حبيباتي انا والله بكمل بس ماشالله التفاعل حسسني اني مقصره
انا كتبت الموضوع امس الصبح والعصر انشغلت مع بنتي عندها امتحانات اليوم اخر يوم امتحان ارجوكم ادعولها لاني كنت ادرسها واحس مسكينه من الخوف نست اللي درسته.
اكمل لكم الموضوع :
سمر كانت جميله معتدلة الجمال ماهي فاتنه ولكن دلعها وتمايلها وبياضها وشعرها اسووووود ليلي وكثيف وكيرلي كان ملفت وجسمها وطولها كان راااااااااااائع ولبسها المرتب وخصلات شعرها دايم على وجهها الباسم دااااااااائما، بدون سبب للابتسام، بس هيه دايم كانت بشوشه.
طلعت من مكتبي ودخل مديري علي يتحمدلي بالسلامه ويسألني عن الدوره واخر اخباري حكيت له اللي صار ....... وبعدها قام يمدح في سمر ويقولي البنت تتعلم بسرعه....... ومسكناها كذا مكان وكانت مجتهده وهي حابه الشغل.............. انا بيني وبين نفسي اقول اكلمه في موضوعها ولا لا احسن اكلمه الحين فرصه انتظرت لما خلص كلامه.......... وكان اقوله ابو ناصر وشرايك في سمر انشغلها عندنا هنا في القسم رد علي وقال:
مش خايفه تاخذ مكانك ............ طبعا انا ضحكت وقلتله ما اتوقع انها بجدارتي ولا كفائتي لتاخذ مكاني ضحك.................
وقال بس كل شي جايز................ قلت في بالي الريال يغيضني بس مو اكثر ضحك وضحكت.................. وقال بشغلها بس اذا انتي تبين تساعدك وتساعد الموظفين مع انه مو محتاجين موظفين.................. قلت له بتسوي خير في المسكينه وشرحتله ظروفها وخبرته عن المواقف اللي تعرضت لها من مديرها السابق في شغلها وتمتم في نفسه.....................وقال فيه ناس واااااااااااااايد احق منها للوظيفه وحالهم اصعب................ هذي البنت تقدر تشتغل لا تخافين عليها
قلت له حرااااااااااااام ساعدها تكسب فيها ثواب عند ربك .................وقالي بفكر :dunno: قلت له انا اعرفك انك ماتقصر وشكرته وعاد لمكتبه.
دخلت عليه السكرتيره وتقول: صباح الخير يا مدام
رديت صباح النور.
مدام شو بتقربلك سمر
ورديت ما تقربلي ليش قالت الشباب بياكلوها للبنت قلت لها ليش قالت كل شوي يقولون مين هاي وحظكم عندكم بنت في القسم ؟؟؟؟؟!!!!!! رديت عليها قلت لها عندنا بنات وااااااايد في القسم .
قالت : هم بيقولي ان البنات اللي فلقسم مو بنات هذول شباب وانها هي البنت بس ههههههههههه.:smoke1:
انا قلت في خاطري انهم يبالغون وانهم مجانين شو فيها هاذي البنت زياده ورحت لها اريد اشوف شو شايفين فيها وانا ماشفته؟؟؟؟؟؟؟؟؟
لقيتها ترتب اراق الموظفين وتمشي بتمايل ودلع واسلوبها لبق ولما تتكلم تمسك خصله من غرتها وتحطها وراء اذنها والخصله ترجع مره ثانيه على وجها وهي تبتسم وتكمل كلامها تشيل الملف بهدوووووووووووووء وتسأل بنعومه وين احط الملف وهي تعض على شفايفها وتدور بعيونها كأنها برييييييييييئه ، انا اتسمرت مكاني وقلت في نفسي انا والله ما اعرف هاي الحركات وعمري ما سويتها لزوجي المسكين اللي ما أعرف شو مصبرنه علي ههههههههههه؟:crazy:
علشان كذا الريايل انهبلو عليها!!!!!!!
جاء موعد انصرافي من الدوام وسألني زوجي عنها مين هاذي اللي عندك بالقسم الموظفين يمدحونها ؟؟؟؟؟؟؟؟؟؟؟؟؟؟؟؟؟؟
قلت في خاطري:لالالالالالالالالالالالالالالالالالالالالا الا انته لاتسأل!!!!!
رديت بنت ناس مسكينه حابه تشتغل وانا خليتها تدرب عندي بس.
قالي كيف شكلها متبرجه ولا محترمه؟
طبعا انا في خاطري اصفعه كف علشان ما يسأل مره ثانيه:icon1366:
قلت له زينه زينه ليش؟؟؟؟
