الله يجزاهم الفردوس الاعلى من الجنه اللي يردون علي....

[مهيضة زوجها]

[[السلام عليكم ورحمة الله وبركاته]]... أخواتي الغاليات...الصراحه هذا اول موضوع لي في هذا القسم ...والموضوع مكدرني وايد وقلت ما فيه الا اخواتي في الله يبردون خاطري... والله ياخواتي اني ما ابالغ بس هالموضوع شاغلني وايد ...[[عندي بنت وحده الله يخليينا ويخلييلكم باقي لها ثلاث اسابيع وتكمل السنتين والصراحه عنيده ماشاء الله عليها وهاليومين دايما ما تقولي يمه ولا ماما.. تنادي علي بسمي واذا قلت لها قولي ماما تقول اسمي والصراحه محيرتني مدري ليش تسوي جذيه مع العلم انه مافيه حد يناديني بسمي جدامها مافيه الا انا وابوها وهو دايم يقولي ام فلانه]]...احترت وايد وياريت القى الرد الشافي عندكم الله لايهينكم...تراني والله محتاره فوق ما تصورون ...تكفووون لا تخلوني...الله يجزاكم خير.......​

 

[(ام العز)]

حياك الله اختي الصراحة انا ماعندي اطفال الله يرزقني وكل محرومة ان شاء الله
لكن حبيت اقولك انه عادي جداً صديقاتي 3عيالهم ينادونهم باسمائهم مايقولون ماما ولابابا ينادونه باسمه ((متبرين منهم خخخخخخخخخخخ)) مادري ليه شكلهم هذولا عيال هالزمن وعلى فكرة صديقاتي مثلك مافي احد معهم في البيت لكن وحدة منهم كثير تكون عند اهلها وتقول بنتي تنادين باسمي تقلد خواتي وامي يمكن بنتك كذا وحدة من القهر اللي فيها تقول قلت لزوجي بسميك بابا وانت سمني ماما لحد ماتتعود البنت
عندي اقتراح يمكن ينفع خلي زوجك اذا بغى حاجة يقولها هاتي كذا من ماما وخذي هذا لماما وعلى هالحال الى ماتتعود لان الحركة هذي سوينها مع اولاد اخواني يعني اقولهم خوذي هذا وعطيه عمتك فلانه والا عمك فلان والحين تعودوا ماينادونا الا عمتي وعمي

 

[المحبة لربي الله]

يوم تزقرج باسمج لا تردي عليها ابدا ابدا خليها تحترق من الغيظ وخلي ابوها يزقرج ماما ويقولها وين ماما نادي ماما

لكن اذا رديتي عليها صدقيني بتيبس راسها

ووايد مجربين

 

[مهيضة زوجها]

ياحي ياقيوم يا ذا الجلال والاكرام اسالك باسمك الاعظم الذي اذا دعيت به اجبت يارب ترزق اختي في الله [أم العز] بالذريه الصالحه واختي وكل من يتمنى ...اشكرك فديتك على الرد وربي يجعله في ميزان حسناتك ...ويجزاك الف خير وحسنه على كل حرف خطته يدك.. اختي قي الله [ربي الله] الله يجزاك الف خير ويفتح لك ابواب الخير والسعاده...ويجعل كل حرف في ميزان حسناتك يوم القيامه...ريحتوني بردودكم الله يفرج عنكم كربة من كرب يوم القيامه...ويجزاكم الفردوس الاعلى من الجنه....​

 

[ام العنود]

اللهم امين
ربي يرزق كل محروم

بس على موضوعج ذكرتيني في بنت اختي دايما يوم تبغي اتزعل امها تزكرها باسمها

وووووووووووووووووايد من عيال هاليومين جي

الله يهديهم

 

[o0oحورo0o]

عادي انا ولدي يوم صارعمره 2 جلس 4 شهور يناديني باسمي ويدلعني بعد وانا عادي ارد عليه
بعد كذا رجع يناديني ماما

 

[مهيضة زوجها]

حبيبتي أم العنود الله يجزاك ألف خير على كل حرف خطته يدك ويجعله في ميزان حسناتك يوم القيامه.....الغاليه حور جعل ربي يرزقك الفردوس الأعلى من الجنه ويجزاك ألف حسنه على ما ذكرتي....ويجعل لكم من كل هم فرجا ومن كل ضيق مخرجا ومن كل بلاء عافيه اللهم آمين.....الله لا يهينكم....ويسعدكم ويفتح لكم ابواب الخير والرزق....​

 

[full moon]

انا بنتي نفس الشي بس ماراويها اني مغتاظه امشيه إلين ماتنسى

 

[ام فريال]

حبيبتي لاتزعلين ولا تضيقين صدرك انا بنتي يوم كان عمرها سنة و10شهور ماتنديني الا باسمي وتقول لامي يماما لانها دايم تسمع خواتي ينادوني باسمي وتعودت وكنت ازعل مرات بس بعدين ماعاد همني وصارت بنتي من نفسها تقولي ماما :clap: وبنت خالتي نفس الحالة جيييييييييييييل اخر زمن

 

[Pink Dove]

حبيبتي مافي اي شئ بنتك في مرحلة تكوين الكلمات فتلاقيها بتأخذ كل كلمة حتى لو مااتقالت امامها من قبل ,, اليوم قدرا بنت اختي بتنادي لي باسمي بس كانت عندنا جارتنا وجارتنا تناديلي توتا ,, فبتقولها افتحيلي كيس الحلوى قالتلها روحي لتوتا تفتحه لك وعرفت ان انا توتا وطول اليوم توتا توتا مع انها اول مرة تسمعه ,,

انتي لما تنادي عليكي باسمك لا تردي عليها وانتي حاولي تتكلمي على نفسب باسم ماما يعني لو عملت شئ يزعلك قولي لها ماما بتزعل لو شئ حلو قوللها ماما فرحانه عشان عملتي كذا وكذا ,, ماما بتنام جنبك ,, ماما بتاكل معك وهكذا وان شاءالله يصلحلك حالها