اللي راحت الكويت تفيدني.............ارجوك

[فراشه منحاشه]

السلام عليكم جميعا.............:bye1:
بنات انا نفسي ازور الكويت..........بس ما عندي خبره عنها ابدا...........:dunno:
ابغاكم تفيدوني يا بنات الكويت او اللي زارت الكويت........
عن اهم الاماكن السياحيه.............والمولات ..........والمحلات الحلوه............
والاسواق الشعبيه...............وسوق الاقمشه...........والذهب..........والمطاعم ...........والفنادق والشقق..............واللي بيترد علي بدعيلها من قلبي..........

 

[الفردوس]

إن شا ءالله ايفيدونج بنات الكويت

 

[Sun_Shine]

حياج

السلام عليكم

هذا الرابط بينقلج لبوابة السفر للكويت وهناك بتلقين كل المعلومات اللي تبينها وان شا الله تستفيدين

حياج الله في كويت الخير والكرم والجود :blush-anim-cl:

http://travel.maktoob.com/vb/travelarab92/

امثلة من المعلومات :
أفضل مطاعم الكويت , اكبر مول بالكويت , الفعاليات الثقافية , الكويت بالماضي , الكويت ترحب بكم , دليل الكويت , دليل المجمعات التجارية , رحلة الى الكويت , رحلت freewave , رحلتك الى الكويت , زياره عمل خاطفه , لؤلؤة الخليخ الكويت , لافينوز , مجمعات واسواق بالكويت , مطعم الكلحه , مطعم بهارات محل , مطعم ميس الغانم , مـنـزل ديـكسـون , منتجع سليل الجهراء , منتجعات الكويت

 

[قلب ذاكر]

بتنور الكويت بس الله يعينكم جونا متقلب حبتين
مجمع الكوت صغير بس حلو .. الفنار.. اسواق شعبيه سوق المباركيه للذهب والاشياء القديمه
المارينا منطقة السالميه كله مجمعات وقريبه من بعض .. عندج المتحف العلمي .. المدينه الترفيهيه لا طوفج بس لازم جو حلو وحذاء مريييييييييييييح .. لا تلبسين كعب نهائي ..واذا تسالين عن اي شي حاضرين

 

[لمساات الالم]

هلا والله فيج بين اهلج

اولا عندج الاسواق<< السالميه مملؤة بالاسواق عندج الفنار ومارينا والبستان وسنتربوينت وماركس سبسر وستي سنتر وسوق السالمية القديم>>

وعندج منطقة حولي<< مجمع المهلب والنقرة الجنوبي والشمال ومجمع بيروت والعثمان ووالايوب والسندس وحولي بلازا>>

ومنطقة الفحيحيل مجمع الدبوس والعنود والكوت وكويت مجيك واجيال<<<

ومنطقة الفروانيه مجمع الدبوس والصيفي بلس ومغاتير ومجمع العربيد والنمران والعربيد والكثير من المحلات المتناثرة هنا وهناك<<

بالنسبه للاماكن الترفيهية عندج منتزه الشعب رووووووووعه ومدينه الترفيهيه والاكوا بارك وهي مدينه مائيه وومنتزه حولي بارك ومنتزه مرح لاند وقرية المسيلة المائية والمركز العلمي وواجهه البحرية

والكثيرررررررررررررررر من المطاعم والسينمات والكفيهات


بس حطي ببالك ان وقت الخروج من الساعه السادسة وما بعد لان الجوووووووووو ما يساعد ابددددددد

 

[لمساات الالم]

وطبعا لا انسى احدث مجمع واكبر على مستوى الشرق الاوسط الا وهو مجمع الافينيوز

 

[فراشه منحاشه]

sun-shine
قلب ذاكر
همسات ليالي
اشكركم من كل قلبي الله يسعدكم دنيا واخره
ويسخر لكم
بس حبايبي ابغى اسالكم
عن سوق الاوقاف وحده مدحته لي
وين الاقي الجلابيات ...الدراعات الحلوه
ويمدحون انسام الخلف...ياليت اللي عندها فكره عن اسعارها تقولي وين فيه بوتيكها
واخر سؤال عن المكياج وين احصل المكياج الكويتي الزين
ويعطيكم العافيه
يا احلى شعب

 

[فراشه منحاشه]

ولا انسى ملابس السهرات والفساتين وين احصلها باي مول؟

 

[غير^الناس]

ملابس السهره تحصلينها بمجمع زهره وليلى غاليري بالسالميه .. وفيه كثير بالصالحيه ( مجمع كله ماركات ) والرايه بعد


ومحلات السهره تلقين ببعض المحلات بكل المجمعات


والمطاعم حدث ولا حرج عندج المطاعم عالبحر شارع البلاجات .. والمطاعم بالفنادق وايد منها حلوه


واي شي احنا بالخدمه

 

[فراشه منحاشه]

وينكم يابنات الكويت ابي فزعتكم

 

[عشرت عمر]

أنسام الخلف أسعارها من200د وفوووق وتبين جلابيات بالفروانيه مجمع العربيد كله خياييط يقلدون دراعات الفنانات بلأسعار معقوله 20 30 ومكياج بالمجمعات إلي ذكروها البنات وشنط تقليد ماركه وساعات بسوق دريم مول بالري وكذلك قمصان نوم التنكريه وأي إستفسار انا حاضره

 

[فراشه منحاشه]

مشكوره عشرت عمر
قمصان النوم التنكريه وين احصلها بالظبط
يعني بدريم مول وين هذا بالظبط
لانهم قالو لي الناس احصلها بالاسواق الشعبيه
ومشكوره مره ثانيه

 

[blue dreems]

والله البنات ما قصرو كفو ووفو مابقى شي اضيفه
قمصان النوم التنكريه والحلوه والغريبه بالاضافه الاى الالعاب الزوجيه وكلشي بهالمجال وباسعار مناسبه
تحصلينها بمجمع الايوب بحولي تحصلين فيه محلات كثيره تبيع هالنوع من البضايع
وغير المعروض تراويج الكاتالوج
وعندج بعد بالنسبه للبضايع المختلفه واذا حابه تشترين مكياج او اشياء بالجمله وباسعار مناسبه وما اوصيج كاسريهم بالسعر كل هذا تحصلينه بسوق المباركيه بالسرداب كلشي بالجمله وباسعار الجمله شنط شباصات ومكياج والعاب للاطفال وينفع هالمكان تشترين منه هدايه اي بعد نسيت في عطور وبخور
والمجمعات الكبيره البنات ما قصرو ذكرو تقريبا كل شي
اذا اول مره تزورين الكويت ضروري تزورين ابراج الكويت والاكواريوم وبرج التحرير
اذا حابين تروحون السينما روحو يوم الاثنين لان بيوم الاثين من ككل اسبوع تكون تذاكر السينما مخفضه
ونصيحه مجمع الافينيوس اذا بتروحون عملو حسابكم تقضون يوم كامل هناك ولبسو حذاء واطي او فات لانه كبيييييييييييييييييييير وفيه مطاعم وكافيهات وفي بنفس المجمع ايكيا وكارفور وبعد بعد بعد مادري في وااااايد اماكن
اي اذا تبون مطعم ماكولات كويتيه 100% ولذيذ واسعاره زينه مطعم فريج صويلح بالسالميه لازم تزورونه حلو
اي سؤال يخطر في بالج حبيبتي لا تترددين ترا بنات لكويت ما راح يقصرون
بالنسبه لمحل انسام الخلف فموجود في منطقة الجابريه
حاليا الجو عندنا كلللش مو شي غيار وحر يعني الطلعه بتكون للاماكن المغلقه فقط

 

[فراشه منحاشه]

مشكوره حبيبتيblue dreems
الصراحه ما قصرتو كفيتو ووفيتو الله يعطيكم العافيه
يا شعب الخير والمحبه

 

[حلاوة ايماني]

هلا اختي

انا من الامارات بس زرت الكوووويتمرتييين

اما عن الفنادق انا رحت هيلتون وريتز

اما عن الاسواق والمولات المارينا مول وسوق شرق والسيتي سنتر..تدرين بعد ما اذكر..لاني درت الكويت بكبرها في 3 ايااام خخخخخ..

اما عن الاسواق الشعبية..سوق المباركية..بالغلط وصلناه..

وان شاء الله افدتج

 

[النوار]

اختي من ناحيتي انا روحي الكويت ولاتترددين ،انا رحت لها وكانت السفره روعه وااااااااااايد حلوه الكويت حبيتها وحبيت اهلها
واهم شي روحي مطعم فريج صويلح بالسالميه
والله الموفق:surrender:

 

[فراشه منحاشه]

حلاوه ايماني
مشكوره حبيبتي.........على فكره انا احب الاماراتيين
والنوار اشكرك من كل قلبي

 

[حلاوة ايماني]

حلاوه ايماني
مشكوره حبيبتي.........على فكره انا احب الاماراتيين
والنوار اشكرك من كل قلبي

نحبكي كما احببتينا فيه

اذا جي تعالي عندنا..لو ما يشلج المكان اتشلج عيوننا