اللي مرت بموقفي ياريت تساعدني.. انا اتحداها

اولا سامحوني عالتاخير بس كنت في حاله يرثى لها...
ثانيا برد عليكم اول وبعده اقول لكم التفاصيل


vdhq قال:
كلام سليم


ابدا لاتواجهينه بعلمك بالموضوع

بتخربين كل شئ

وهو ماراح يتوب الا لو لعبتي صح

هدديه وهدديها باليميل الجديد

عرفيه انك ولد صديق لها وانها تحب صديقها وتلعب على زوجك




خليه يعرف انها لعابة
أنقر للتوسيع...

سالفة التهديد مو مضمونه نتايجها
وحتى لو عرف انها لعابه مااتوقع انه بيتركها... لانها كانت مفهمته انها مخطوبه ولااهتم
ماخذين السالفه صحبه وحركاات..

مشكوره على مرورك


؛%النادره%؛ قال:
اتحداها فووووووووقي خلاص هو قرا المحادثه شنو تنطرين اكثر يعني فباله انج ساكته ياقلبي
شوفي مهو من صالحج اتسوين نحاسات وخناقات لانج حامل عشان كذا روقي واذا تبين نصيحتي خربي اللاب توب مره وحده خخخخخخخخخخخ
الله يوفقج
أنقر للتوسيع...

شسوي يااختي النفسيه زفت وكل يوم المشاااكل تزيد عن اول...
خناقات على اتفه الاسباب..
حسيته رخص فيني خلاص...

اخرب اللاب تووووب؟؟؟؟ ياريت بس...


الوااااان* قال:
الله يعينك
أنقر للتوسيع...

الجميع ان شاء الله.... مشكوره


لون الربيع قال:
انا تابعت قصتك وبرائي انتي مرتاحة تهدئي والاوضاع بينكم تكون اهدىء
عندي لك فكرة سويها ورتاحي بلا وجع قلب وبلا هم وقلق اعصابك ماراح تتحمل
وراح تزرعي الشك بقلبك وماراح ترتاحين
مافي انسب من المواااااااااااااااااااااجهة

بس فكري شوي معي وشوفي هالحل يناسبك اولا
  • انتي خلك وااااااثقة ولاتبيني انك مهزوزة تمام من الحين ارفعي راسك وابتسمي ابتسامة رضى واحكي مع نفسك مازلت واثقة بقدراتي ماراح اخسر شي لو واجهت
  • خلي في بالك ان عندك نسخة وتسجيلات صوتية واثباتات عليها وعلى زوجك وحتى لو ماعندك بس هذا الحكي لو اضطريتي تقولي ضروري تخبري زوجك فيه عشان لايعتقد انه مسح اثار المهزلة اللي صايرة
  • استعيني باخوك واأحد ثقة من العائلة وخلي يوديك لها المشغل وقربي منا واهمسي بادنها ترى لو استمريتي بفضحك الحين وعندي كل الادلة وانا راح اطول بالي دقايق بس حتى تجي على جنب وتقولين لي السالفة كاااااااااااااملة وسجلي صوتها يعني خلي المسجلة في جيبك تشتغل من اول ماتدخلي المحل ولاتناقشيها كثير انتي اسمعي حكيها وخلك جافة وحازمة معها واذا خلصت حكيها قولي لها انتي زودتيها وانا صبرت ومن اليوم راح تشوفين تصرف ثاني واتركيها واطلعي من المحل
  • خلك حازمة وقوية مع زوجك واجلسي معى اخوك ودقي عليه يجي عندك في بيت اهلك
  • خلي اخوك يحاكيه وانتي ساكته ومايكون احد ثالث معاكم عشان سرية الموضوع
  • بعدها احكي كل اللي بقلبك وخبريه انك عرفتي كل شي وانك مسجلة وماخد احتياطاتك وان اللي سويته مو غلط عشان تحمي نفسك وتحميه وتحافظي على بيتك واذا هو يشوف تصرفك خاطيء يحكي
  • وخلي اخوك يخيره بينها وبينك قبل مايطلع من باب بيت اهلك وهذا راح يكون درس اله بعدها راح تعرفي ايش اللي بقلبه
وخبرينا ايش يصير معك متابعين ربي يحميك
أنقر للتوسيع...




الف الف شكر على ردك المطول وان شاء الله في ميزان حسناتك...

بس انا في منطقه واهلي في منطقه ثانيه...
ثاني شي اخوي في ابتدائي....:31::31: وما عندي غيره..

بس بداية الخطوات حلوه

الرد الجاي بقولكم التطورات الحلوه اليومين اللي فاتوا
 
بعد ماكلمت الوالده الله يحفظها وكنت منهااااره منه ومن عصبيته على اتفه شي...
قعدت ابكي وابكي والله كسرت خاطري صحيتها من النوم بمشاكلي...
ماقلت لها شي عن سالفة الخيانه... قلبي مايطاوعني...
بس قلت لها عصبي واني منغاظه منه ومايتفاهم وكذا..
وجلسنا نتكلم تقريبا ساعه ونص

طبعا هو شافني منهاره وابكي بصوت عالي لاني ماقدرت انام فطلعت من غرفة النوم ورحت اكلم امي...
وطبعا ماجاب خبري...
المهم اليوم الثاني كل واحد ساكت اهو يحاول يتكلم بس ماعطيته وجه لاني هالمره غيرررر..قلت ماراح اعديها له..
قالي اذا تبين ترتاحين بيت اهلك اسبوع مافي مانع انا بويك لهم.. قلت لها لا ابوي بيجي ياخذني بعد بكره..
قال ليه انتي كلمتيهم.. قلت له كلمت امي واتفقت معاها.. كان يتكلم بصوت هادئ ويقول ماكان المفروض احد يدخل..
قلت له كل مره اسكت عن حقي ولااشوف شي..

طلع للدوام وارسلت له مسج انا مستعده للتفاهم بس بدون عصبيه.. كلمني وجلس يعتذر ويغلطني طبعا ويقول اثنينا مشتركين في الغلططط كالعاده..
المهم قلت له اوكي بس مدة هالاسبوع ماابيك تفتح اللاب توب.. خلنا نجلس مع بعض.. قال اوكي وعد
واللي تبينه بيصير.. وامري وماادري ايش...

ولما رجع من الدوام جلس جنبي ومافتح اللاب وجلسنا نسولف سوالف عاديه يعني.. وعدى اليوم على خيرر..

اليوم اللي بعده (امس) جا من الدوام ونفس الشي جلس يسولف ويدلع ومدري ايش..
بعد شوي انشغلت انا مع الولد.. وهو في هالفتره على طول فتح اللاب... ولما مريت جنب الغرفه.. سوى نفسه مو جالس يشتغل عليه.. سكت قلت اوكي انا ماكنت فاضيه وفتحه مافي مشكله..

بس المشكله لما بدلت الولد استعدينا للنوم جاب اللابتوب وحطه عالسرير وشغله قدام عيني...
انا ماقدرت اتكلم بس كنت معصبه وهو يكلمني عادي بقواية عين..
وكنت ارد عليه بجفاف.. قالي شفيك عشان اللاب توب.. قلت ايه قال ليه شفيه اللاب توب(( وتلوموني فيه يرفع الضغططططط) قلت له وين الاتفاق.. قال بس بنقل شي عالجهاز وماادري ايش
ماعطيته وجه ونمنا
واليوم قبل مايروح الدوام ماكلمته
ولما طلع ارسلت له مسج
""زوجتي العزيزه.. انتي ولاشي في حياتي ولاهمني زعلك روحي ارقعي راسك بالجدران"" هذا اللي فهمته من حركتك امس...

رد علي امس كنت تعبان (هذا المهرب لكل المشاكل عنده حتى مو فاهم انا شقصدي)

وبعدها اتصل علي وجلس يخربط بالكلام كثييرر ويرفع صوته ويعصب.. ويقول لي هذا مايعتبر وعد (!!!!) هذا شي شخصي ومالك دخل فيه..
انتي لك مني وعد مااعصب عليك ومااضربك ومااخونك.. وبس
هذي الاشياء شخصيه ومالك دخل فيها.. طبعا مالي مجال اتكلم.. او اقول اي شي...

بعد كذا دارت بينا مسجات وطلبت منه يدخل عالمسنجر من جواله عشان نتفاهم...

النقاش والجدال معاه عقيم لانه فنان في قلب الموضوع كله علي واني واني واني....

وبس
الجزء الثااااالث مشوق جدا معلومات خطيره اخذتها اليوم عن بنت الحقيييييييييره ومخططاتي الجديده
 
انا كنت شاكه انه حذرها مني لانها صارت ماتدخل المسنجر ابدددد

وحتى لو ارسلت لها اوف لاين ماترد..

بس الحمد لله اليوم دخلت وفهمتها ان نبي نخطب لاخوي وسالتها اذا عندها خوات قالت لي انا موجوده (هذا اللي تقول مخطوبه) قلت لها وين خطيبك قالت مشاكل واحتمال اترك

باختصار عطتني اسمها وعايلتها ورقم بيتهم وجوالها واسماء اخوانها كلهم وكل واحد وين يدرس..
ودلتني عالمركز اللي تشغل فيه

ومواصفاتها بالكامل (من زين المواصفات)
مليانه وقزمه..( الكلام اللي قالته حرفيا)
شعرها مو اسود ولابني ولااشقر بس داكن... وقصير

ماتحب المكياج ولاالاكسسوار
ولا تلبس تنانير.. وكل ربعها يقولون عنها ولد من حركاتها وشكلها !!!!!!

والاهم من كل هذا ارسلت لي صورتها وهي صغيره...
ودي احطها هنا عشان تتفرجون معاي على الحواجب المتصله والانف الفلبيني والعيون الصغيره..

بس مهما يكون بلاش فضايح
لوووول

طلبت منها تشغل الكام قالت يمي اخواني وكذا.. بس ان شاء الله اقدر اقنعها..

انا مفكره اطبع كل البلاوي اللي عندي واروح لها في وظيفتها واسجلها مثل ماقالت الاخت لون الربيع واهددها بالفضايح...

وبس
 
قواك الله اختي
الله يربط على قلبك
ويسخر لك زوجك
ويبعد عنه بنات الحرام
ويهديه
وكل مسلم

متابعينك
 
الله ينصرك عليها
قولي لنا وش آخر المستجدات معاها
أخيرا شفنا زوجة تتصرف صح
الله لا يبارك في بنات الشوارع
 
مرحبا اختى انا برئيي ان لاتصارحيه انا اشعر بما تشعرين به صعب ان تعود الثقه بين الزوجين ان حدث هناك خيانه هناك جرح يبقى اثره لاكن متى يئثر في نفسنا عندما نذهب للمرءاه لنراه ونبحث عنه هنا نفقد ثقتنا بنفسنا ويكون همنا ان نزيل اثره انا ارى اختى ان تستمرى على مائنتى عليه اهتمى بحالك اشغلى نفسك عنه اوقات واهتمى اوقات كونى كئمواج البحر مدا وجزر قد يتمادى اختى عند مصارحته اويتخذ الاسلوب الثانى الذي يتخذه اغلب الرجال وهوا ان يشعرك بنتهاء العلاقه بينما يزيد هوا تمسكا بها فلرجل طبعه العناد لايحب ان يغيره مخلوق اويفرض عليه فعل لماذا لاتتابعين محادثاته معها كما تفعلين واصبرى قليلا لتكشفي سر تعلقه بلحديث معها بينما انتى تعملين على جذبه نحوك انصحكى اختى لم يحن وقت المصارحه واستغبي وان كان قد اكتشف انكى تحدثينها فهاذا لصالحكى ان استغبيتى سيفكر بكى كيف صمتى وهل صمتك عدم اهتمام وغيره ام انكى تخضرين له مفاجئه وهوا سيقوم بمحادثتها دون ان يمنعكى من الوصول للمحادثه ليوصل لكى عدة نقاط ممكن انه سيحاول ان يعيد ثقتك به او يختبر ثقتك وصبرك والائهم ثقتك بنفسك اويحاول ان ينهى مابينهم بمحادثه تقرئيها فيما بعد وتكون مثابة اعتذار .هاذا رئيي
 
اختى انا سئعيد الرد لانى لم اتابع الصفحات الائخير التى تبين انكى واجهتيه وكان كلامى صحيح عدم الاعتراف بلخطاء والاستمرار فيه ردة فعله بما انكى تملكين ادله ارسلي لها رساله من ئيميل اخر مجهول دون ان يحدد هويتك انثى ام ذكر وانه لديك ادله واشرطه لها علاقه
مع رجل وان تترك ماهى فيه حفاظا على سمعتها وانكى مستعده ان تثبتى لها بصدق كلامك دون ذكر اسم زوجك ولاتقولين دعي فلان وهوا متزوج وانا زوجته ووويمكن تشتكى له الائمر وهنا سيقوم بدور المنقذ والرجل الشهم الى لايتخلى عنها ويزيد تمسكه لها وياليت ترسلين الرساله من جهاز غير جهازك وئيميل يكون جديد وليس فيه ئضافه الا لها فقط ممكن تعملى ئيميلات وهميه وتضيفينها في الماسنجر في حال اختراقه يكون مبهم
 
الله يفرج همك يارب وانتبهي تخسرين بيتك و زوجك علشان انسانة ماتخاف ربها وتهدم بيوت
خليك قريبة من ربك وربك بيسخر لك زوجك يارب ولاتنسي ان الرجال دائما يبحثون عن الحب حتا لو كانت زوجته مش مقصرة معاه بشي هذا طبع اغلب الرجال وليس جميعهم
احمدي ربك ما اقترف جريمة زنا او ضحكت عليه بنت من بنات الحراموخلته يتزوجها
حطي في بالك ان دائما الرجل اذا كان معروف وله شخصيته وسمعته بين الناس ترى النساء تحط عيونها عليه
ابدا لا تضعفي وخليك مع زوجك ولاتحسسيه بالذنب او الجرح علشان مايروح منك لغيرك
اضغطي على نفسك و جاملي ان ماكان علشان نفسك او علشان بيتك او علشانه فهو علشان ابنك
الله يسخر لك زوجك ويبعد عنك بنات الحرام
موفقة حبيبتي وبانتظار نسمع منك اخبار حلوة ان شاء الله
 
السلام عليكم

اسعد الله مساااءك عزيزتي ،

بصــراحة اعجبني صمودك وقوتك أسأل الله لك الثبااات والقوووة

وتراني ما سجلت الا عشاااانك والله


*
بداية كل شيء عندي سؤال هي عندها رقم جوال زوجك ؟


لان عندي لك فكرة نضبطها انا وانتِ بكل سهوله وبدون اي حوسه


لانك إن قابلتيها وجه لوجه ما تدرين وش بيصير والله هالللي مكلمة رجال مااا يعوق معها تسوي شييء أككككبر .
 
الله ينور بصيرتك وتتصرفين بحكمة بس اهم شي زوجك مايشوف محادثاتك معها واذا تقدرين تاخذين رقمها خذيه بس لاتصرين عليها في شي بعدين تشك فيك الله ينصرك عليها يارب​
 
ماعندي شي اقوله غير اني ادعي ربي بان يرد زوجك ردا جميلا يارب ويبعد عنه بنت الحرام يارب انك قادر على كل شي اللهم امين واتمنى نسمع اخبار احلى بالايام الجايه
 
اتحداها

اختي

الله يكون بعونك

بس ان كنتي بتعملي هالشي
حتى
ما تخسري زوجك

فخفي بالمشاكل
ادري انها صعبه بس لازم والله

والا الاحتمال ما يسيبها عشانك وممكن ينقل لغيرها

خليك قويه زي ما عرفنا عنك

وصممي ترجعيه بس لحضنك وبرغبه منه


الله يصبرك و ييسر لك الخير
 
اخيتي انا انصحك انك تكلمين اقرب الناس لكِ امكن احد يقدر يفيدك ويخفف عنك ودائماً استعيذي بالله من الشيطان الرجيم (الشيطان يعدكم الفقر ويأمركم بالفحشاء والله يعدكم مغفرةًمنه وفضلاً))
 
ميميته قال:
الله ينصرك عليها
قولي لنا وش آخر المستجدات معاها
أخيرا شفنا زوجة تتصرف صح
الله لا يبارك في بنات الشوارع
أنقر للتوسيع...


امين
الحمدلله الحين مسيطره عالوضع وهدات الامور بيني وبينه..ورجعنا اوكي
وبنت ابليس مابكلمها لين اطلع لي رقم ثاني بدون اسم لانها تلح على رقمي


سبـــــــــاء قال:
مرحبا اختى انا برئيي ان لاتصارحيه انا اشعر بما تشعرين به صعب ان تعود الثقه بين الزوجين ان حدث هناك خيانه هناك جرح يبقى اثره لاكن متى يئثر في نفسنا عندما نذهب للمرءاه لنراه ونبحث عنه هنا نفقد ثقتنا بنفسنا ويكون همنا ان نزيل اثره انا ارى اختى ان تستمرى على مائنتى عليه اهتمى بحالك اشغلى نفسك عنه اوقات واهتمى اوقات كونى كئمواج البحر مدا وجزر قد يتمادى اختى عند مصارحته اويتخذ الاسلوب الثانى الذي يتخذه اغلب الرجال وهوا ان يشعرك بنتهاء العلاقه بينما يزيد هوا تمسكا بها فلرجل طبعه العناد لايحب ان يغيره مخلوق اويفرض عليه فعل لماذا لاتتابعين محادثاته معها كما تفعلين واصبرى قليلا لتكشفي سر تعلقه بلحديث معها بينما انتى تعملين على جذبه نحوك انصحكى اختى لم يحن وقت المصارحه واستغبي وان كان قد اكتشف انكى تحدثينها فهاذا لصالحكى ان استغبيتى سيفكر بكى كيف صمتى وهل صمتك عدم اهتمام وغيره ام انكى تخضرين له مفاجئه وهوا سيقوم بمحادثتها دون ان يمنعكى من الوصول للمحادثه ليوصل لكى عدة نقاط ممكن انه سيحاول ان يعيد ثقتك به او يختبر ثقتك وصبرك والائهم ثقتك بنفسك اويحاول ان ينهى مابينهم بمحادثه تقرئيها فيما بعد وتكون مثابة اعتذار .هاذا رئيي
أنقر للتوسيع...


بالضبط نفس اللي في بالي
بس انا خايفه ياخذ سكوتي على انه ضعف..
المشكله الحين صار حذرر ومايكلمها بالبيت يكلمها اذا كان بالدوام..
عشان كذا ماقدرت امسك نفسي وزادت المشاكل
خايفه ان العلاقه تطورت

بالنسبه للرد الثاني انتي فهمتي غلط انا ماصارحته بس كان بينا مشاكل ثانيه واتكلمنا فيها.. اما هالموضوع ماكلمته فيه بالمره..

زحل.. قال:
الله يفرج همك يارب وانتبهي تخسرين بيتك و زوجك علشان انسانة ماتخاف ربها وتهدم بيوت
خليك قريبة من ربك وربك بيسخر لك زوجك يارب ولاتنسي ان الرجال دائما يبحثون عن الحب حتا لو كانت زوجته مش مقصرة معاه بشي هذا طبع اغلب الرجال وليس جميعهم
احمدي ربك ما اقترف جريمة زنا او ضحكت عليه بنت من بنات الحراموخلته يتزوجها
حطي في بالك ان دائما الرجل اذا كان معروف وله شخصيته وسمعته بين الناس ترى النساء تحط عيونها عليه
ابدا لا تضعفي وخليك مع زوجك ولاتحسسيه بالذنب او الجرح علشان مايروح منك لغيرك
اضغطي على نفسك و جاملي ان ماكان علشان نفسك او علشان بيتك او علشانه فهو علشان ابنك
الله يسخر لك زوجك ويبعد عنك بنات الحرام
موفقة حبيبتي وبانتظار نسمع منك اخبار حلوة ان شاء الله
أنقر للتوسيع...

الحمدلله على كل حال
ثقتي بربي كبيره..
بس دعواتكم لي بالصبر وطولة البال لان الحمل بدا ياثر على نفسيتي وصرت حساسه ومااقدر اتناسى الموضوع زي اول..
ان شاء الله تسمعي احلى الاخبار

 
ياحبيبتي استخيري الله في كل شيء بتسويه
وانا من رايي ما تصارحيه ولاتقوليله لانه لو قلتي له راح يسير الموضوع عنده عادي
او اذا بتقولي له قولي انا معد ابيك بروح بيت اهلي خليها تنفعك وتكونين جاده شوي
حتى لو ماتبي تروحين بيت اهلك بس تهديد .
تقبلي مروري والله وياك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل