الله يحرم وجهها عن النار اللى تدخل

[زاهده من الدنيا]

اخواتى والله انى اكتب لكم ودموعى تسبق احرفى زوجى متزوج من فتره بس مايعدل فى كل شى ومخلينى انا ومشاويرى وروحاتى اى مكان على اولادى وهو يودى زوجته اى مكان تحملت وسكت وبعدين سار يروح حتى فى يومى عندها ومايجى الا بعد منتصف الليل قرب الفجر والله انى انتضره لحد مايغلبنى النعاس ولا همه واذا فتحت الموضوع معاه زعل منى لاتقولو زوجته تهتم فيه او فى شكلها لاوالله انى مو مقصره بشى بس تعرفو عندى عيال صغار الله يهديهم وهى ماعندها شى البيت هدوء ومو هاذا اللى مطيره من البيت كم مره اناقشه يقول انا ارتاح عندكم بس ادرى انه كلام انا تعبت والله انى افكر فى الانفصال عنه واريح راسى وش ابغى فى واحد مهمشنى كان بيتى فندق بس ياكل وينام وزوجته وانتو تعرفون حركات الحريم حسبى الله عليها واضح انها مستانسه من الوضع جانى كلام من الناس لاكن الله يجعلها تتجرع المر منه خواتى زوجى شمالى شرقى وهو الحين زعلان منى لانى قلت ليه ماتطلعنا طلع هو وزوجته وانا عيالى طلعونى اسفه طولتها معاكم

 

[امونه بنت احمد]

الله يكون في عونج يارب ..

قريبا بكون الزوجه الثانيه بس ابد ما برضى بظلمها حرام لازم يعدل

والله يهديه

 

[صاحبةعيالي]

يا حبيبتي استهدي بالله ولا تعطينها فرصه عليك
اخسريه عيشي حياتك وريه انك مستانسه لبعده ولا تكشرين بوجهه اذا جا ولا تجبين طاري زوجته لابزين ولا بشين و اذا جا اضحكي وسولفي معه واللعبي مع عيالك وزوري صاحباتك اهتمي بنفسك زياده خليه يحس انك تغيرتي الى الاحسن بالنسبه لنفسك وانه نفسيتك صارت احسن ادري هلامور صعبه عليك لاكن الامر لله حاولي تتغيرين للاحسن وهو باذن الله راح يشوف التغير وانت تشوفين كيف يهتم فيك بس كل شي يبله صبر
وبعدين يااختي على قول المثل كل فستان وله علاقه جديده وبعدها راح يمل وتجيب عيال وتنشغل عنه

 

[احلى مترجمة]

اكيد اختي توه متزوجها وكل شي جديد يشوفه بس صدقيني اهتمي في شكلك اكثر وحاولي الوقت اللي بيجي فيه تهدي الاولاد وسويله حفلات والبسي شي يغريه ,,,,,,,,,,وانسي فكرة الانفصال ترى اول ضحيه هم اولادك ................ولاتنسي الدعاء ,,,,,الله يسهل امرك ترى كذا الرجال

 

[سـمـاء]

ذكريه بربه
اللي مايعدل يجي يوم القيامه وشقه مآئل
ماتسوى الدنيا نضيع أخرتنا عشانها
الله يسعدك

 

[وصية رسول الله]

يا حبيبتي استهدي بالله ولا تعطينها فرصه عليك
اخسريه عيشي حياتك وريه انك مستانسه لبعده ولا تكشرين بوجهه اذا جا ولا تجبين طاري زوجته لابزين ولا بشين و اذا جا اضحكي وسولفي معه واللعبي مع عيالك وزوري صاحباتك اهتمي بنفسك زياده خليه يحس انك تغيرتي الى الاحسن بالنسبه لنفسك وانه نفسيتك صارت احسن ادري هلامور صعبه عليك لاكن الامر لله حاولي تتغيرين للاحسن وهو باذن الله راح يشوف التغير وانت تشوفين كيف يهتم فيك بس كل شي يبله صبر
وبعدين يااختي على قول المثل كل فستان وله علاقه جديده وبعدها راح يمل وتجيب عيال وتنشغل عنه

:icon30::icon30::icon30:

 

[ام رمايل]

انا من راي انك تهمشي انتي كمان وانشغلي بعيالك والله لا يرجع لك وزوجته الثانيه مصيرها
يجي الدور عليها لاتخافي الرجال مالهم امان بس انتي همشي وشوفي خلي عيالك كل حياتك
وروحي معهم كل مشاوير وش يعني الله لايخليك منهم وهو مصيره يرجعلك وما الحب الا للحبيب الاولاني

 

[مايمشيني عنادك]

ياقلبي لا تنقهرين خليهم يولون ونبسطي والله حاسة فيك بس وش تسوين لا هو حاس واذا تكلمتي زعل
اجذبية بطريقة ثانية ولا تجيبي طاري زوجتة ابد واكشخي ودلعي وانتي عندك خبرة وعارفة زوجك الحياة تبي صبر وقوة ........صح........... اقولك واقول لنفسي

 

[وهج1]

الله يعينك ويصبرك هم كذا الرجال يدورون راحتهم وبس
لكن حاولي بل مايجي نومي الاولاد اواشغليهم في شي هومعتمد على اولادك يطلعونك
وهو بيطلعها بحجه ماعندها الا هو
والله يعطيك طولت الصبر ​

 

[زاهده من الدنيا]

الله لايحرمنى منكم يااخواتى والله خففتو عنى شوى ربى يسعدكن دنيا واخره

 

[نور زوجها]

يقولون راس مالك ام عيالك وانتي ام عياله ومرده راجعلك بأذن الله بس اكثري من الدعاء وانصرفي عنه بحفظ القران استمري على اسلوبك لا تتغيرين ولا تكثرين عليه العتاب ويمل هاديه وخلي اسلوبك معه حلو كنه ماسوالك شي وراح يستحي منك

 

[هلا الرياض]

الله يصبرك على ما بلاك ويهديه لك انتى وعيالك

 

[القلب الحاني]

خليك اسم على مسمه زاهده في الدنيا بطاعة الله ولا تفكري فيه متدري كيف يعاملها ومصيرها تقدم بس لاتتنازلي عن يومك ولا عن وقتك لانه ملك لكولاولادك وادا ما يجي بالسياسه تعالي بالدعاء الله يحنن قلبه لك ولاولادك واحمدي الله ان اولادك كبار هده نعمه عظيمه

 

[زاهده من الدنيا]

يعلم الله تعبت معاه ومعاها وماادرى كيف العمل لاكن طلبتكم ادعو لى من قلب الله يسعدكن دنيا واخره

 

[غموض ابتسامه]

السلام عليكم
يااختي الله يسخره لك ويهديه
انت عليك بالدعاء وسط الليالي والله احسن وسيله عرفتها في حياتي
اما الطلاق لا يااختي ابغض الحلال عند الله اصبري وعليك بالدعاء واعرفي اني اجابه ربي قريبه لا تتعجلين
وبالنسبه لك ارجع تدلعي زي يوم كنتي عروس وخليه يجيك غصب وطنسيه فتره وخليك رسميه شوي ويحس فيها شوي خليه يحس
بعدين لكل جديد لذه وبعدها بيعقل يمكن عشان توه تزوج
بس اصبري وعليك بالدعاء والله يسعدك ويكتب لك بكل خطوه عباده وبكل خطوه سعاده يارب ويصلح حاله ويهديه
تحيتي لك

 

[أحاسيس وطنية]

الله يرده ويسخره لك

البلاء يبي له صبر ودعاء وذكر ولجوء لرب العباد

 

[يارب ارزقني طفل]

اولا الله يفرج همك ويسخر لك زوجك
ثانيا ليش تطلقين وتبهذلين نفسك وعيالك عشان شئ مايستاهل
صدقيني فتره وبيمل كل هالشئ عشانه توها جديده وماعنده صجه وموفره له الهؤ والراحه اصبري وتشوفين اذا جاها عياااااااااااااااال

 

[ضياع أول حب]

الله يكون بعونج
مصيره يرد لج مثل الاول وافضل
عليج بالدعاء وقيام الليل

 

[معلمتـ روضهـ]

حسبي الله عليهم من رجاجيل..كانهم منكدين علينا عيشتنا..​

 

[برنسيسة العذارى]

الله يفرج همك حبيبتي ويسخر زوجك لك