الله يخليكم ردو قبل مااخرب بيتي وشورو علي

[الضحكة]

السلام عليكم اخواتي وكل سنه وانتم بخير
امس سارت مشكله بيني وبين زوجي ومد يده والسبب
انه قالي سوي قهوه وانا كنت اكوي ملابس البنات على اساس انه بيخرحنا
المهم قلتله اخلص اللي في يدي واقوم اصلحلك سكت شوي وجا من ورايه ورفز على ظهري ورماني بالرموت
وانا ساكته وقلي يلا روحي اتمشي طبعا يتريق
وبعدها قلي انا ما ابغاكي في البيت قلتله زي ماتبغى بس اهلي ما هم موجودين وبعدها خرج وقبل مايجي رسلت له رساله قلتله فيها اهلي في البيت
ورجع الا يسوي مشكله قلي غيري مفرش السرير قلتله ليش المفرش نظيف وانا الي اقول يتغير ولى لا بعدها قلي البسي وبوديكي عند اهلك
واحنا في الطريق يقولي لو انتي حرمه كلمي اهلك بالي سار لو انا في مكانك مااسكت على حقي وانا نازله يقولي متى اجيكي قولتله لما تعرف قيمتي تعال لاكن يكون في بالك انا ماني غلطانه
وكلمت اخوه بالي ساار لانه يضربله حساب وقلي لاتكلمي ابوكي وانا باكلمه هذا كان امس
وجا اليوم الظهر وجاب حليب لبنته وقال انا رايح الرياض قلتله لو رجال في مكانك وسوه عملتك مافكر يسافر لاكن الله يسهلك وفتحت الباب قلي على كلمتك هاذي شوفي لو رجعت لك
وانا جالسه افكر اني اكلم ابوي لانه مو اول مره يمد يده والمره الاخيره قلي اذا عدتها سوي اللي تبغيه
وانا دحين نفسي اكلم ابويه بس خايفه ازيد الطين بله
لاكن اللي قهرني انه مسافر ولا كأنه سوا شي
اش اسوي وانا معاي بنتين وخايفه اخرب بيتي لاتسيبوني يااخواتي شاركوني ضيقتي ولو بدعاء

 

[مدمنة صبر]

الله يعينك ويفرج همك فالله هو الوحيد القادر على حل مشكلتك صلي ركعتين وقولي له اللي في خاطرك ولا تستعجلي الاجابه فالله يحب الصابرين والثقه فالله والتوكل عليه في كل الاممور تصنع المعجزات وتسوي العجائب !!! والا ماعندكم ثقه في الله ؟!! اللي خلق الكووووووووووون كله وخلقنا قادر على حل مشاكلنا !!

سخري نفسكك لله يسخر لك الدنيا ومافيها

نصيحه لك لا يخرب الشيطان بينكم !!

الحين هو سافر كلميه تطمني عليه بس لا تجيبي له طاري المشكله بس سلام كيفك وصلتي والا لا ؟!

وقفلي اتركيه يفكر فيك ويتعب وش بتسوين وبيتوقعك تتركينه تروحين تشكين عليه عند اهلك وتصير سالفه بينكم



لا تكلمين ابوك نصيحه لان الاب عاطفي واكيد بيوقف معك وبتصير مشاكل مالها حل !!
*انتي قلتي انك قلتي لااخوه !!! كيف تكلمين حماه والرسول صلى الله عليه وسلم قال الحمو الموت !!! يعني واثقه في اخو زوجك انه بيحل المشكله ولا وثقتي في ربي !!




ثاني شي

 

[wa7da co0ol]

ليه وين احنا وش اللي يجي يرفزك ويرميك ماانتي خدامه حتى لو خدامه مابيعاملها كده هو تمادى لانك ساكته كلمي ابوك وخله يعرف انه رجال وراك بكل برود تكلميه واهلي جوا ويوديك ويهددك انه ماتكلمي اهلك لانه خايف ويسافر ويروح واصلا الوضع مايحتاج زيادة طين بله لانه اصلا مو وضع صحيح
خليه ولاتكلميه ولاتردي عليه كل مرة بيقوى عليك اكتر لازم يوقف عند حده

وقولي لابوك يقوله او انتي قوليله بكرة لو تزوجوا بناتك وجت وحدة منهم تشتكي انه زوجها ضربها اش بيكون احساسك وردة فعلك

وادعي اللهم اصلح لي شاني كله ولاتكلني الى نفسي طرفة عين

اللهم اصلح زوجي لي وحنن قلبه علي واسكن حبي في قلبه

 

[دانة الشام]

لا أدري وكأن زوجك تعمّد ذلك كي يتركك عند أهلك ويسافر مثلا !!!! كي لاتمانعي !!! لااااا تتصلي به انبسطي عند أهلك ولاتقولي لوالدك ماحصل .. والايام القادمة ستظهر لك نيته وردة فعله .. انتظري لاداعي للاستعجال بأي تصرف .. ربي يختار لك الخير ويسخر لك زوجك ويحنن قلبه عليكي عاجلا غير آجل.

 

[مهاالجنوب]

الله يسخره لك ويصلح حالكم عليك بالدعاء لله وتقربي وصلي واصلحي حالك مع الله تصلح امورك مع زوجك والله المستعان

 

[ايمي الدلوعـــه]

غريب؟؟؟

اول شي قبل اي تصرف هدي نفسك

ثانيا مو حلو انو ماتكون لك ردة فعل خبري ابوك بس لاتنسي تقولي له

انك تبغين زوجك مو بايعته

انصحك لاتهدمي بيتك

انتي مو فطريق مسدود الحمد لله

 

[goldwomen]

زوجك وايش نمطه حبيبتي ؟؟!!

 

[نحمدة ونشكره]

حبيبتي خبري ابوكي لانه لو رجعتي راح تنضربين مرة ثالثه ورابعه وخامسه وراح يعرف انك مراح تقولين لاهلك ولا تجيبين سيرة لذلك سوف يزيد بالموضوع

 

[الضحكة]

اخت قولد ومن اتوقع نمطه شمالي

 

[رازيا]

خبري ابوكي ولا ترجعين له الا بشروط واولها يحترمك ويعمل لك قيمة
انت بنت عالم وناس مو جاية من الشارع ووراكي رجال وسند يشتد فيهم الظهر
خلي زوجك يعرف انه الله حق وانك مو كل مرة راح تسكتي على بلاوية
روحي خبري ابوكي واخوانك وخذي موقف صارم منه علشان يفكر الف مرة قبل يمد يده عليك
انتبهي لا ترجعين الا بشروط

 

[رازيا]

انصحك لا تتصلين ولا ترسلين عليه واذا اتصل عليك وهو مسافر لا تردين من اول مرة خليه يتعب شوي وهو ينتظر ويعرف انك صاحبة حق وهو اللي لازم يخاف مو انت وبعدين ردي عليه اذا اتصل ثاني رة واذا قالك ليش ما رديتي قولي كنت مشغولة او ما سمعت التلفون
اعملي لحالك قيمة عنده خليه يحترمك غصب عنه

 

[نتالني]

انا مع رزايا بس كمان لاتتصلين ولاتردين علية حتى بالرسايل خليه يفكر ويخاف ايش رده فعلك انت واهلك
والله يكتبلك الي فيه خير لك ولبناتك ويهدي سركم ان شاء الله