الكذبات المكشوفه الحقووووووووووا لايطوووووووووفكم

[مليت اقول ياليت]

مرحبابلقيسيات شخباركم ياحلوات عساكم طيبين

<<حياكن الله اقلطن على القهوه :19:

بنوتات هالفتره مواضيعي كلها فرفشه يكفينا حزن وهموم على الفاضي

ابي نتشارك ونسولف كل وحده تطب فيذا وتكتب لنا شي انا بطلبه<<عقدتي السالفه هههه

المهم كل وحده تقول لنا مره كذبت فيها على زوجها وكشفها سواء واجهها ولالا

يعني مو كذبه كذبه يعني كذبه بيضاء على قولتهم هههههههههههههههه
انا ببدى
بداية زوجي تقريبا بعده بخمس شهور كنت فعلا بزر بمعنى الكلمه واروح مسويه فيها اني بفتش رجالي وحارصتن عليه من زود السنع <<اهل العقول براحه
:e130:
المهم واخذ جوال الرجال وهو نايم واقعد افتش فيهوترسلي اختي على جوالي واروح ارد عليها ويوم جيت برسلها الرساله ارسلتها لجوال زوجي :33:
المشكله ان الرساله ماتنرسل بصراحه يعني ماتصلح ارسلها له رسايل بنات واقوم اقفل جواله للاسف وصلته الرساله يالهوووووووووووووووووووووووي اعمل ايه
واجي احاول افتح الجوال عشان امسحها وماعرف الرقم السري قلت خليني احرق الشريحه :icon30:مره وحده <<يالعن اوم الذكاء الي عليك كان مسحتيها وخلاص مو تقفلينه
واقوم واحرق الشريحه آآآآآآآآآآآه ارتحت خخخخخخ واخذ الجوال وارجعه عند زوجي وانسدح جنبه وانا برييييييييييييييييئه ماسويت شي :18:

ماطول عليكم يوم صحى يشغل الجوال يشغله مايشتغل يقول دخل رمز البيوك :31:

انا رحت اتسحب اسوي الفطور<<راااااااااااااااااايقه
ويجيني يسالني انتي ماخذه جوالي وانا بكل برائه لاء
قال وهو معصب الا انتي ماخذته ومحرقه شريحتي وانا اقعد ابكي قلت حرام عليك لاتظلمني انا ماخذته<<دموع تماسيح طبعا

المهم ومشت الامور وجاء هو يراضيني ويقول الظاهر ان الجهاز مو مضبوط <<مسكين الجهاز قطيناها براسه
عاد قبل كم يوم كنا نسولف الا يقولي ترى ادري انه انتي الي حرقتي شريحتي بس ماحبيت افشلك وقتها
انا دوروني ماتلقوني :25:من الحيا واقعد اضحك وانفرط من الضحك عجزت اسكت مع اني مستحيه منه :5:

عاد ياله كل وحده تسدح لنا مواقفها هنالاهنتم فديتكم

 

[حبي ميدو]

انا دايم اقول لخطيبي بابا مدلعني وبابا يحبني ومن هالكلام وابوي موعاطيني وجه ومره قالي اموت واعرف ليش انتم كلكم يالبنات بس بابا مدلعني وهو موداري عنكم وانا يفشلتي وقام يزيد يقول وش تبون توصلون له قمت قلت انا مالي دخل ببنات الناس انا بنسبه لي بابا مدلعني وبكره تشوف قال شي راجع لك بس مدري وش تقصدون من هالحركه ومن بعدها ماجبت طاري ابوي وتفشلت يمه منه طلع يقراء حركات الدلع للبنات وانا كل يوم قايله له حركه اشوف الولد موعطيني وجه ويجامل مره قلت له انا معرف انام الا مشغله الفواحه ومعطره سريري وحسيته كشفني وقاري هالحركه عاد يوم دريت انه يقراء بالمواضيع هذي ويفتش كثير عليها عقلت وتادبت

 

[ملكة بدون عرش]

هههههههههههههه حلوه
مدري قاعده اقلب راسي يمين شمال احاول افتكر كذبه بس مافي سجلي ابيض/////احلفي:22:

 

[كلمه سر]

والله اني نفس السالفه اقول ابوي مدلعني ويوديني وووووالخ بس ماحسيته شك عاد خوفتيني يكون داري ان ابوي ما درى عن هوى داري هههههههههههههههههههه

 

[سموالذوق]

انا اكذب عليه بس ما عمره كشفني الله يستر بس والله العظيم ما كذبت في شي غلط ابدا بالعكس

 

[إنتي ياماما أنا]

هههههههههههههههه
بأتذكر وأقولك
بس أنوم بنتي أول :12:

 

[مليت اقول ياليت]

ههههههههههههه تسلموووووووووون على المرور ياحلوات
اوما على بابا مدلعني والله ماهقيتها والمشكله انهم عارفين حركاتنا زييييييييييييين

انا المشكله اكثر من مره يكفشني واتفشل بس ماتوب هههههههههههه

ابي ردود بعد ابي كذباااااااااااااااااااااااات بس بيضاء هههههههههههه

 

[حطام فتاة عاشقة]

افااااا يالكذابات هههههههههه
فديتكم والله خوش موضوع
ما ادري مو متذكره شي حاليا

 

[روحي ذهب]

ا انا مره فتحت الابتوب حق زوجي وهو مايدري لانه حاطه برمز قفل واحفضت الرمز لما راح الدوام فتحته اهو يشغل بالكهربا وانا من العجله حطيت البطاريه فيه وقلبت في كل ملفاته وبعد ها سكرته ولكان سويت شي لماجازوجي لقا البطاريه محطوطه في الجهاز :24:وقلي ليش فتحتي الجهاز وانا اهني ماعرفت وش اقول عاد قلتله وش ابغى بجهازك افتحه اصريت حتى شككته بنفسه ولما فتح الجهاز كل اصور والملفات اللي حافضن راحت واسوى فرمته لجهازه من جديد بس احسن لانه كل الي موجود صور ملها داعي وهو عارف اني لو شوفته راح امسحها وهو مايدري بس لليوم هذا مانقشني يمكن صدقني:8:

 

[رائعه بحيائي]

انتبهوا يابنات لايصير مجاهرة بالذنب لان الكذب من الكبائر الي استصغرناه الله يتوب علينا

 

[عاليه الصيت]

خوشششششششششششششش موضوع
مخي فاضي اللحين اذا تذكرت اجي

 

[الحياء طبعي]

ههههههههههههههههههههههههه

متابعة لكم

 

[كيوت حدي]

looooooool

الله لايفشلناااااااااا

مملكة الله يستر عاد انا كله ولاالبرستيج امووت لو تفشلت عند زوجي

دعواتكم يتحدد زواجي ياهو مليت ههههههه
​

 

[.PRADA.]

الحملله ولامرة كذبت معاه , اما سالفه بابا مدلعني الحمدلله يارب ابوي مدلعني انا واختي واخواننا الاولاد كارفهم كرررف لووول
يعني صادقه لماقلت له ان ابوي اقرب الناس لي وهو بنفسه شاف الاهتمام من الوالد الله يطول بعمره يارب

 

[خطى أنثى]

خخخخخخخخخخخخخخخخ والله انكم فله
انا دايم اذا طبخت لزوجي اخترع اسم طبخه من راسي
واقوله هذي اكله ايطاليه والا يونانيه والا صينيه
وهي في جميع الحالات طبخه واحده بس مره طماطم ومره جبن موزريلا ومره بصينيه خخخخخخخخ
غش عيني عينك وهو ياحرام مصدق بس في الفتره الأخيره صار يقولي كل الطبخ طعمه واحد