اللهجه الاماراتيه الي اماراتيه تدش

[ابتســــــم]

السلام عليكم

كيفكم بنات ..
انا طلبي وموضوعي غريبين ممكن ما مر على احد ..
ما عرفت في اي قسم احط الموضوع بس شفت انه هنا مناسب ..
ما اطول عليكم,,,
انامن اهل مكه ونفسي اتعلم اللهجه الاماراتيه ياليت لووحده تعرف تعلمني اموت في الاماراتيين :32::32::32:
تكفون لا ترفضو طلبي,, وشكرا انتظركم:22::22:

 

[الزين القصيمي]

ههههههههههههه انا احب اللبناني ابي احد يعلمني ...


يسلمون اهل الايمارات وكل بلد مسلم ... تحياتي لك

 

[المحتشمه]

:22:هلا حبيبتي والله يشرفني انج تحبين رمستنا
مثل شو تبى تتعلمي
اولا الكلام يعني رمسه
ثانياحبيبتي يعني غناتي
ثالثا انصحج انك تتابعي مسلسلات اماراتيه

 

[fofoah]

صديقتي .......................................ربيعتي
موضوع حلو

 

[ام صغيرونه]

هلا حبيبتي

فديتج والله تحبين رمستنا علني ماخلي منج
واميه وابويه وكل ربايعية يسلمن عليج
واذا شي فخاطرج خبريني عسب اساعدج
ههههه خلاص اكتفي هالقدر

رمستنا = كلاكنا
علني ماخلي= يارب ماافارقك
امية= امي
بويه = ابي
عسب= عشان ​

 

[ابتســــــم]

فديتكم كلكم صج توقعت مافي احد يرد علي
جعل الجنه مثوانا ومثواكم
والله رمستكم عاجبتني
كلكم صرتو ربيعاتي
بدات اتعلم شوي شوي عسب تساعدوني كملوا معاي
وحده ربيعتي طرشتلي مسج هيه اماراتيه كاتبه فيها(وشوه الوالده) ما فهمتها ياليت توضحونها ليه..

 

[ابتســــــم]

ايه صح انا ما اتابع مسلسلات الله يخليكم لاحد يقول لي تابعي مسلسلات..
الله يديكم العافيه ويرزكم البزوره ويجوز الي ما تجوزت..(حضري)هههه

 

[ابتســــــم]

تكفون على شانـــــــــــــــــــــــــــــي كملو معي <<مين حضرة جنابك
هههههههههههههههههههه

 

[reeem.alflaa]

وأنا أحب اللهجة السعودية وأهلها واااايد
شو رايج نسوي تبادل منفعة
يعني اعلمج وتعلميني
:7::7:

 

[نآعمـ آلعود]

هههههههههههههههه
ضحكتيني من الخاطر<<ضحكتيني من قلب
غناااتي,,غناتيه<<يعني انتي //انته الغنى لي في الحياة

شيختيه,,شيخيه<< سيدي سيدتي

وااايه فديتج واايه فديتك << عسى افداك عسى افداج

غلايه ..: يعني اغلى ماعندي

شو بلاك شو بلاج :اشفيك اشفيج

مول ،، او مولية // ابدا ..

عساااني محلمك عساني محلمج << يا عسى ماشوفك او اشوفج في حلم

 

[نآعمـ آلعود]

شوه الوالده : يعني كيفهاا الوالده^^

 

[نآعمـ آلعود]

ع فكرة ترااني يالسة اعلمج رمسة هل إمارة بوظبي,,,

بنااات دبي و الشمااالية ..تعاالن فاازعنيه ^^<<فازعنيه: يعني ساعدني

وهو ماشي اختلاف بسيط بس <<يعني نحن نضيف على الاغلب ضمير المتكلم يـــه (بفتح الياء وتسكين الهاء)
وهم على الاغلب يحطون ياء صافي بدون هاااء واذا حطو هاااء تكون الياء مكسورة عكسنا مفتوحة
مثال:

مالتِـــيـه مالتيــَه: يعني خاصتي مثال: هذي اللعبة مالتيَه<<حلووو الكلام:39:

 

[princessh]

يالبييييه وش ذا ..يهبللل حتسيكم

 

[ابتســــــم]

هلا حبيبتي نتبادل وش ورانا
هههههههه

جزاكم الله خير على الرد والله اكتب كل المعاني في جوالي في الملاحظات عشان اقوله واتعود عليه

 

[@@الجوهره@@]

فديتهم اهل الامارات وانا احبهم موووووووووووووووووووووووووووووت

انا مسجله بمنتدى اماراتي

ودايم اذا دخلت لقسم الحمل والولاده

اقر يكتبووون ابشركم ربيت ربيت وانا اقوووول وشلووون التربيه فيها بشاره بعد

وصار معنى ربيت =ولدت يعني جابت بيبي ياحبيلهم
ماروم=ماتحمل او مااقدر
طبعا وفيه اشياء كثيررره ان شاء الله البنات يفيدونك

 

[كلي طفوله]

ابتسم,فديت موضوعك العسسسل
حتى انا مثلك (احب اهل الامارات)فديتهم بسسس
بس ياالمحتشمه (لاتنصحينه تتابع مسلسلات)لانه مايجوز متابعه المسلسلات
طريقه الاخت ام صغيرونه رووووووووووووعه
تعطيك قطعه ,ثم تستخرج الكلمات الصعبه هههه
حسيت اني تعلم انجلش ,,,
تابعوا يابناااااااااااات الامارات
فديتكم​

 

[ابتســــــم]

نورتُ غنياتي موضوعي وشرفني ردودكم الحلوه..

سلمت اناملكم الجميله ..

 

[reeem.alflaa]

فديتكن بنات الإمارات ما قصرتوا
مممم
ما عرف شو أضيف
الرمسة \ الكلام
الخسفة \ القبيحة
أبي أرقد \ أبي أنام
اليهال \ الأطفال
أهلنا قبل ينادون البنات الصغار بالفريخات
لوى عليه \ حضنه
خقاق \ متكبر
أزقر \ أنادي
كشخة \ مرتب
الشبرية \ سرير النوم
فارج \ إتركني .. خليني لحالي
خدية \ ما يفهم
قشكم \ أغراضكم
دعلة \ شخص ثقيل طينة .. كريه

عاد والكلمة إللي أنا أحبها
يالطمطمة .. أظن تعرفونها:31::31:

وإذا حابة تعرفين مردات ثانية
حاضرين للطيبين
تحياتي

 

[ابتســــــم]

حبيبتي ريم اضفتي كلمات جميله بس وش هي الطمطمه؟
واذا عندك كلمات ثانيه ضيفيهم بالقاموس انت كريمه وحنا نستاهل
هههههههه

 

[reeem.alflaa]

حبيبتي الطمطمة هذي عندنا دارجة بمسلسل كرتوني يطلع برمضان (( شعبية الكرتون ))
منتشر جدا
والطمطمة الشخص العبيط وفهمه ثقيييييل
وشو ما تحاولين معاه .. المعلومة ما تلاقي وياه مدخل لمخه :20::20:
وإن شاء الله لي رجعه
تآمرين غناتي