الله يفرج همومكم ساعدوني حياتي على وشك الإنهيار

ك

كسرتني الأيام

New member
إنضم
2011/03/24
المشاركات
11
الله يفرج همومكم ساعدووووني..

أنا عمري 30 سنة انخطبت قبل 5شهور تقريبا وبعدها قبل شهرين سويت الملكة وكانت كبيرة وحلوة جدا وكان الخطيب انسان طيب سألنا عنه وقالو كويس ومن عائلة محترمة.. جامعي لكن موظف في شركة براتب قليل وافقت على أساس (المال مو كل شي) واكيد بتتحسن أوضاعه واهم شي انه طيب المهم بعد الملكة لاحظت انه مندفع جدددددا..ويحاسب على كل شي..ويدعي على نفسه كثيييييير ويتضايق لأني خجولة معاه ومااعطيه مشاعر على قولته وحاولت افهمه انه مستعجل عليه واني بنت واخجل..عصب عليه كذا مره وتراجع واعتذر..حسيت انه تعلق فيني وحبني كثير..
وقلت معليش كلها اشياء تصير.. المهم في لحظة صفاء صارحني بشي تاعبه جدا وهوه انه ماخلص الجامعة ولازال يدرس وباقي له تقريبا النص..أنا انصددددمت كيف كذب علينا قال والله محد يدري حتى اهله..وخاف يقول لأبوه انه ماخلص جامعة..عشان كذا مشي الموضوع واحنا نعرف الأب فوثقنا في كلامه ومافكرنا ابدددا نسأل عن موضوع الجامعة لأنو موضوع ماينكذب فيه..أنا في البداية انصدمت..ومن صدمتي حاولت اهدي الموضوع عليه واهونه واشجعه انو الجاي احلى..بس لما قفلت منه وجلست مع نفسي مااستوعبت كيف كذا؟؟
كيف يستغفلني؟؟؟
كيف يكذب على اهلي؟؟
كيف يكذب على أهله؟؟
انا ماهمني ذحين الجامعة قد ماهمني كيف بنى حياتي على كذب؟؟
والمشكلة يقول أنا قلت لك ذحين قبل ماتدخلين بيتي وتنصدمين (مسوي أخلااااق) قلت مافرقت يعني ذحين او بعدين بكون مطلقة لو ماتقبلت كذبتك..
بنات انا جددددددددا تعباااااااااااانة كيف يبني حياتي على كذب؟؟؟
كيف يكذب عليه وعلى ابويه واخواني؟؟
اعتذر وبكى وحاول يعدل الموقف وكلمتني امه..
لكن الموضوع مووووو سهل اللي كذب في شغلة زي كذا ماينوثق فيه ولااضمنه في المستقبل..
ساعدوني اش اسوي لو طلبت الطلاق بكون مطلقة في الثلاثين ومااضمن الشخص الثاني يكون كويس..ولو كملت معاه احس انو مو صادق ورجل بكل معنى الكلمة..
ساعدوني الله يفرجها عليكم اش اسوي اش الحل؟؟​
 
السلام عليكم

اولا استخيري ربك مالك الملك سبحانه وعالم الغيب.

ثانيا اذا الرجال اجودي ويصلي وانت مرتاحه له ..توكلي على الله وتزوجيه وليش تطلبي الطلاق ؟

يا ستي من يحصل عرسان ذاليومين !!!

ومادامه متوظف فهذه نقطه في صالحه ...

عزيزتي اذا الشاب ليس من جماعتكم فسئلوا عنه اكثر واكثر

اذا ما يصلي اتركيه

اذا مدمن مخدرات اتركيه


والله يكتب لك الي فيه الخير ويوفقك وجميع بنات المسلمين
 
أهم نقطة هي التريث وعدم الاستعجال...لاتظلميه وصدقيني لاتأخذي أبعادا للموضوع أنا رأيت أمامي تجربة شخص من عائلتي لم يستطع أن ينجح في الكلية التي سجل فيها حاول وحاول مرارا وتكرارا لكنه لم يفلح اضطر أن يكذب على أهله لأن الدراسة والتحصيل العلمي شيئ أساسي عندهم...عانى كثيرا ونفسيته تدهورت وبنهاية وبطريقة الصدفة أهله علموا بالخبر طبعا كانت صدمة قوية ولكن استسلموا أخيرا ...وجد عملا وتزوج إنسان قمة في الالتزام والاخلاق وناجح في حياته الزوجية ماشاء الله تبارك الله...انظري لزوجك هل عنده ايجابيات قد لاتتواجد في شاب غيره..؟؟؟هل تحبين عشرته ولقائه؟؟؟هل تشعرين أنه هو من تتخيلينه أبا لأولادك؟؟؟هل هو رجل بمعنى الكلمة يعتمد عليه وله حضور بين الرجال؟؟وراء كل تصرف دافع قد لايشفع له ولكنه يمكننا من فهم شخصية الطرف الآخر ومالذي كان السبب وراء تصرفه بهذا الشكل؟؟...اسأليه لماذا لجأ للكذب ؟؟هل كان هناك ضغط معين يمارس عليه؟؟هل فشل في الدراسة وقصر فيها..؟؟واسألي نفسك هل تستطيعين أن تتغاضي عن ذلك؟؟استخيري واتخذي القرار الذي لايظلمك ولايظلمه...المهم أن لاتضخمي الأمر كثيرا...ربي يخترلك الخير.
 
المشكلة لييييييش يكذب عليه ليييييييش يستغفلني ويستغفل أهلي؟؟؟

ليييييش يبني حياتي على اساس غلط؟؟

اللي يكذب ذحين في موضوع زي كذا مااااااضمنه بكرة
 
قد يكون خائف من أن يفقدك ولاتقبلي به إن علمتي أنه لم يكمل دراسته....تريثي واستخيري ...
 
انا اشوووفه شي مايستاااهل كل هااللي جالسه تسوينه الحمدلله هو قالك لو كان يبي يكذب كان واااصل
بما انه حبك وتعلق فيييك ووثق فيك قالك الصدق والحمدلله هذا شي مو مهم
اهم شي اخلاقه ياقلبي لاتدمرين حياتك بنفسك
واتكلي ع ربك
 
لا تستعجلي
والله احسن من يتفرج افلام اباحية واللي يخون واللي يسكر
واللي يحشش
واللي يدخن
واللي ما يصلي
زوجك ليس ملاك لا يخطا كل بني ادم خطاء
وهو حلو منه انه اعترف لك
لا تكبري الموضوع
لو تشوفي مشكله غيرك تهون عليك مشكلتك
الله يؤلف بينكم
 
هو ماكذب عليك اساس الكذبة من اجل اهله بس عشان كذا قالوا لك انه جامعي وهو ما استغفلك بالعكس فهمك انه ما اخذ الشهادة لازال يدرس يعني بدأ حياته معك بوضوح واذا كان هذا عيبه الوحيد ترى شي هين وقارني الايجابيات بالسلبيات ولا تنسين ان عمرك مو صغير والزواج فرص يمكن ما يجي احد بمواصفاته استخيري والله يكتب اللي فيه خير
 
شوفي حبيبتي اهم شي والافضل من كل استشارة انك تستخيري الله عز وجل .وهو بكتبلك الاخير.
انت استخيري بنية اك تكملي معه وذا خير لك بتكملين واذا شر الله بيبعدك عنه وبيعوضك ان شاء الله ويارب يكتبلك كل خير ويقربه لك.:7:
 
غاليتي

استخيري اكثر من مره لو احسست براحة تجاه هذا الرجل توكلي على الله واكملي حياتك معه
لكن اسئليه هل كذب عليك في اي امر اخر يخص حياتكم مع بعض
واعلميه انك لن تتغاضي ولن تتساهلي ابدا لو اتضح انه كان يستغفلك او يكذب عليك

بالنسبة للدراسة اعلمي اهلك واشترطي عليه يكمل دراسة وينهيها في الوقت اللازم
وخلي اهلك واهله على اطلاع على هذا الامر علشان يضمنو لك

انا زوجي لما خطبني قالو اهله انو دارس وطلعو كذابين
والسبب كان امه للاسف شايفة بما انها قريبة من ابوي بقوه تقدر تكذب علينا
ولما نكشف الامر مارح نعمل شي
مسويه فيها تمون
بالاخير الحمد لله زوجي كمل دراسة واحنا متزوجين ووصل مراتب عمرهم ماتخيلوها
واهم شي بعيد عن منتهم واحسن مافي الامر
هو امتنان زوجي الكبير لي لاني اعنته على الامر ​
 
يابنااات المشششكلة له حوووالي 8 سنواااات في الجامعة وماخلص الا النص..
فالأب ممكن يروح فيها لو عرف..ودوبه توظف من كم شهر..صرت خايفه من كل هذي الأوضاع
 
الله يهديك ليش مكبره المشكله ،ممكن مثل ماقالوا الاخوات انه ماحب يفقدك ،وهذه فرصه لك عزيزتي تعينيه وتساعديه يكمل دراسته//وركزي على ايجابياته،وسالفة الكذب هذه بتزول مع العشره التقارب بينكم/لاتنسين انك في سن مايسمحلك تفرطي فيه.
 
اذا تبين تسوين شي قولي له كمل دراستك
واذا ما رضى يكمل دراسته قولي له ماراح أسامحك على كذبتك
 
المشكلة مااحس اني قااااااااادرة أثق فييييييييه...

خاصة اننا كثير اختلفنا في الشهر ونص هذي

اش اسووووووووي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل