السلام عليكم .. بنات انا جديده هنا .. واتمنى اكون خفيفه عليكم ..
راح احكيلكم قصتي وباحاول اختصر .. وان طولت اعذروني .. لاني حابه تحكمو وانتو على درايه بكل شي ..
انا بنوته عمري 24 سنه .. ذكيه طموحه ومثقفه وعقلي اكبر من عمري بشهادة الكل ..
تعرفت على شخص من 9 شهور .. ( ادري بتقولو غلط بس وربي ماكنت اقصد لعب وخرابيط .. انا اعرف ربي كويس .. ومستحيل اخون ثقة اهلي فيا .. بس من باب الصداقه والشيطان لعب لعبته )
تعرفنا عالنت .. ووالله كنا زي الاخوان .. ونقاشات هادفه .. وكنا ننصح بعض .. ونصحي بعض للصلاه والفطور برمضان .. وكان كلامنا جدا راقي ومحترم .. مافيه اي شي غير لائق ..
وهوا .. كان محترم جدددا .. وفعلا ارتحنا لبعض .. بعد 4 شهور من بداية تعارفنا .. صارحني انو ارتحلي .. وانو انا الانسانه اللي يحلم فيها طول عمره .. وانو فعلا تعلق فيني ومايتخيل يستمر بحياته بدوني ..
طبعا انا بالبدايه ماصدقت .. ومنبهتو من البدايه .. اني مو راعية خرابيط .. ولو فكر يتعدى الحدود .. حينسى اني موجوده بحياتو ..
حلفلي وقلي انو فعلا تعلق فيني وان قصدو شريف .. وماراح يلقى احد يفهمو زي مافهمتو ..
هوا مغترب خارج المملكه وكل اللي بيننا مسن فقط .. قلي لما ارجع راح اجي وفعلا اعتذر سمستر ورجع .. كلم اخته بالموضوع .. وقلي مهدي الموضوع لاهلك .. على اساس انو عن طريق صحبتي ومن دا الكلام .. وفعلا مهدت وفرح مررره ان اهلي موافقين مبدأيا .. بالذات اني حاغترب معاه ..
جات فتره انقطع عني .. يومين ومره قلقت .. ارسلت مسجات مايرد .. بعد يومين جاني مسج .. وقلي فيه ان الدوام بامريكا اتصلو عليه وقالو اضطراري ترجع لظروف عندهم بالجامعه ومواعيد الدورات ومدري ايش .. المهم عذر مقنع .. بس انا ماقدرت اتحمل .. وسكتت لانو كانت نفسيتو تعبانه جدددا لانو ماكان حابب يرجع .. وماصدق يجي السعوديه بين اهله ..
قلت يلا مو مشكله كلها كم شهر انشاء الله وتجي بين اهلك .. تعدي بالدراسه محتحس ..
عدينا الموضوع .. بس كان حارق فيني وكنت انتظر بس يستقر .. عشان ابلغو بقراري اللي قررته ..
هاه بنات معايا؟؟ .. اكمل بليز ردو ابغا اشوف انتو مهتمين ولا لا ..
