بسمة رجى
New member
- إنضم
- 2009/06/19
- المشاركات
- 180
السلام عليكم ورحمة الله وبركاته أخواتي بلقيسات أنا واثقة أنه كلكم عندكم شموخ وأبغاكم تساعدوني فمشكلتي هي مع زوجي اللي مبهدلني وماسح في الأرض وضارب في عرض الحائط أنا عارفة انكم حاتقولولي وش مسكتك عليه حقلكم السبب زوجي مسوي نفسه شخصيته قوية ويخوف وهو لاكدا ولاكدا المشكلة أنه لسانه طويل وسليط وما عنه غير السب والتجريح ودا طبعاً بحكم انه مدير مدرسه الحظ لاعب معاه بس والناس ما تخاف منه ولاكن تتقي شره وشر لسانه مع أنه امام مسجد ومطوع وخطيب جمعة بس على كبر طبعاً مة من يومه كذا اولاده يحطوا أغاني في جولاتهم وبناته يلبسوا عبي على الكتف وضيقة وعادي ولما أقله كيف يقلي كل واحد ادرى بنفسه ومصلحته يعني الطواعة عنده نفسي نفسي المهم نرجع لموضوعنا طويلات العمر اللي خلاني ضعيفة عنده كذا مع اني شخصيتي قوية على الكل ونظرتي حادة ويشوفني مع الناس كذا بس هو كاسر شخصيتي وأي مشكلة بيني وبينه يطيح في سب وشتم وتجريح وألفاظ جارحة مثل سافلة حقيرة دنفوسة هدرة وغيره من دا الكلام ويلبس هدومه ويروح لزوجته الأولى ويمكن يسحب عليها أيام ما أشوفه ولا يرد على اتصالاتي ولما يرجع ما أحسب يجي أصير أكسر نفسي علشان آراضيه ويقلي أنا كنت ما أبغى أجي بس مريت آخد غرض وانتي كنت أبغى أطلقك وآخد الأولاد عند أخوانهم وانت روحي لأهلك وهو عارف أنه أهلي فقارة وساكنين بشقة صغيرة وأخواني متزوجين عند أهلي ومخلفين يعني 15 نفر في البيت و4 غرف صغار مع أنه لما يتزاعل مع زوجته الأولى والله ما يغيب عن وقتها ساعة ويضربلها حساب ولا زعل معاها تعالوا شوفو اكتئاب وهم ومسكين وحالته حالة وهي ولا شي خرجة وبسطة واستقبال صحباتها في يومه وتخليه هو والبزورة واحد وتسفه ولا تعبرة وبعد فترة يعزمها على مطعم علشان يصالحها وطبعاً أقلكم الفرق بيني وبينه هي موظفة وعنده بيت ملك وساكنة في البيت اللي هي مشاركته في ونصه بأسمها يعني رحت ولا جيت زي بعضه لاكن أنا مو قادر يسكني في العمارة ولا حتى في النصيب اللي يخصة ومسكني في الأجار شقة يعني وكل مشكلة يعايرني ويقلي أحمدي ربك دافعلك أجار ومسكنك مع أني انجبت له 4 أطفال على أمل يتعدل معاي لاكن ولا شي حتى أولادي محسسني أحمدي ربك اللي مخليك عليهم ولا في مين اللي يشيلهم وانت روحي بيت أهلك يعني يا تعيشي عندي ذليلة ولا مع السلامة مع اني ماني مقصرة معاه في شي والله ثم والله رسالته ما أحد كتبها غيري 9 شهور وأنا حامل وأنا أكتب وأعدل وأطبع حتى وأنا والدة كنت أجلس على الجهاز أكتب بالعشر وال15 ساعة أكتب وأقول عساه يتعدل معاي ويحس في لاكن ي مكانك سر حتى كلمة شكر مافي ولما أراجعه يقلي ماحد غصبك حتى في المناقشة لما جا يشكر شكر أول زوجته الأولى على صبرها وتحمله انشغاله وأنا ذكرني مع جملة ناس وهم من وقفو بجانبه سامحوني على الأطالة ولكن اللي عنده حل تساعدني وأنا أدعيله من كل قلبي .
