الله يسخر لها زوجها اللي ترد على مشكله صديقتي

[طيبتي اذبحتني]

السلام عليكم
حبيت استشيركم في مشكله صديقتي
لانهاا تعباانه كثير وانا ودي اسااعدها
وانا بختصر مشكلتها واتمنى نلاقي حل
صديقتي الغاليه عمرها 22 سنه
من عائله معروفه ومحترمه ومتدينه , المهم قبل كم شهر
تقدم لها واحد يكبرها عمره40 ومطلق مرتين وله ابناء
واهي وافقت عليه وجاء وقت الشوفه وشافها وعجبها
وارتاحت له وامتلكت والرجال متمسك فيها ,المهم بعد الزواج
الرجال تغيرت حالته 180 درجه , صار لها متزوجه شهرين
وتقول انها ف بدايه زواجها كانت مرتااحه حيل ويجيبلها هدايه
ويطلعها الاسواق واللي تبيه ينفذه لهاا , وهو مريض بالقولون
بس مشكلته ان للحين
مااخذها عند اهلها ولما تساله يتعذر وماتعرف شفيه
وخايفه انه ممسوس او مسويله شي ,واهي صابره عليها
مع انها كثير يهددها ويقولها راح اوديك بيت اهلك واهي ماقالت له شي
بس تبي تروح عند اهلها, واهي صابره وتقول يمكن من مرضه ودايما يتعذر انه مريض ومايقدر ياخذها لهلها
المسكينه اليوم اتصلت لي ومنهارة وتقول
ان زوجها قال لها اذا ماتبيني قوليلي ومابي فلوسي وبعطيج المؤخر !!!!!!!!!!!
تصوووروو !!
مع انها تبيه وتحبه وشاريته بس ماتدري شفيه هالرجال وشهي مشكلته .

ارجووكم قولولي وش انصحها المسكينه كاسره خاطري
ارجوووكم ودي اساعدها بس ماادري ماادري

 

[ام ساني]

تكلمه وتقوله ابيك وردني لبيتي
لما ترجع بيتها ترقي بيتها وزوجها ونفسها
وتكتر من قراة سورة البقرة
الله يبعد عنهم كل عيت وكل كيد ساحر
لزم ترجع لبيتها باسرع وقت ذا زوجها ولزم تكافح من اجله ومتخلي احد ياخدها منها باي شكل من الاشكل
فتتحرك علي بركة الله وتتصل

 

[بنوتة بلادي]

اختي ممكن توضحين المشكله أكثر.. لني بصراحه للحين ما فهمت شي... و كم صار لها متزوجه؟

 

[طيبتي اذبحتني]

لا اله إلا الله الحليم الكريم .... لا اله إلا الله العلى العظيم .... لا اله إلا الله رب السماوات السبع ورب العرش العظيم