اللولب

[#عصير كيوي#]

السلام عليكم
انا في الايام الاخيرة من النفاس وابغى اركب لولب ان شاء الله
متى اركبة ؟وكيف طريقة تركيبة ؟وهل هو انواع ؟وكم سعرة؟
سمعت يركبونة وانتي عليك الدورة صحيح
وهل يركبونة للبكربعد الطفل الاول؟
افيدوني جزيتم خيرا

 

[كاتياباسل]

بالنسبه لي أكره اللولب من كثر ماأسمع عنه بس للأمانه وحده من قرابتي مسويه لولب لمدة ثمان أوست سنوات وضابط معاها لحد ماراحت لطبيبة وشالته
بس ياقلبي أسئلتك هذي راح تجاوبك عليها طبيبتك لماتزوريها
أو أتصلي على طبيبة شاطرة وأسأليها
وبالتوفيـــــــــــــــــــــــق

 

[حلاتي بجمالي]

شوفي يالغلا انا مركبه للولب ليه اكثر من 3 سنوات والحمد الله ضابط معي توكلي على الله واهم شي الدكتوره
تكون شاطره
ايه له انواع انا مركبه العادي وسعره 350

 

[ذكريات4]

ياليت اللي عندهم خبره يساعدونا لاني حامل وافكر اركبه سمعت انه يسوي نزيف وتركيبه يموت الم وش افضل انواعه وشكريا

 

[آصآآيل]

ما عندي علم

كان ودي افيدك

 

[ريفان2020]

يتركب اثناء الدوره اليوم الخامس تقريبا له انواع واسعار السعر حسب السنوات تركيبه يعور اكيد مو معقوله يركبوا شئ بالرحم ماتحسي فيها لكن مدة تركيبها ماتتعدى دقيقتان او ثلاث حماتي تمدحه بالمره لكن الحين فكته وتدور العلاج للحمل لانها طولت مدته كان 5سنوات وخلته ست سنوات فيه معلومه اخيره ان اللي عمليه قيصريه مايركب لها يضر اما سعره اكثر شئ 500 واقلها350

 

[آيــــــــــات]

آنا ركبت لولب بعد نفاسي..

وبالضبط في اول يوم طهرت فيه

وتركته 4 سنوات والحمدلله لا حسيت بألم أثناء تركيبه أبد ولا دريت انها ركبت شئ اصلا الا لما قالت خلصنا..

لكن بعد ما نزلت من السرير حسيت بمغصه خفيفه عاديه جدا..

وبالنسبه لي كانت دورتي تطول يعني بدال مو 7 ايام صارت 13 يوم..

واللي ركبته لولب فضي وما اذكر سعره صراحه

 

[coffee]

حبيبتي انا ركبت لولب بعد الطفل الثاني لانهم ما ينصحون فيه بعد الطفل الاول احتياطا لا اكثر المهم ركبت النحاسي ومدته 10سنوات خليته 5سنوات وبعدها شلته وحملت بعد 3شهور بدون علاج او شي الحمدلله يتركب عزيزتي اخر يوم بالنفاس او بعد كذا بايام الدوره اخر ايام حتلا يكون الرحم فاتح لانها ما يالم الا اذا تركب وانتي ما عليك الدوره ايوا يالم...سعره مثل ما قالو الاخوات من 350-500 وهو انواع في الهرموني والفضي والبلاتيني والنحاسي انا ما جربت الا النحاسي عشان كذا ما بتكلم عن غيره ومده دورتك تطول شوي انا كانت 5ايام وصارت 9ايام وممكن اكثر واول 6شهور الدوره بتكون قويه مع الم حاد بالظهر بعد كذا خلاص تثبت وتعتدل والي مسويه عمليه قيصريه ما يتركبلها لولب الا بعد 6شهور على الاقل....هذا الي عندي وان شاء الله اكون افدتك

 

[باقيه الاوراق]

وين ركبتو اللولب انا بالرياض ابغى دكتوره زينه
مشكورين مقدما

 

[...ليووونه.....]

اذا كان اول طفل ماتركبه على طول لازم تستني على اقل 3شهور وتكون عليكي الدوره
وومدة الدوره تطول شوي
انا اشوف خلي الدوره تطول شوي ولا اشرب حبوب تخليني عصبيه او تنفخني وناس تسويلهم لخبطه في الهرومانات

 

[ربي رحمتك]

انا مركبته بعد الطفل الاول والحمد الله حملت بعدها

لكن يوم اركبه صار لي بعد النفاس سنه والدكتوره تقول مو كويس انكك تركبينه بعد النفاس على الول الرحم يكون لسا ما رجع لوضعه الطبيعي استني فتره بعدين ركبيه

طبعا انا مركبه اللي 5سنوات وما خليته الا سنتين و7شهور
ولخبط علي الدوره مررررره اول ما ركبته كان مره ضابط معي بعدها صارت تجيني الدوره ثم اطهر يومين وبعدها يصير كدره وتستمر احيانا شهر ونص الى شهرين
الين حامت كبدي وفكيته

بس نصيحه مني لك اذا ركبتيه لا تقولين لاحد انك مركبته ترى الناس في اللولب ما تعطي خير

لانه قليل اللي يصير معها ماشي
من تجربتي وتجربه وحده اعرفها والله من قلت لوحده اني مركبه لولب وانا منعفسه وصارت الكدره معي لين ما فكيته وعرفت اني فاكته

وكنت مركبته عند نجمه عبدالشكور في حي الوزارات في الرياض
حول وزاره الداخليه وهي مرررررررررررررررررررررررررررره ممتازه وشاطره بعد الله سبحانه

 

[عنأقيدالوفا]

اناجربته كان النوع اللي طلبته بلاستك مدة مفعوله ثلاث سنوات

كان عندي ولدين

بس اخت زوجي ركبته بعدماجابت بنتهاالاولى وخلته سنتين ونزلته بس ماحملت لبعد سبعه اشهر لدرجة انهاخافت بس يمكن السبب انها بكر

انا تركته سنتين ونزلته وحملت بعدها بشهرين

بنسبه لتركيبه ماتحسين فيه نهائيا بس انا تعبت بدورتي الاولى شوي لانه حاجه جديده بجسمي بعدين عااااادي ماصرت احس اني مركبه شي

ركبته ب250 طبعاحتى اللولب من المستوصف نفسه

وبس تعبت خخخخخخخخخ

اتمنى اني افدتك بس انا اشوف ان ماله ضرر اسئلي الي حولك عن دكتوره ركبو عندهاوتوكلللللي

 

[أم حميدة]

إذا كنت من النوع الي وزنه لا يثبت فلا تركبي لأنه لا يثبت معاك اللولب ، وإذا نزل دم كثير لبعض النساء تنزل أيضا وأ،ت ماتدرين فيحصل حمل
وممكن تستعملي حبوب تحماميل للمهبل نيوسامبون بدون أضرار وهو قاتل للحيوانات المنوية