اللي عندها خبرة لاتبخل علي

[تطلعات أنثى]

السلام عليكم ورحمة الله وبركاته
اخواتي البلقيسيات كنت فقط متابعة لهذا المنتدى الرائع جدا والمفيد في كل النواحي
لا أريد الاطالة ولكن هذه قصتي باختصار..
انا متزوجة من 4 سنوات وعلاقتي مع زوجي متوترة لأسباب اولا زوجي عنده ضعف ...
وكل ماألمح له انه لازم يروح دكتور وأقول هذا شي طبيعي ومنتشر لازم تتعالج طبعا ماقلت الا بعد سنتين ونص من زواجي
يقول مافيني شي قلت أقوله براجع دكتورة للحمل عشان يقتنع انا حللت طلع كل شي سليم الحمدلله وهو ماسوى تحليل كل يوم يقول بعده يتهررررب وغير كذا زوجي مدمن نت
مو مهتم فيني ابدا قبل فترة لقيت عنده صور وايميلات بنات تركته وطلبت الطلاق لاني كنت شايله عليه كثير
ورجعت بعد ماقالي حياتك ببتغير للأحسن وبراجع و و و ..
وللأسف ماتغير شي يعني مابينا علاقة غير أكل وشرب
يابنات أحس انه أخوي الكبير وبس
علما اني ولله الحمد كل الناس يمدحوني ومره اهتم في نفسي
بس سؤالي ليه يتهرب من العلاج واللي عنده ضعف يطنش زوجته كليا ولا يقرب منها
وربي تعبت ابي زوج يكون قريب مني يحتويني انا احسه ماحبني بس يبي زوجه والسلام

 

[شامخه غصب عليك]

أول شي ودااااااائم حطيها في بالك الجئي لربك
وأدعي بصدق والحاح انه يفرج همك ويصلح زوجك..
2 انتي أستخيري وصارحي زوجك انك لازم تتعالج
وهذا الشي عادي وكل الناس تحتاج تروح للعيادات
وحاولي أذا شفتيه ماتقبل او رافض قدامك حلول ثانيه شرعيه
دخلي حكم من أهلك وحكم من أهله وخلي احد محارمك يعرض عليهم المشكله أن وجد ناس حكماء....
أو دخلي لجنة أصلاح من المحكمه وهم ماراح يقصرون بهالموضوع
أو تخيرينه بين العلاج أو الطلاق أذا شفتي بنفسك قدره على ذالك
وحسب الي فهمت منك انه مابينكم علاقه ابد.
وهذا من حقوقك حتى يتم الأحصان
الله يفرج لك ويوسع عليك ويصلح زوجك ويخليه لك اااامين

 

[تطلعات أنثى]

يعطيك العافيه حبيبتي على ردك
لكن كل اللي قلتيه سويته
دخلت أخوه وأبوه وكانوا يجلسون معه ويعطيهم وعود بس تروح ادراج الرياح
وهالفترة اقوله متى بتروح يقول بعد يومين ومايروح انا مابي أصر أحس فيه انه بالموضوع
صرت أحسه مسحور أو بينا حسد

 

[دلع قلبه]

لازم تتخذين موقف صارم معاه
بالله جوابي بصدق وش مستفيده من هالزواج!!
حرمان من اهم شيء بسببه شرع الزواج
العلاقة الخاصه اللي يتبعها الانجاب!!
اتخذي موقف صارم معاه ولاترجعين له الا الين تتاكدين انه عرض نفسه على طبيب وبدأ يعالج
واستخيري واحسبي بصدق ايجابيات ارتباطك في هذا الانسان وسلبياته وايهم ترجح
ستعينك على اتخاذ القرار الصحيح بإذن الله..

 

[ღ اُمـ رامي ღ]

الله يعينك و يفرج همك ويسخرلك زوجك
اكثري الصدقه يا اختي بنية تغيير الحال الى الافضل
و الاستغفار والاذكار خصوصا في الثلث الاخير من اليل فسهامه لا تخطئ​

 

[تطلعات أنثى]

الله يعطيك العافية دلع قلبه مو هذه هي المشكلة دايم اسأل نفسي هالسؤال
انا اللي مصبرني اني أحسه طيب بس مدري اللي هو فيه شي أكبر منه ولا بسسب اهماله
ولاودي أتخلى عنه بهالسهولة بس بقولك بصراحه انا الانفصال في راسي بس احاول ادور على الأفضل

 

[تطلعات أنثى]

أم رامي مشكورة حبيبتي على مرورك والله يجزاك خير

 

[دانة الشام]

أنا مع رأي دلع قلبه...كوني حازمة أكثر...بالطيبة وحدها لن تنجبي أولادا ولن تشعري بالاكتفاء نفسيا وجسديا وشعور الحرمان شعور قاااااتل...انتبهي العمر يمضي بسرعة وهو قد يبقيكي قربه لسنوات وسنوات إلى أن تصلي للعمر الذي تذهب معه كل رغباتك وعواطفك وحاجتك للأمومة أدراج الرياح..يجب أن يتخذ خطوات عملية لحل مشاكله لتبقي وتستمري في هذا الزواج اعطيه مهلة واستخيري وربي يخترلك الخير.

 

[ايفوريا]

الله ييسر امورك ويهديه
ولا تسكتين مدام هو العيب منه عنده ضعف ولا يتعالج ويكابر
لازم يوقف عند حده
وياروحي لا تفكري في الطلاق الطلاق هو اخر حل تلجئي له اذا اصبحت حياتك ميؤؤؤؤؤؤؤؤس منها مع زوجك
والله يهدي سركم

 

[الجده الصغيره]

المرأه تتزوج طلبا للذريه...وهم سندك بعد الله إذا كبرتي..فكري بعقلك لاااااااااعاطفتك..​

 

[تطلعات أنثى]

مشكورة على مرورك وفعلا كلامك في محله الحرمان شعور قاتل خصوصا إذا انحرمتي من أهم حاجتين الحب والأمومة ربي يسعدك ويوفقك

 

[تطلعات أنثى]

عزيزتي ايفوريا يعطيك العافية وأنا ماقصرت مو قلت لكم تركت البيت ومن ضمن الأشياء اللي تناقشنا فيها انه يراجع حتى قلت له كل شي في خاطري بس لاحياة لمن تنادي قلت له اني ذليت نفسي بهالكلام وان فيه أشياء تفقد قيمتها اذا طلبتها منك وخلنا نروح شيخ نرقي عنده رفض رفضا قاطع

 

[تطلعات أنثى]

الجدة الصغيرة صحيح كلامك الله يعطيك الف عافية ومشكورة على مرورك

 

[تطلعات أنثى]

يابنات تكفون جاوبوني اللي زوجها عنده ضعف يبعد عنها ويهملها حتى لو كانت في أحسن طله لها ولا يعلق على اي شي فيها الا بشي جارح يعني مستحيل يمدحني

 

[تطلعات أنثى]

بنات والله محتاجة لاجاااابتكم

 

[تطلعات أنثى]

.........

 

[دانة الشام]

أعتقد أن مشكلة زوجك أصبحت نفسية ,,هو يريد أن يتصرف وكأنه لايراكي ليضعف من شخصيتك ويزعزع ثقتك بنفسك لأنه يعلم أنه غير قادر أن يوصلك لشعور الاكتفاء عاطفيا وجسديا...اعرضي عليه المساعدة الطبية وقولي له أنك ستسانديه بكل جهدك وعاطفتك..واستخيري ثم اتخذي قرارك...ربي يخترلك الخير..

 

[تطلعات أنثى]

الله يجزاك الف خير دانة الشام بس لو عنده مشكلة عضوية ليه مايروح لدكتور
يعني ماراح يخسر شي المشكلة ان زوجي متعلم وفاهم بس يكاااابر

 

[hadifa]

موقفك صعب وأنت صبرت على زوجك سنتين وهو لا يحرك ساكنا لو كانت المشكلة منك ما كان صبر عليك ليلة واحدة

زي ما قالت الجدة الصغيرة فكري بعقلك قبل عاطفتك

الله يفرج همك
​

 

[تطلعات أنثى]

hadifa الف شكر على مرورك وردك بس للمعلومية 4 سنوات مو سنتين يعني صبر دبل
وأنا لو مو متمسكه فيه كان من زمان تاركته على اني ماشفت شي يعوضني عن المفقود بس !!