اللي تساعدني بمشكلتي الزوجيه الله يجزاها الجنه ياااااااارب

[مشاعر مكبوته]

السلام عليكم ورحمة الله وبركاته

أخواتي عضوات احلى منتدى

عندي مشكله واتنى القى الحلول
من ردودكم
لاتحرموني منهااا


زوجي لايجلس في البيت
دائمااا في الدوانيه
أتحدث معه
أنه يجب ان تخصص وقت لبيتك واطفالك
يقول ان شاء الله
ولي هاليوم وماكو فايده
وأيضا احاول افتح معه مجال حوار
واغلب الاوقات تتعارض وجهة نظري مع وجهة نظره
ويزعل يريد وجهة نظره الصح
وانا بطبعي احب
ابين وجهة نظري وصادقه
أتضايق من معاملته لي
مرات تكون كلماته قاسيه
وتجرحني
لاني احترمه والتزم الصمت ومرات اتكلم معه ولكن باحترام
اتمنى يتغير
اذا طلعناا مع بعض خارج المنزل وهذا نادر
نرجع متخاصمين
لانه بصريح العباره يقول ما احب الطلعات

خواتي الله يجزاكم خير

كيف اجعل زوجي يحي البيت؟
كيف اجعله يتحاور معي ويكون حوارنا ناجح وشاعري ورومانسي؟
كيف اجعل منه رجل يحب الطلعات والذهاب للمطاعم والاسواق
بدون خصومه وزعل في النهايه؟
كيف تكون سوالفي معه جاذبه؟؟؟؟

تكفوووووووون
الاستاذه ناعمه
الاستاذات الفاضلات الاخريات
المشرفااات
العضوااات
لاتحرموني من ردودكم المفيده

مشاعر مكبوته
​

 

[عصفوره زوجي]

اختي
اكثري من قراه البقره وادعي ربي
ربي اخر الليل يقول هل من سائل فاعطيه ربي يقولك ايش تبغي اعطيكي ادعي بين الاذان والاقامه ادعي والزمي الاستغفرا
وانا راح اعلمك دعاء انتي وكل اخواتي في المنتدى عن تجربه بس قوليه وانتي مخلصه النيه لله رب العالمين
الدعاء يا مسبب سبب يا فاتح افتح يا مدبر دبر يا مسهل سهل يا ميسر يسر برحمتك يا ارحم الراحمين يا رب حبب فيا زوجي وحببني فيه واهديه ليا واهديني له وحنن قلبه عليا وعلى اطفاله وحنن قلبي عليه ربي اجعلني كما يريدني واجعلني كما يريد كرري يا اختي هاذا الدعاء والله احنا من غير ربي ما نعيش

 

[ام خالد717]

الله يهديه ويصلحة ما بيدك الا الدعاااااااااء

 

[قلبي مملكة بنتي]

الله يسخره لك ياااااارب

 

[المتفائله_]

ماروع هاذالدعا
يا مسبب سبب يا فاتح افتح يا مدبر دبر يا مسهل سهل يا ميسر يسر برحمتك يا ارحم الراحمين يا رب حبب فيا زوجي وحببني فيه واهديه ليا واهديني له وحنن قلبه عليا وعلى اطفاله وحنن قلبي عليه ربي اجعلني كما يريدني واجعلني كما يريد كرري يا اختي هاذا الدعاء والله احنا من غير ربي ما نعيش


جزاك الله الف خير ونفعنا الله واياكم به يامستجيب الدعا

 

[يحق لك]

استغفر الله العظيم

 

[ام لايان]

الله يهدي سرك
الحال من بعضه للاسف000

 

[مشاعر مكبوته]

أشكرج اختي على الدعااااء الراااائع
ويجعله ربي في ميزان اعمالج يوم القيامه
يوم لاينفع مال ولا بنون الا من اتى الله بقلب سليم

واشكر جميع اخواتي على ردودهم

ولله الحمد فيه مميزات جيده انا نقلت لكم الاشياااء اللي تضايقني
واتمنى القى استراتيجية للحل

ودمتم بحفظ الرحمن​

 

[فراشة طائرة]

الجاي الى الله بالدعاء باخر الليل وراح تشوفين تغير كبير بحياتك

 

[باسقة]

لا تنسين الاستغفار ياقلبي..
والله يفرج لك..

 

[مشاعر مكبوته]

أستغفر الله العلي العظيم
وأتوب اليه
شاكره لكم تواجدكم
ومروركم
الرائع​

 

[النجمه الامعه]

بقولك تجربتي انازوجي شمالي شرقي كان لمن اخرج معه السوق مانرجع الامتخاصمين
جلست افكرفي حل المهم لمن نطلع السوق يبدا في السب والكلام الجارح كنت اقوله خلاص طلعتنا وش فائدة
السب والكلام جزاك الله خيرطلعتنا لش عادتضيق علينا ولااردعليه بكلام جارح المهم اذا مارضي يسكت
اطنشه ولاعاداتكلم واجلس على الصامت لمن نرجع الحين الحمدلله ماعادصاريتكلم

 

[jwairya]

وأشد ما تكونين له موافقة ، يكن أطول ما تكونين له مرافقة
واعلمي أنك لا تصلين إلى ما تحبين حتى تؤثري رضاه على رضاك ، وهواه على هواك ،


مش عارفه هتفيدك ولا لآ
ولكن الكلمه دي كانت في كلمات الوصيه من اعرابيه لآبنتها

موفقه حبيبتي

 

[القلب المفتوح]

صحيح بعض الرجال ما تحلا لهم النقاشات الحادة إلا في السيارة والمشكلة الأكبر لما يكونوا الأطفال موجودين
لكن الحل اللي بيدي هو الصمت والإجابة إذا ألح في السؤال بكلمة أو كلمتين وتذكيره أن النقاش ما يصير أمام الأطفال وعدم مراجعة النقاش في البيت إلا لما يروق وانت مروقة
أما عن سهره برا البيت فالحل اللي أنا سويته إني ما أتزين إلا لما تقرب طلعته ولا أخلي له فرصة يقرب لي طول النهار ولما يجي أسوي نفسي نايمة ولا أصحا إلا لما يروح للدوام وكمان لما يكون في السهرة أرسل له رسالة شوق طبعا مو كل ليلة لكن أنوع ومرة أقول له إنه في برنامج حلو في التلفزيون أو فيه حاجة في البيت محتاجة تصليح أو أخلي الأطفال يطلبوا منه يجلس معاهم ويحكي لهم أو يلعب معهم ألعاب ذكاء أو ما شابه
وانت وشطارتك الله يسعدك​

 

[حنين الراحه]

تبين نصيحه لوجه الله اولا اصبري عل تعامله معك وافقيه الراي دائما وقوليله سبحان الله القلوب عند بعضها نفس الراي اصبغي شعرج للون اللي يحب وغيري قصت شعرج اعتني ابشرتج اشتري كريم اساس يخفي العيوب ولونه مائل للوردي الميك اب الناعم دائما بوجهج ابتسمي كل ماتشوفينه دائما بهذا الشكل واجلسي على التلفزيون ودايما حاطه عندج المشروب الي يحبه يعني لج عشان يغار سواء يحب شاي او قهوه او عصير وخليج هاديه حيل واغريه بالانوثه
واهم شي امدحي زوج اختج او اخوج معاملته مع زوجته بطريقه غير مباشره سواء وانتي اتكلمين اختج بالتلفون واهوا يسمع يعني سوالف حريم واهوا راح ينتبه ويحس انج حاسه بالازواج الطيبين مع زوجاتهم ولاتامرين عليه باي شي وحاولي اذا كنتي موظفه اتقولين اشرايك انا اشتري اغراض الجمعيه هالشهر وراح يستانس غيري بالروتين معاه لان انا زوجي كان نفس زوجج واكثر بعد وادعي دائما اللهم سخر زوجي لي وسخرني له

 

[مشاعر مكبوته]

يعطيكم العافيه
جميعاا
على ردودكم
اختي حنين الراحه
الحمد الله انا من النوع اللي يهتم
بنفسه والقصات والصبغ
واللبس
وما شاء الله
مو ناقصني
زين
تعود زوجي انه يكون بالدوانيه اكثر من البيت
وانا عن جد مليت
راح اعمل بنصيحة احد الاخوات اللي قالت تزيني لما يفكر يطلع
وان شاء الله تنجح
تحياتي
وودي
لك من
مرر​

 

[مشاعر مكبوته]

يبقى الوضع كما هو عليه
الحمد الله على كل حااال​

 

[مشاعر مكبوته]

استغفر الله واتوب اليه
استغفر الله واتوب اليه
استغفر الله واتوب اليه

 

[حبي لهـ وحدهـ]

يااااااااااربي أيش هو الزواج إذا الزوج أغلب ووووقته برى
و إذا ما كان في حوار و تفااااااااااهم
الله يعينك , حااااااااااولي فيه و حببيه في الجلسة
بالبيت يعني مثلا خصصي وقت للقهوة لل تي في
و اجلسوا سولفوا سواليف مو نقااااشات تغاضي
عن الهرج اللي مايعجبك ,
الله يصلحه لك إن شاء الله .

 

[اتعبني هواك]

الله يكون بعونك..ياقلبي تجنبي الاشياء اللي تحسين انها راح تسبب مشكله
يعني خلي كلامك متوازن إنتي عرفتي له يبي كلمته تكون الصح وأغلب الرجال كذا موزوجك لحاله الحال من بعضه بس انا تعبت وانا أجادل وصرت أخلي إذن من طين وإذن من عجين وأريح رآسي لاني عارفه الجدال مامنه فايده وبتكون مشكله..
حاولي إذا حسيتي إن نقاشكم راح يتحول لمشكله غيري الموضوع وروحي لمه امزحي معاه ارتمي بحضه يعني شي يقلب الموضوع لضحك لاتقولين ماأقدر ولاصعبه
ولامااشوف انها حلوه اوتستهينين بالحركه وتقولين احسها سخيفه لاء ياقلبي وقتها لازم تلطفين الجوعلشان تتجنبين المشاكل والكلام الجارح..
وبالنسبه إنه مايجلس بالبيت ودايم برى طيب مومشكله كثر الدق يفك اللحام دامه قال إن شالله ماعصب ولاقال عاجبك ولابكيفيك يعني عطاك رد محترم
حاولي فيه تحايلي عليه بالكلام الزين ..هيئي له جوالديوانيه جيبي قهوته وشاهيه
خذي وعطي معاه بأي شي اهويحبه..وبالنسبه إنه مايروح لديوانيه انسي السالفه
خليه يروح لانك إذا طلبتي منه بإسلوب ناشف راح يعند ويقهرك زياده
والطلعات لاتقولين شي نشبي عيالك فيه خليهم يروحون يترجونه وكم دمعه وانتي معاهم تكفى يابو فلان مالنا خاطر عندك الله يخليك لنا ياقلبي نبي نستانس ونرفه شوي عن انفسنا يعني جيبي راسه بالكلام اللي يرضيه ويخليه يطخ غصب عنه..