الله يوفقكم الغيره دمرت بنتي

[عذبة البسمات]

ما كنت أتوقع يابنات ان الغيره تسوي كذا ...........الابعد ماشفت بنتي .......تعبت وربي منها صرت ما أقدر انام الليل مرتاحه ,,,,,,,,,,عشانها تبكي وهي نايمه ......خصوصا باليوم اللي يزعق أحد عليها .......على طول اعرف ان الليله مافي نوم .............؟؟؟؟؟؟؟؟؟؟؟؟
عمرها ثلاث سنين ........وأختها ثمان شهور وكل ما تمر مده تزيد الغيره أكثر والانتكاس زياده .........
ماتنام الا اذا نامت اختها ولا تقوم الا اذا قامت ........عينها على اكلها وشربها .......وصل الحد الا انها تضربها ,,,,,,
والله اني اداريها بس ايش اسوي زياده نبهوني الله يخليكم

 

[لـ صمت كلام]

الله يكون بعونك خيتو يمكن انت وبوها تهتمون في الصغيره اكثر من الكبيره

خففي اهتمامك فيها جيبي العاب وشكولت وقولي هذي من اختها

 

[ام الحلو تين]

نفس المشكله وكل مايكبرون بتكبربنتي عمرها 4سنين ونص والثانيه
سنتين ونص .. شايفه الويل منهم كله هوشه وعناد وصرااخ يعني
يصفون دقايق .. بس اهم شي خلي الكبيره تساعدك بتغيير البيبي
وتجيب لك الحفاظ والملابس وتدخل معك وانتي تروشينها دايم قولي لها
اختك بتكبر زيك وبتلعبون سوا وتروحون للمدرسه .. حراام فيه بنات
ماعندهم خوات يحظك انتي عندك اذا اشتريتو لابيبي شي لازم تشترون لها شي يعني اذا احتاجت من الصيدليه حليب اوغيره خلي ابوها يجيب
شي لها شامبو اوليفه على شكل حلو لاتحسسونها انها عدوه لها انتي
راقبي من بعيد صدقيني الاهم الحين نفسيت الكبيره لانها تفهم بس بنفس
الوقت حسسيها ان اختها لاتقل عنها انتبهي من كلمة انتي كبيره حتى لو
قالتها هي قولي لا انتي كبيره شوي بس صدقيني هالمرحله مهمه
ولا تتضايقين الكل يشتكي بس ركزي على اللي قلتلك من تجربتي
وبعد خلو لكم يوم كل اسبوعين مثلا" تطلعون الكبيره مشوار تحبه
وخلي الصغيره عند الاهل ... اسفه للاطاله واتمنى اكون افدتك.

 

[مكان القمر]

اعرف وحده برابع ابتدائي تغار من اختها الكبيرة رغم ان الكبيرة بالثانوية
ماتخليها تتهنأ بشيء
الكبيرة بتموت من الضيق تخيلي الموقف
يعني مو الكبيرة تغار من الصغير
العكس
ماتخليها بحالها

الغيرة مرض العصر
الله يعنك اختي
ومالك غير الدعاء وتحصنين بنتك وتخلينها تنشغل بترتيب او تلوين
عشان تشيل اختها من راسها