وياليت لو الاستاذه ناعمه تعطيني رايها وتساعدني
ما بطول عليكم
تقدم لي شخص مناسب جدا..خلقيا ودينيا ..عايلته مناسبه..دراسته وشغله ممتازين..
ابوي وامي مرتاحين للولد..وهو يحبني حيل..وصارله اكثر من 7 سنين ينطر عشان يخطبني..بس المشكله اني ما احبه..ما اكنله مشاعر..ارتاحله واحترمه..ووايد مقدره مشاعره..بس ماعنجي تجاهه نفس المشاعر ..
كان فحياتي قبله حد ثاني..معاه صج حسيت بالحب..بس عقليا ما كنت مقتنعه..وادري ان الحب مو كل شي بس للحين هالشخص له مكانه غير فقلبي رغم ان انقطع كل شي كان يربط بينا وبقرار مني انا...
الحين انا صج خايفه ومحتاره..اخذ اختيار العقل اللي ماحبه على امل اني احبه.. ولا اخذ اختيار القلب اللي مو مقتنعه عقليا فيه؟
اخذ الماضي و لا الحاضر؟.
واذا تممت زواجي هل بحب ريلي..وبنسى الماضي؟
حرام اخذه وما احبه كثر الحب اللي هو يحبني..مايستاهل والله
صليت استخاره اكثر من مره وماشفت شي واضح..بس حسيت اني مرتاحه والامور تتيسر اكثر واكثر..
انصحوني والله اعدكم مثل خواتي..وادعولي الله يخليكم

 

[nsaim]

مرحبا
لييييش التفكير
الحاضر ... طبعا
يقول المثل .. حذ اللي يحبك واترك اللي تحبة
واكييد لو فتحتي صفحة يديدة بتنسين الماضي وبتعيشين اروع حاضر

 

[قمر_ الامارات]

يااختي خذي الانسان الي يحبج ومادام صليتي الاستخاره والامور اتيسرت انشالله هذا خير لج وما ندم من استخار الله
ومادام هو انسان اوكي وطيب وشكله مقبول ليش ماتحبينه؟؟؟ ليش انتي مش متقبلتنه؟؟؟
خذي رجل هو يحبج لا تاخذي رجل انتي اتحبيه
الله يوفقج يا اختي ولا تترددين ما دام استخرت ربج

 

[(همس)]

مشكورين يا بنات على دعواتكم الحلوه
الله لا يخليني منكم
تدرون..لما تمر علي لحظات افكر فيها بالماضي..احس اني خاينه لهالخطيب الطيب
وهالشي وايد معذبني وزايد فحيرتي وعذابي

 

[قيسيه بنت قيس]

لآتقولين خاينه كل ابن آدم خطآء وخير الخطائين التوابون توكلي على الله حتى هو ماتدرين عن ماضيه كلنا نمشي بستر الله