الله يصخر لها زوجها الي ترد علي.

صدى احساسي

صدى احساسي

New member
إنضم
2007/10/28
المشاركات
94
السلام عليكم ورحمة الله وبركاته


كيفكم اخواتي ؟ انا عضوه جديده من ناحيه اول مشاركه لي واتمنى انكم تساعدوني

الله يسعد ويوفق الي ترد علي وتخفف علي من الهم الي ذبحني


زوجي زعلان علي من يومين ومايحاكيني ولاحتى يطالع بوجهي والمشكله صارت على شي تافه جدا

اني حاولت اصرف قطعتين اثاث بسيطه من البيت ماكنت بحاجه لهم ولما شافني شايلتهم جن جنونه

وجلس يهاوش ويسب ويدعي ويهدد بالزواج علي يعني شي مااتوقعته سمعني كلام مااعمره سمعنيه

وانا فضلت اني سكت لاني مااقدر ارد عليه لاني عارفه اذا رديت المشكله بتكبر اكثر لاني عصبيه

مااقدر امسك اعصابي وهو يهاوش وانااحاول استغفر بس كلامه ذبحني قهرني ليه طيب عشان شي

تافه يسوي كذا لما شفته كذا رجعت الاثاث لمكانه وهو يومها مارجع للبيت الا 6 الصباح نمت مااشفته

صحيت 9 الصباح وهو صحى بعدي ولاحاكاني ولاحتى طالع بوجهي وطلع ولاشفته الامن 12 بالليل

دخل وغير ملابسه وطلع ولاكني موجوده حتى وهو برى اذا اتصل مايكلمني بس يكلم عيالي ويقول تبون

ويسكر والله يابنات انا مقهوووووووره كيف اتعامل معه ارجوكم ساعدوني الله يرزقكم الجنه والسعاده يارب.
 
اختى الكريمة اسال الله عزوجل ان يحنن قلب زوجك عليكي اما نصيحتي لكي اولا الاستغفار ثانيا ارسال رسالة اعتذار شديدة لما بدرمنك تجاة زوجك من عدم استاذانها فقد شعر الزوج بعد احترامة واتكي لم تعطية مكانتة في بيته كانك انتى المتصرفة بكل شي لذلك ترك لك البيت ايضاحاولي التقرب منة وطلب السماح منة واشعرية بانك ندمانة وانكي لم تقصدي عدم احترامة بالاستاذان منة ومن الممكن يكون في نفسة عدة اسباب وجاء ذلك سبب ليفجر المسالة بينكم قد تكون تراكمات في نفسة وهذا الموقف القشة التى قسمت ظهر البعير الله يهديكم ويصلح مابينكم وجميع المسلمين يارب
 
مدام تصرفه على غير عادته ... اتوقع يمكن مضغوط كان او في شي مضايقه وتصرفك زاد الطينه بله ....
اهتمي فيه يعني اهتمام باغراضه .. حطي مثلا على مخدته او على مكان يمر عليه وهو خارج او راجع البيت رسالة اعتذار معطرة ... وانك تحبيه وماتتحملي زعله ولاقصدتيه وانتظري .... الله يفرجهااا
 
الله يعينك الصراحة شيء تافه زي ماقالو الاخوات يمكن متضايق من شيء وحط حرته فيك
هاذا احنا يالحريم كل شيء الرجال يحطو حرتهم فينا
 
عزيزتي,,
الله يكون بعونك,,وربي حاسه فيك وودي اساعدك
كلام الاخت جمانه عين العقل اكتبي له رسالة جوال اعتذري فيها وبيني له مكانته في قلبك
واذا رجع البيت,,قبل تشوفينه ادعي الله واذا كنتي خايفه يقول لك شي قوي او خايفه من تصرفه,,قولي هالدعاء في سرك,,دخلت عليك بلاإله الا الله ولطمت فاهك بلاحول ولاقوة الا بالله,,طبعا لاتنسين تهيئين له الجو المناسب بعيد عن العيال واكشخي وتعطري,,وروحي له وانتي ندمانه ع اللي صار,,مو تقابلينه وانتي تضحكين وهو يكون زعلان عاد هالشي انا مأعلمك عليه انتي اكيد فاهمه
حتى لو عصب,,تمالكي نفسك ولاتردين عليه,,والرجل بطبيعته يحب يحس بقوته وسلطته,,وانتي هالاحساس هزيتيه شوي,,بتصرفك,,واذا حسيتي انك ماتقدرين تتحملين كلامه قوليله الله يسامحك بكل كلمه قلتها,,وقومي من المكان,,بس لاتكبريها انتي وتزعلين بعد,,لا,,وصدقيني هو اذا قعد لحاله بيتذكر وش قال وبيندم,,وانشاء الله يرجع لك احسن مما يكون

الله يسعدك بحياتك ويخلي لك زوجك وعيالك
اتمنى اكون افدتك​
 
انا من راي لا تلوميه لآنه ممكن يكون مضغوط برا و حب يفش ما حصل غير هذي
يعني توقيتك كان مره غلط
و بعدين ليش ما قلتي له انك حابه تغيري في التأثيث (ولا هذي كانت مفاجاه له)
انا اعرف انه في رجال مره حساسين من هذي الناحيه

انا ابوي يزعل لما نرمي قطعة اثاث بالذات اذا هو إلي اشتراها ( يعني لازم نسوي إعلان مسبق ان هذي القطعه ما صارت لازمتنا أو نضطر نخرب فيها عشان يرضى نغيرها)

الله يرضي عليج اسكتي عنه و هو بنفسه راح يوضحلك ليش تنرفز كل هذا

ولا تخافي انت ام عياله و الدليل انه الحمد لله العيال ما مدخلهم في قائمة زعله

اصبري عليه
وعشان تسرعي اكثر تكشخي لنفسك مو ليه يعني خليج (دلع و قمر جدامه) و البسي مررررررره

و شوفي وقولي ام جواد قالت​
 
انا ماشوووووووووووف انك غلطانه

؟؟؟؟؟؟؟

وين الغلط يالغلااااااااااااااااااا

يحمد ربه انك ترتبين له البيت او بالاصح ترتبين البيت

سبحان الله الواحد اذا عنده نعمه يجحدهاااا

اختي لاتعتذري اول شي اذا رجعلك
جهزي اي شي باارد او حلووو

وجلسي معه قولي عسى ماشر
شو صاريلك بس علشان الاثاث

وراح تعرفين مربط الفرس

اوماا تعتذرين والله اشوف انه هوه الغلطان

مو انتي ....؟؟؟

بعدين يتعود كل ماسويتي شي ينفخ ويعصب
خليه على حاله عاد انتى وزوجك ادرى به اكترمناا

شي غريب

الله يعينك​
 
عزيزتي صدى احساسي
كل امرأة اعرف بأسلوب زوجها
من رأيي أن كان يستحق هذا العمل الأعتذار أعتذري وإلا طنشي زعلة وسيري بأمورك كالعادة وأدي واجباتة كما كانت
لا تتصلي علية لاتسألينة لماذا تأخر اضحكي مع أولادك داعبيهم حسسيه أنك سعيدة للغاية إن كان غرضه تأديبك فسوف يتنازل عنه ..... ( فكما قلت كل امرأة اعرف بزوجها حتى لا تعملي شيء تندمين عليه لاقدر الله )
وأنصحك بقرأة سورة البقرة يوميا فأنة بأذن الله يحصل لك ماتريدين
والمداومة على أذكار الصباح والمساء
وعليك بصلاة الضحى فأني مجربتها تبعد الهموم بأذن الله عز وجل
 
هلا حبيبتي

مل ما في المشكله انه انت ما خذيتي رايه عشان كذا طعنتي في رجولتة وهو الحين يريد يحسسك انه مضايق عشان الاثاث
لذالك حاولي تحسسيه بقيمته في البيت وحاولي تاخذي رايه

وانشالله بيرضى امييييييييين
 
اخواتي الغاليات

جمانه /روعه /توريتا/جود/ام جواد/طيف الروح/الدانه/ليل العيون


اللهم يارب يرزقكن رضاء الله والجنه السعاده الدائمه بالدنياء والاخره ويصخر لكن ازواجكن

ويجزيكن الله احسن الجزاء ويحقق امانيكن بالدنياء والاخره

اشكركن على ردودكن لي جعلها الله في موازين حسناتكن


تقلبن تحياتي ودمتنن بالف صحه وعافيه ان شاءالله.
 
اختي العزيزة يوم انج قلتي انه سبب تافه اكيد في شي خلاه يتصرف ابهاذي الطريقة حاولي تتاسفين له واتراضينه لو انج اتشوفين نفسج مب غلطانه وبعد ما تراضينه لا تفتحين له نفس الموضوع بعد كم يوم حاولي معاه بأسلوب حلو انه يظهر لج اللي في خاطرة واساليه ما اذا كان مضغوط او ان في شي امزعلنه والا انه شايل هم شي والله يسخرة لج اياه يارب ويبعد من بينكم المشاكل
 
مااتوقع ان الموضوع يستاهل كل هزعل بس ممكن زي ماقالو الاخوات نفسيته تعبانه من بر وفش خلقه فيك بس استحملي الوحده مالها الا ابو اعيالها
 
والله اختى مشكلتى مثل مشكلتك بس ازيد عليها انه يرتاح لما يزعل منى عشان يشوف شغله براحته ويتاخر مثل ما يريد وطبعا ايام الخصام لا اطلب منه شىء لانه سيحرجنى يعنى زوجى يفتعل اى مشكله ويبغاها تطول لانه انسان غير متحمل المسؤليه المهم انصحك اختى انك لا تخاصميه وفى نفس الوقت لا تعتزرى اليه بس بينى انك زعلانه منه وانه هو المخطىء لان بيتك هو مملكتك وانك تجلسين فيه طول اليوم يعنى لازم تكونى مرتاحه فيه وفى وسط الحديث قولى له انك فعلتى هزا من اجله ايضا لكى يحس بالتغيير ولكى يرتاح وواعديه انكى فى المره القادمه سوف تتناقشى معاه قبل ان تغيرى شىء وتعرفى رأيه لكنك هزه المره لم تقولى له حتى لا تشغليه بأمور غير عمله والله الموفق
 
انا ماشوف انك غلطانه لاتعتذري اولا عن ايش رح تعتذري ماغلطي عليه في شي والبيت انتي من حقك تغيري فيه احنا نقعد في البيت اكثر منهم وهذا مملكتك انتي ماتدخلي في سيارته ولا رح تزعلين مهما سوا فيها000هذا مثال00
لكن اصبري اكيد هو متضايق من شي ثاني ورح يرجع يعتذر لكن انتي ماغلطي علشان نعتذرين ويكبر راسه ويتعود
هذا رايي والله يسخره لك يارب ودايما ادعي بهذي الدعوة
اللهم ردة الي ردا جميلا اااااامين
 
حاولي انتي تكلميه وتحضنيه على قلبك وتقوليلوا ماعملها تاني ومايكون خاطرك الى الطيب اسمعي كلامي ممكن عندوا شي مضايقوا في العمل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل