الكروشات وضيقة الصــــدر

[جمانه222]

السلام عليكم,,,,
كيف الكروشات الغاليات؟؟:32:
ابي اسألكم عن ضيقة الصدر ,,انا الحين حامل بالشهر الثالث احيانا تجيني ضيقه احس الدنيا ضايقه فيني بدون سبب ومالي نفس لشي وودي اصيح:8:
واحيانا مافيني الا العافيه:39:
ماادري هل هالشي طبيعي ولا بس انا اللي يصير معه كذا,,,
جاوبوني الله يسهل عليكم.

 

[جفت دموعي]

انا مثلك تجيني ضيقة صدر وكتمه اكره نفسي ومالي خلق لاحد بس فتره وتعدي من تدخلين الرابع باذن الله تخف وتروح انا كل عيالي كذا وقلت لدكتوره وكتبت لي اوميغا 3تقول ممتاز للكآبه وايضا زين للجنين
الله يهون عليك ويتمم لك ولي على خير

 

[أمة البارئ]

ياأختي ...أكثري من قراءة القرآن..أذكار الصباح والمساء...الرقية الشرعية...فترة وتعدي إن شاء الله,,,,,,,,,,

 

[المحبه للجنه]

من جد هذا ألي صاير معي لدرجه يوم بكيت بكا شديد تقولين فاقده أحد ...من الضيقه مااحب اسولف ابي احد يهتم فيني لكن لاحياة لمن تنادي ... اه بس اه ... الله يعظم الاجر

 

[انتوا سموني]

يوووووووووووووووووووه ذكرتيني بأول حمل

لي والله من كثر مايضيق صدري كنت اتمني أني ماتزوجت ولا حملت

وأدعي على نفسي ووووووووو

لدرجه اني قلت في نفسي : مستحيل الجنين بيطلع سليم من كثر الضيقه والبكي اللي أبكيه

تقريبا بشكل يومي

بس الحمدلله ولدت بنوته مثل القمر ومافيها الا العافيه

والحاله هذي عدت على خير

يالله لك الحمد​

 

[شموخي هوعزوتي]

الله يعين يااااارب حاله يالله ان شاء الله تعدي...........

 

[انثى تعشق رجل]

جبتوها على الجرح يابنات

انا يجيني اكتئاب من الشهر الرابع الين مااخلص الاربعين
بابني البكر كان اكتئاب شديد وبالثاني والثالث خفيف لايذكر
بس الان راجع كانه بابني الاول
كل يوم بالليل مع اني انام وانا اسمع قران بس تجيني وساوس عن الموت واجلس ابكي كان هالشي صار
والمشكلة اني مزكومة اجلس اكتم صوتي وانا جنب زوجي احس اني بختنق ومابيه يحس علي
واول مايطلع علي الصباح افكر بنفس الافكار اللي تجيني بالليل ومااتاثر بالعكس اتعوذ من الشيطان واقول مااهبلني وتعدي
بس بالليل بحملي هذا طول الوقت اتخيل زوجي بيصير له شي الله يحميه يارب
وابكي بشدة كانه صار وخلص مرات افكر انه يده انكسرت والا انه سوا حادث ولا انه بييموت بسم الله عليه
صرت اخاف من الليل
وحتى لو مانمت ولو بقينا صاحيين نفس الشي يوم الجمعة كنا راجعين بالليل من سفر شفت حادثين وكلهم فيهم سيارة اسعاف وانا خلقة اموت خوف ان احد فيه شي لو شفت حادث
غطيت وجهي وجلست ابكي خايفة على زوجي وهو جالس جنبي مافيه شي
وبحملي الاول كنت بس خايفة امي وابوي يموتو والا يصير فيهم شي ويوميا بالليل افتح عزا واجلس ابكي
والمشكلة اني خجلانه اصارح احد بالموضوع ودي ارتاح من هالقلق وخايفة يجيني اكتئاب بعد الولادة قوي
خاصة اني بنفس ببيتي

 

[انثى تعشق رجل]

انا الحين حامل باول الخامس بس توقيعي خربان

 

[جمانه222]

الله يشفيني وشفيكم ويشفي مرضى المسلمين,,,الحمدلله ان الوضع طبيعي
بالنسبه للاخت انثى تعشق رجل,,اقولك انا مسيطره علي افكار الموت وخاصة بالليل بس الحين خفت شوي لاني احاول ما القي لها بال واقرأ سورة البقره قبل انام واستغفر وادعي والله ييسر الامور.

 

[نجمة مضيئة]

طبعي االاغلبية يمرون بهاذي الحااالة

انا تعبت نفسيتي مررة لين اخر الثالث

 

[LoLo CaTi]

الله يفرج على كل مسلمة قولوا آآآآآآمين

 

[رقة القـلب]

مدري مامرت علي الحمدلله
​

 

[أم الهام]

الله يهونها عليكي حبيبتي

 

[أم رامــا]

شي طبيعي يالغلا والله يتمم لك حملك على خير

 

[ابوي اغلا ناسي]

يووووووووه يارب يرحمني من كثر اكتأباتي

والله مره من شدة الاكتئاب كلمت دكتور نفساني عشان اخذ دواء

بس الحمد لله رفض قال هانت استحملي شوي

وربي ساعدني وكنت كل يوم اقراء سورة البقره ويارب لك الحمد ترتاحين كثير

ربي يشفي الجميع

على فكره اكتئابي يجي في الحمل وغير الحمل وجاء فجأه بعد مناسبه:8:

 

[جمانه222]

يعطيكم العافيه ع الردوود,,,واللي دعت لي اقولها
ولك بالمثل ,,
الحمدلله على كل حال,,اللي يهون الامر اذا تذكرنا اننا مأجورات بإذن الله,,
الله يتمم علي وعليكم وكما جمعنا بهذا المنتدى ان يجمعنا بمقر رحمته آميـــــــــن.

 

[وتين قلبي]

اللهم امييييييييييييييييييين الله يكتب لنا الاجر اتوقع طبيعي

 

[حبيبه عدولها]

ولي ولي على الضيقه تدرين انو احيان ابكي كاني مجنونه لدرجه انو زوجي يجلس يهدي فيني ومو قادر يلمني

بس ارتاااااااااااااااااااح بدها بعدين اتذكر نفسي واااااااه اشره ع نفسي وابين لزوجي انو علشان الحمل

الله يتمم علينا جميع ويسهل علينا الحمل والولاده

 

[ِضيــآءْ]

الله يهونها عليكم ​

 

[عاليه الصيت]

الله يعني اثاريه طبيعي
انا نفس الشي الموت اتخيل زوجي يموت وابوي دايم وابكي
بس اقري الاذكار واقري قران وان شاء الله فتره وتعدي