اللي عندها حل تدخل تجاوبني

[بنت العز1]

\iخواتي راح ابدا بطرح مشكلتي لعلي اجد منكم اجابه شافيه انا صار لي متزوجه من خمس سنوات زوجي شمالي ويحب الاطفال وعندي بنتين وحده عمرها سنتين والثانيه عمرها سنه والحين حامل لي ثلاث شهور طبعا يااخوات لما جبت البنت الثانيه استخدمت مانع ست شهور وزوجي مو راضي يبغاني اجيب الثالث وضليت رافضه لحد ما وعدني يجب لي خدامه والحين بعد ماحملت ووقع الفاس بالراس صار يماطل مرات يقول ابشري ومرات يقول لاتجيبين سيرة الخدامه لانه خايف من امه واخواته يزعلون يجيب لي خدامه وهم لا ويعلم الله اني بحاجتها وهو مايحس يبغاني اتحمل واصبر مثل حريم اول يجيبون درزن اطفال ورا بعض بدون شغالات معاليش ياخواتي قصيت لكم حياتي واتمنى اني الاقي عندكم حل او وسيلة لاقناعه

 

[رين]

أختي عذرا ما فهمت شلون بنتك عمرها سنة وبعد ولادتها أخذتي مانع ست شهور والحين بالثالث؟!!

 

[خلف الاسوار]

اهلك اذا ممكن يوفرون لك خدامه ؟؟ وزوجك يدفع الراتب وبدون مايعرف اهل زوجك ان الخدامه منه

 

[نجوم الابداع]

بنت العز ماتهتز ولا تنذل

اوكيه حبيبتي حمليه المسؤؤلية ولا تجيبي طاري الشغالة

سوي روحك تعبانه ومافيكية حيل على التنظيف ووووووووووووووووووو حتى بنتك الي عمرها سنه قولي موقادره اشيلها وحمليه المسسسؤلية



واذا مافاد معاه لما تولدين لا تروحين عند اهلك اجلسي عنده بالبيت

وخلي زوجك يقوم في بناتك والله يكون بعونك خيتو

 

[متزوجه ولكن]

حاولي لاتملين لين يجيب لك

 

[بنت العز1]

يابنات الله يجزاكم خير انا نشئت في بيئه مرفهه اهلي واخواتي واقاربي كلهم عندهم خدم اما اهل زوجي واقاربه لاااااااااااااا عييييييب الحرمه لااااازم هي اللي تشتغل وتكرف وتحمل وتلد تطبخ وتصبر على الحلو والمر حتى الحريم الكبار العاجزات ماعندهم خدامات والحرمه عندهم اذا ماصارت سنعه وظفره ماتكون حرمه حتى زوجي يفكر كذا واذا جتني خدامه بيحطون عيوب الدنيا فيني واولهم خواته فكيف اتصرف في الحاله

 

[مايصحش هالحتسي]

سايسي زوجك واقنعيه

وسوي روحك تعباااااانه مرررررررررررررررره وماتقدرين على شغل البيت تظاهري

 

[حبيبة فهودي]

خليه هو يجيب الخداامه واذا امه وخواته ازعلوا قولي اهلي جايبينهاا لي مو زوجي....واذا هو مو مقتنع يجبهااا اهملي البيت ولا تنظفين ولا تطبخين وقوليله انا تعبااانه وما اقدر على البنات وانا حاامل حطي اعذااااار اشكثر

 

[أم حميدة]

استعيني بالله من بداية يومك ، وادعيه أن ييسر لك يومك
وعليك بالتسبيحات الفاطمية قبل النوم كما أوصى الرسول بنته فاطمة فهي تكفيك عن الخادمة
فتسبحي الله 33 وتحمدي 33 وتكبري 34 وتهللي 33

أما من ناحية الخادمة ... مادام ما جابه لك ارضي ، ممكن ربي يريد أن يصرف عنك الشر
( وعسى أن تكرهوا شيئا ويجعل الله فيه خير كثيرا )

وأنت سمعت بقصص الشغالات والسحر واغرائهم للرجال
فانتبهي
واصبري ، ممكن ربي يرزقك بالوقت المناسب ، غاذ صبرت على ذلك ورضيت بقضاءه وقدره فيرزقك وحده طيبة وخلوقة
لا تستعجلييييييييييييي ،،،،
مافي أحد يأخذ أكثر من رزقها

إذا الله كاتب لك شغالة ، مافي مخلوق يرده ، وإذا الله اراد أن لا تأتي الشغلة ما في أحد يقدر يجيبه

آمني بالله وارضي بما قسمه الله لك

وطاعة الزوج فيه بركة عليك ، في غير معصية الله ، شوفي البركة ، بس عليك الصبر والطاعة ، طلبا في رضا الله عنك
وما عليك بالناس
كل واحد مختلف عنالثاني
وكل شخص اختباره مختلف عن الثاني

وهؤلاء أعطاهم الله شغالات ليختبرهم ( ولا تمدن عينيك إلى ما متعنا به أزواجا منهم زهرة الحياة الدنيا لنفتنهم فيه ورزق ربك خير وأبقى )