اللي ترد علي ربي مايرد لها دعوه

[بهيره الموسى]

:26:السلام عليكم بلقيسيات حبيت استشيركن يالغاليات في مشكلة صديقة عمري
صديقتي ولدت وبعد الولاده زوجها مطنشها طلعت من الاربعين وفوقها عشر ايام زياده وماحس فيها وخاصه انها بكر متوقعه يشتاق لها ويسأل عنها لكن ولاشي وهو كان طبعه كذا من اول ماتزوجت صاحب تطنيش وكبرياء وانا قلت لها قولي انك طلعتي من الاربعين بس تقول لا كرامتي ماتسمحلي ليش دايم انا الاحقه
تكفون بنات كيف احل مشكلتها هي تفكر بالطلاق انا خايفه عليها لان الحين عندها ولد منه

الله يجزاكم خير ويفرج هموكم

 

[ام علي بن محمد]

طيب ترا مافيها شي لو هي راحت لبيتها وتجهزت واستعدت لزوجها ترا اغلب الرجال مايهتمو بىالامور هذي
ولو فرضنا مشغله احد لا تترك له فرصه لحاله تروح لبيتها ليش تستني احد ياخذه منها لازم تحافظ عليه وتحاول ترجع زوجها لحضنها وبتوفيق

 

[الزوجه الاولى]

كلام الاخت صح والطلاق ليس هو الحل الوحيد خليها تستخير وان شاء الله ربي يكتب لها الي فيه الخير

 

[حور الكويت]

مادام جابت منه ولد. خل تتصل فيه وتقوله حبيبي ما اشتقت لنا ترى طلعت من الاربعين. وتشوف شنو مزعله منها ؟ مو معقوله مطنش عبط. خليها تستفسر واذا مافيه نتيجه خليها تقوله وضعنا عند اهلي انتهى بطلعتي والناس بدت تسأل عنك. خليها تشوف شنو فيه . السالفه فيها حلقه مفقوده.كل رجل عنده كبرياء بس وقت الزعل مو على طول الا اذا كان يبيها من الله.

 

[لمن يجرؤ]

حبيبتي الكرامه الزايده بين الازواج تخرب العلاقه وتوصل للطلاق وكانها شيطان مو كرامه

خل تقله انه طلعت من الاربعين مافيها شي او خل تتجهز وكانها عروس وراح يفهم ان شاء الله وخلها فرفوشه شوي ولا تاخذ على طبعه

 

[حلم24]

هذي ضريبت الي تطلع من بيتها وتترك زوجها ليش تولد عند اهلها
وتتركه لحاله لين يهملها وينساها
يعني اربعين يوم من يهتم فيه
هو اكيد يعاملها نفس الشي

يابنات نصيحه ولا وحده تروح مكان الا زوجها معها وترجع البيت معه ولاتقول له روح وتعال واتركني هنا
ابد ابدا
لازم مايغيب عن عينك وتهتمين فيه
لن البعد وكثرة الخرجات وروحات الاهل تخرب الزوج ويفلت منها وتبدا جلسات النت والتعارف
اكيد بيدور شي يشغله لاحول الله

قولي لها ترجع بيتها بلا طلاق لا هبال
ووتهتم فيه مو بس تفكر بنفسها ووش سوا لها
هي غايبه عنه 40 يوم غير فترت الحمل ؟؟ اكيد عانا معاها وصبر واخرتها تقول طلقني لاحول الله بدل ماتعوضه مو كل شي مطلوب من الرجل

 

[شموخ إنسان]

كلهم كذا بس مع الوقت وتحمل المسؤلية سوف يرجع اصبري

 

[نســـرين]

عادي مافيها شي تتصل عليه وتقول طلعت من الاربعين او تروح مع اخوها لبيتها
وتتعدل كانها عروس وهو اذا جاء بيتغير اكيد ماراح يطنشها
بس طلاق مرة وحد احس قويه علشان تطنيش
الله يوفقها

 

[خلود بكر]

مايستاهل اختي الموضوع للطلاق والبنات ماقصروا

 

[بسمة الوجدان]

اتا مع البنات الطلاق ابغض الحلال تفكر شوي

 

[نــور عـيـونـه]

لييه الطـــلاق من اولها تخررب حياااتهاا لا تكوون أنانية الآن صار عندها طفل كيف تتسرع كذاا

و إذا كان زوجها يطنشها من أول المفروض تقتنع إن هذا طبعه وتحاول تتعامل مع هذا الطبع

إما انها تكيف نفسها معاه أو تحاول تغيره تسوي اي شيء مو طلاق على طول..

الأيااام تمشي بسررررعة يمكن زوجها ماحس انها خلصت الأربعين وشاف انها ماخبرته بالله من فين بيدري يعني

خاصة تقولين ان عنده كبرياء يعني مابيتنازل ويسأل خلصت والا لا

واذا كان عارف ومطنش و مو مهتم فيها هي تروووحلة وتلصق فيييه

على ايش تاااركته يلعب على حل شعره اربعينها وقضت منه ليش مبعدة عنه للآن؟؟!!

خليها تروح تعمل نيو لوك وترجع بيتها بدون مايدري وتعملها له مفاجئة وبعدين تعرف منه ايش اللي مشغله عنهاا

الحياة الزوجية مشاااركة والطرفين لازم يقدمون تنازلات والعنااد والكبرياء الزايد عن حده ما ينفع

الزوجة المفروض تمشي حيااتهاا و تتغاضى عن بعض الأمور وتجاهد حتى تحافظ على بيتها وتخلي الطلاق آخر آخر آخر الحلوول

الله يشرح صدرها ويألف بين قلبها هي و زوجهاا



نـــور عـيــونــه


​

 

[ღ اُمـ رامي ღ]

لازم تبادر هيا بالاول وتشوف ردة فعله كيف ممكن نوع هالرجال يحب المراة هي الي تبادر ويسعده هالشي
خلي تجرب ماهي خسرانه
والطلاق عشان هيك امور بصراحه مايسوا وبعدين تندم خصوصا اذا كانو متفاهمين​

 

[احلى فجوري]

الله يفرج همها لالالالا مو حل الطلاق هي تسوي حفله بسيطه له ولها بمناسه خروجها من الاربعين وتلبس وتدلع وتشوف لو نفس الحاله تسئله بكل هدوء مااشتقت لي؟؟ وان شاءالله ترجع المياه لمجاريها ولا تهمله زوجها وتنشغل بلنونو والله يسعدها يارب

 

[حزينه حد الجنون]

انصحيها تعقل ترجع بيتها وتسوي مفاجاه حق زوجها والله يسعدها ويوفقها

 

[سماء حائل]

حبيبتي الكرامه الزايده بين الازواج تخرب العلاقه وتوصل للطلاق وكانها شيطان مو كرامه

خل تقله انه طلعت من الاربعين مافيها شي او خل تتجهز وكانها عروس وراح يفهم ان شاء الله وخلها فرفوشه شوي ولا تاخذ على طبعه

​

نعم هذا الكلام الصحيح
الله يصخر لها زوجها​

 

[بنت جدة11]

لا تروح لبيتها الا اذا هو جا واخدها
خليها تنتظر
بس الولادة شيء جديد عليهم
بس انتي قولي له يا حبيبي بكرة هذا الولد بيسوي لك الاشياء اللي كنت تتمناها
وعادي حبيبتي ادعي كثير
واستغفري

 

[الروعة]

لا تستعجل وترى الموده تجي مع الايام تصبر ويجيه الفرج

 

[الدانه2000]

انا اضم صوتي لصوت الاخت ((لمن تجرؤ))

 

[غلا روحي ليول]

طيب اهو مطنش بعد اهي تطنش تتكل على الله وتجهزوتدق عليه وتكثثثثثثر من الاستغفار وربي يهديه لها

 

[دانة الشام]

ياأختي الموضوع أبسط من البساطة ...المخلوقة ولدت وقامت بالسلامة وخلصت نفاس ببيت أهلها تتصل بزوجها وتحدد معه يوم ليرجعها على بيتها ...يعني الوحدة اذا بدها ترجع على بيتها بدها عزيمة من زوجها!!!!؟؟ويمكن زوجها يكون تاركها لترتاح أكتر أو عم ينتظر هي تطلب منه ترجع ...وفي رجال أصلا مابيعرفوا يعبروا ويتصرفوا بهيك مواقف يعني الموضوع ماآخذ عندهم أبعاد متل الزوجة...وبعدين مع الايام والعشرة بيتعلق فيها أكتر ومابيصبر على غيابها ...الله يخترلها الخير ..