الله يخليكم علموني وش اسوي خلاااااااص الصبر مل مني ياناس

  • بادئ الموضوع بادئ الموضوع توتي2
  • تاريخ البدء تاريخ البدء
الله يفرج همك ياااارب...ان شاءالله الأخوات يفيدونك​
 
اختي هومستهين فيكي علشان شافك سلبيه معه
يعني يضرب ويتكلم ويسب وانتي ردة فعلك الصراحه
اسمحيلي سلبيه يختي روحي بيت اهلك ولاترجعين الا لين
يعرف قدرك وصدقيني ماينفع مع شخص مثل زوجك الاالقوه
خلي اهلك يوقفونه عند حده ويعلمونه انك مومن الشارع
انتي لك اهل وبعدين لازم تحطين في بالك انها عشرة عمر
موب يوم اويومين كيف بتكملين حياتك مع واحد مريض متوحش
ولين مانفع معاه الطلاق احسن من العيشه معاه وانتي توك صغيره
الحقي عمرك قبل مايضيع مع واحد مايستاهل حريم اتطلقو ومعهم سته
وسبعه اطفال والله يختارلك الخيره المباركه ويكون في عونك ويسر امرك​
 
يا اخوات رجاء لاتستهينون بالنصح بالطلاق كل شي وله حل؟؟
ماتفكرون وش اضرار الطلاق؟؟؟؟؟؟؟
 
حبيباتي سبق ورحت بيت اهلي وجلست سنة كاملة , سنة كاملة وهو يروح ويرجع على ابوي بس يتكلم باسلوب قوي حتى اخوي كان يقول لا ترجعين , رجعت بعد شروط ولكن عادت حليمة لعادتها القديمة
 
فتاة الخير قال:
اقولك كل اللي يصير لانك ماعرفتي كيف ترضين زوجك؟؟ماعرفتي شو اللي يبي؟؟تدرين ليه؟؟لاني كنت مثلك..
زوجك يحب المراة القويه والمثقفه واللي تحب نفسها..
اول زواجي كان مكدر خاطري ويتلقط علي الزلات وانواع التحكم ؟؟وتقومين الصبح بدري ويدق علي ونامي بدري..
وانواع السيطره وكل شي هذا من واجبك.. وانا ضعيفه مثلك لكن صدقين العناد مايجيب نتيجه وخميس وجمعه يدق علي بنروح لامي ؟؟وانا اقول اهلي مجتمعين ؟؟بعدين واذا صار مجتمعين؟؟جهزي اغراضك واروح مشوار بعيد وانا مضغوطه وكنت حامل وامي والده وتبي عنايه ويقول لي ماتزوجتك عشان تقعدين عند امك انا اخذتك تخدمين امي؟؟
وكانت امي تسافر لمدينه ثانيه عندها مراجعات وكانت تبغاني اجلس عند اخواني الصغار وكان يتحكم يرفض ..يقول امي ابدا وكنت مجنونه اسكنت وهو بزعمه اني لازم اكون خادمه عند امه (وهو ملتزم)
ووقت الاعياد يودين لامه ويكشت واهلي يجتمعون وياويلي لو اقول شي؟؟؟؟؟؟؟؟للكن ما ايست من رحمه الله وكنت اصلي وادعي ان الله بيفرجها..
مسكين كنت والده وقلت اهلي بيحضرون زواج بنت خالي تعال اسهر واياي ؟؟تدرين وش قال؟؟؟؟ قال ابجي اخذك لامي بمدينه ثانيه لانهم ماقدروك والا امك لاتحضر الزواج.........مسكين صح؟؟؟؟؟؟؟؟
وتحسف وقال ابجي خلاص بعد الصياح..
واشياء كثيره؟؟؟؟؟؟؟؟؟؟؟؟؟؟؟؟؟؟لاتحصى ولكن ابختصر لك عشان تتطمنين..
وبالاخير اذا قال بنروح لامي صرت اتضايق وقال ليش تخلقين المشاكل؟؟ماتحبين امي ؟؟
وكان يقول هذا انا جزت لك والا روحي لاهلك ..ودق لي على شيخ وقال كلميه وقولي المشكله بزعمه ان الشيخ بيقول لازم تبر بامك ولازم تخدمها زوجتك؟؟هههههههههههههههه
ودقيت وقال الشيخ ليش تقربلك امه؟قلت لا قال مالك دخل دخل فيها ومن حقك لو رفضتي وقال لازم يكلمني وكلمه وانصدم زوجي وقال له الشيخ بر بامك لحالك حرام تظلم الحريمه معك؟؟
ومع الدعاء بعد حتى في الحرم دعيت وامي دعت لي...
والكلام يطول ..ولكن دخلت المنتدى وتثقفت وعرفتي مكانتي وقدري ..حتى انه طردني مره وجهزت اغراضي وانصدم توقع اني ابصيح كالعاده (لانه كان يستغل ضعفي)وقلت انت زوجي واحبك وقمت بواجباني لكن تذكر اني ماتحمل الاهانات ابد وانا بنت فلان يذلن شخص ثاني؟؟وطار عقله وقال تخلين عن اولادك؟؟وقلت مو ضايعين وتاسف وبالاخير اقتنع انه غلطان؟؟وبعدها ماصار يقول روحي لاهلك..
وبعدها ماصار يقول يالله لامي صار يروح بروحه وانا اهتميت بنفسي كثير ودخلت تحفيظ وقل زلاتي بعد الله ثم هالمنتدى..وصار يحترمني وتصدقين اذا بغى اروح معه لامه انه يتلعثم او يدق بالجوال مايقابلني..وجه لوجه وصار يقدر وحس ان اهلي ابدا من امه...وصار يمشي لي مصروف ويهتم فيني وياويل اللي يقول عني كلمه؟؟ولله الحمد ماشاء الله تبارك الله..
وتصدقين انه كرهني بامه صرت ماعاد اطيق شوفتها وهي طيبه ومسالمه بس ماقدرت اتحمل كل هالضغوط حسيت انها هي السبب
والحمد الله يبدل الحال من حال ..وصدقيني اهم شي كوني نفسك سريعا واتركي العناد
وحبي نفسك كثيرا ودافعي ولكن بادب ودلع وحاولي تكسبينه وخليك غامضه مره ودلوعه وادخلي دورات او دار تحفيظ
واهتمي بلوكك كثير بس لاتبينين انك متملحه عشانه لالالالالالالالالالا
لاتعطينه وجه اكثر من اللازم..وجهزي اكله وقولي سم وامر بادب..وشوي شوي مع الايام راح يتغير
واتمنى تطبقين اللي قلت لك عليه وبالتوفيق ياقلبي لاني ذقت اللي ذقتيه ولو قدر الله زعلتي لاترضين بسهوله عشان يحسب لك حساب..
أنقر للتوسيع...


الله يجزاك الجنة ياقلبي , تدرين اني كملت الماجستير وكان يقف ضدي في دراستي جنني , كرهني في عيشتي , تدرين دايم يقولي انت مدلعة نفسك وتحبين نقسك , اجل لو دلعت نفسي وش بيصير
 
الصصصصصصصصصصصصبر

ياتوتي ياحياتي ​

الله يكون في عونك عليك بادعاء له بالهدايه
ياحبيبتي
الصبر الصبر الصبر
والله اني قلبي يوجعني من القساوه عليك ​

باي ​
 
والله تاثرت من قصتج اكثري من الاستغفار وقيام الليل والله يفرج همج ويسخره لج
شوفي في هالمنتدى قسم للاستاذه موزه خلفان عن انماط الرجال السيئين وكيفيه التعامل معاهم والله يوفقج
 
والله كلام البنااااااااات صح المفروض ماسكتي عليه الى الان المشكله انك ماقلتي ولا حااجه حلوه قد سواها لك يعني حمدلله انك مانهبلتي منه الى الان ...لكن لابد لك من قرار حازم ....والحياة الزوجيه اساسها المودة واالرحمه...

الله يفرج همك والله يسخره لك كما سخر الريح لسليمان عليه السلام

ويصلح ابناءك ...

اختك فرح
 
لاحول ولاقوة إلا بالله

الدين دين أخلاق

مو باللحية ..

الله يعوضك ياااااااارب وتجعل حياتك سعادة دنيا وأخرة
 
لاحول ولاقوه الا بالله

الله يعينك ع حياتك مع هالرجال الغريب

اش بينفعه دينه من غير اخلاق

المفروض يكون لك موقف سلبيتك ماراح تحل مشكلتك​
 
والله حتى الخدامه حالها ابرك من حالك ... يعني مب بس تخدمين الا تخدمين وانتي ذليلة على قولته
لا والله وبعد تسوين له اكل ..
هذا من البدايه مبينه اخلاقه من يوم اتهمك يقول يمكن طحتي (ال يعني مايقذف مباشره ) وعقب يقول سترت عليك !!!! يعني هو في باله شي ثاني وهاي من البدايه يدل على انه شخص مريض ..
حسبي الله عليه

وبعدين الناس تقول للوحده لا تطلقين وكل شي الا الطلاق حتى لو كان زوجها خاين بس هذا واقف لج عظمه حاط دوبه ودوبج يستمتع وهو يذلج ويقولج ياحيوانه لانج ماسويت السويت وقح وقوي عييين ... تتوقعين بعد 5 سنوات بيتغير ؟ او بيزيد ؟ 10 سنوات ؟ فكري في وضعج في المستقبل جربي كل الحلول يمكن يتغير لكن لا تستمرين في هالوضع العقيم .. لا تضيعين حياتج في خدمه جاحد

ماعندي حل معين لكن هالانسان لازم يوقف عند حده لا تخلينه يزيييييد احتفظي باللي بقى عندج من كرامه ولا تتوقعينه يعترف بغلطه ... بس جربي تسجلين له تسجيل صوتي وهو يسب يمكن لو تطلقتي منه يكون عندج دليل على اخلاقه ...
واهنيج انج كملتي دراستك في هالظروف المزعجه ..

​
 
الله يفرج همج حبيبتي...والله حزنتيني...قسم بلله اني اكره اللي يمد ايده على حرمة كره فضيع...اكرررررررررررره ... شوري بس احس انه كان مضطهد يوم صغير شكله انسان معقد ...ويطلع حرت هالسنين فيج...الله يكون في عونج بس والله لازم توقفينه عند حده..عشان انت ترتاحي ونصيحة حاولي تبعدين عيالج عن مشاكلكم ترى والله يتعقدون وهم مالهم ذنب في للي يصير...والله اتكلم من تجربة ولين يومج اعاني منها...صح انا عرست وعندي بنوتة ربي يحفظها بس لين يومج ما نسيت اللي كان يسويه ابوي في امي...واحيانا احس اني احقد عليه ...والسمووووووووحة الغالية والله يوفقج
 
تووووووووووووووووووووتي اووووووووووووووووووووووووووووف عورتي قلبي بقصتك
ليش ترضين على نفسك المذله انت انسانه والله سبحانه وتعالى كرم الانسان
واذا هو متدين قوليله الرسول الاكرم قال رفقا بالقوارير "
طبعا زوجك مايفهم هالكلام
خلصت من المقدمه وتعالي اكلمك بالكلام اللي يفهمه زوجك
الحين ندخل بصلب الموضوع
شوفي واضح جدا ان زوجك يتلكك وباينه مثل عين الشمس بدليل ان تزوج عليك
هو شايفك خادمه بالبيت وعجينه يشكلها على هواه
وصدقيني بعد كم يوم راح تشوفينه داخل على النت ومكلم بنات ومحمل افلام وصخه

اختي توتي محد يحب خراب البيوت لكن بنفس الوقت محد يرضى بالذل والمهانه
اللي فهمته من كلامك ان اهلك جدا متفهمين وهذي نقطه لصالحك
توتي خذي ورقه وقلم وقسميها قسمين قسم سلبي وقسم ايجابي يعني كتبيي حسناته بالايجابي وسلبياته بالقسم السلبي
انا متاكده ان سلبياته راح تكسب
المهم
انتي خليتي محور حياتك زوجك وهذا غلط تصبحين تمسين وانت تفكيرك شنو راح يسوي زوجك عمرك ماذكرتي نفسك
ابي اقول كلمه وحطيها حلقه بأذونك وهي اذا تقدرين تبنين حياتك بدونه اتركيه من الحين وخل يشوف له بقره تخدمه وانتي ابني حياتك بدونه
صرخي بوجهي ابدأي التمرد عليه لاترضين بطلباته العسكريه
واخيرا اسأل الله العلي العظيم ان يهديك الى القرار السليم
وتذكري عمره الطلاق ماكان النهايه بل هو البدايه
 
تذكرت هالمثل دايم ابوي الله يرحمه يقول لنا وهو
الكحل بعين الرمده خساره
 
اسأل الله العظيم رب العرش العظيم

ان يرده لك ردا جميلا

واقول لك حبيبتي اكثري من الإستغفااااااااااااااااااااار

والله العظيم انه سلاح
 
أشكركم أخواتي على عنايتكم وردودكم , صدقوني والله اني ادعي لكم من قلبي , شعرت باهتمامكم , أحسست بحبكم , رغم الألم
وللأخوات اللي قالوا لي تطلقي , حبيباتي أنا مو خاااااايفة نهائيا من الطلاق والله لو تدرون عن اللي بنفسي ما تصدقون , ودي تجي منه ودي يطلقني أو يتزوج ويفتح بيت ثاني ثم اقوله انا مع السلامة , ما ودي أنا اللي أتسبب عشان عيالي بس , مع ان عيالي أن متأكدة إنهم كتلة من العقد النفسية من اللي يشوفونه , أصلا بدأو يتعلمون من ابوهم , يصارخون علي يتلفظون , حقيقة حتى اللي صبرت عشانه أخاف يضيع , أنا الآن إذا رفع يده يضربني دزيته واذا تكلم وصارخ راديته , ياعالم يحاجني بقول الله تعالى ( وقرن في بيوتكن ) وقول الرسول صلى الله عليه وسلم فيما معناى الحديث ( لو أمرت لأحد أن يسجد لأحد لأمرت المرأة بأن تسجد لزوجها ) وقول الله تعالى ( واضربوهن)وغيره ما يعرف , أقول طيب 0(خيركم خيركم لأهله ) يقولي أنا كامل ولا قصرت أقوله الرسول وهو أفضل الخلق ما قال الكمال وأنت وملافظك الزينة تقول كامل , أنا دايم يوصفني اني انانية وأحب نفسي وآخر اهتماماتي هو وعياله , هذي اسمعها في اليوم عشرين مرة , عاد اليوم الفجر لقيته مآخذ شنطته وطالع ولا سألته أصلا بس بنتي تقول انه يقول انه بيسافر يومين ويرجع
 
حبيبتي انتبهي ليقراراتج ردود الاخوات وايد تحير استشيري ناس متخصصة في هي الامور . والدعاء سلاح المؤمن ادعي الله الي فية الخير يسرة لج انشاء الله.مشاء الله عليج انتي دارسة اهنيج عقبالي اخلص دراستي (قلبي معج يا الغالية)​
 
شكرا اللي ردوا علي بس احب اقولكم ان زوجي الحين ما يكلمني ويكلم الشغالة يعني محقرني , وأنا حقيقة مرتاحة منه
بس تعرفون كيف الغبن يذبح
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل