الله يعيننا على هالحموات ام الزوج

ا

احلا البشر

New member
إنضم
2009/12/05
المشاركات
380
يابنات باختصار البارح قاعدة اصلح شغل للدوام على الكمبيوتر والشغالة حطت العشا وزوجي كان معزوم اللي حصل ام زوجي يوم جات تتعشا في الصالة مع اولادي لاني كنت مشغووولة سالت بني عني امك وين وش تسوي قالتلها بنتي تشتغل على الكمبيوتر قالت ام زوجي بصوت عاالي وبنرفزة أإأأاااف من الكره لي وانا والله ماقلت لها شي وطول النهار اشتغل واصلح الغدا والعشا وتعبااانة وكان عندي احصائيات لازم تتسلم من بكرة
مع العلم ا نه اول مرة اشتغل في البيت دايم اخلص الشغل وقت الدوام
شوروا علي اقول لزوجي اطنشها احسن والا ابين الها ان بنتي قالتلي
لان زوجات عيالها الثانيات تخاااف منهن ولو وحدة منهن صار لها زي اللي صار لي كان زعلت وقومت الدنيا وقعدتها وقالت لرجالها وسوت سااالللفة لين تتوبها تحترمها وماتغلط عليها
آآآآآآآآآآآآآآآآآآآآآه حسرة علي اهين نفسي واستحي منها ومن زوجي واتحملها وهي ماتستاهل
والله من البارح مانتمت من الغيييييظ
مقهووورة منها وحااسسسة ان مقدر اسوي شي وهي طااايحة فيني لان قبل كذا مرة تهيني وقدام زوجي بعد
الله بس يعينييي
عذرا على الاطاله
آمل الرد وكيف اتصرف معها تصرف يرد لي كرامتي وشششككككررررااا
 
الله يساعدك حبيبتي ونتي حماتك وراك انا حماتي قدامي
الله يصبرنا ياقلبي
 
الله يعينا بس لا والي يقهر قدام ازوجنا واهلينا وقرايبنا يقولن والله مثل بنتي
الله يكفينا شرهن بس والله
المعامله مع الله ولا تشوف الشغل الصح
حبيبتي احلا شي التطنيش
لاتقولي ولا عبالك خاصه اذا كان زوجك مايرضي على امه
 
لا تقولين لزوجك
واحس الموقف ترى مرة صغير وما يتسوى يتكبر

يعني بتقولين لزوجك امك وامك وامك
وبعدين يسألك وش سوت
تقولين قالت لي : اف !!!!!!!!!

صغريها تصغر .. كبيريها تكبر
 
احمدي ربك من وراك مومن قدامك وقدام الخلايق وانا من راي فلفله
 
احس ماله داعي تقولين لزوجك لانه شي تافه واذا صار شي كبير ممكن تقولي له وتبين الصراحه طنشي

هم قالوها طنش تعش الله يوفقك
 
في هالمشاكل طلعي زوجك برا الموضوع وتفاهمي انت معها واجهيها واسأليها ليش قالت كذا وبيني انك ما قصرتي.....وسويتي شغلك بالبيت.........كل ماكنت واضحه وقويه معها تحترمك وتحط لك اعتبار وان سكتي صرتي مثل الجدار الطامن الكل يتخطراه على ما قالوا...........
 
حبي قولي لها بكره ليه ياعمه تقولين كذا انا اعزك وانتي زي امي بس كنت مشغوله مو كره فيك ثانيا يمكن بنتك كذابه دايم الاطفال كذابين
 
الله يحنن قلبها عليك ويهديها ,,, نصيحه,, تــــــــــــــغــــــــــــــــــافلي
 
اذا ولدها فيه خير ماراح يقول لأمه شي لانها امه امه امه
واحمدي ربك ان زوجك كذا عشان بكره يرزقك الله بر عيالك لك
وكلمة اوف هذي للاسف نقولها حتى لاعز الناس علينا
طنشي واسكتي ولا عليك منها
 
طنشيها احسن0000حتى لوقلتي لزوجك بيضربها بيتكلم عليها هذي امة ؟؟؟؟؟؟
 
اصعب شي في الدنيا التعامل مع ام الزوج

اولا لانها ام زوجك وما تقدرين حتى تشكينها عليه

ثانيا لانها حرمه كبيرة وليس منا من لم يوقر كبيرنا

ثالثا لانك مربوطة فيها ربطة العمر

المهم في الامور هذي ما في داعي تقولين لزوجك لان الرجال من طبعم يشوفون عمايل امهاتهم واخواتهم امور تافهة وبعدين ما تستفيدين شي

لكن انتي بدون مشاكل ولا شكاوي ولا طولة لسان بيني لها زعل وانتي ساكتة
بدون ولا كلمة

بتعابير الوجه

انا ام زوجي حاولت على مدى 15 سنة اكسبها تحملت كل شي التعييب والتعيير والدق في الكلام وفوق هذا ادللها واسوي لها اللي تبيه واطبخ لها الاكل اللي تحبه واهدي لها ومسخرة عيالي لخدمتها واجلس معاها طول الوقت

وما اشوفها الا تزيد كره لي وتحرش زوجي علي

فقررت اغير اسلوبي معاها
اذا جاتني اقوم بالواجب وانا ساكتة

بطلت اهاديها

بطلت اسهر معاها ( هي اذا زارتنا تجلس شهر او شهرين )

بطلت اسولف معاها

هي في النهاية ماهي رحم لي ومادام ما اقصر معاها في الخدمة ولا اغلط عليها ولا احرش ولدها عليها خلاص ما لها عندي شي

المهم بعد ما غيرت معاملتي لها بطلت تجي وتطول وبطلت تدق بالكلام

اعتذر على الاطالة بس موضوعك شي ارقني ونكد علي سنين

والله يهديها لك ويكفيك شرها

وتعلمي هذا الدعاء قال لي عليه شيخ:

اللهم رب السموات السبع ورب العرش العظيم اكفني كل مهم من حيث شئت ومن اين شئت ( 3 مرات صبح ومساء)
واقري عليها سورة الفيل ( بس من غير ما تحس طبعا )​
 
لا تخبري زوجك
وتعمدي أن تذكري أمامها في حديث ودي عادي
أنك أحيانا تعانين من مهام العمل ومشاغلة بسبب غياب بعض الموظفات ومن مسؤوليات البيت و الأولاد
بعض الناس تهمه هذه التفاصيل حتى يتفهم ويحس ومن ثم يقدر الطرف الآخر
فإنشغالك وسكوتك ربما فهمته كنوع من التطنيش أو اللامبالاة​
 
طيب انا عندي لك راي!!!!!!!!
وش رايك تطلبين من زوجك بيت لحالك حتى لو مافيه امل تطلعين بس من باب التهديد لانك لو طلبتي منه اكيد بيروح يقول لامه بعدين امه تحس انها غلطانه مع انهم دايما في بالهم انهم الصح والمظلومين وعساها تحس وتنتبه انك متضايقه من كلامها ..
تقبلي مروري...
 
طنشي ولاتقرنين نفسك بحمواتك السيئات لاتخلينهم قدوتك
 
غاليتي..

لا تكوني مفتاح شر، ولا تسمعي كل من ينصحك غلا بعد تعقل و تروٍ


لو كانت هذه المرأة والدتك، و تعيش مع زوجة أخيك،

كيف سيكون موقفك لو أن زوجة أخيك شكت والدتك عن ولدتها!

أترك لك الإجابة..


ثم هي بمنزلة أمك، و لها حق التوقير و غن أخطأت عليك.

تحملي و اصبري و احتسبي الأجر عند الله، و لا تكوني كـ(سلافيك)


تقولين يوقفونها عن حدها، و الله كبيرة على أم لها حق في ولدها أكبر من حق زوجته!

الشيطان هو من يسول لك أنك ضعيفة بسكوتك،


السكوت في بعض المواقف يكون قوة و عزة، و ليس ضعفا.

سكوتك عن الرد عليها أو الاهتما حتى بما قالت دليل على

قوة شخصيتك، و رجاحة عقلك.


لا تكوني مثل بعض الزوجات السفيهات كل شاردة وواردة تدور بينها و بين أمه
تبلغه بها و تظهر تذمرها منها،


إذا لم تستطع العيش معه تتركه و امه


هذه امــــــــــــــــــــه، رضاها من رضا ربه.

فلا تكوني طريق لزوجك غلى النار، فالله أوصى ببر الوالدين و هما كافرين

فكيف بهما و هما مسلمين!


من رأيي أن لا تخبري زوجك بأي شيء يصدر عن والدته نحوك

في المقابل أشعريها بمدى بحبتك لها و سرورك لوجودها عندك


و لا تتدخلي بينها و بين ابنها (لا بخير أو شر)

يعني تشرشحة، أو تدلعه كأنك ما أنتِ موجودة (فهمتي)



لا تثيري غيرتها نحو سواء بحديثك مع زوجك في حديث خاص

أو مدحه امامها، و اظهار محبته لك.


كما لا تثيري غيضها بكثرة طلباتك أو شكواك منه.



الحماااااه حساسة.. انتبهي



و لا تنسي أنه فلذة كبدهـــــــــــــــا
 
الله يعينك على نفسك يارب
وتنسي
بس من الافضل ومن الذوق تعشيتي معاها لو شوي وقمتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل