الله يسر امر اللي تساعدني

[بياض القمر]

السلام عليكم ورحمه الله وبركاته
حبيباتي انا بسافر شهر العسل لماليزيا وابي اعرف افضل الشركات لسياحه وتكون رخيصه وابي تنصحوني ياللي سافرو في اي شي يخص السفر وابي اقتراحاتكم تكفووووووووووون حبايبي لاتبخلون علي
بنصيحتكم امااااااااااااااانه ساعدوني ترا اول مره اسافر ومدري وش اسويووش اخذ معاي وووووووالخ

 

[شميس]

الله يسعدج انشاء الله ويهنيج والف الف الف مبروك مقدما
للاسف مااعرف

 

[بياض القمر]

وين ردودكم

 

[مملكة الود]

يليت تشوف موقع دليل ماليزيا

صرراحه الكل يمدحه وكثيرين سافروا عن طريقها

وانا راح اسافر عن طريقها بعد

تقبلي مرروري ياعسل

 

[الحقيقه]

حبيبتي الله يوفقك ان شاءالله
واختيار موفق بم انه شهر عسل
عند شركه سياحيه ترتب لك كل شي واسعاره معقوله شركة اركسون سوي بحث في قوقل وراح تطلع لك
ثانيا انصحك تروحي سون لاقون الفيلل اللي فيها مسبح خاص جنان
وروحي لانكاوي بعدد جزيرره رومنسيه جدا واسكني في فندق شكله زي الاكواخ ويطل على البحر الكوخ
اش تشيلي مماكي شيلي استيشوار خفيف مو الثقيل وشيلي شنطه صغيره فيها غلوس وبلشر وروج ومسكره وكحل
ومرايه صغير تحطيها في شنطه عشان اذاخرجتي بره الفندق
وعاد على عدد الايام حطي لك قمصان نوم عشان كل يوم قميص عروسه انتي
ولاتنسي العطر المفضل لديك والباقي حطي كم جنز على كم تيشيرت
وشيلي معاكي بنادول احتياط وهذا الي عندي اتمني اني اكون افدتك

وادعيلي انه ربنا يسر كل اموري مع زوجي ويهدي اخوي ويعطيه الذريه الصالحه

 

[وله المشااااعر]

السلام عليكم ورحمه الله وبركاته
حبيباتي انا بسافر شهر العسل لماليزيا وابي اعرف افضل الشركات لسياحه وتكون رخيصه وابي تنصحوني ياللي سافرو في اي شي يخص السفر وابي اقتراحاتكم تكفووووووووووون حبايبي لاتبخلون علي
بنصيحتكم امااااااااااااااانه ساعدوني ترا اول مره اسافر ومدري وش اسويووش اخذ معاي وووووووالخ

حبيبتي
انا ماعرف بالشركات

بس احب اقولك عن الاماكن الحلوة
كوالالمبور هذي العاصمه
صراحه حلوة مره خليها في اول واخر رحلتك علشان اذا حبيتي تعملين شوبنق
وهناك فنادق تجنن وفيه فندق اسمه صن واي لاقون وفيه فلل مع مسبح خاص حق شخصين ...انا ماجربتهم بس يمدحون فيه للعرسان
وهذي صور له

وكولالمبور فيها اماكن حلوة اهم شي روحي للجنتنج هاي لاند تبعد حوالي 60 كيلو عن العاصمه يمكن التكسي ياخذ منكم حوالي 70 رنجنت يعني 70 ريال
لأن عمله ماليزيا زي عمله السعوديه
وطبعا الابراج

هناك قريب للعاصمه منطقه سلنقور تجنن ...يوجد فيها السوق المائي تقدرين تقعدين 3 ايام بفندق الخيول الذهبيه رائع
ومنه تروحين للسوق المائي بالووتر تكسي وهناك حديقه بجانب السوق وفيها عرض النوافير لايطوفكم مع العاب
وهذي صورة فندق الخيول الذهبيه يجنن وخدمتهم روعه والوتر تكسي ياخذ منك 4 رنجنت على الشخص ذهاب وعوده

هذي غرفه من الفندق
وهذا الفيو على البحيره

وفي عندك شارع حلو بس ناسيه اسمه بس كان قريب لفندق ماريوت اللي سكنت فيه هناك مطعم طربوش اكلهم لبناني وحلو مره وبرضو قريب منه مسافه بسيطه مطم مندي يديرونه يمنين اكلهم شي
وبنفس الشارع مطعم كنتاكي
وعندك جزيرة بيناينج

روعه وخياااااال للي يحبون البحروالطبيعه الساحره وهناك خلي زوجك يكلمهم ويجهزون لكم سياره مع السواق ويوديكم للأماكن الموجوده بالجزيره .......بس اهم شي شوفو الساعه بكم اتذكر اخذنا سائق والسياره كانت فخمه وكانت الساعه 100 اعتقد والله ناسيه وأخذناه 4 ساعات
ودانا حديقة الفراشات ومصنع الألماس وحديقه المنكي ...وغيرها وغيرها وطبعا يشرح لكم عن كل شي

اذا تبون تاخذون راحتكم بس أخذي معكم كتاب دليل السائح
بتحصلين فيه كل شي ...حتى اسعار بعض الاماكن مثل الحدائق واماكن الالعاب ومتى تفتح ومتى تسكر
أنصحك فيه بشده يغنيكي عن كل شي
برضو لنكاوي حلوة بس تقريبا زي جزيرة بيناينج بس الفنادق اغلبها عامله اكواخ على البحر وفيها اماكن حلوة
بس ذبحني الجوع فيها
على فكره ترا ماراح تشوفين الخبز حقنا عندهم ...ههههههه
ترا اسعارهم ماهي زي اندونيسيا وتايلند اغلى شوي

أتمنى أني اكون افدتك حبيبتي والف مبروك الزواج

 

[بياض القمر]

اللله ييسر امورك يالغاليات ومشكورين ع الردود اما وله المشاعر تراك عذبتيني بها الصور بصراحه تجنننننننننن الله يسعدك ومشكوره ياحبيبتي افدتيني بااشياء كثير ..................................

 

[ShaRoOosa]

عزيزتى أنا رحت ماليزيا مع أهلى ..

وعملت برناامج خااص للنااا .. إن شاءالله أنزله لكى قريييبا ..

 

[شموخ البوح]

اول شي حبيبتي الف مبروك والله يوفقك حبيبتي حددي بس كم يوم بتقعدون هناك والميزانيه وابشري بسعدك والله لااسويلك برنامج لاصار ولا استوى واذا كنتي تحبين الهدوء اوالفله والوناسه وانا حاضره بالنسبه للاخت وله المشاعر انامعاها بس الرنقت اغلى بشوي يعني بريال وعشرين هلله فندق الخيول الذهبيه بصراحه محد يمدحه ابد يقولون قديم فرشه ودمتم بود

 

[ShaRoOosa]

تصدقى كتبت لك موضوع ايش طوله وانمسح ..:no:
بس عشاان خاطرك بعيده .. شوفى يااقمر أول شي انقسمت سفرتنا على 3 مدن ,,

أولا: كوالالمبور : السكن فى فندق كواليتي هوتيل حلو ونظيف وقريب من البرجين التؤأم والأسواق عموما

أول يوم : رحنا تمشينا فى سوق قريب مننا طبعا كنا تعباانين من السفر .. بعدين فى الليل رحنا شارع العرب حلو وفيه أسواق راقيه منها سووق تايم سكوير روووعه ..وفي سووق بعيد شوي اسمه ميغا مول فيه أكبر سينما فى العالم ..

ثاني يوم : رحنا البرجين التؤأم إذا تبغي تطلعي فووق لازم تروحوا بدري قبل 8 ونص + برج المناره جنب بعض

ثالث يوم : رحنا الشلالات تيمبلر لاند رووووووووووعه وخيااال وبعدين مرينا على مركز كبير وحلو وفيه أكبر سينما فى العالم اسمه ميغا مول وبتلاقي فيه مطعم تشيلز على الأقل تعرفي ايش تاكلى ههههه

رابع يوم : رحنا مدينة صن واى لاقون الله علييييييييييييها تجنن .. روحوا بدرى من الصبح وبتاخذ اليوم كله..

خامس يوم : رحنا المتحف الوطنى بعدين مرتفعات جنتنق روووعه وباااارده

سادس يوم : رحناا ذا ماينز وندرلاند روووعه وخياال وفيه سوق عبارة عن قسمين بينهم نهر


ثانياا: بينانج .. سكنا فى الشيراتون

أول يوم : تمشينا فى البلد ورحنا سوق حلوو اسمه جيرنى بلازا

ثانى يوم: رحنا هضبة بينانح مخااطره بصرااحه بس رووعه أنصحك ماتروحي أياام إجاازتهم بتكرهي نفسك هههههه

ثالث يوم : رحناا سوق كومتار وهو أطول عماره فى بينانج وكله إلكترونيات بس الدور الأول ملابس وأشيااء متنووعه .. + متحف الألعاب مو حلوو بصرااحه هههه

رابع يوم : مجمع الحدائق ( البهارات والفواكه والفراشات )..
بعدين جزيرة القروود بتلاقي فيها 4 جزر تتنقلي بينها بمركب رحلللله حلوووه جدااا


ثالثا: لنكااوي آآآآآه يااالنكااوي ههههههههههههه
سكنا فى هوليدي فيلا روعه روعه روعه .. الفطووور على الشاطئ ودوروا غرفه فى القسم اللى على البحر ..

أول يوم : خرجناا تمشيناا فى البلد ورحنا سوق قريب من الفندق ..

ثاني يوم : عالم تحت البحر راائع تشووفي قدرة الله فى هذا المكان ..

ثالث يوم : رحنا حديقة التلفريك رووعه التلفريك بس لو تخاافي لاتركبيييه ههههههه

فى ردي الثاني بحطلك الصوور .. وأتمنى أكوون أفدتك

 

[ShaRoOosa]

هذه الصوورة من برج المنااره

صن واي لاقون

سوق كومتار

حديقة الفراشات

البحر فى لنكاوي ..

أتمنى أكوون أفدتك ..:icon31:

 

[بياض القمر]

الله يجزاكم الجنه ...........................ايه كذا ساعدو عروستكم

 

[بياض القمر]

ميزانيتي 20 الف ريال وابي نجلس 14يوم ..................................ادعو ان الله يسر سفرتنا وييسر زواجنا والله محتاجه دعواتكم الله يسعدكم ويحفظكم ..................

 

[بياض القمر]

تسلمي ن ع الصور الله يسعدك ويهنيك

 

[ShaRoOosa]

ألف مبرووووووووك حبيبتي ..

والله يتمملك على خير وييسر أمورك وأموور سفرتك إن شاءالله ..

 

[شموخ البوح]

اهلين وسهلين ابسهر لعيونك الليله لاني سهرت ثلاث اشهر ارتب لسفرة ماليزيابأذن الله وانا افتر بالمواقع اللي بالنت وهذي خلاصة التجربه بسم الله نبدأ وبه نستعين البرنامج المقترح
2ليله سلانجور فندق صن واي لاجون غرفه ديلوكس مطله على الالعاب
3ليال لانكاوي امممممممممممم بصراحه الفنادق تعتمد على ذوق الشخص وفي ناس عادي اللي يمشي الحال وفي ناس ماتبي الا الخمس نجوم النظيف تبين رايي انا اقولك في لانكاوي لاتاخذين الاالفنادق الخمس نجوم انا اقولك ليه اسلم من الحشرات الزاحفه وبعدين انتي رايحه شهر عسل يعني لازم ندلعكم شوي بدت الفلسفه انا راح اقترح عليك كذا فندق وانتي اختاري عنك الوستن فندق خرافي بكل معنى الكلمه وهذا انصحك فيه بشدددددددده عيبه غالي شوي عندك شيراتون لانكاوي غرفه مطله عالبحر ديلكس مع جاكوزي 1220 سعر اليله ومن الموقع الرسمي ممكن تاخذونه ب1018
مع الافطار في عندك فندق لنكاوي لاقون ارخص من الاثنين وفيه فندق وقريه بحريه ولك مطلق الحريه في الاختيار
3ليال بينانق فندق راسا سيانق شنقريلا او بارك رويال
5ليال كوالالمبور ويستن Dbl Room Twv Dlxهذا نوع الغرفه المقترح ممكن تاخذين فيه ليلتين وثلاث ليال في فندق تريدرز فندق رخيص ومطل على الحديقه والبرجين نوع الغرفه Dbl Room Pkvعني غرفه مطله على الحديقه Dlx او في فندق برجايا تايم سكوير هذا تحته مدينه العاب مغلقه في العالم واكبر شاشة عرض سينما واسواق طبعا نموت احنا على الاسواق واسعاره كثييير رخيصه
ملاحظات عامه
ااول شئ لازم جوازاتكم مايكون باقي عليها6ناشهر ثاني شي وهاذامره مهم انك لازم تحجزين التذاكر من الااااااااااااان ضروري ولا مابتلقين اصلا حجز كثير من معارفنا الا الان مالقو حجوزات ويقولولهم انتظار يعني ابدئ بالحجز هاليومين نصيحه ثالثا انصحك بزيارة موقع العرب المسافرون منتدى ماليزيا والله كثير راح تستفيدين بالذات ان هاذي اول مره لكم تسافرون وراح تلقين كل الاجابات اللي تدور في بالك واكثر بأذن الله
اول متنزلون بحفظ الله اختي لاتنسون الالتزام بالدين وقراءة الاذكار لكل مكان
اول ماتنزلون من المطار قبل بوابة الخروج على الجهه اليمنى من البوابه تاخذون شرائح لك ولبو الشباب اتصال من شركة سلكوم وهاذي ارخص من الجوال الدولي والكل يمدحها
سعر التاكسي اللي يوديكم من المطار الى صن واي تقريبا من 60 الى 80 رنقت
اتمنى اكون فدتك لو بالقليل وانا حاضره لاي استفسار دعواتك

 

[بياض القمر]

الله يسعد قلبك بس موالشركه السياحيه اللي بنحجز فيها هي اللي ترتب تحجزلنا بالفنادق ودورلنا حجوزات عشان نسافر.......................؟

 

[شموخ البوح]

تكمله
بالنسبه لحجوزات تذاكر الطيران ممكن تدخلين على موقع الطيران اللي من بلدك وانا افضل تاخذين الون وي وابتعدي عن الترانزيت يعني لو الاخت سعوديه انصحك بطيران السعوديه بالذات ان مدة السفر اشوفها قليل على دوله زي ماليزياومدة الرحله تقريبا من 7 الى 8 ساعات في طيران ارخص مثل الاماراتيه او السريلانكيه سمعت اسعارهم رخيصه جدا لاكن وجهة نظري انتم اول مرة تسافرون فمالكم ومال وجع القلب احسن لكم طيران بلدكم بالنسبه لحجوزات الفنادق في عندك امرين اما الحجز عن طريق النت وهذا ارخص من موقع اسيا ترفل او اسيا رووم او موقع اقودا ولو اني افضل انكم تحجزون عن طريق مكتب من مدينتكم بس لازم عاد ابو الشباب يسوي فررره جامده وسريعه اكرر سريعه لانكم مسافرين بعز الصيف وكل ماخلصتو بدري كل ماكان احسن ويشوف كذا مكتب ويقارن في الاسعار ويتوكل على الله وبالتوفيق

 

[شموخ البوح]

نعم الشركه ممكن تسوي كل شي ويطلب منهم ارقام سواقين بعد ويقولهم انه برنامج شهر عسل

 

[دنيا الأحلام]

السلام عليكم

<< داخله عرض أعذروها ماصدقت ولقت ناس يتكلمون عن ماليزيا

الصراحة انا ودي اروحها بس عقدوني الناس من كثر مايقولون اذا عندك اقل من 25 الف ريال لاتروحي
رغم اني ابي اجلس 15 يوم
ياليت الأخوات اللي راحوا يقواوا كم كلفتهم الرحلة طبعآ شامله التذاكر والسكن والشوبينق


وشهر عسل سعيد اختي وايام رائعة لك بإذن الله