الله وكيلي على كل ظالم اسمعوا قصتي كامله واحكموا

[الدندوشة11]

صباح الخير اخواتي العضوات

اسمحوووولي اشرح لكم معاناتي من باب الفضفضه وطلب الدعااء بألحاااح لله بان يفرج الله عني وعن ولدي كل هالغيوم السووودا الي اشووفها بحياااتي بعد مارماني زوجي الي مايخاف الله

اببوووح لكم مشكلتي الكبيررره والي بكبرها مثل الجبااال على صدري لكن الله كريم والحمدلله على كل حااال ، راح اذكر تفاصيل كثيره بس لازم اقولها عشان تحسووون بمعاناتي كيف ، ابنفجر من زعلي على حاااالي

يمكن هالمشكله تكون اطول مشكله بهالقسم ، بس لوقريتوها كامله راح تعرفون ايش قد عانيييت ولسه اعاني

-----

اخوي الغير شقيق زمان وانا بعمر ال18 سنه جا البيت وخبر امي ان في عريس متقدم لي !!

وفرحت مثل كل بنت ولكن للأسف فرحتي المزيفه انقلبت الى دمار شبه كامل لمستقبلي !!

اعترض اخي الثاني اصغر واحد من الغير اشقااء وجا البيت وقال لي ( لا توافقي والا موتتك من الضرب )

وجت اختي الكبيره الغير شقيقه بعد وحذرتني وقالت هذا الأنسان عائلته سيئه وهو سمعته طايحه ولا توافقي والا راح تضيع حياتك للأبد

( عندي 3 اخوان غير اشقاء )

المهم كلامهم جاب لي الاحبااااااااااااااط بعد الفرحه الي حسيتها

وبعدها خبرت اخوي ذا الي جايب العريس قلت له يا ( .... ) معليش انا مو موافقه على الموضوع ياليت تكنسله

عصصصصصصصصصصب وقال لي لييش ؟؟
قلت له معليش بس اخوانك حذروني وقالولي كذا كذا كذ ...

صرخ وقال لي : معقول اجيب لأختي ناس بهالمواصفات .. لاتردي عليهم ذول يبوا يعاندوني !!

وتهاوش معاهم بالتلفون واصر يتم الموضوع بعد ما اقنعني ولعب بمخي انهم طيبين وكفو ولو فيهم شيء غلط ماجابهم

بعد اسبوعين تمت الشوفه الشرعيه ، ووافق عليا ابو الشباب ، واتفق مع اخواني ان بعد شهر او شهرين يتممون معامله الموافقه ( زواج سعودي من اجنبيه لأني xxxxxxxمواليد السعوديه )

وبعد الشوفه الله وكيلكم الموضوع صار مثل السراب ، كل مايقرب يبعد ، مماطلات من زوجي وحجج واخواني يضغطون عليه بأنه يالله تمم الموضوع ، يالله البنت حالها واقف ، ويالله تراك مصختها ،

وهو كل شويه يطلع لهم بحجه وكان واضح انه يجاملهم ومو قادر يقول ما ابغا اتزوج لأن اخواني اصدقاء ابوه من 25 سنه وخايف يزعلهم !

اخوي صار يقول له يا اخي بادر بالخطوه وانا عليا الشقه ، ومرات يقول له انا القى لك شعل وفعلا يحصل له ، واخوي الثاني( الي متساند مع هذا الي جاب العريس ) هو بعد جابه وشغله بالفندق الي كان مدير عليه ، كله هذا يسهلوله الموضوع عشان يستعجل وهو يمااااطل ويكسل لأن زوجي دايما في من يريحه ويحل مشااكله

صار لي بالضبط سنه وسته شهور مخطوبه له ، اخذ زوجي الاوراق عشان الفحص الطبي ، وسوااه ، وسويته معاااه

وماطل بعد الفحص حوالي 8 شهور ثانيه ،،، اليييييييييييييييييييييييييين خلص الأوراق هذه الي ماتاخذ شهرين لا اكثر ، وبقيت الخطوه المهمه وهي المحكمه وقتها كملت سنتين كامله خطوبه وموضوعي معاه واقف


بهالفتره سويت عشراااات الإستخارات ودايما احس بضيقه بعدها ، بس محد يسمعني ، ومره كلمت اختي الكبيره تقول لأخوي قوليله ماتبغا اتصلو وقولوله لايكمل المعامله

جا اخوي وسبني وقال انا الي اقرر مو انتي ،، ومره ثانيه كان رمضان اتصلت عمته تهني برمضان امي قالت لها خلاص يا اختي الموضوع منتهي البنت مو موافقه

وقتها جا اخوي وحاس البيت علينا واخذ الجوالات مننا وسبنا وسب امي وقال لعمه زوجي : ماعليك انسي الموضوع فيه سوء تفاهم


وبيووم اتصل اخوي على ابوي وقال له : خذ البنت على المحكمه خلاص الولد دفع لي المهر
ابوي قال له متأكد ان المهر بيدك ، اخوي قال ايوه متأكد

وملك الأخ عليا بالمحكمه ، والقاضي الي اسأال الله ان ربي مايسااامحه ماسألني انا وش شروطك ، لأني كنت ابقول سكن واكمل دراستي

ولكن اخوي دخل عرض وقال للقاضي مافي شروط

والقاضي كتب بالعقد لايوجد شروط ،
ورجع سأل ابوي : وين مهرهها ،
ابو زوجي الكككلب قال للقاضي : اعطيناه لأخوها ، واخوي قال ايه ايه معاااي !!

انكتب عقد الزواج وبدوون مؤخر كمان يعني رحت له بلااااااااااااااااش

بالبدايه زوجي حبني بقوووة وحبيته بقوووة ، ايام المكالمات ، وخذووولكم من الوعود الكثيره وانا اصدق وافررررح ، كنت موهومه بالسعاده وانا من داخلي ادري ان كله كذب في كذب !!!

وعدني يسكني شقه لحالي بس صار يشتكي من ظروفه ومن قله راتبه ، وكان الإتفاق ان الزواج بعد سته شهور من الملكه

ولكن السته اشهر صاااارت ثلاث سنوااات ونص

كل هالفتره صار زوجي يماطل ويتحجج ويأجل الموضوع ويطلع بحجج سخيفه وانا اركض وراه بالإتصالات وازعجه بالرسايل وهو مره يرد ويعطيني شوي من الكلام الي تنخدع فيه كل انثى وعشرااات المرات مايرد ويعطيني مشغووول !!

وكذا صارت الفتره الي من ارتبطت فيه الى ماقبل الزواج خمسه سنوات ونصف !!!
الين كثرت الزززن عليه وقلت له تراني معلقه لازم حل والله وضعي يفششل

قال لي ماينفع غير تسكني مع اهلي لأني ما اقدر اسكنك لحالك هالفتره

قلت له معقوووول خمسه سنوات وماعرفت تدبر شقه صغيره ؟؟؟

وهو يتحجج بحجج سخيفه

ويوم بدأ ( اخواته ) يشدون عليه بأنه حرام عليه ولازم يتزوجني خلاص اتصل ابوه على ابوي وقال لهم لازم تحددون موعد الزواج

ابوي قال لهم طيب وين مهرها عشان نقضي لها ؟؟

ابوه قال : والله المهر مع اخوها

ويوم اتصل ابوي على اخوي هذا ( وقتها كان مسجووون ) اخوي اعترف انهم ما اعطوه مهر ولا رياااال !!

كانت صدمه كبيره لي ، وانحرجت اسأل زوجي لأني يوم لمحت له قال دفعت لأخوك 15 الف بيده

واخوي يحلف ما اخذ منهم ولا ريال

ابو زوجي متفق مع اخوي انه ( نحن نبغى منك فلوس ، خلاص اخصم مهرها من الديون الي نبغاها منك )

يعني اخوي سدد ديونه فيني اناااااااااااااااااااا

وتم الزواج

دبشت فقط ب2500 ريال قطّة من هنا ومن هنا دبرتهم من الي يعرفون وضعي وجبت بجايم ابو 10 وابو 15

ما اشتريت ولا قطعه ذهب !

المكياج والاجهزة الي بالغرفه من اخته

غرفه النوم من اخته الثانيه

هو مابذل اي مجهود غير انه اشترى الذبايح وحجز الاستراحه وسوى حمام مغربي

مكياجي سويته فقط ب200 ريال مكياج طلع مقرف وطلعت مخيفه يوم زواجي لأن المكياج ساح فورا ، وصوري بألبوم الزواج طلعت منتهى البشااااعه

ويوم رحنا انا وهو الفندق جلسنا ليله وبعدين رحنا بيت اهله !!

يا بنات والله العظيم كل هالبخس الي انبخسته ماكنت شايله همه كنت اقول هذه ضروف زوجي ولازم اتحملها ، ماكنت ادري انه يستغل سكوتي وضعفي ونذاله اهلي !!

يوم سكنت عند اهله وعند عماته الي معاه بنفس البيت كنت احس بضيقه مالها حدود واقعد ساكته وسطهم

هم يمزحو ويضحكو وانا مهمومه من الطريقه المخزيه الي تزوجت فيها وبعد كان الي كان يزيد همي زوجي من الاسبوع الثاني للزواج بدأ سهراته الي لبعد الفجر عند اصدقاااءه

واقعد مبوزه بسبب هروبه وغيابه مني ، واهله وقتها يشتكوون لبعض يقولون شوفوا بس مبوزة ، شوفو كيف شامخه علينا ، شايفه نفسها علينا هذه xxxxxxx

احاول اكتم صرخاتي واحاول اندمج بالكلام معاهم ،، اكتشفت ان كل كلامي يفسروه بطرق ظالمة وجااائره

بعدها فضلت السكوت من جديد

واقبل علينا اول واخر رمضان جلسته في بيت اهله ،،

عمته اخت ابوه الي دايم وليل نهار على المعسل ، كانت مع الصيااام لما تتركه تطلع كل حرتها في هالفلسطينيه الساكته الي مالها احد

كل يوووووم بصراخ ( كنسي ، رفعي من هنا ، اطبخي ، لاتنامي ، لاتسهري ، لاتصحي زوجك اتركيك منه وتعالي اشتغلي ، تنظيفك زي تنظيف البنقاله )

وانا اتحححححححححححححححمل وما ارد ولا حتى ابوووز في وجهي

لما كان زوجي يتواجد بالغرفه اخاف اجلس معاه وترمي عمته ههرج فاضي عليا وهو يتضايق ويسكت

وقدامه كانت تعاملني بلطف ومن وراه مثل الكلبه

كان يلاحظ بس ما كنت ارضى اخبره بأي شيء الييين في 8 رمضان اخذ التلفزيون البلازما من غرفتي وطلعه لعماااته بالصاله يقول عشان الضيووف

وقتها انفجرت بكا وقهر صرت ابكي مثل الاطفاااااااااااااال ( اعذروني على التفاصيل بس هالتفاصيل هي الي جرت كل الي اعيشه الحين )

استغرب كيف ابكي وصار يقول لي كل ذا علشاان تلفزيوون ، طيب انتي تستعملي بوتجازهم وغسالتهم و و و ليش ماسووو مثلك ،

قلت له ومن قال لك ماتذلني عمتك

وقتها قال اش تقصدي ، وماحبيت افتن عليها صرت اتلوى بكلامي واخرج من الموضوع ،قلت له انا دايما حقوقي تطير ( مهري ، شقتي ، ذهبي ، عفشي ، ليييش ؟؟ انا مو بنت زي باقي بنات الناس ؟ يعني عيبي اني اصبر واسكت )

قال لي مهرك مع اخوووك ،الشقه تدرين بوضعي ، ذهبك مو انا الي اخذته ( زمان طقم الشبكه اخذته اختي الكبيره وللحين تقول مدري وينه وهو الذهب الوحيد الي جاني خلاف الدبله )

بكيت وقلت له خلاص سيبني ابكي مالك شغل فيني ابطلع حرتي

قال لي هالبكا مو من التلفزيووون من شيء ثاني

وضغط عليا لدرجه انه حط السيجاره بفمه وقال ( والله لو ماقلتي السبب الحقيقي لهالدموع اني لأقطع صيامي وافطر )

وقتها خفففت ، وقلت له : خلاص راح اقول بس باالله عليك لاتسوي مع عمتك ولا حااااجه

وحكيت له كل طريقه عمته واسلوبها وكلامها وتصرفاتها معاي وهو بره البيت ، والله ماكنت ابغى اتكلم عشان لاتخرب علاقته مع عمته بسببي ، بس انضغطت ضغط رهيييب

قرر بعدها انه يتواجد بالبيت ويشوف ايش حتسوي عمته قدامه

جلس يوم واحد ،، وشافها ماسوت حاجه ، اطمن خلاص واستأنف دشرته وخرجاته لأصحابه ورجعت عمته لأسلوبها الوووسخ معايا الأوامر والتريقات والاحتقارات

وكانت كل ما اسكت كل ماتزيد الين قبل العيد بثلاث ايام

صارت اول مشكله خلتهم يححطووون طلاقي في بالهم

زوجي طلب مني اسوي له فلفل مع ثووم ، ويوم عمته شافتني اخذ الثوم من الفريزر منعتني وقالت اتركيه تراااه زوجك مايحب الثووم

قلت لها هو الي قااال لي سوي بالثوووم ، وقتها ردت بصراخ : ياكل ( ..... ) هو بس نايم وابوه يجيب المقاضي ويلهف كل شيء جاهز ، لاتحطي ثوووم وخلاص

حطيت له ثووم خفيف من وراها وبالعيد يوم لاحظ ان الثوم خفيف وهو كان بدون شيء جاي من بره معصب صرخ وقال لي : انا ماقلت لك كثري الثوم ،، ليش مسويته كذا يعني بتعانديني

وقتها البيت متواجد فيه كل اخواته ، قلت له : عمتك تقول انت ماتحب الثوووم

وقتها طلع لها بالصاله مثل المجنوووون وصرخ عليها وطلع لها كل الشكاوي الي كنت اقولها له وهزئها وشتمها وحلف بالله مايتكلم معاها وحلف عليها ماتكلمني مره ثانيه

وطلع من البيت وقعدوا اخواته يهدوا الوضع صارت تبكي وانا بغرفتي حابسه نفسي عشان لايقولو عني وقفت تتشمت فيها وهو يهزئها عشانها ، كنت مصدومه كيف اتطور الوضع فجأه

حافظت على احترامي لها لآخر لحظه رغم انها شتمتني وقالت عني كذابه واني قولتهها كلام ماقالته


اشتكت عمته لأخوها ابو زوجي لما صحي من النوم ووقتها زوجي ماكان في البيت حول الساعه 8 الصبح

ابوه صرخ عليا وقال لي ( كيف تسوي مشكله بين ولدنا وعمته ؟ اوالله ترى ارجعك من البيت الي جيتي منه )

طنشته ورحت غرفتي ابكي

بعدها صار الكل كارهني ، لأن زوجي هزأ عمته عشاني قدام الكل ،،

صدقوني وقتها ماكنت ابغاه يسوي كذا لأني داريه انا الي راح ادفع الثمن وماحيغلطوه حيحملوني المسؤوليه كامله .

بعدها بشهر جات جلطه لعمته الثانيه ، اتهموني باني انا السبب لأنها مصدومه بزوجي ، على اساس بالبدايه ماشافووه يتهاوش معها واخواني الي زوجوني اياه يحلفون ان زوجي وعمته الي تهاوش معها من هو صغير مايتفقوو ودايما يتهاوشو من قبل اجيهم وهم بيحملوني المسؤوليه

بعد العاصفه ذي حملت بولدي محد فررررررررررررررررح حتى زوجي قال مبروك بدون نفس وقفل بوجهي التلفون

الغثيان والقيء وانتم بكرمه مدبل عشرااات المرات ، من النفسيه السيئه والاهانات والاحتقارات المتكرره

وبفتره حملي كلها زوجي طول الوقت مع اصحابه مايرجع الا وانا نايمه والله بعمره ماوقف معي بحملي غير يعطيني كل شهر 50 ريال حقت الكشفيه ومايجي معي يقول متواعد مع فلان وعلان نادي اخوك يجي معاك

كنت اضطر اروح لحالي العياده جمب بيتنا

وصلت للشهر الرابع وانا تقريبا ما اخرج من الغرفه من تعبي ولحد يمد عليا كاسه مويه او حتى يندق باب غرفتي يطلوون عايشه ولا ميته

مرت شهووور الحمل الى بدايات التاسع وجو القطاعه منتشهر بالبيت وانا اغلب وقتي بالغرفه ، هم ياكلو يشربو يخرجو يتمشوا يجوهم ضيوف ولا يعبروني ، وزوجي مع اصحابه الي مايخلصووو

كان اخو زوجي الصغير والي ماخذ اخبث الطبايع من اهله يجي يجلس معي بالغرفه عشاان جهااز النت الي جايبته صديقتي لي هديه حملي

ويوم ابوه اشتراله بلاي ستيشن 3 صار يطلب جهاز الgo على الصاله واقعد انا لا نت ولا مسن ولا زوجي ولا احد واطفش

ارجع اطلبه منه ويرده وماتمر كم ساعه الا يطلبه مره ثاانيه الين في يوم قال لابوه : ابوي ترى مره اخوي تمنعني امسك الGO الي جايبه اخوي للبيت << شوفوا الدهااااء بالخباثه كيف !!

بخباثته فهم ابوه ان زوجي جايبه مو صاحبتي وابوه جاني يصرخ ( هااااتي القووو )

اعطيت القوو لهم ، وقعدت ابكي بغرفتي وانا حاطه في بالي ان حتى اغراضي الشخصيه مالها حرمه

سكتت لما جااا زوجي ماقلت له

واتكررت الحركه من ابوه بعد اسبوع ولده طلب منه ياخدله القو مني بس هالمره 4 ايام وفي بيت ام الولد الي حاليا متزوجه واحد غير ابو زوجي

يوم قالولي 4 ايام انقهررت وقلت لاواالله اربعه ايام لا

صرخ ابووه ( جيبي القو وحطيه بكيس واعطيه للولد دحين )

طبعا السيد زوجي مو بالبيت ومايدري ايش يصير وانا مضطره اسمع الكلام عشان لا انهاااان لأني بدووون سند !

نفذت الطلب واعطيته للولد وصررررت ابكي كالعاده

رجع زوجي وقال لي عبي اللاب توب والقو وملابس بنطلع عند اختي نجلس كم يووم

قلت له القوو مع اخووك ببيت امه

عصصصصصصصصصصصب زوجي وصرخ عليا ( انتي مالك شخصيه قدام ولد عمره 12 سنه ؟؟)

وقتها قلت له ابوك صرخ عليا وقال اعطيله القوووو

( هالكلمه بعد هي الي دمرت علاقتي بزوجي بسبب ابووووه ) خليكم معي !!

زوجي عصب وقال شغلي معاهم يوم نرجع

وفعلا يوم رجعنا زوجي اتصل على ابوه وصرخو على بعض بالتلفون ( وقتها زوجي حطني بالبيت وراح لأصحابه )

زوجي قال لابوه كيف تنتهكوو حرمه خصوصياتنا انا وحرمتي وتعطي اغراضنا لولدك الصغير

ابوه صار صوته بكل البيت يقول لي ( حتى انا عبيتي ولدي علي ، والله انتي وهو ادعس عليكم برجلي ، يا انا يا انتي وهو بهالبيت )

زوجي من هالكلمه رجع البيت ولم ملابسه وراح لصاحبه ، وقال لي روحي لأهلك ودبري نفسك !!

انقهرت ، لو اي زوج ثاني مكانه ياخذني معاه وندبر نفسنا لكنه اناني ويفكر بنفسه وبس !!

اتدمرت علاقتي تماما بأهله رغم اني كل الي سويته ثرت لكراااامتي ، خصوصياتي واغراضي ياخذوها مني بالقوووه ، حزنت مررررررررررررررررره على كرامتي الي اختفت عند زوجي واهله ،،

بعدها بيوم وانا عند اهلي جاني اتصال غريب من اخت زوجي ، حلفتني بالله اني اقول الصدق و قالت لي ( صحيح انتي قلتي لأهلك عن زوجك انه يــحشش ؟؟

قلت لها لا والله ولا احد بأهلي يعرف بالموضوع ولا حيعرفوا اصلا ( للأسف زوجي مدمن حشيس وموكلكم حتقولو هذا سبب عدم مبالااته وادري انا وما الومكم)

اخته قالت ( ابوي سمعك بأذنه يوم قلتي لأهلك كذا ، )

حلفت لها ودعيت على نفسي ما اقوم من ولادتي بالسلامه ان كان احد بأهلي يعرف عن هالموضوع وربي ابوووك يتبلى علي عشان اتهاوش مع ولده بسببي !!

قالت لي طيب كيف ابوي عرف موضوع الحشيش ، ابوي ماكان يعرف !!

قلت لها مدري عنه والله ، لكن والله اهلي ماقلت لهم وربي شاااااهد ( وقتها طبعا ماكنت قايله لهم ولا الحين ماقلت الا لشقيقتي وامي )
المهم اكمل لكم
اخته لمحت لي ان ابوها ناوي على خراب بيتي وراح يعبي راس زوجي وقاعد يتحلف

بس قلت لها بكل ثقه ( زوجي ماراح يصدقه لأنه يعرفني امينه على اسراااره )

قالت الله اعلم

جلست عند اهلي 6 ايام وبعدها ولدت وجبت احلى ولد بالدنيا ، وجبت حفيد العيله الوحيد وسط حفيدااات ومن بنات !

فرحوا اخووواته ، وفرحت عمته الي قلت لكم انها انجلطت ، من الأساس كنت بروح من المستشفى لعند امي بس اخته الكبيره قالت خلاص ارجعي خلي جيه الولد علينا صفحه بيضا مع الجميع لكن عمته الثانيه وابوه استقبلوني زي الززززززززززززززفت ،،

تحملت ، وابوه عامل زوجي بعد زي الزفت ، وقتها زعل وطلع من البيت مارجع الا بعد يومين ، كان ابوه يعامله بنشااافه !!

طبعا زوجي فرح لأني نفاس كان يقول فتره حملي ، فلان من اصحابي زوجته نفاس وروحي شوفي الدشره كيف ، وفلان زوجته عند اهلها شوفي جووه والفله كيف

وعاد هالمره زوجته هو نفاااس ، اصر اصرار عجيب ارجع لأهلي انفس عندهم ،

وسمعت كلامه ورحت ، وقتها ماسوا ورقه تبليغ الولاده الي مفروض يسويها بعد اسبوع من الولاده !!

اضطريت وانا عند اهلي ارجع له مره عشان يسوي هذه الورقه واقدر اطهر الولد

لكنه كان نايم او مطنش مدري ، قعد ساعه كامله ادقدق باب غرفتي وهو مقفلها ونايم ، وادق الباب اقوى شيء ومطنش

كنت وانا مخيطه من تحت الفلف بالشموس احاول انا الي اسوي ورقه التبليغ رغم ان الاب هو الي لازم يسويها والاب مكسل مايبغا وكنت لازم اطهر ولدي قبل يكمل اسبوعين وكنت اجي له الغرفه اخذ منه الفلوس والاوراق المطلوبه للتبليغ وهو نايم بالمكيف !!

قعدت عند اهلي متضايقه مررررررررررررررررره منه لأن هالمره الاهمال على ولدي حسيت اني راح اكون مسؤوله عن اهمال ابوه اذا ماتحركت ومازنيت على راسه

قبل اسبوع من طلاعتي من النفاس قررت افتح صفحه جديده مع زوجي رغم اني متضايقه منه لأنه مو راضي يسوي اوراق ولدي ولا راضي يطلع كرت العيله رغم اننا خلفنا !!

استغربت من زوجي مررررررررررررررررررره مايرد عليا !!

قعدت يومين ادق ومايرد ، وصدفه اتصلت على اخته وقالت لي غريبه تووه راخي الخط مني ، ثواني ادق عليه وارد لك

انتظرت حول العشر دقايق ورجعت اتصلت وقالت ( الصراحه فهد عرف بالموضوع الي قلتيه لأهلك وهو زعلان وحالف عليك ماترجعي البيت ثاني )

هالكلام مثل الصواعق ، بكيت وقلت لها وانا ابكي : يعني صدّق الموضوع ؟؟؟

صارت اخته تهديني وتقول ماعليه اصبري كم يوم ويروووق !!

وحلفتني ما ابين لزوجي اني عارفه بزعله

بس ماتحملت ، فورا رسلت له انت صدقت الكلام الي انقال عني وانت عارفني كيف كنت اخبي عليك واداري الموضوع عشان لحد يدري ، حسبي الله ونعم الوكيل بالظااالم

بعد فتره اتصلت اخته الكبيره والي ماتدري بموضوع الحشيش ذا قالت لي اش بينك وبين زوجك

قلت لها طلب مني ما ارجع لين يقول لي !!

قالت لي الصراحه لما سألته ايش في جلس اكثر من ساعه يشتكي منك !!

قلت لها افااا ايش يقول

قالت لي يقول انك ماكنتي تلبسي غير نفس الثلاث قطع وماكنتي تحطي مكياج وطول الوقت مبوزه وساكته وعلى النت 24 ساعه
وماتطبخي له ولا تكوي له ملابسه الا بالشهر مررره ولا ترمي كيس الزباله بره !!

يابنات ؟ كيف راح البس اكثر من 3 قطع وماحد دبش لي وماعمره دخل عليا بهدمه قيمتها 10 ريال ؟ كيف البس قصير احط مكياج واخوه عمره 17 سنه وابوه بالبيت 24 ساعه وفوق كذا كنت حااامل ؟ كيف اقعد مبسوطه وما ابوز وزوجي داشر مع الدشير حقونه وتاركني لاهانات اهله ؟؟ كيف اطبخ له وهو مايجيب لي مقاضي والثلاجه اهله حاطينها بغرفتهم ؟؟ كيف اغسل له كل يوم وماهو جايب لي غساله ؟؟ وغساله عمته تقعد تنافخ يوم اغسل فيها وتتهمني اني اخربها رغم انها ماتسوى 150 ريال



جلست فتره ثلااااااااااااااااث اشهر ( شعبان - رمضان - شوال )

كل هالفتره عند اهلي الناس فاهمه اني نفاس ، زوجي ما اتصل ، مارمى ريال لولده ولا سوى اوراقه ولا طهره ، انا الي رحت طهرته ، الأم الوحيده الي جايه تطهر ولدها والبقيه رجال ، مايصار رد على اتصالاتي، ولو دقيت من رقم غريب يرد ويصرفني يقول معاي ناس الحين اتصل عليك ويسحب سحبه اليمه ،

حست بنفسي ضعت ، فجأه صرت بالشارع انا وولدي !! واهلي فقرااا ومعدمين !! مامعاهم هالمره يصرفون على بنتهم شايله ولدها !!

ابوي مقعد ، وامي تدرس خصوصي وراتبها يادوووب يكفي الأكل ، واخواني الأشقاء عندهم مشاكل بالاقامات مو عارفين يشتغلو زي الناس

هذا كوووم وبيت اهلي كوم ( بيت شعبي عمره حول ال50 سنه ) يبغاله صيانات جدا كثيره ، غرفه وحده بس صلحتها امي عشان نجلس فيها وناكل فيها ونشرب فيها وننام فيها انا واختي واخواني الشباب الإثنين واحد عمره 23 وواحد عمره 18

وعندي طفل رضيع ، جو البيت مايناسب طفل رضيع ، الجدران مرطبه ، الكهربا عباره عن توصيله فقط مافيه تمديدات كهربا لأنه يكلفهم ، حاطين توصيله كبيره ومادّين منها كم لمبه والثلاجه والتلفزيوون !

هالوضع بكاني وخلاني اترجى بزوجي بالرسايل يرجعني له ، هو يظن اني ابغاه يرجعني عشان احبه ، بس مايدري ابدا بوضع اهلي المزري والمعدم !

حاولت اوقف على رجولي واشتركت بأفون عطورات لفيت كم بيت ابيع العطور بس نظرات الناس عليا ذبحتني ، وحده توها عروس ولدها عمره شهر ليش تبيع عطور ، بدل ماترتااح !

قعدت ازن على زوجي الين يوم طفش من زني وقال خلاص لمي عفشك وارجعي

طبعا رجعت وانا ممسوحه الكرامه ، والكبرياء معدم ، والاحترام ممنوع علي ، زوجي جافاني مانام معاي الا بعد 5 اشهر !

ابوه وعماته يصقعون الابواب بوجعي ، وتدس عمته عني المكنسه والسطوله والملاعق والقدور والثلاجه ودتها غرفتها ، وحتى سطل الزباله حق المطبخ شالته عشان لا ارمي زبالتي فيه

زوجي اقسم بالله صار يبات بره بال4 او 5 ايام في جده بالكباين ، يجي من بره يلعب مع ولدي ويسفهني ويقعد على البلاك بيري ويناام

طلع له من حافز وبدل مايحسن الوضع استأجر شاليه بجده ، يوم يأجره واسبوع يقعد فيه ، وتعرفون شاليهات جده والفسوووق الي فيها كيف

قعدت على هالحااال لين ولدي صار عمره سنه !

قبل رمضان قرر زوجي يقضي رمضان بالشاليه حقه ، قلت له وانا ؟

قال لي مدري عنك ،،

قلت له هذا رمضان يعني يتطلب مني اطبخ وفطور ومواعين ، يعني احتكاكي بعمتك حيصير مباشر ومو ناقصه مشاكل

قال لي روحي لأهلك !!

قلت له ابقعد يومين وارجع ما ابطول عشان لايزعلو اخواني ( اخواني كانو يلاحظو جياتي الكثيره عند اهلي ويعاتبوني يقولوا لاتهملي زوجك مايدرون ان الزوج اصلا ماهو موجود !!

قعدت برمضان يوم ويومين وثلاث

جا واحد من اخواني الي زوجوني هذا المستهتر ، وشافني بالبيت !

صرخ عليا وقال ليش كل يومين ثلاث وانتي هنا ؟ نحن زوجناك عشان ترجعي هنا ؟؟

ماحبيت اظهر له مشاكلي مع زوجي ، قلت له اتفقت معاه اقضي رمضان عند اهلي يومين

عصب وصار يهاوش وقال كلميه اليوم يجي ياخذك ولاعاد تجي الا مره بالشهر

وطلع اخوي فطر عند ابوي بالوقت كتبت فيه لزوجي على الواتس اب ( ترى اخوي يقول لي ارجعي ماوافق على جلستي عند اهلي برمضان تعال خذني )

رد عليا وقال لي ( مو اخوك الي يقرر كيف اعيش قوليله عاجبك عاجبك مو عاجبك مع السلامه !)

نزل اخوي ووريته الرساله بالواتس وانا ابكي وانفجرت بكا واشتكيت له من كل المهازل الي تصير !

قال لي خلاص اتطلقي لا ترجعي

قلت له الحين قلت لي خلاص ؟؟ وينك يوم كنت بنت ومليون واحد يتمناني ، الحين وانا معاي الولد تقول لي اطلقي ؟؟؟

قال لي اتطلقي وارمي له ولده !! قلت اذبحوني قبل تاخذوه مني !!

اخوي قال لي اجل خليك اتحملي !!

اترجيته قلت له كلم زوجي يخرجني من البيت لبيت لحالي

قال لي خير ان شاء الله لما افضى

وقعدت يوميا اتصل على زوجي متى ترجعني ومتى ترجعني وهو كل مره يتحجج ويطنش ويسحب

الين في يوم عرفت من حارس عمارتهم انه جا من الشاليه على البيت بدون مايمر ياخذني وعصصبت !!

ارسلت له : ليش مامريت تاخذني

ولا شوي ادق القاه قافل جواله

مرررررررررررررررررررررررره تنرفزت وارسلت له على الواتس : لو انا اطنشك كذا ترضى ؟ كيف اراسلك وتقفل جوالك

راح ارسل لي الرسااااله الي حسمت الموضوع وختمته نهايه سيئه : قال لي ( خليكي عند اهلك يابنت الناس مانقدر نكمل مع بعض اكثر من كذا انا طفشت الصراحه من النكد الي انا عايش فيه )


كان جزاء صبري عليه وعلى الي سواه هو اهله معاي بمنتهى الظلم ، ما حس بقيمه صبري عليه

ولا حس بقيمه الولد الي جبته له !!!


الحين انا عند اهلي ، زوجي ماسوى اوراق الولد ولا طلع كرت العيله ، ولا يصرف على ولدي ولا يتصل يسأل عليه ولا يعرف عن حياتي شيء


الحين انا ام واب ، ماعندي شهاده ،،، ماني سعوديه ،، ولدي بدون اوراقه وماله اي سجلات بالكمبيوتر ،، ومريض بالكساح وما اقدر اعالجه الا بالخاااص ،، انا الي ااكله واشربه والبسه وامشيه !!

انتهى مستقبلي ، كنت احلم بزوج وبيت واطفااااال ، لكن اخواني دمروني هم وزوجي ،

الحين اخوي الي زوجني اياه حاظرني بالواتس اب مع اني عمري ماكلمته ولا فكرت اراسله !!

اغراضي ما اخذتها الين الحين من عند اهله ،، تخيلوا اسست كل شيء من جديد ،

بيت اهلي غرفه ، بس الحين في غرفه ثانيه خربانه جدا قاعده كل ما جمعت لي 200 او 300 سويت لها صيانه للجدران ، لسه يبغالها مكيف وفتحه للطاقه ، وتمديد كهربا عشان بكرة ولدي لو كبر لايعيروه اصحاابه بالبيت الي ساكن فيه ، ابغاه يسولف سواليف حلوة لاصحابه ، يحكيهم لما يكبر عن غرفته والعابه ودراسته بس هالامور صعب علي تحقيقها لحالي

انا معلقه ، اخاف اطلب الطلاق واتزوج من يتبناني وولدي يجووون ياخذون ولدي مني

ولو قعدت على حالي ماراح اقدم له اكثر من فتاااات ، انا اطبخ وابيع ،، بس مو دايم في زباين يوم معاي وعشششره لآ

انا حرررررمه واجنبيه واقامتي منتهيه لأن اقامه ابوي منتهيه ، وابوي زمان منعني اكمل درااسه ، كيف راح القى شيء يأمن مستقبل ولدي

شلووووووووووووون اتحمل كل هذا لحالي ، زوجي عافته نفسي ومستحيل اتصل او ارسل اطلب منه شيء وهو بدون حاجه مايسأل عن ولده رغم انه عارف بمرضه بس مطننننننننننننننننننننننش المووضوع

دمرني الله لايساااااامحه

بس ابي يطلع اوراق ولدي عشان اعالجه بالحكومي

بنات الحين ما ابغى حاجه من الدنيا والله ،

انا ربي راح يبني لي بيت بالجنه ان شاء الله ،، ادري ما شفت حظ بالدنيا ،، لكن وجه الله كريم ،، صرت اعمل كثييييير لآخرتي عشان ادخل الجنه الي لاحزن فيها ولا جوع ولافقر ولا ذله ولا مظاااالم

بس ولدي محتاجني ،، ولدي رجوله مقوسه ،، وغذائه سيء ،، يوم ناكل وعشره لا ،،

وجه الله كريم


اللهم اليك اشكو بثي وحزني وضعفي وقله حيلتي وهواني على الناااس

حسبي الله ونعم الوكيل

اسألكم بالله تدعوو لي بان ربي ينصرني نصر عزيز مقتدر

سبحانك اللهم وبحمدك اشهد ان لا اله الا انت استغفرك اللهم واتوب اليك

 

[um hazzaa]

احزنتني قصتك كثثيييييييير والله
ياربي كل هالظلم موجود في البشر وهالقساوة
سبحان الله
والله مدري شو اقولك ايش ارد عليك
غير انك توكلي امورك وتستخيري ربك في كل شي
وكثري من الاستغفار يا اختي العزيزه وخاصة سورة البقره حاولي تقرينها كل ليله قبل النوم راح ترتاحي من الهموم والمشاكل صدقيني
والله اذا تبين الصدق العتب كله على اخوكي المفروض هو اللي يتحملك الحين وغصبا عليه يصرف عليك وعلى ولدك بعد
لا حول وال قوة الا بالله
الله يهدي بالك وييسر لك كل امورك ويسخر لك زوجك ويهديه يااااااااااااارب

 

[мιѕѕ gυ¢¢ι]

قصتك تعور القلب والله..

وعسى ان تكرهوا شيئا وهو خير لكم..

اكثري من الصلاه والدعاء والاستغفار ..

لا تهملي عباداتك.. واقرأي القرآن ..

وعليك بقيام الليل والدعاء ..


وانتي المفروض ما تتكلمي ابدااااااااااا في حق اهله حتى لو هم غلطانين لان شفتي كيف رده فعله كأنك انتي غيرتيه عليهم..
فالافضل تسكتي مهما فعلوا وتصبري وتحتسبي صبرك لله عزوجل.


الله يفرج همك يااااااااااااااااااا رب ..

 

[ام الهنا 2000]

لا حول ولا قوة الا بالله
الله ييسرك امرك ويجعل لكى مخرجا مما انتى فيه ويرزقك من حيث لا تحتسبى
أكثرى من الاستغفار وكان الله بعونك

 

[ذكريات لا تغيب]

ياختي لا تحزني انكتب لك عمر جديد
ليش تشيلي هم الأكل والشرب الرزق ربي تكفل به محد يموت من الجوع الناس يموتوا من القهر والظلم
والله اني سعيده لك ربي رائد لك تبدئي حياه جديده بعيده عن الوسط الوسخ الي عايشينه اهل زوجك وزوجك
وربي ولدك على الإيمان وطاعة الرحمن
اكثري من الصلاه والاستغفار والصيام
صدقيني ماااااحد راح يًوقف معاك غير الله
ابتعدي عن المعاصي وادعي ربي انه يفرج همك
وربي يقول أسعى ياعبد وانا أسعى معاك
زوحك ماضي ونتهى لاتتصلي عليه ولا تراسليه ولا تذلي نفسك عشانه ابدااااا
اسجدي لربك ودعيه وانتي متيقنه انه راح يسخر لك عباده
ربي اذا أقفل في وجهك باب راح يفتح بداله 10 ثقي بالله وتيقني من فرجه
واصبري يا اختي اذا كنتي تسمعي اغاني اتركيها ودعي الذنوب وارجعي إلى الله
وماخاب من قال يا الله

 

[الحياه وقفات]

الله يفرج همك صراحه قصتك محزنه فوضي امرك لله فلا يخيب ولا يخسر من فوض امره لله استعيني بالله وتوكلي عليه فهو القادر تبديل حالك من حال الى حال اسال الله ان يسخر لك زوجك ويسعدك ويرزقك من حيث لاتحسبين
اكثري من الاستغفار فهو يفتح الاقفال ويكثر الرزق

 

[أريج الذكريات]

كان الله معك وفرج لك همك
الزمي قيام الليل والدعاء في كل وقت وحين والبكاء اثناء مناجاة رب العباد والاستغفار 1000 مررره في اليوم وسترين عجبا باذن الله

 

[ذكريات لا تغيب]

حبيبتي
اريدك ان تثقي بالله ثقة عميا وتوكلي أمرك كله له فهو ارحم عليك وعلى ابنك من نفسك وأحببت انا شاركك بهذي القصه لعلها تنفعك
.الإخصائية الإجتماعية نورة عبدالعزيز ارسلت عدد من التغريدات تروي فيها قصة اعجب من الخيال قربو المنديل وأقرؤها.

@nora1373:
وردني ذات يوم بلاغين أحدهما من مكه والاخر من جده بالعثور علي طفلين لقيطين جوار مسجدين بجدة والاخر في مكه وحسب الإجراء المعتاد تم تعميد دار بجدة
لإستقبال طفل جدة ودار مكة لاستقبال دار مكة ومرت شهور وتزايدت الاعداد بدار مكة حتي عجزت عن الوفاء بخدماتها وفي الوقت نفسه يسر الله للأطفال
دار جدة من الاسر الحاضنة ما يسمح لي بنقل اطفال مكة الي جدة وكانت خيارات النقل امامي لدارين حكومي واهلي وكنت كلما اردت توجيه الموافقة بالتحويل الي الدار الحكومية اجد شيء مايمنعني .. نسقت مع الجمعية بجده ومدى استعدادهم لاستقبال عشرة اطفال من مكة لديهم فأستعدوا فحولتهم للجمعيه واثناء الزيارة الاشرافيه من مسئولات المكتب للجمعيه ذكرت اخصائية الجمعيه لمشرفة المكتب عن ملاحظتها للتطابق في الشبه بين طفل قادم ضمن مجموعة أطفال مكه وطفل موجود بجدة .. هاتفتني المشرفه بهذه الملاحظة وتأكدها من مدي التشابه بين الطفلين فطلبت منها العودة الي تاريخ العثور فوجدت انه في نفس اليوم مع فارق زمني في الوقت قرابه الساعتين

أوكلت للمشرفة مهمة التحقق عما اذا كانا توأمين ام لا و كانت هناك ملاحظة ثانيه عن وجود اسوارة الولادة على قدم الطفل الذي سبق العثور عليه في جدة وكانت الخيط الاول لنا في البحث
بحثنا في المستشفى عن رقم الطفل فوجدنا انه توأم لأخر وامهما غادرت المستشفى مع
زوجها واخذنا صورة من الوثائق وعقد الزواج وعنوان الام كونها غير سعوديه ثم طلبنا من المستشفي مطابقة بصمتي القدم مع بصمتي قدم الطفلين فكانت
المفاجأة تطابقهما ابلغت إمارة المنطقة بذلك وما توصلنا له من تطابق وحتى نقطع الشك باليقين طلبت الاذن بتحليل الDNA وردت الموافقه وظهرت النتيجه بتطابقهما ايضا.
بدأنا رحلة البحث عن الام فوجدناها شابه تسكن مع امها المشلولة وهي وحيدتها وظهر لنا ان الام زوجتها لرجل من جنسيتهم يعمل في مكة لعدم وجود من يعيلهم سألتها المشرفه الم تنجبي قالت بلي انجبت توأم ذكور فسألتها أين هما؟ قالت اخذهما والدهما لختانهما ولم يعيدهما فسألناها ألم تبحثي عنهما قالت بحثت عن زوجي ولم اجده وقد اغلق هاتفه وحتي هذه اللحظة لم نخبرها ان وليديها قد جمعهما الله لها في مقر واحد.
ابدينا استعدادنا لمساعدتها فطلبت منها المشرفه تزويدنا بعنوان الاب واخبرنا الجهات المختصة لنكتشف انه غير موجود في العنوان المذكور وانه غادر البلاد.
مهدنا للام بوجود طفليها وطلبنا منها أن تراجعنا صباح الغد ليتم الانتهاء من اعداد المحاضر الرسميه وتجهيز الطفلين
حضرت الام في اليوم الثاني.

كان مكتبي في الدور الثاني وشاهدت شابه تعدوا علي يديها ورجليها فظننت انها تعثرثت ذهبت لمساعدتها وكانت تجهش بالبكاء وترتجف وتصيح عيالي عيالي حاولت تهدأتها واخذتها لمكتبي لم تستطع الجلوس على الكرسي وجلست على الارض وعرفت انها ام الطفلين واحضرت الزميلات لها طفليها ويشهد الله لم يبقي أحد ذلك اليوم لم يبكي لبكائهاوالغريب ان الطفلين جلسا في حضنها بكل استكانه وهدوء بعد ساعتين وبعد ان استردت رباطة جأشها
سألتها بالله ماذا دعوت به حتي حفظ الله لك وليديك واعادهما لك .. قالت عندما اخذهما ابوهما للختان فجراً قلت استودعكما الله الذي لاتضيع ودائعه.
وبعد ان تأخرا واغلق الاب هاتفه ايقنت انها هرب بهما لبلادنا فكنت ادعوا الله قائله ( يا جامع ام موسي بوليدها اجمعني بأولادي) كنت ابكي بين يدي الله بحرقه ولم اعلم ان هذا الاب الظالم سيلقي بأبنائي في المساجد في مدينتين متباعدتين قلت ولم يخذلك الله وحفظهما بحفظه وأقر عينك بهما

غادرتنا الام ذات ال19 عاما بطفليها وهي غير مصدقة وتبرعت الزميلات بمساعدتها بملابس واغذيه وتوصيلها مع طفليها للمنزل بسيارة المكتب
تنفسنا الصعداء لتوفيق الله لنا في هذه المهمة

** واقول أن من يستعين بالله فإن الله لا يخذله
هذه المقيمة الضعيفة لا حول لها وﻻ قوة
ﻻ أخ لها و ﻻقريب و ﻻ واسطة وﻻ مال
يدعمها ويعينها في البحث عن اولادها
من شدة هوانها و ضعفها لم تبلغ السلطات ولم تفعل اي شيء
كل حيلتها كانت في البكاء والصلاة والدعاء
فقط توجهت الى الله بقلب مخلص النية وصادق بالايمان والاعتماد عليه سبحانه
سمعها مالك الملك سبحانه وسخر لها
جند الارض يسعون لها و لأولادها حتى ردوا اليها صغارها بل و اتموا لهم اوراقهم و اثبتوا لهم نسبهم الى والدهم
... اللهم لاتكلنا الى انفسنا طرفة عين
عليك إتكالنا و اعتمادنا و إليك ملجئنا و اتجاهنا
?


?.ནྱཾ

 

[أسأل الله الفرج]

حبيبتي الله معك وربي ينصرك ويعوضك ، الدنيا دار ابتلاء وامتحان فاصبري والحمد لله اللي اخرجك من هذا الوسط احمدي الله ماخرجت بعاهة ، فانظري الى نعم الله عليك يرتاح قلبك تأملي النعم وتلك الأحزان التي مررت بها وانظري عظيم فضل الله عليك رزقك بولد ووسط والديك تكسبين رضاهما تفتح لك أبواب الخير ، الرزق من الله تفكري في الطيور تذهب جوعا وتعود شبعا من الذي رزقها وهي لاتملك حول ولا قوة أنه الله فثقي بأن الذي خلقك لن يضيعك هوني عليك واصلح بينك وبين الله يصلح لك حياتك ومن تحبين، اسال الله ان يفرج همك ويربط على قلبك

 

[العطا ماهو خطا]

الله يصبرك ويعوض صبرك خير وهذا اختبار من عند ربي والله يحفظ لك ولدك مدري انا من رائئي تطلقي منه يمكن ربك يعوضك رجال ابن حلال ولاتخافين على ولدك ماسال عنه اللحين راح يسال عنه بعدين

 

[om noof2012]

اختي والله اني بكيت على قصتك خذيها نصيحه مني كاخت لكي اطلبي الطلاق ياختي عالاقل المطلقه يكون لها مصروف لكي ولولدك يه جمعيات خيرية زوجك بايعك واهلك بعد خصوصا اخوكي الي باعك حسبي الله عليه ماعنده ضمير وهو سبب كل هذا لانه باعك والرجال ماكان يبيك حبيبتي انتي ليش متمسكه في انسان هو مايبيكي ولا يبي ولدك ورزق ولدك جايك واذا انتي طلبتي الطلاق ارفعي شكوى في المحكمه انو مايصرف على ولدك ولااشتكي في الشرطه انو ماخلص اوراقه ولااهتم فيكي ولايصرف على ولده في ناس راح يوقفوا معاك ادخلي للمسولين ابكي واشتكي وطلعي كل الحزن والقهر فيكي لاتسكتي عن حقك وحق ولدك خليكي قويه لاتخلي احد الا اشتكيله لاتياسي حبيبتي لاتخلي مسوول الا تروحي له حرام الي يصير فيك ظلم من اهلك اولا وظلم من زوجك مايحبك ومايصرف عليكم ولايحترمك ويهينك ولايعاشرك باحسان ووش تبي منه انسيه خلاص هالانسان ميوس منه انتي انسانه وماتتقدري تتحملي فوق طاقتك وهذا ابتلاء من الله سبحانه لانه يحبك حبيبتي ربي عوضك بولد وهذا رزق ناس كثيرين محرومين منه الله يرزقك وتربيه احسن تربيه لاتحسبي انو الرزق على زوجك الرزق من الله هو الي يرزقك ويرزق ولدك خلى املك بالله كبير والله رحيم وكريم على عباده واي مساعده كلميني عالخاص حبيبتي وارسليلي رقمك اساعدك بالي اقدر عليه والله انك زي اختي ومشكلتك تهمني كثير الله يرزقك بواسع فضله ويخليلك ولدك ويحفظه

 

[الدندوشة11]

ردودكم رائعه وفيها راحه لي

اخاف اطلب انا الطلاق وينحكم عليا باعاده مهر لم ادفعه

ودي لو هو الي يطلقني بس الاخ مطنش ماله نفس يمشي بالمحاكم والاجرائات

حسبي الله ونعم الوكيل

 

[om noof2012]

اطلبي الخلع ادخلي على شيخ من الهيئه واشكيله قصتك كل الي كتبتيها في المنتدى اكيد بيساعدوك تراه اولاد الحلال كثير لاتياسي وخليك قويه وثابري عشان ولدك ومستقبله لسى الدنيا بخير و زوجك شيلي من راسك انسان مامنه فائده ولا يحبك ولاحتى عالاقل يصرف على ولده ومدمن ايش تبي فيه بتلاقي ولد الحلال احسن منه وبيعوضك ان شاء الله وربي يرزقك من واسع فضله

 

[ذكريات لا تغيب]

ردودكم رائعه وفيها راحه لي

اخاف اطلب انا الطلاق وينحكم عليا باعاده مهر لم ادفعه

ودي لو هو الي يطلقني بس الاخ مطنش ماله نفس يمشي بالمحاكم والاجرائات

حسبي الله ونعم الوكيل

صباح الخير اختي
محد جاب سيره الطلاق ارفعي عليه قضيه هجر وقضيه إثبات نسب الولد او أضافه الولد لكرت العائله. لا تخافي في ناس تخاف ما تحاشي على قولتهم اي مهر ترجعي واذا قال ابغى زوجتي وولدي قولي ابغا بيت شرعي لي انا وولدي وتحكي كل شي. وطالبي ينفقه كمان لك وللود وربي معاك ماراح يضيعك

 

[السحابه الثلجيه]

الله يعينك ياختي والبنات كفو ماشاء الله

 

[الدندوشة11]

الحين في قضايا هجر ؟؟؟ اول مررره اسمع ؟؟؟؟؟

 

[فطووم الحلوة]

ايه حياتي فيه ..وفيه نفقة ع ولدة وعليك يحكم فيها القاضي غصب عنه...بس من ناخية الشغل ليه ماتجربي تكوني مندوبة مبيعات لأي شركة عن طريق النت تراها شغله مربحة وتحفظ كرامتك وماتطلعي من بيتك ..الله يفرج كربك ويصلح زوجك ويردة لكم رداً جميلا..

 

[فطووم الحلوة]

عليييييييييك بسهاااااااام الليل فإنها لا تخطئ ألجأي لربك في جوف الليل وأشكي له همك وهو أعلم به لكن ربي يحب أن يسمع صوت عبدة ..أكثري من الإستغفار ..وبالنسبة لولدك والله أعلم إن سبب الكساح نقص فيتامين،،د،، فحاولي تعرضية للشروق والغروب الله يشفيه لك ويقر عينك بشوفته عريس..لااااازمي الإستغفار وأدعي وقولي اللهم إني أسألك من فضلك وكرمك فإنه لايملكها إلا أنت ..حاولي تحفظين القرآن والله لتجدين السعادة والإستقرار النفسي تقربي إلى الله بالطاعات والنوافل...خبرينا بجديدك وأسأل الله ان يكون سار..

 

[يالوردي]

انا مع البنات ارفعي عليه قضية
كلمي هيئة حقوق الاتسان يمكن تستفيدين منهم
اذا ماتقدرين على المطالبات شوفيلك معقب او محامي
يطالبلك حقك عند المحمكه او الشرطه
ولاتخافين مايقدر ياخذ الطفل منك لانه ذكروتكون حضانته لأمه
اشتغلي مدرسه خصوصي لي اطفال الابتدائيه او سوي طبخ بيت وبيعي
شوفي المشاغل النسائيه توظفي فيها
شوفي مصانع الحلويات مثل سعدالدين
او سنابل السلام وغيره يوظفون عندهم
جربي الجمعيات الخيريه يمكن يساعدونك انتي واهلك

 

[الدندوشة11]

الله كرييم

الحمدلله على كل حاااال