الله لا يعاقبنا ادخلوا

[فتوو رايقة]

كيفكم خواتي أن شاءالله بصحة وعافية جيت أفضفض لكم باللي داخلي وابغى نصايحكم لي انا كثيرة التأفف من عيالي دايما معصبة منهم ومرتفع ضغطي وألوم نفسي اني تزوجت بدري وجبت عيال ورى بعض و تحملت مسؤلية من بدري اللي في عمري توهم متزوجين والا عندهم واحد او اثنين احس اني ماتهنيت في شبابي مااطلع لصديقاتي مااقدر اطلع مع زوجي بروحنا لان عيالي لزقة مايبغون يجلسون عند اهلي الا وانا معاهم واذا طلعت وهم مايدرون يبكون ويزعجون امي وامي مسكينة اللي فيها كافيها مابغى اثقل عليها واذا اخذناهم معانا انواع الازعاج والفشلة نكديين مره حتى اسواق ماعاد اروح كثيرطفشت منهم الضرب مانفع الطناش مانفع حتى زوجي يطفش منهم مايرضى يخليهم عنده وانا اروح لاي مكان يقول كم لنا ماطلعنا مع بعض وروقنا شوي منهم مرات اقول كلام اخاف الله يعاقبني وارجع استغفر من يوم اقوم لين انام بس ازعاج طبعا كلهم صغار محد يروح المدرسة وصعب التفاهم معاهم يارب سامحني على الكلام اللي اقوله بس غصبا عني اذا عصبت اقول وش خلاني اجيبكم ماعشت حياتي ومن هالكلام يالله لاتعاقبنا وتصلحهم وتهديهم نصايحكم

 

[ღ اُمـ رامي ღ]

طيب اديكي عارفه انه الي تقوليه حرام
واكيد انتي خايفه من ربنا انه يعاقبك على كلامك هذا
احمدي الله حمدا كثيرا مو انتي بس الي تعانين مع عيالك
دام خلفتي خلاص تحملي
كلها كم سنه ويكبروه وتشوفيهم عرايس باذن الله
اصبري يا اختي وكل ماجاتلك هالحاله تعوذي من ابليس وتذكري انه الي عندك نعمة يتمنوها كثيير صدقيني راح يهون عليك كثير
طلعاتك و مشاوريك ووناستك ماهي طايرة
اهتمي بعايلك وعطيهم من وقتك الكثير لازم تتعبي يا اختي هذه سنة الحياة
صدقيني بكرا راح تحصدي الي زرعتيه
لو زرعتي في قلبهم الكره والحقد وكل مرة يشوفوكي معصبه كذا لما يكبرو راح يكرهوكي ويتمللو منك
اما لو زرعتي في قلبهم الحب و غمرتيهم بحنانك راح تشوفي كيف بكرا يشيلوكي اهم شي حسسيهم باهتمامك انتي ام والام تضحيه
اعرف اني طولت عليكي
بس حبيت افديك
و ان شاء الله تزول عنك كل هالافكار
​

 

[$ ام داليا $]

الاطفال مايبدأون يسوون ازعاج الا اذا حسوا بالفراغ ومافي شي يشغل وقتكم وكثير من الامهات تتعذر بان التلفزيون قدامهم وش يبغون اكثر :25:.. الاطفال اللي بسن عيالك اشتري لهم العاب تعليميه منها تسليهم ومنها يتعلمون
واذا بيتك كبير خذي لهم مراجيح وانتي كل يوم عطيهم من وقتك ساعه لحفظ القران وابدأي من السور الصغيره وبعدها تقدرين تخلينهم يساعدونك في امور البيت :15: لا تقولين مايفهمون ترى يفهمون مثلا يساعدونك في ترتيب مكان نومهم وتصفيط ملابسهم وترتيب العابهم في السله بعد مايخلصون وبعد كل هذا نوميهم بدري عشان تاخذين راحتك مع زوجك .. اللي احاول اوصله لك يااختي ان الاطفال اذا ماتعلموا ومااشغلتي وقتهم يصيرون مزعجين ويتعمدون يعصبونك حاولي تشغلينهم بالمفيد والله يهديهم ويكبرون :6:

 

[سلايس]

حبيبتي احمدي ربك..العيال نعمة..لما تكبري في السن من يشيلك ويرعاك..اذا انتي تتأففي منهم الحين راح يتأففوا منك بعدين..انا عندي ولد ربي يشفيه ..ولي اربع سنوات ما خلفت ودي ربي يرزقني بعيال..وعندي اخت زوجي ست سنين وما خلفت..وانتي تأففي من الذرية.زانتي في نعمة حبيبتي..اما الطلعات حاولي تعوديهم شوي مايلزقوا فيك كثير..واذا حبيتوا تطلعوا خلي اختك او اخت زوجك تجلس عنده ..او تودوهم الحضانة في فترة غيابكم اذا كم ساعة..ترا في حضانات يهتموا في العيال كثيير .ادعي لي بالذرية الصالحة..ربي يسعدك

 

[لن أيأس]

لعله في عبادة كنتي تقومي بها قبل الزواج وبعد الزواج تركتيها انا حصل معي كذا ولمن رجعت للسنن والقرآن بفضل الله تعالى ارتحت كثيير واقرأي كل يوم صفحة من سورة البقرة

 

[مشتاقه الجنه]

هذي انشوده عن الام
احمدي ربك عندك عيال وغيرك ماعندهم
لااله الاانت سبحانك كنت من الظالمين




اhttp://www.youtube.com/watch?v=u3u4PQqirJA&feature=fvwrel

 

[DREAM...CHANGE]

أقول حبيبتي هدي شوي
قولي بعد كل صلاة 100 مرة يا حليم .
و إن شاء الله يلهمك الحلم و الصبر و يعينك ويعين كل أم على تربية أبنائها . يااااااااااااااااااااارررب .