الله يفكه قريب

[فوفة الاموره]

الله يفكه قريب ياحي ياقيوم

 

[وردته]

الله لايسامح اللي سوا فيكم كذا ولايريحه بدنياه..

ياااقلبي الله يفرج همك وييسر امرك ويشفي زوجك وينفك السحر..شغلي سورة البقره بالبيت على طووول لاتطفينها..

ادعي ربك واستغفري وربي مابيخليك..

 

[ام رنومه]

حسبي الله ونعم الوكيل الله يفرج همك يااااااارب

 

[مرمورة]

اللي يسألوني اشلون تأكدت انه سحر؟؟ اللي سحر زوجي اتصل عليه وقاله انه هو سوا له سحر لاكن الله لا يسامحه اختفى وهو سحر زوجي يبيه يتزوج اخته حسبي الله عليهم اللهم ارنا فيهم عجائب قدرتك اللهم احرمهم الصحه والعافيه ​

ومادليلك على ذلك ؟؟؟؟ كلام زوجك؟؟؟؟؟؟ ربما يغطي عجزه الجنسي بهذه الكذبة

لا أدري لم لست مقتنعة أبدا ...هذا الأمر حساس جدا عند الرجل ولو كان متأكدا أنه مسحور لطرق كل باب ممكن لفك السحر ولسعى بكل قوته ولكني أراك أنت من تسعي وهو لايبالي

ليس هناك خسارة من الذهاب لطبيب مختص ودعيه يجري التحاليل المطلوبة واطلعي على كل شيء بنفسك لا تعتمدي على كلامه فقط هذا أبسط حقوقك بعد أن صبرت معه عامان​

 

[سهم العشق]

هو لازم يصلي ويحافظ على اذكار الصباح والمساء المفروض الشيخ اللي يقرأعليه يفهمه هذا الكلام انت انصحيه واذا ما نفع خلي احد من اهله يدخل في الموضوع 00 ​

 

[داريين]

الله يفك سحره
وييوفقكم
آميييييييييييين
اعذريني ما عندي أي معلومه​

 

[بنوتة بلادي]

واااااايد كثرت سوالف السحر و المدح.... كل ما أدخل موضوع... أشوف كاتبين انهم سحروا أصحاب المشكله أو حسدوهم.... بصراحه انا مب مقتنعه في هذي الأشياء... صح السحر و الحسد موجود... و ما أنكر هالشي... بس دام الناس ما تخلي في بالها إلا ان اللي ما قدر يجالمع زوجته مسحور او مسحود عمرها ما بنتحل المشكله...

الشيخ اللي رحتوا له ثقه؟؟؟؟ يعني شيخ صدق و لا خرطي؟؟؟ في ناس تحت مسميات شيوخ.... و هم ما لهم علاقه في هذا الشي...

أختي الغاليه... أفضل أنواع الرقيه الشرعيه هي اللي يرقي الإنسان نفسه بنفسه..... شيوخ واااااااااااااااااايد قالوها.... ارقيه و هو نايم... حطي يدج على راسه و ارقيه... ما في أسهل منها...

و بعدين اختي... معقوله ريلج سنتين يراكض بين الشيوخ و للحين ما انفك السحر!!!!! واحد من ثلاث.... يا اما هالشيخ أصلا مب شيخ.... أو هالشيخ ما يعرف يفك السحر فلازم تروحين عند واحد ثقه.... أو (و هذا رأيي) زوجج عاجز و مب راضي يعترف بهالشي....

كفايه ما ضاع من عمرج... لا تقولين أحبه و يحبني و حاولنا.... الإسلام حلل لنا الزواج لعف النفس... كيف بتعفين نفسج... المداعبات وحدها ما تكفي يا عمري.... وبعدين انتي ما تبين أطفال؟؟؟؟ من وين بتيبينهم إذا هو عااااااااااااااااجز؟؟؟؟؟

اتخذي موقف صارم... و اقعدي معاه (فكري عدل في هالخطوه قبل ما اتنفذيها)... و قولي لها إذا مب راضي تتعالج و تروح الفحص الطبي و عند دكتور أنتي تختارينه (لأنه ممكن يتفق مع الدكتور انه يكتب في التقرير انه سليم... كل شي جايز في هالدنيا).... ما في مجال نستمر على هالحال... و بلغي أهلج بالسالفه... و لا تخلينه يحاول يمارس معاج بأي طريقه ثانيه... علشان القاضي يحكم لصالحج على طول بعد الكشف على العذريه...

حبيبتي.. عمر بن الخطاب رضي الله عنه أمر أحد من جنوده ان يرجع من الحرب لأن سمع زوجة الجندي و هي تقول شعر في حاجتها لزوجتها.... و من هناك أمر ان الرجل ما يبتعد عن زوجته حتسيا أكثر من 4 شهور.... فما بالج انتي... سنتين....

فكري عدل... و لازم تلتزمين بأي قرار تتخذينه...

و صح في نقطة مهمه.... اذا ريلج صادق في مكالمة صديقه له... يمكن صديقه بس يكذب عليه... و النفسيه لعبت دور في الموضوع... و مناك هو سليم... جايز بعد هالشي...​

 

[بـدويـه مـودرن]

انا اشوف انك تكلمين احد من اهله تودونه عند شيخ تقرى عليه افضل من انه هو يقرا

..

حسبي الله ونعم الوكيل على من كان السبب​

انا اشوف بعد هذا افضل حل
شوفي بعد زيت السدحان المقري عليه
دهنيه كل يوم واقري انتي عليه
ولاتشربون الا مويه مقري عليها
وزوجك انتي اجلسي معاه واقنعيه متى بنعيش حياتنا ونجيب اطفال وكذا
شوقيه للحياه الحلوه بين اي زوجين
وحسبي الله ونعم الوكيل عاللي ضركم
وخلي سورة البقره شغاله في بيتكم 24 ساعه

 

[بـدويـه مـودرن]

ومادليلك على ذلك ؟؟؟؟ كلام زوجك؟؟؟؟؟؟ ربما يغطي عجزه الجنسي بهذه الكذبة​

لا أدري لم لست مقتنعة أبدا ...هذا الأمر حساس جدا عند الرجل ولو كان متأكدا أنه مسحور لطرق كل باب ممكن لفك السحر ولسعى بكل قوته ولكني أراك أنت من تسعي وهو لايبالي ​

ليس هناك خسارة من الذهاب لطبيب مختص ودعيه يجري التحاليل المطلوبة واطلعي على كل شيء بنفسك لا تعتمدي على كلامه فقط هذا أبسط حقوقك بعد أن صبرت معه عامان​

اي اهم نقطه يروح للدكتور ويشوف هالشي نفسي ولا عضوي
اذ نفسي يعني اكيد زوجك فيه شي
اذ عضوي الله يعينك ربي يشفيه من عنده

 

[آميـرة بأخلاقي~]

لاحول ولاوقوة الا بالله العلي العظيم
اللهم أشفي زوجك ,، وحسبي الله على من كان السبب
..

 

[اسكادنيا]

اقري عليه وهو نايم ان ارتفعت رجليه عن الارض بكون ملموس وعندها خلي اهلو يوده عند شيخ داخل مسجد ويقرو عليه طبعا من غير مايدري لنو ان دري مارح يروح معاهم والسلام