اللــــــــه يخلـــــيكم ســــــــــــــاعدوووووووني

[ذكريات منسيه]

السلا عليكم ... شحالكم ...؟

بغيت مساعده منكم وانشاءالله استفيد منكم:msn-wink:

انا صارلي سنه متزوجه اول شي كنت شوي جريئه مع زوجي بس بعدين لاحظت انه ماياخذ ولايعطي معي
شخصيته غااااااامضه حاولت اني اتقرب بس هو مايساعد ومايسولف معي مثل مايسولف مع اهل البيت .
صارحته مره قلتله انت ليش كذا كذا قالي انا مابا اغير طبعي عشانج ودايما يسألني شو في خاطرج واذا سالته انا قالي ماشي في خاطري ومايصارحني ولا ادري اش يحب ولا اش يكره مايتكلم معي ابد
واذا شال في خاطره مني مايتكلم ولا ادري انه زعلان او راضي؟

وما يقعد في البيت الا وقت النوم ولا اذا قعد على الكمبيوتر اما انا ارووح وارد عليه ولا كاني موجوده انا ماقصرت معه في شي والحمدلله انا ماانتظره ايقولي اتلبسي وتعدلي كل شي اسويه من نفسي
ابـــــــــــــا حل لو سمحتووووووووووو
ومشكووورين

 

[غلطة حياتي]

مراحب...

انزين ليش ماتسالين اهله عن طبعه وبعدين ماشاء الله كملتي سنه معاه يعني ماقدرتي تعرفين اي شي عنه؟
شوفي شو يحب؟وحاولي تكلمينه عنه؟مب لازم تتكلمين معاه بس حاولي تيلسون مع بعض تشوفون فيلم ولا اي برنامج؟..اقترحي انكم تطلعون رحلة بر او اي مكان مايكون في شي يشغله عنج وحاولي تصارحينه بمشاعرج وان شاء الله يتكلم؟...

 

[حره على كف صقار]

انصحك في هذه الحاله ان تعرفي من اي نمط من انماط الشخصيات هو ..شمالي ام جنوبي ام شرقي ام غربي ..

حتى يتسني لك التعامل معه وفق الاسلوب الامثل ..

معرفة انماط الشخصيه علم يساعدك في فك رموزه ..

 

[ذكريات منسيه]

مراحب...

انزين ليش ماتسالين اهله عن طبعه وبعدين ماشاء الله كملتي سنه معاه يعني ماقدرتي تعرفين اي شي عنه؟
شوفي شو يحب؟وحاولي تكلمينه عنه؟مب لازم تتكلمين معاه بس حاولي تيلسون مع بعض تشوفون فيلم ولا اي برنامج؟..اقترحي انكم تطلعون رحلة بر او اي مكان مايكون في شي يشغله عنج وحاولي تصارحينه بمشاعرج وان شاء الله يتكلم؟...

اانا سألت اهله واخواته يوم اقولهم عن شخصيته معي يقولووووون غير مو نفس الشخص اللي نعرفه انا دايما اسأل بس هو مايرد علي واذا رد يرد بجمله غير مفيده ويرد للبيت اخر الليل ويكوون يبا يرقد وما يحب طلعه العوائل ابداااااااااااااااا بس يحب يطلع مع ربعه واااايد
خبرته وصارحته بمشاعري تجاه بس ماشي فايده (( اذا شي عندج نصيحه ساعديييييييييييني فيها ))

ومشكووووره عالمساعده.....

 

[ذكريات منسيه]

انصحك في هذه الحاله ان تعرفي من اي نمط من انماط الشخصيات هو ..شمالي ام جنوبي ام شرقي ام غربي ..

حتى يتسني لك التعامل معه وفق الاسلوب الامثل ..

معرفة انماط الشخصيه علم يساعدك في فك رموزه ..

والله ياختي انا ماعرف طريقه الانماط هذي بس انا جربت وطلع انه جنوبي غربي
ومشكوووره عالرد...

 

[شهد30]

شوفي حبيبتي لازم تاخذينه باسلوب ثاني مثل انج تقوليله انا مقصره عليك بشي اكيد بيرجع يقول لا اوكي ساليه مره ثانيه سوال ثاني انت مضايج من شي تباني اساعدك في شي إذا رد وقالج انا اسلوبي جيمعناته ولا تزعلين انه في وحده في حياته ومحتار شو يسوي بس انتي قبل لاحظي هل قلل من فترات الجماع معاج اذا لقيتي انه تغير وايد عن قبل وقلل منها معناته اكيد كلامي صحيح لاني يالغاليه اعاني نفس المشكله وحاولت بكل الطرق حتى اسلوب التطنيش جربته ماشي فايده مب مهم عنده لحد ما اكتشفت انه يحب وحده ثانيه مسكت على الغلط اكثر من مره وقبل لايحط رقم سري لتلفونه كنت احصل ارقام بنات واكلمهن بنفسي بنات يدورن الحب الله يهديهن المهم انتي سوي كل اللي اقولج عليه ابداي بسوال وعقب تطنيش وعقب فتشي يمكن يكون على علاقه وسامحيني مب قصدي اخليج تشكين في ريلج الله يهديه يا ربي ويهدي ريلي

 

[rosecat]

رأي بلموضوع البسي يعني طنشيه وعيشي حياتج جربي لشهر مثلا عيشي حياتج لوحدج
ولازم اي رجل لكي يحب زوجته ويحترمها يجد ان الكثير يحبونها ويحترموها انشغلي مع
صديقاتج اهلج اهتمي بنفسك اكثر واكثر وطنشيه ولا تسئليه وسوي روحج غير مهتمه فيه
يمكن راح يشوفج متغيره عليه ويحس على روحه ...

 

[ذكريات منسيه]

شوفي حبيبتي لازم تاخذينه باسلوب ثاني مثل انج تقوليله انا مقصره عليك بشي اكيد بيرجع يقول لا اوكي ساليه مره ثانيه سوال ثاني انت مضايج من شي تباني اساعدك في شي إذا رد وقالج انا اسلوبي جيمعناته ولا تزعلين انه في وحده في حياته ومحتار شو يسوي بس انتي قبل لاحظي هل قلل من فترات الجماع معاج اذا لقيتي انه تغير وايد عن قبل وقلل منها معناته اكيد كلامي صحيح لاني يالغاليه اعاني نفس المشكله وحاولت بكل الطرق حتى اسلوب التطنيش جربته ماشي فايده مب مهم عنده لحد ما اكتشفت انه يحب وحده ثانيه مسكت على الغلط اكثر من مره وقبل لايحط رقم سري لتلفونه كنت احصل ارقام بنات واكلمهن بنفسي بنات يدورن الحب الله يهديهن المهم انتي سوي كل اللي اقولج عليه ابداي بسوال وعقب تطنيش وعقب فتشي يمكن يكون على علاقه وسامحيني مب قصدي اخليج تشكين في ريلج الله يهديه يا ربي ويهدي ريلي

انا قبل سالت اذا اهو راضي عني او لا قال ايوه راضي عنج بس هالفتره ماسألت
كييييييييف اساال وااحد مايتجاوب معي ابد واذا بيرد يرد بشي مااستفيد منه ومن ناحيه الجماع انا مرااات امنعه لان يرد البيت اخــــــــــــــر الليل واكون نايمه واذا اهو طلب انه يجامعني يطلب بأسلوب (( مصلحجي)):shiny: واذا كان شي في تلفونه من هالفيديو الماصخ يسوي رمز سري بس ماافتش في الارقام

ومشكووووووووووووره

 

[ذكريات منسيه]

رأي بلموضوع البسي يعني طنشيه وعيشي حياتج جربي لشهر مثلا عيشي حياتج لوحدج
ولازم اي رجل لكي يحب زوجته ويحترمها يجد ان الكثير يحبونها ويحترموها انشغلي مع
صديقاتج اهلج اهتمي بنفسك اكثر واكثر وطنشيه ولا تسئليه وسوي روحج غير مهتمه فيه
يمكن راح يشوفج متغيره عليه ويحس على روحه ...

انا مراااات اطنشه ومثل ماقلتي انشغل باهلي وصديقاتي واتعدل ويسالني لييييييش التطنيش منج وارد عليه واقوله مثل مااطنشني بطنشك ويسكت مايتكلم هذا اللي قاهرني انه دووووم ساكت مايتجاوب معي:icon28:

ومشكووووووره

 

[سحر الحوار]

حبيبتي صح طنشي بس لا تردي هالرد كل ماقلك ليه مطنشه قولي بلعكس عادي ماطنشت واحرقي اعصابه ببرود ومن غير ماتعصبي او تقولي زي ماتطنشني اطنشك المسله كذا بتصير عناااااد يعني بيطنشك زايده

 

[وانتانا]

عزيزتي هو ماعنده شيء ولايعرف شيء عن التفاعل ليس لآنه لايري بل لآنه ليس من طبعه التفاعل أو الإبتكار - ثم أكيد تعامله مع أهله سيختلف عن تعامله معك لأن الزوجه والحياة الزوجيه جديده عليه وعليك - سنه واحده زواج غير كافيه لتعرفي كيفية التعامل مع الزوج وبالذات إذا كان جنوبي غربي ففي البدايه ستظنين أنه يستقصد تجاهلك أو عدم الحديث معك أو متحفظ بعدم إبداء رغباته ولكن مع مرور الزمن ستكتشفين أنه الصمت عنوانه وانه معجب بكل شيء تقومين به ولاكنه لايتقن التعبير ولا يراه من الضروريات وستتهمينه بالأنانيه لأنك تعطي وتعطي بلا مقابل . أفضل شيئ تجاهليه وأنت مقتنعه بذلك لا كعقاب له قومي بواجبه بما يرضي الله ورسوله ولاتشغلي بالك هل أعجبه أم لم يعجبه مادام هو من فرض ذلك على نفسه وسترين النتيجه بإذن الله عندما يشعر بالتجاهل الغير مستقصد سيلحق بك ليعرف سر غموضك
إنتبهي لنفسك إلبسي ماتحبين وعيشي حياتك في هدوء ولاتجعلي طبائع غيرك تنغص عليك مادمت لم تخطئي في شيء

 

[الدكتورة نبضة قلب]

هلا يا قلبي

سمعت أحد الاستشاريين يقول

انه اول 3 سنوات من الزواج تكون مليئة بالمشاكل

وذلك لوجود الاختلافات في العادات

غاليتي

حطي شي في بالج

الرجل صعب جدا يتخلى عن عاداته قبل الزواج بسرعه

صدقيني حتى سنه مب كافيه
خاصه اذا ما كان عندكم بيبيات

ونحن الحريم من نزوج نترك كل هواياتنا وصداقاتنا
ونتعلق في الريل

وهالشي يخلينا نحط كل تصرفاتهم تحت المجهر

نصيحتي لج

- اشغلي وقتج ... خاصه فترة الليل..
- موضوع التطنيش...وانا ما احب اسميه تطنيش..احب اسميه ابعاد الزوج عن محور الاهتمام ...
-اجعلي الوقت اللي يتواجد فيه زوجج مرح ..اذا قعد على الكمبيوتر...جهزي له شراب واجلسي جنبه
- لا تكثرين من عتابه...لانه بدون فايده...ويمكن يكون سلبي على الزوج..ويحط في باله انج نكدية
- عندما يعود من عند اصدقائه ..رحبي فيه ترحيب حار..وكلمات الشوق ...ابد لا تكشرين في وجهه
- اهم شي اعرفي اي نمط من الشخصيات زوجج واقري اكثر عن الرجل..عشان تفهمينه..ابدا لا تنتظرين هو يتقرب...للاسف دايما المرأه هي المبادره

 

[ذكريات منسيه]

مشكووووووووووووورااااات خواتي الله يعطيكم العافيه

انشاءلله بنفذ كل كلمه قلتوها لي وبشوف النتيجه....؟