اللي بتقضي نفاسها ببيتها تدخل

[سكر زماني]

جبت لكم اليووووووم نصايح للي بتقضي نفاااااسها في بيتهااا

ربي يهون على كل مبقوووشة وتفك البقشة وتصير مفقوشة بدل مبقوووشة

واللي تحب تزيد شي لبرناامج النفاس تقوله للمفقووشات خخخخخخخ

عشان تفم الفايدة للكل

السلام عليكم​

كيفكم يابطاريق؟؟؟​

عندي لكم نصائح للي بتقضي نفاسها في بيتها بس ابي منكم الدعاءلي بهون الطلق وحسن الخلق​

بسم الله​

النصيحه الاولى:

​

*خصصي علبه كبيره زجاجيه بغطاء وحطي فيها
زعتر ورق مجفف+كمون+يانسون+كراويه+قشر قهوه+دارسين
وخليها بدولاب المطبخ ويكون هذا شاي النفاس​

​

النصيحه الثانيه:

​

*خصصي علبه زجاجيه اخرى صغيره وحطي فيها​

حبه سوداء+حلبه+ماش+فلفل اسود طبعا كلهااااااا مطحونه وتكون هالعلبه للاكل يعني تاخذي منها ملعقه وترشيها على اكلك سواء غدا او عشاء​

النصيحه الثالثه:

​

*في الصباح سوي لك ترمس صغير حليب مع حلبه وفلفل اسود وخليه جنبك مع الفطور وبعد الفطور​

​

النصيحه الرابعه:

​

*سويلك في الشهر التاسع مصابيب وحطيها باكياس وجمديها​

النصيحه الخامسه:

​

*سويلك حنيني وحطيه باكياس صغيره وجمديه​

​

النصيحه السادسه:

​

*سويلك محلى او عصيد وحطيها باكياس وتجمييييد​

​

النصيحه السابعه:

​

*سوي كشششششنة بصل وطماط وشوي ثوم وقسميها باكياس وتجمييييييد طبعا كثري الكشنه​

​

النصيحه الثامنه:

​

*قطعي اللحم او الدجاج قطع متوسطه او صغيره ونظفيه من الشحوم وحطيه باكياس وجمدي​

​

النصيحه التاسعه:

​

*اشتري مرقوق او مطازيز جاهز واستعمليه وقت الحاجه​

​

 

[سكر زماني]

((النظااااام خطوة خطوة وادعولي بكل خطوه))
قبل كل شي إذا رحتي للمستشفى عشان تولدين خوذي معك شيلة (طرحة) لأن بعد غرفة الولادة يكون الرحم مفتوح والهوا مستعد للدخول لذلك حطي بشنطتك شيلة والبسيها إذا طلعتي إن شاء الله من غرفة الولادة بالسلامة.
تتصلي على أهلك يجيبون لك (حزا) وهو عبارة عن عشبة عند العطار تطبخينها بما وتحطين معها شوي سكر وفايدتها تمنع (الحدا)والحدا ألم يصاحب الحرمه إذا جابت الأطفال اللي بعد البكر البكر مايجيها الحدا بس عشان تتجنبه تشرب الحزا أول يوم والثلاث أيام الأخرى يلهم يعني يطحن ويشرب بعده ماء.وطبعاًوأنتي بالمستشفى لازم تاكلين حتى لو مالك نفس مثل ماقالو أخواننا المصريين(حط مكان الفرخة فرخة) لأنه إذا فضا البطن تخرب الحرمة.كولي شي دافي مثل شوربة العدس وكولي(تمر معبوك بسمن فقط بدون رشاااااد) وأشربي عليه قهوة.

 

[سكر زماني]

تـــــــــــــــــــــــــــــــــــــــــــــــــ ــــــــــــــــابع البرناااااااااااامج
(3)
المستشفى راح يعطونك أدويه من ضمنها مضاد حيوي لازم تأكلين الدوا نفس كلام الدكتور لأنها مهمة
...بعد مرور خمس أيام من الولاده أربطي بطنك ربط خفيف بشماغ ولاتشيلينه إلا إذا طلعتي الأربعين والطرحة لاتطيح من رأسك والشرابات لاتشيلينهن عشان الهوا(وسبحان الله إذا بردن الرجلين أثناء النفاس أو الدورة يبرد الرحم ويتوسع) ويقولن العجايز الهوا يدخل مع روس الأصابع.. هذا كله يعتبر مقدمة.....

النفاس 40يوم أقسميها إلى 20 و20 العشرين يوم الأولى
في الصباح يكون عندك (بيتادين من الصيدلية) وتغسلين فيه المنطقة وتدهنين الخيوط بمرهم من الصيدلية أسمه((Garamycin وتكونين مجهزه عندك(خوا جوا مقدار فنجال ونص فنجال زيت زيتون وحميهن على النار وطلعيه من النار وأضيفي له شوي نفط) النفط تحصلينه عند العطارله أسم اخر وهو(البرغي) وتدهنين به الفوطة وبعدين تلبسينها أقصد بالفوطة(الأولويز) هالخطوة هذي كرريها ثلاث مرات باليوم منها نظافة ومنها تحمين نفسك من الشمم.واذا خلصت الخلطة أخلطيها مرة ثانية.
الفطور.... تعجنين طحين (ياحبذا لوكان (بر) أسمر عشان الكرش وتحطين مع العجينة دوا أسمه(رزنه)ماأعرف لها أسم ثاني الرزنة هذي تنزل وله فوائد منها تخفف ألم الظهر) ثم تخبزين العجينة أكيد معها شوي ملح وتخبزينها على الصاج وتأكلينها وتشربين بعدها حليب مطبوخ معه حلبه (هذا الصباح )
القهوة (قهوتك المعتادة لكن التمر معبوك بسمن فقط) معبوك يعني(تخرجين النوى من التمر وتعبكين التمر بيدك الى أن يلين ويكون هو تمرك للعشرين اليوم الأولى)
الغدا.. تبين مرقوق مع شوي حلب أو عدس أو جريش أو هريس براحتك بس أهم شي مايكون فيه طماط أوصلصة واي شي حامض
العصر تقهوي كولي من تمرتك اللي بالسمن كولي معجنات وحلويات لاتحرمين نفسك من هالأشياء وفيه معلومه خذيتها من زميله هنديه تقول الحلويات تخلي الخياطة تنزل بسرعة...حطي بفنجالك شوي مره وصبي فوقه قهوه لأنه حلوه عن الشمم وتعتبر مضاد حيوي

 

[سكر زماني]

تـــــــــــــــــــــــــــــــــــــــابع ​

(4)​

أشربي مطبوخة مره او مرتين في اليوم :المطبوخة تحصلينها عند العطار يجمعها لك على نضرك(حلبه ودارسين وسكر نبات ويانسون وكمون وحبة الحلوه وفوه ونونخة ومرمية(( بس إذا كنتي ترضعين لاتحطين مرمية لأنها توقف الحليب عند المرضع)). وقشر قهوه (حاولي تكثرين قشر القهوة لأنه مفيد وإذا فيه إضافات للمطبوخة تحسين أنها مفيده حطيها عادي) بس أنتبهي من (الصك و اللك) لايحطهن العطار بالمطبوخة لأنهن دمار على المرأة(الطبيخة مرتين باليوم اخر الظهر وبالليل) .

بعد المغرب تكون المعده خالية لازم نمليها من خير الله كولي عدس مفييييد يرجع الدم طبعاً يطبخ مثل الشوربا لكن جمديه شوي كولي وراه بيضة إذا ماعندك حساسية من البيض
العشا...مثل الغدا وإذا بنفسك شي ودك تاكلينه لا مانع بس لايكون نواشف أو إيدام طماط
عند النومه أشربي الحلبة بالحليب
..
نستمر على هذا النظام لمدة عشرين يوم.
العشرين يوم الأخيرة:
لازم ننقض الحلبه(ماننكر فوائد الحلبة للعظام وللدم لكن إذا مانقضناها يرتخي الرحم وتخرب المرأة..لذلك أي شي فيه حلبه لازم نجنبه بالعشرين يوم الأخيرة) ....أتفقنا..
نبدأ بالنقوض(معنى النقوض: هو نقيض الشي أي العشرين اليوم الأولى أكلنا أشياء تنزل سوائل من الرحم والحين نبي ناكل أشياء تنشف الرحم.
تكونين خالطه عندك:الحوار وهــــــي: فنجال قرنفل(المسمار) وفنجال محلب ونص فنجال فلفل أسود تطحن هذه المقادير بس مهو طحن جامد أطحنيها شوي وأضيفي لها( فنجال رشاد ونص فنجال حبة سمرا(حبة البركة) بدون طحن ونص فنجال زنجبيل مطحون..(سميت حوار لأنها كلها حارة)
تأخذين بملعقة وسط وتلهمينها لهم وتشربين عليها حليب مره في الصباح ومره عند النوم تستمرين عليها لنهاية النفاس.
(الغســـــــــــــــــــــول مع بداية العشرين يوم الأخيرة)​

 

[سكر زماني]

تااااااااااااااااااااااااااااااابع (5)​

تجيبين قدر وتحطين فيه ماء حلو وتحطين فيه كاسة أرطا وشوي ملح وشوي مباركة (الصبرة) ويوضع على النار أول ماتشوفينه تحرك طفي النار (يعني لايغلي مره ولا يطول على النار وتغسلين فيها الصباح والعصر والليل لاخر يوم بالنفاس فــــوائدة يشد الرحم ويضوق ويقوي الجلد بعد الخياط.
فطورك : فول خبز بسمن مثل ماقلنا أهم شي تجنبي الحوامض والطماط والجوع
الغدا اللي تشتهينه بس بدون حلبة
العصر أشربي طبيخة بس غير الطبيخة السابقة
(زعتر بري ونونخة وكمون وقشر قهوة أجمعيها بمقادير متساوية وأطبخيها على النار وأشربيها مرتين في اليوم مقدار كوب لاخر يوم بالنفاس.
التمرة مثل العشرين يوم الأولى بس أضيفي لها رشاد وحبة سمرا تاكلين منها بكثرة (الصبح والعصر والليل)و كل ماتقهويتي كولي منها لاخر يوم بالنفاس.
وأكرر لااااللجوع لاتتهاونن بالنقطة هذي لأن فيه بعض الحريم ماتطري عليهن الرجيمات إلا بالنفاس وحتى بالدورة لاتجوعين وإذا أنتي تسوين ريجيم أقطعية إذا جتك الدورة سواء كنتي بنت أو متزوجة.
العشر أيام الأخيرة من النفاس....
تشرين التحاميل السوداء من صيدلية الدواء(مالها أسم ثاني )وصيدلية الدواء هي اللي تصنعها (أعتقد ذلك)لأن العلبه مافيها إلا علامة الصيدلية.
تستخدمينها الخمس الأيام الأوليه
والخمس أيام الأخيرة تشترين تحاميل (البوثيل)من الصيدلية وتستخدمينها الخمس أيام الأخيرة ليلة ورا ليلة(يعني ليلة تستخدمينها وليلة ماتستخدمينها..وتلهمين المقرونة الخمس الأيام الأخيرة من النفاس في الصباح والليل لمدة خمس أيام فقط(إذا صحيتي من النوم الهمي مقدار ملعقة الشاهي واشربي وراه حليب ولازم تجلسين بعد ماتاكلينه نص ساعة ماتشربي ولاتأكلين شي عشان تأخذ مفعولها
وبالليل عند النوم تلهمينها وتشربين وراها حليب.فيه بعض الحريم (أنا من ضمنهن)أحط العصر شوي مقرونة مع شوي مرة وشوي جاونية بيضا واصب عليهن قهوة وأتقهواها)
اخر ليلة بالنفاس تتكبين (الكبو ) أكيد تعرفنه ...تتكبين بالخوا جوا(تجيبين سطل يفضل سطل الصبغ الكبير حطي بأسفله تراب وبعدين جيبي فحمه مشتعلة وحطيها بقصدير وحطي فوقها الخوا جوا أول شي بخري أذانك وأنفك بعدين لفي الطرحة وتلثمي عشان الهوا مايدخل من خلال الأنف بعدين أجلسي على السطل قد مانقدرين من 5 إلى 10 أو 15 دقيقة بعدين البسي الفوطة (وسروال طويل )وطوالي تروحين لفراشك وتغطين وتكون عندك قهوة محظرتها قبل تدخلين الحمام وشوي نونخة مطحونة حطي شوي نونخة بالفنجال وصبي فوقه قهوة وأشربيهاوأنتي

 

[سكر زماني]

تتتتتتتتتتتتتتتتتتتتتتتتتتاااااااااااااااااااااااا ااااااااااااااااااااااااابع

(6)​

أشربيها وأنتي تحت بطانيتك (لاتفارقين فراشك لمدة ساعة وبعد الساعة نشفي نفسك بمنشفة لأنك تكونين معرقة لازم تنشفين عشان مايدخل هوا وبدلي ثوك وطرحتك وأنتي تحت البطانية.
طبعاً خواتي بعد الكبو لاتحطين تحاميل.لأن الكبو يعتبر اخر خطوه وينشف الماء والأوساخ اللي سحبتها التحاميل من الرحم.
طلعتي الأربعين
أول يوم بعد الأربعين تكونين مجهزة قشور رمان وطاحنتها وتخلطينها مع عسل خوذي ملعقة وسط وأشربي وراه ماء دافي(على الريق) ولازم تجلسين بعده ساعة ماتاكلين ولاتشربين ماراح أكذب عليك مفعول الرمان والعسل يدوم 24ساعة فقط بس مايضر لكن لازم تسوينه عشان الرجل مايحس أن فيه تغيرات.
أنتهى...
(وصايا أم دارين للحلوين)
طول فترة النفاس ال40يوم
1/ تجنبي الجـــــوع
2/ لاتشربين ماء والمعده فاضية واذا أضطريتي تشربين أشربي منقوعة...لاتسألوني أيش المنقوعة والله ما أعرفها أنا اخذها من وحده ولا علمتني بالمقادير.
3/لاتمشين على الكاشي أو السيراميك بدون شرابات ونعول(أكرمكم الله)
4/الطرحة لاتطيح من رأسك .
5/ ربط البطن ربط خفيف بالشماغ طول الأربعين يوم.
6/تجنبي الحوامض والعصيرات والمشروبات الغازية والأيسكريمات و الطماط والليمون الأسود (الليمون بأنواعة تجنبيه)
7/تحــــــــــذير اللي خايفه من الحمل تنتبه من المقرونة لأنه من العوامل المساعده على الحمل فلذلك كولي حبوب مانع أو شوفي لك طريقة لمنع الحمل.
8/الرضــــــــــاعة الرضـــــاعة الرضــــــاعة وما أدارك مالرضاعة حاولي ترضعين الطفل من صدرك


......وأخيراً أسأل الله العلي العظيم أن أكون أفدتكن

 

[يقيني بالله]

جزاك الله خيرا
لكن بغيت أسألك كم كيلو تزيدي أثنا النفاس بصراحة نفاسك مليان سمن بري وطبعا مافي حركة وحتى العصيدة ووو لازم أكلها من دون تكثير
أما اللهوم فشيء خيالي ما دري شلون تقدون تاكلون كل هل الأشياء
ومستحيل أحط أي شئ على الجرح غير طبي

 

[زهور اللوتس]

جزاك الله خير موضوع ممتاز ومشكورة على الطرح الهادف والمميز

 

[doneaadnan]

ربي يجزيكي الخير عنا اختي
والله الكلام ما يعطيكي حقك
انا احتمال اولد في بيتي
بس معاكي ومع نصائحك القيمة
حسيتها هانت رغم اني كنت قلقىة
ربي يجزيكي كل الخير

 

[ثريا 2000]

:bigsmile:موضوع حلو ومشكورة :bigsmile:

 

[المنــــى]

يعطيك العاااااااااااااافيه ..

برجع أسألك كم سؤال .. بس بشرط تردين علي ....

وموضوع جدا مميز

 

[احساس الدنيا]

مشكووووووووووووووووووووووووورة

 

[حلو المحيا]

موضوع وايد حلو ومعلومات مفيدة لكن بعض الكلمات ما فهمتها مثل الخوا جوا وكلمات اخرى

 

[حلو المحيا]

موضوع وايد حلو ومعلومات مفيدة لكن بعض الكلمات ما فهمتها مثل الخوا جوا وكلمات اخرى

 

[مملكه زوجي]

يسلموووووووووووووو ع الموضوع

 

[دلع يحكي]

حبيبتي ماقصرتي جعله الله في ميزان حسناتك وفيتي وكفيتي

 

[دلع يحكي]

ماقصرتي حبيبتي الله يجعله في ميزان حسناتك

 

[شمعة وثلج]

ماشاء الله جزاك الله خير بس وين المعده والقولون الي بيتحمل كل هذا انا بالنفاس يرجع لي الوحم اشد من الحمل

 

[كل دنيتي زوجي]

مشكوره وماقصرتي انا استفدت منك كثير الله يجزاكي خيررررررررررر

 

[البارونا]

الموضوع حلو ووطوووووويل قرات جزء ولي عوده لاقرا الباقي بس على قرب موعدي علشان لاانسى
شككررررررررررررررررررررررا