اللي لديه خبرة في المتعاطين تساعدنا

[الهرومة]

السلام عليكم ورحمة الله اخواتي حابه اسالكم صديقتي متزوجة حديثا سنة تقريبا طبعا غير ان زوجها يكلم بنات وما يصلي ولا يقضي في بيته شي , موضوعي انها لاحظت عليه من اسبوعين يكلم واحد عن حبه ويقول بامرك واخذها ويتلخبط اذا كلمه ويقلب وجهه الوان واليوم يحايله بالسعر يقول ماعندي الا خمسين تبغاها احنا نهاية الشهر وانت تعرفني ما اقصر معاك بس تقول لو مخدرات كان مايقول مرني الدوام بس مدري هو عصبي جدا بدون اسباب واحيانا يهدا صارت تشك تقول يمكن يهدا اذا اخذ الحبه واليوم تقول وهو نايم يضحك زي المجنون انا قلتلها خذي رقم هذا اللي يكلمه اش رايكم واش المفروض عليها تسوي نفسي تكشفه صراحة الله يخليكم ساعدونا وهل هذا طبيعي والا احنا شكاكات لانه جننها وحاله ماينسكت عنه اليوم تقول البيت فاضي قام يخبط بالادراج ويخاصم ويقولها تعرفين الزق كررها كذا مره يوم قالت ايوه قال كليه امانه شوروا علينا ياخوات

 

[سهم العشق]

الله يعنيها بس --- زوجها لما يتعصب شكلو ما يعرف احد عشان كده خليها لا ترد عليه لما يتعصب عشان تكتفي شره --- وبالنسبه للحبه ممكن تكون حبوب منشطه واحتمال مخدر والله اعلم ما حتعرف الا اذا شافت بعنيها ايش هي بالضبط -- بس خليها تشوف تصرفات زوجها الغير طبيعيه وممكن تقرأ عن هذا الموضوع اكثر عن طريق البحث في قوقل عن اعراض اللي موجوده مع زوجها --- وما تقدر تسوي شىء الا بعد تعرف ايش هذه الا لما تأكد من هذه الحبوب وانو زوجها مدمن ---

 

[أرجواان]

الله يهديه ياااااارب

خليها تستخير دام ما عندها اطفال
ان ارتاحت تجلس وان مارتاحت الله يستر عليه

 

[تشكرات]

مادام زوجها لا يصلي فاللـــــــــــــــه يعينها ....ويعينه على نفسه ...

خليها تنصحه بالتقرب من الله ....ومن آداء الصلوات في أوقاتها ....وتكون عونآ لزوجها ( حتى تصلح من حاله ولها بالغ الأجر عند ربّ العالمين ) ...

أما بالنسبه للحبّه ......يمكن تكون حبوب مهدئه ..لأنه عصبي ...أما لو لاحظت عليه أمور أخرى غير العصبيه ( فلازم تتعرّف على نوعيّة هذه

البلاوي من أي شخص يكون ثقه لديها >>> حتى تتصرّف بشكل سريع لأنقاذ زوجها ....هذه خطوه أولى ...

أما الخطوه الثانيه ...لازم تتقرّب من زوجها وتحتويه وتتفهّم نوع شخصيّته ....حتى يتقرّب هو منها ....خصوصآ أنهما في بداية حياتهما الزوجيّه ....

كمان تتعرّف على نوع نمطه جيّدآ حتى يسهل عليها التعامل معه .....

أيضآ أوصيها بصلاة الليل والدعاء لزوجها بالهدايه والثبات عليها ....

ربي يعينها ويهدي زوجها ..

 

[ياغيابه]

مع اختي تشكرت


واتمنى تحذر من الحمل حاليا

 

[شيهآنة الشمآل]

عني انا خليها تهج عنه ..

بتنجن على كذا ..

الحمدلله الذي عافانا مما ابتلاهم ..

والا تكلم احد قريب لها تعرف منه وش حكاية هالحبه ..

 

[am lamo]

خليها تستخير كم مره بس هذا الجواب الخيره فيما يختاره الله

 

[الهرومة]

اشكركم اخواتي على ردودكم بس هي حامل في السابع وماادري اللي يسويه طبيعي عشان تنفذ بجلدها صراحه

 

[انوثتي فخري]

الله يعينها يارب ويصلح لها زوجها يا رب
لا املك الا الدعاء ...