الله يسخرها جميع مافي الكون اللي ترد عليه

[بنت الكرم والجو]

السلام عليكم اخوااتي ...... انا ودي افسخ خطوبتي بالرغم من ان خطيبي مرره طيب بس مااحب الرجل الطيب السلبي .. الشيء الثاني شكله مو حلو وقصير واحس انه طفل لما يتكلم كانه دلووع امه ..
والله اني محتااااااااااااره اخاف افسخ واندم واخاف من ذنبه.. واحيانا اقول لنفسي ماافيها شيء هذي حياة مو يوم والا يومين لازم اقرر ... تخيلوا اخواتي هو حس اني ماني مرتاحه وانا اعترفتله باني ماني مرتاحه وممكن افسخ بس ماخبرته في ايش مو مرتاحه ...
..واهلي مايشجعووني حتى اهلي سلبييين ....ارشدوني اللي عندها خبرهاو تقدر تفيدني بشيء ......
الله يوفقها ويسعدها ويسخرلها جميع مافي هذا الكوون اللي ترد عليه

 

[انثى تعشق البحر]

حبيبتي استخيري بالاول ماتدرين
وبعدين شوفي امك وابوك اهم ياعلم
<< الله يوفقك وييسر امورك ياررب

 

[Dr.e7sass]

حبيبتي الرجال مو في شكله اوفي قصره اهم شي قد المسوليه ويكون زوج فيه الخير كثيرين حلوين ومافيهم خير ابد استخياري والله يدلك الي فيه الخير الله يوفقك

 

[انثى تعشق البحر]

اهم اعلم *

 

[سعاد٣٣]

مشكلتنا نحن السلبيه
وتقديم العاطفه على التفكير الحقيقي العقلاني
ومشكلتنا هي اصبري تحملي راح يتغير بتشوفين ... الخ
صحيح انها كلمات تشجيعيه لاكن لماذا سن الاسلام الاستخاره؟
لما ذا لم يقول اصبري تحملي
لماذا سن الاسلام الطلاق؟
حبيبتي زوجة زيد ما ارتاحت وتطلقت وش المشكله
من حقك كامراءه ان تختاري زوج ذا مظهر حسن واسلوب رجولي
صحيح انك غلطتي ليه ما شفتيه قبل؟
ولا سالتوا عنه وعرفتي اسلوبه؟
انا بنظري اهم شي الراحه النفسيه استخيري وقرري بعقلك لان هذه حياتك
ولن تعيشيها الا مره واحده فاختاري افضل طريقة للعيش

 

[الــحــائــرة]

صلي الاستخارة لحد ماتتاكدي
من قرارك والله يوفقك
الله وحده العالم باللي فيه خير لك
والله ييسر امرك وامري وكل مسلم

 

[ملاك الهمس]

استخيري ..ادعي الله قولي يارب اذا كان هذا الانسان فيه خير وسعاده لي تمم لي على خير..واذا كان فيه شر اصرفه عني..الله يوفقك ويسعدك والجميع

 

[عشق بدويه]

أستخيري


اللللللللللللللله يكتب لك الخير

 

[قويه بصبري]

يااختي مو شرط الشكل اذا كان على دين وخلق فهي كفايه ياما بنات اخذو حلوين وعاشو في هم وغم اهم شي الدين والاخلاق وانتي استخيري والدعاء الله يسهل امرك ياعسل​

 

[^أختهم^]

من البداية ماحبيتيه راح يجي يوم تندمين انك وافقتي
استخيري وان ماحبيتي شكله افسخي ولا همك احد
حياتك وحدك مو من حق أي احد يتدخل
الله يكتب لك اللي في الخير يارب ​

 

[بصمة مخملية]

استخيييييييييري ...وبعدها اعزمي ..
أختي هذه حياتك ومااحد راح يعيشها غيرك ..وهذه مو يوم ولاشهر هذا قرار راح يربطك العمر كله ....
يعني شوفي اللي يريحك وييين وبعدها قرري..
وزي ماقلتلك لاتنسي الإستخااره ..والله يكتبلك اللي فيه الخيير ..

 

[وفاااا]

الجئي الى الله بالدعاء والاستغفار خاصه بالاسحار
واستخري وتاكدي بعدها ربي بيدلك على الدرب الصحيح
الله يسهل امرك وينور دربك

 

[لست انا]

ياحبيبتي مش مهم الشكل المهم الاخلاق وكيف يتعامل معك
انا زوجي طول بعرض ما شاء الله لكن مشاكل على طول

 

[ورود جورية]

استخيري الله واذا ماارتحتي افسخيها قبل موعد الزواج
عادي الملكه فتره للتعارف والتفاهم واكتشاف الطر ف الاخر
وانتي ادرى برغبتك والله يوفقك

 

[اتعبني هواك]

استخيري قبل كل شي ياقلبي,,
بعدين ليش حكمتي على طول ان طيبته سلبيه امكن يتغير
بعد الزواج وهالشي بإيدك ,, ابنك على ماتربيه وزوجك على ماتعوديه
اذاتزوجتي عوديه انتي بنفسك على الطبع اللي تبينه ,, وبالنسبه
لشكله والله ياقلبي هذا خلقتة رب العالمين يعني مواهو اللي خالق نفسه ولو كل واحد يخلق نفسه كان شفتي الجمال بكل مكان
واهم شي اخلاقه وسمعته بين الناس,, وش تبين بجمال وطول واخرتها يوريك نجوم القايله ولامن خيانه لخيانه والاأذا رحتي لاي مكان عيون البنات بتطلع من مكانها عليه,, حبيبتي هذا نصيبك وهذا ربي اللي كاتبه لك ولوكل وحده بتختار
نصيبها كان ماتلقين هالبلاوي ولاالمشاكل بكل بيت احمدي ربك حبيبتي
شوفي اعمار البنات تعدت 36ومولاقين أحد لاترفسين النعمه برجلك

 

[سمو الأميرة]

حبيبتي .. أنا اشوف مسألة القرار هذي لازم تكون قبل الملكه .. يعني اذا انتم الحين في فترة خطوبة فقط و ما ملكتم .. اتخذي القرار المناسب لك .. بعد الاستخاره طبعاً ..
لكن دايماً فكري ان اهم شيء في الرجل هو الدين و الأخلاق ..
و بعدين اذا ما وافقتي على هذا الرجل .. هل انتي ضامنه في غيره بيخطبك .. ؟!
وحده تقرب لي يااااماااا جوها خطّاب و كانت ترفض على أسباب بسيطه .. هي في نظرها اشياء مهمة .. لكن شوفيها الحين .. محد يتجرأ يخطبها خوفاً من الرفض..
مع أنها كانت تفكّر أنه عادي لو رفضت واحد بيجيها غيره .. و الحين تتمنى اي واحد يخطبها عشان تطلع من العنوسه ..
و يعدين الشباب الحلوين هالأيام .. نادراً ما تلاقين فيهم واحد ما عنده علاقات مع بنات ..
و شوفي هالقسم كيف البلاوي فيه من خيانة الأزواج .. لأن الرجل اللي تعود على البنات صعبه يترك هالعلاقات نهائياً بعد الزواج ..

المهم يا عمري .. انتبهي من انك ترفضين هالشخص بدون سبب مقنع .. ​

 

[بنت الكرم والجو]

شكرا لكم اخواتي ....على ردودكم بس انا مرره متردده وافضل الفسخ الله يكتبلي اللي فيه الخييير يارب