الله يوفق ويسعد من تدخل تعطيني رايها

[دافئة القلب]

ماشاء الله تخطيط حلوووو جداااااااااااا الله يهنيك فيه

 

[ايفوريا]

الصراحه فكره رائعه
الله يتمم لكم على خير
وتنبسطوا في بيتكم الجديد

 

[ياغيابه]

تقولين ماعاد يمدي تعدلين ..


انا ضد ان المطبخ يفتح على الصاله بصراحه ..
​

 

[ام عبدالله7]

غبايه اعطيني فكرتك الله يخليك

 

[ام عبدالله7]

معليش ياغيابه ردي الله يخليك

 

[زهور البستان]

الله يبارك لكم فيه من المخططات الناجحة ان يكون غرفة وحمام الشغالة بجوار المطبخ ويكون بدرج وحين يتمم تنظيف البيت اليومي وخاصة الغرف الي فوق خلاص ماعاد تتمرر فوق وتشوف جلسات الاسرة الخاصة وخاصة الشبابفكرة رائعة موفقة

 

[ام جيداء]

حلوه طريقتك واذا المطبخ كبير عادي مايأثر البابين
ولو يكون لها غرفه صغيره مع الحمام يكون افضل
كذا مسوين بيت اهلي ماكأنها موجوده في البيت
موفقه اختي ،،،،الله ييسر امورك

 

[ياغيابه]

هلا حبيبتي


انا افضل استفيد من كل شبر بالبيت وفتح المطبخ على الصاله مايعجبني شخصيا

اولا احب استفيد من الصاله بحيث ماتكون مجرد مرور وعرض لأثاث انا ما اجلس ولا استقبل فيه احبها تكون جانبيه وانفتاح المطبخ عليها يخلي ريحة الاكل والمنظفات وكل شي يطلع منه للصاله ويتوزع على البيت ..

انا احب المطبخ يكون بابه باتجاه ( صاد ) عن اماكن دخول الناس والمعازيم << مدري فهمتيها اولا ( صاد ).


انا الحين بشقه رووووووووعه تصميمها فيها موزع مستطيل فيه باب غرفة النوم وباب غرفة الجلوس وباي المطبخ وباب يطل على الصاله لما اسكر الباب اللي يطل على الصاله يصير كاني في جناح مستقل ..

ورى باب الصاله اللي انا سكرته الصاله والمجلس وموزع اخر للحمام تكلامين والمغاسل .. يعني لما يصير فيه ضيوف تصير الصاله مقلط كانها غرفه بس ينتهون يطلعون للمجلس ويسكرون باب الصاله من جهتهم لما افتح الباب اللي باتجاهي تصير كانها تابعه لقسم النساء .. اتمنى تكوني فهمتي ؛؛


الشقه كل من دخلها قال دور مو شقه ماشاء الله لانها وسيعه وتحسين ان فيها غرف رغم انها مجلس رجال وثانيه غرفة حريم ونوم بسسسس ؛


المطبخ مو دايم بيكون بمنظر تتمنين كل من جاء طل فيه حتى لو فيه شغاله وثنتين ولاهو للتفرجه ودكـ لما يجون ناس مايدرون الا والاكل بين يديهم مو عفسه وكل من مر طل فيه واصوات طالعه نازله وطقطقة قدور وغيره ..



اتمنى اكون افدتكـ واسفه اني تاخرت بردي بس والله ما انتبهت والموضوع رجعت له بالصدفه ..
​

 

[ياغيابه]

اذا قصدكـ على الشغاله <<< قصدكـ ابعادها .. فاحسنتي طريقه رائعه ولكن احسني اختيار مكان المطبخ .



لدي فكره بسيطه :

المخزن اذا سقفه طويل للاعلى ففيه الاسقف المستعاره او الخشب الاصلي غالبا يكون ماليزي ؛ من جانب المخزن سوي لها درج وزاويه باعلى المخزن (( يعني كانه دورين المخزن )) بس مفتوح الدور الثاني ومايكون كامل بس مساحه بسيطه وحطي فوق سريرها ..

اذا المخزن يفتح على الحوش حطي لها حمام ؛
​

 

[توتونجد]

تسكنيه يارب بصحه وعافيه​

 

[ياغيابه]

هلا حبيبتي


انا افضل استفيد من كل شبر بالبيت وفتح المطبخ على الصاله مايعجبني شخصيا

اولا احب استفيد من الصاله بحيث ماتكون مجرد مرور وعرض لأثاث انا ما اجلس ولا استقبل فيه احبها تكون جانبيه وانفتاح المطبخ عليها يخلي ريحة الاكل والمنظفات وكل شي يطلع منه للصاله ويتوزع على البيت ..

انا احب المطبخ يكون بابه باتجاه ( صاد ) عن اماكن دخول الناس والمعازيم << مدري فهمتيها اولا ( صاد ).


انا الحين بشقه رووووووووعه تصميمها فيها موزع مستطيل فيه باب غرفة النوم وباب غرفة الجلوس وباي المطبخ وباب يطل على الصاله لما اسكر الباب اللي يطل على الصاله يصير كاني في جناح مستقل ..

ورى باب الصاله اللي انا سكرته الصاله والمجلس وموزع اخر للحمام تكلامين والمغاسل .. يعني لما يصير فيه ضيوف تصير الصاله مقلط كانها غرفه بس ينتهون يطلعون للمجلس ويسكرون باب الصاله من جهتهم لما افتح الباب اللي باتجاهي تصير كانها تابعه لقسم النساء .. اتمنى تكوني فهمتي ؛؛


الشقه كل من دخلها قال دور مو شقه ماشاء الله لانها وسيعه وتحسين ان فيها غرف رغم انها مجلس رجال وثانيه غرفة حريم ونوم بسسسس ؛


المطبخ مو دايم بيكون بمنظر تتمنين كل من جاء طل فيه حتى لو فيه شغاله وثنتين ولاهو للتفرجه ودكـ لما يجون ناس مايدرون الا والاكل بين يديهم مو عفسه وكل من مر طل فيه واصوات طالعه نازله وطقطقة قدور وغيره ..



اتمنى اكون افدتكـ واسفه اني تاخرت بردي بس والله ما انتبهت والموضوع رجعت له بالصدفه ..
​

 

[احب الامارات]

مبروووووك البيت والتخطيط تمام التمام معاد به كلام