الله يعديها على خير

[alma]

زوجي تركلي الجمل بما حمل وبدون باي باي وسكن في احد الفنادق كل مانخرج من المنزل انا واولادي اتقول الخدامه انه كان في البيت وفضى خزانة الملابس وانا في نار وكانى فاقده الذاكرة لين الحين مب مصدقه ان قدر يدرك البيت والعيال ويتركني واحنا تونا باديه الاجازه والكل ايمر ايودعني اللى مسافر ويقضون اجازاتهم مع اسرهم والاخ رمانا وراء ظهره ولاسئل فينا طيب شوالعمل شواسوي بدونه مع خمس ثلاثه اصغار وثنين شباب وعلى قولته بيخليني معلقه علشان يقدر يدخل ويطلع وقت ماهو يبغي ولمصلحت اولاده هذا كلام كيف ارضى على نفسي اشوفه يتزوج ومستانس وانا حتى الاجازه اللى احلم فيها واللى انتظرها بفارق الصبر بعد ايام الدراسه والعناء والحر شواسوي هل ادخل المحاكم او اتواجه معاه والله صار مخي على حافة الانهيار من التفكير والم وعذاب وسواس قهري ليل نهاري انصحوني​

 

[زهور النرجس]

وش يلاهم ازواجكم ميتين على الزواج

الله يهديهم فلوس زايده

وبالأخير يشتكون عنوسه

الله يكون في عوتك يا حياتي

يس هذا الشي اذا سكتي عنه راح يتمادى ويزيد وارسلي له بجواله عساه يحس

(( ولا تذروها كالمعلقة )))

 

[سمراء وافتخر]

السلام عليكم

الله يفرجها عليك ويسي كل امولاك اليحن لازم تكونين قويه علشان نفسك وعيالك لا تنهارين لمصلحتج وبعدين ليش ان شاؤ الله ساكته علي حقوقك روحي كلمي اهله خل يجين عندك ي البيت وتقوليله علي حالتك واذا ما فاد استشيري محامي واعتقد القانون بصفج وهددي بان اذا ما عطاك حقوقك كزوجه وام عياله و يهرب نفس الحرامي يستغل فتره طلعتكم من البيت انك راح تلجائين للقانون ولمحامي وفي نفس الوقت غيري اقفال البيت بس اسالي فيها اول هل تقدرين ولا لا لا تسكتيتن عن حقك وحق عيالك واهم شي لا تنسين الدعاء وصلاة الحاجه

 

[زوجه مؤدبه]

لااااتقهرين عمرك ياقلبي مافيه شي يستاهل بس انتي الجأي الى الله بالدعاء هو اللي بيفرجلك يمكن نزوه ويردلكم علشان اولادك اتركيه بس ولا تاخذين بحكيه يمكن يرجعلكم الله يهديه .

 

[الوردوالياسمن]

الله يفرج همك قولي امين

 

[alma]

خواتي جزاكم الله خير عني وعن اولادي اللى مصدومين مثلي بس والله صعبه هل اطلب انه يحضر البيت ونتفاهم بس فيها مذله لانه من قبل سواها وراضيته علشان تنازلت مره عادها علشان ياخذ اجازه ويلعب بالحرام ومن جهه يادبني من جهه عني لانه ايعرف اني ما احتمل فراقه ما ابغي احسسه بضعفي ولا احسس اولادي والله ضايعين ومفككين تركنا علشان وحده ثانيه كيف يقدر مايشوف بنته الصغيره بنت 4

 

[ترياق القلوب]

والله مو فاهمه قصتك بس نصيحه لا
تناديه والا شي ماراح يستجبلك لانه الحين في عالم ثاني
ولا تطلبين الطلاق نصيحه لانه بيرجع ان شالله
وعشان يسير يدخل ويطلع براحته ومنها يشوفك
لانه اذا تطلقتي ماراح يجي الا يمكن بالمجلس عشان الاولاد ويمكن اذا تزوج تمنعه يجيكم
بحكم انك غريبه عنه