الله يخليكم ابغى مساعدتكم

[جليانه]

السلام عليكم ياحلوين بدخل في الموضوع على طول انا متزوجه لي 6سنوات وعندي 2اطفال الله يخليهم لي زوجي عنده القولون بس مره متعبه لدرجه لازم يعمل كل فتره منظار عشان يتاكدون مايكون عنده اورام خبيثه لانه احتمال كبير تجيه الله يحميه انشاء الله بس المشكله لمايتعب يحس اني ماني حاسه فيه رغم اني احاول قدر مااقدر اني اعلمه اني حاسه فيه بس هو مايتقبل مني مره واحس انه كارهني ماوده يشوفني ويحاول كل مااجي يصرفني على طول يحب ينعزل وحده لفتره طويله حتى بعد مايطيب يقعد فتره يمكن لاني اخليه على راحته اخاف يتعود انه بعيد عني حتى لما اجي اسئله حياتي محتاج شي اسويلك شي يرد علي رد قاسي مره اخاف يتعب من العزله هاذي مادري كيف اتعامل معه والله محتاره معه وعلى فكره شخصيته جنوبي شرقي ابغى حل الله يخليكم

 

[جليانه]

الله يخليكم كل وحده تدخل تردعلي ولو بدعوه

 

[رونق الشوق]

الله يهدي بالكم
عليك بالدعاء له والله يسير أموركم

 

[اصغر بنوته]

دلعيه وسويله اشياء من غير ما تقوليله وكتري عليه بالكلام الحلوه وقوليله احنا من غيرك ما نسوى الله يخليك ليا وما يحرمني منك هوا بيعاملك كدا عشان حاس انو صار عاله عليكي رغم انوا انتي مو قصدك بس هوا حاس كدا

 

[الانسكاب]

ما بغيت اطلع من غير رد
ااذا شفتيه نايم انسدحي جنبه اقري عليه االاذكار وانفثي وادعيله ان ربي يشفيه
عشان يحس انك جنبه
امسكي يده واضغطي عليهااااااا .. هو مايبي يكون ضعيف قدامك هذا هو الموضوع​

 

[الزيزفون3]

الله يشفية ..اهم شي لاتخلية يتعوووووود عالعزلة..كيف يعني لمن يتعب حاولي انك تكوني متواجدة حولة زي ما قالو الاخوات اقري علية وونسية ..عشان يحس انك واقفة معاة ومولحالة..والله يخلية ويحفظة لكم..

 

[ام صفاء]

عزيزتي العزيزه بارك الله لك في زوجك يارب
ونعم الزوجة انتي
زوجك يحتاج لحنان وثقة في نفسه ولايحتاج لشفقه
المرض يجعل النفسيه تعبانه وبعض الناس تستسلم للمرض وتجعل من حولها في قلق
دورك ان تتعاملي معه بكل هدوء واجعلي الامر عااااادي جدا حتى انك خليه يقوم بواجباته ونسيه شيء اسمه مرض واذا تقدري عزمي احد من عائلته امه اخته اي احد الى البيت حتى يفرفش وينسى همه
وكما وصيتك نسيه مرضه نهائيا حتى لاتجولي له كيفك اليوم شخبارك اهون .. ابتعدي عن ها السيره وسولفي في مواضيع جديده ... واذا ممكن غير صبغ البيت او اثاث غرفتكم
ولاتنسي الدعاء حبيبتي

 

[مجنونه زعلاته]

البنات ماشاءالله ماقصروا الله يعطيهم العافيه ...
والله يخليه لكم ويحميه ويحمي جميع المسلمين من كل شر وبلاء ياحي ياقيوم اللهم امين



سبحان الله لمن قعدت اقرا كنت حاطه في بالي اني حقلك على نمطه واخر شي كنتي كاتبته لانه زي زوووجي بالضبط بس زوجي جنوبي غربي ومو تعبان بس غرقان في ديون ..... ويقول انتي منتي حاسه فيا قد اش الديون متعبتني داااااااااااايم يقول انتي منتي حاسه فيا انتي منتي حاسه فيا ................

وانا مدري وش اسوي كيف احسسه اني حااااسه فيه حتى اسأله اقله كيف عرفت اني ماني حاسه فيك واحلفله اني حاسه فيه واني ادعيله واقله حتى شوف قد طلبتك فلوس وبرضوا انتي منتي حاسه فيا .........

مدري والله كيف تفكيرهم الجنوبيين !!!!!!!!!!!

بس بما انه الرجل الجنوبي رجل الحب والاحضان اكيد يبغون جرعة حب وحنان ولمسات تشيل الهم والتعب بزياده...​

 

[LEMONA]

حبيبتي القلون له اكلات تثيره انتبهي لانو انا زوجي عندو قالون ويعرف الاكلات الي تتعبه ويتجنبها ابدا ماياكلها
ومنها الربيان والملخية والبذنجان كمان كثرة البهارات في الاكل انا اكلي كلو بدون بهارات بهاراتي هي الكمون
والفلفل الاسود بس لا غير وصراحة مايختلف طعم الاكل واذا تعب سويله مغلي كمون ونعناع اوميرامية كلها طيبة تهجد القالون

 

[تشكرات]

مايثير القولون هي ( العصبيّه ) ......فهّمــي زوجك أن يخفّف على

نفسه وعليك من هذه العصبيّه والزعل على أمور بسيطه حتى لا

تتشنّج الأمعاء ويحدث الألم ......

أيضآ أطبخي لزوجك الأكلات الغير دسمه ...القليلة البهارات ....

والخاليه من الغازات المسبّبه لانتفاخ الأمعاء .....( وبيّني له هذا

الاهتمام بأكله وصحّته ) ....أجلسي بجانبه وتكلّمي بحنان وقولي:

طبخت لك اليوم كذا وكذا ....ولازم تأكل كذا وكذا ....يعني حسسّيه

باهتمامك له ....وكونــي صبوره شوي .....فالمريض ياعزيزتي انسان

حسّاس جدّآ .....

ربي يفرج همك ....ويشفي لك زوجك ...

 

[المتفائله بالخي]

الله يفرج همك ويشفي زوجك

 

[*..الحلوة..*]

حبيبتي يمكن نستغربين بس زوجك يريدك تكونين امراة واثقة من نفسها وعرف تتصرف ما يحب المراة الا كل شوي تريد شي لانه هو ما يعرف وش يسوي بهالالم وانتي كذلك افتحي عم قوقل واكتبي القولون العصبي واقري عن العلاجات وطرق الوقائية وابدي طبقيها اذا كان تعبان ابدي باستخدام العلاجات الرجال لما يمرض يكون مثل الطفل الصغير يخاف يجرب اي شي بس اذا شافك وااااثقة من نفسك وتقوليله حبيبي يالله قوم اشرب جهزت لك كاس نعناع بتتغير نظرته له وبيصير باخذ ويعطي معاكي بدون ما تساليييييينه شو تريد لانه بنفسه ما يعرف شو يريد وهالسوال يزعجة زيااااااادة

 

[رندا كووول]

البنات ماقصروا
الله يشفيه .ويسخركم لبعض