الله يخليلكم عيالكم ساعدوني وادعو لولدي

ام نووور

ام نووور

New member
إنضم
2009/09/30
المشاركات
2,025
السلام عليكم ورحمة الله وبركاته
ماني عارفه اذا هنا الموضوع مكانه صح او خطاء
بنات انا توني راجعه من المستشفه ليه 4 ايام متنومه بولدي كنت مسافرة عند اهلي ورجعة بيتي
العصر وبالليل انا وعيالي نايمين بغرفه الجلوس ومشغلين التلفزيون ودايخين وفجاة من دون مقدمات
مالقي الا ابني ذو ال5 سنوات قام من الفرشه ونط بقلب طاوله زجاج والله قلبي عورني كان الشيطان
قاده لهناك فجاه كذا حتى هو يقول مدري ليش قمت بسم الله المهم يبنات رجله دخلت بقلب الطاوله
ونشقت 22سم من الفخذ لين بعد الركبه بشوي شق مررة كبير وجزاء تحت الاصبع الكبير انشق مابقي
غير الجلد ماسك من تحت شوي بس غير الجروح والرضوض المهم رحنا المستشفه ماغير صريخي
انا وولدي وصياح وجاه زوجي داخ وصرنا حاله انا وزوجي جالسين واخوة وحرمته الله يجزاهم
خير هم الى مسكو ولدي لين خيطوة والخياطة الله يعلم بيها الولد الاربع ايام هاذي ماتغير الجرح
مثل ماهو ماني عارفه ايش اسوي وحدة تقول حطي له مرر والثانيه تقول لا الجرح مفتوح مايصلح
المر حطي بيلسان والمر شربيه منه :sadwalk:مدري وش اسوي مسكين مقطع قلبي نسيت اعلمك الجزاء الى طايح جاه دكتور
الصبح ثاني يوم قلبه قاسي الله يسامحه قصه له بالمقص دون بنج مات الولد من الالم وهذاك يقول
ما يضر هذا جلد ميت راح يجمع وسخ وانا جلست اخاصم اقوله اول شي حط بنج طنشني الله لا يبارك
في الشيطان
بنات ادعو لولدي
الى تعرف شي ممكن احطه يقفل الجرح تعلمنى
بنات ادعولي ربي يخرجني من هذي المدينه الى من يوم جيت فيها وانا وعيالي من مرض للثاني
ومن هم للثاني :tears:
 
الله يشفي ولدك ويخليه ويعينكم ويصبركم شوفي المره ممتازه للجروح واحنا والله نستعملها لكل شي حطي مره مع شوي حلتيته مع ماء دافي في علبة صحه وكل شوي رجي الماء حتي يثقل وعتد تغير الجرح كبي عليه من المر واذا شم عطر اكيد الجرح راح يحس فيه بي وجع كبي عليه من المره وخليه يشرب شوي في كاسه صغير من المر مخفف بي ماء وخليه يشرب شوي واذا كان الدكتور كاتب له مضاد حيوي لا تخلينه يشرب لانهم يقولون المر ماتصلح مع المضاد لانه هي مثل المضادوانا انصحك ان الدكتور يكتب له مضاد حتي لايتسمم الجرح علي العموم اسالي الدكتور لانه اعرف منا وانا ماودي التفلسف عليك هههههه ....شوفي اختي انا احط المره للعيالي عندما يصير لهم التهاب بي الحفاظ وشلون عاد الجرح وفيه طريقه ممتازه مره للجروح واشوف ناس كثيرين يستعملونها وهي خوجوا من العطار وزيت زيتون ومره تضعينها في قدر صغير تضعين اول شي الخوجوا تقريبا كأس ثم تضعين الزيت زيتون الذي يغطي الخوجوا ثم تضعين كم حبة مره وتحركينهم علي النار قليل لمد 10دقائق وبعد ان يبرد توضع في قدر يستخدم للي الجروح والعمليات والتسنين عند الاطفال والبوسير والغرغرينه شوفي انا ولا مره استعملته سويته مره واعطيته اخت زوجي للبوسير وتمدحه تقول خفت واخت زوجي تستخدمه للولده تفرك فيه اللثه عند التسنين علي العموم اسالي في المنتدي البنات فيهم خير والله يشفيه ويقر عينك انتي واباه
 
عورتي قلبي الله يشفي لك ولدك انا ماعرف الا القرض هذا عند العطارين بس يخيطلك الجرح خيااااط اهم شي يكووون الجرح نظيف علشااان مايسبب مضاعفات والله اعلم
 
جزاكم الله خير
هو اعطني مضاد المشكله الجرح كبير وعميق الطاوله لمن انكسرت صارت يشكل مثلثات ذات روس حادة
وهو كانت رجله بالنص وتشقق الجرح بشكل كبير وطويل وعميق هو مخيط بس بين الخياطه الجرح مفتوح لسه واللحم
باين مدري ينفع احط شي عليه ولالا
 
الله يشفي ولدك ويخلييييه لك يااااارب
والله مااعرف بس دخلت ادعي له
 
الله يشفيه ويرجع احسن مماكان يارب الأخوات ما قصروا المر فعلا رهيب جربيه
 
هلا اختي مايشوف شر اختي احب احرصك على شئ واحد يحميك ويحمي اولادك الاذكار قوليها واستوديعهم الله
بعدين جارتي حالتها نفس ولدك بس الحمد لله تشافت لها خمس سنوات من خيطو لها ساقها والحمد لله مافيها الا العافيه اهم شي استمري على المضاد الحيوي بالوقت والمسكن وديه كل يوم المستشفى يعقمونها له
وسلامتة
 
جربي العسل بس يكون عسل حر يعني اصلي
ادهني فيه الجرح واكلي ابنك منه
الله يعافي ابنك ويشفيه امين يارب
 
بسم الله الرحمن الرحيم​

أسأل الله العظيم رب العرش العظيم أن يشفي أإبنكي عآجلاً غير آجل يآكريم ياالله​

أعوذ بالله من الشيطآن الرجيم

​

أوجعتي قلبي أُخيتي​

بصرآحة لآخبرة لي ولآ أود أإن افتي...لآكن عندي لكِ بعض النصآئح علهآ تنفعكِ بإذن الله​


.
.
.​

أإقرأي على الولد المعوذآت وسمي عليه بآلرحمن وأإدعي له​


خلك قريبة منه أإهتمي فيه حني عليه وأحضنيه لأن هذآ اكثر شي يحتآجه​


رآجعي الطبيب وأإذآ موعآجبك غيريه لأن الأفضل تستخدمي له وصفة طبية ​


يومياً مآلآ يقل عن 3 مرآت شربيه حليب دآفي مع عسل و حلبة​



غذيه كويس بآللحوم والفوآكه والخضآر​





وأإن شآء الله مآفيه الآ العآفية​

طمنينآ​


في أمآن الله​
 
الله يشفيه ويرفع عنه يارب..

العسل ممتاز للجروح ،، لكن نصيحه اتبعي كلام الدكتور اذا فيه مضادات او مراهم داومي عليها ،، اذا مافيه استخدمي العسل ..
 
الله يشفيه يارب الحمدلله على كل حال
بس يااختى نصيحة لك لا تحطيي على الجرح اي ادويه شعبية مايصلح بيستجرح زياد وممكن يسبب صديد انا بنت خالتي حطت على الجرح مرة بغت تموت سببلة صديد...........
معاليش لو يشرب من الادوية.الشعبية.....واحرصي على التغذية الجيدة...هذة نصيحتىلك...
يارب يشفية ......
 
ياقلبي أنتي الله يصبرك ويشفي ولدك شفاء لايغادر سقما .....اللهم أحفظكم من بين أيديكم ومن خلفكم...آمين
 
الله يشفي ابنك ويقومه بالسلامه

لكن موضوعك لفت انتباهي لشيء وهو طاولات الزجاج ووجودها في البيت

انا بصراحة لا اؤيد شراء مثل هذه الطاولات ,,,, اراها في السوق اشكال والوان ولا اقدم على شرائها خوفا على اولادي من حادث كما حصل لابنك

اخواتي من ارادت شراء مثل هذه الطاولات ليتها لا تضعها في غرفة المعيشة او حيثما يمكن ان يكون الاطفال ,,, ربما في غرفة الضيوف المغلقة طوال الوقت الا وقت الضيوف يمكن ذلك اما عدا ذلك فالافضل تفاديها
 
ربي يشفيه و يعافيه و تقر عينك يا رب
و يبلغك فيه عريس

اقرأي عليه يوميا المعوذات و الحمد و آية الكرسي قبل لا ينام
و سوي له شبه

و حطي تحت راسه قرآن صغير اللي يتعلقوا بالسيارة

و ربي يجعلها آخر الأحزان
 
اعوذ بالله الله يهديهم حبيبتي لاتتشأمي دايم حصني نفسك واولادك وانصحك بالعسل والله في الجراحه مافي مثله سبحان الله حتى لو مانظفوا له الجرح تمام سبحان الله العسل يتظف ويختم اللحم وحده من قريباتي ولدهادخلت حديده برجله ودوه المستشفى وخيطوا له الجرح بس مكان الجرح ظل متورم بعدها واصلت تحط العسل على الجرح وبعد فتره طلعت قطت الحديد بالشاش اللي فيها العسل الله يشفي لك ولدك وادعي لي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل