الكاتلوج السحري ... للتعامل مع الشمالي الشرقي

[امل2]

السلام عليكم أختي رماريمو مارديتي على سؤالي رقم المشاركة 378 صفحة 38 بارك الله فيك على ماتقدميه لنا ...........

 

[ساحرة قلبه]

^

ايه هم كذا يموتون بالمدح ويحب يحس انه معيشك بخير ونعمه اتوقع حتى لو انك عايشه على خبز وجبن هع

زوجي كذا من يومن طلبت مطعم وحاسبت عليه يوم قام من الاكل يقول كثر خيرك قلت بالعافيه وخيرنا من خيرك الله لايحرمنا

ياوييييلي لو تشوفين كشرته قال ايه ادري انه من خيري ومبسووووط

بس الفلوس لا ماينفع معه غير سيدا حتى مدح بس اللي من جد يجيب راسه طاري عياله ممكن يسوي اي شي عشانهم

بس من ريم هذي ؟

ريم هي رماريمو صاحبة الموضوع والفكرة :22:

 

[ReemOona]

محتاجه نصيحتكم الله يسعدكم ويحقق امانيكم ..

كيف اقنع الزوج الشمالي شرقي بزيادة المصروف الخاص للزوجة هو بنظره يكفي الاحتياجات

الاساسية وهي بنظرها لا وتحتاج اكثر كونها امرأة ولها امور خاصة لايفهمها الزوج حتى

بعض الاشياء الخاصة للبيت أو الاولاد يراها كماليات لكن هي في زمننا هذا تعد من

الاساسيات .. الحكمة والمنطق والدلع تم تجريبه ومافي فايده للآن ..

الله يخليكم نصيحتكم ..

 

[روعة زماني-]

ارجوكم ساعدونى فى تحديد شخصيتى وشخصية زوجى
هل هي شماليه شرقيه ولا جنوبيه شرقيه ؟
بالنسبه لى
انا اذا غلطت اعرف انى غلطت واعتذر واثقه من نفسي واول انطباع عني اني مغروره وغامضه
ماتهمني التفاصيل وما اسئل كثير ولا اتدخل في حياة احد
حساسه واي كلمه تضايقني واكتمها في صدري
ماتكلم عن مشاعري ولا اعرف اعبر زين واذ جينا نتناقش انا وزوجي يغلبني
احس اني حكيمه ومني متسرعه
انسى كثيرولا احب احد يدخل فيني ولا ينصحني او يقولي سوي كذا او كذا ينرفزني
اتغظي عن التفاصيل واتنرفز بسرعه بس اهدي واسامح
ما احس اني نشيطه بس ادور الراحه واي شي فيه راحه وهدوء ما اصاحب الناس واعطي بسهوله معهم واذا اخذت موقف منهم اتعامل برسميه
انسي بسرعه وما اجمع في الاخطاء علي عكس زوجي ولا تفصله ينساها ويطلع كل اخطائي


اما زوجي
يدقق في اتفه الامور ليش سويتي كذا ليش خليتي هذي ليش وليش ويزعل ويعصب علي ابسط الامور احسه يدخل فيني كثير البسي كذا ليش ما اكلتي ليش ماشربتي صح انه من
باب الاهتمام بس اذا ماسويتها يزعل
يبغي يعرف كل شي عن تفاصيل حياتي وهذا يضايقني
واذا بعدت نفس الشي يبغي يعرف كل شي
بس ما هوه اللي يتصل نادرا انا اللي لازم اتصل واسئل وياويلي انا ناسيته نسي اذا ماسويت كذا
ولا اهتم فيه وياويلي يزعل ويعصب اذا دق كذا مره وما رديت

يحبني واذا غلط يعتذر وهو اللي عودني وعلمني على الاعتذار

يحب يتكشخ واصدقائه كثير ويحبونه والكل يحترمه بس يحب يجلس في البيت يعني حسيت ان علاقاته يمكن كثيره بس سطحيه او متوسطه في العمق مع البعض

حساس من بعض الامور اللي مالها داعي يقلب الجو علينا يطفشني بهذي الحركات وتدقيقه
يبغي كل شي كامل وعشان كذا دايم يفكر ويرهق نفسه علي اشياء صغيره ويفكر فيها مليون مره

حكيم وارائه ذكيه وتعجبني
نشيط ويحب ينجز الامور بسرعه ويقولي دايما ابغاك حركه نشيطه مو برود

حنون واحس اذا جانا اولاد بيحبهم مره

ارجو منكم الرد

 

[حناني تعداني]

الحين طيب طول هالفتره ماكلمتيه ؟؟؟؟!!

عالاقل بس دقي كيف احال شالاخبار لو قال اشفيه ولا غريبه او انتي قولي يالله بس حبينا نتطمن استغربنا مادقيت قلنا نشوف عسى ماشر فيك شي ؟

واذا خلصتي قولي يالله انتبه لنفسك لاتجيبين طاري ليه مادقيت ليه ماسالت كاانه طول هالوقت همك

هو ياانه بينحرج او بيطلع اللي بقلبه بس خلك عاقله او حتى لو عادي عنده اهم شي انتي بادرتي بهالمكلمه

مشكوره اختي ع الرد
اذا دقيت عليه مقفل بس بيننا رسايل رسميه
نبي كذا...اوكي
ولو ما ارسل ما ارسل
الله يعين بس

 

[رنين الحياه]

انا زوجي شمالي شرقي احيانا احسه يحب يسيطر عليا لما يبغا حاجه يقلي يلى قومي جيبي بسرعه ؟
وانا مررررره اعصب ودايم اتخاصم معاه على هادي النقطه بليززززززززز كيف اتعامل معاه

 

[فراولة العين]

نصيحتكـــم يا شمــــــآآآليـآآآت

زوجي مهوووس بالشهره ويتمنى من زماان يصير مشهوور

بس هو بدأ في طريق الحرام من وجهة نظري

انه يصور كمودل في فيديوكليباات ،، وياما نصحته ومانفع معاه شي

أهم شي انه يوووووصل للشهره

ومن شوي قـآآآلي انه معرووض عليه يصور برنامج في رمضان

انه يقابل فنانين ومطربين وغيره

شورايكم؟؟

كيف أقنعه بان اللي يسويه غلط من ناحية الشرع خصوصـآآآ

انا تعبت منه

من رايكم اقوله بكيفك انا ما يخصنـي ولا شو ؟؟؟

ساااااااااااااعدوووووووووني الله يسعدكم

 

[RAWAN YAHIA]

الله يقدر كل زوجة على القيام بحق زوجها وخاااااصة الشمالي الشرقي لأنه متعب .... وأهم شيء احتساب الأجر وأخذالمشوووورة من أهل التجارب .

 

[الوجه المليح]

غاليتي
أولاً : أشكرك من كل قلبي على هذه الدعوات ...
ثانيا : لدي استفسار بسيط قبل أن أجيب على تساؤلك
ألا وهو :
هل اجتمعتما بعد الزواج ... أم لازال يعيش بعيداً عنكِ ؟

اااسفة كثيرا لاني ماشفت سؤالك حتى الان
احنا وزوجي لسة بعيدين عن بعض ورجاءا اجيبيني في اقرب وقت

 

[زوجة شمالي شرقي]

الله يقدر كل زوجة على القيام بحق زوجها وخاااااصة الشمالي الشرقي لأنه متعب .... وأهم شيء احتساب الأجر وأخذالمشوووورة من أهل التجارب .

صادقه أختي والمشكله يبي لك جهاااد والله مره اقول فهمته وأحسن شي الشمااالي الشرقي ومره اقول ياليت بس اطلق وارتاح من الضغط اللي يجيني

 

[**أم ميس**]

صبـــاحك خير .. أختي الحبيبه ريــــم ..
وهنيئا لهذا المنتدى بكن جميعــــــــا .. فعلا رائعات ..
أتمنى تتمكني - مع هذا الضغط - من التفاعل مع ردي هذا يا ريمو ..
أنا زوجي شمالي شرقي .. متزوجه من عشر سنين .. وطبعا منذ زواجي أعاني جدا من تصرفاته وعصبيته الزائده وتقلب مزاجه .. وما كنت أعرف عن الأنماط وخلافه .. توني أقرأها .. ودايم أسأل نفسي وش الحل وليه هو كذا ..
الأدهى والأمر أن علاقتنا بدأت تزداد سوء .. ومن خمس سنين بالذات صرنا نتبادل عبارات جارحه .. برغم أن في البدايه كان واضح جدا حبه لي بس ما يعرف يعاملني .. وكل شوي يعتذر .. بعكس الآن .. أنا أقول له ندمانه على زواجي منك وهو بعد .. وكلام جارح أكثر من كذا ..
طبعا للأسف هاليومين أكتشفت مع قراءتي في المنتدى أن كل شي كنت أسويه كان يدمر علاقتي فيه ..
كنت أقول له .. أنت مهملني والاولاد وبس مهتم بعملك وإحنا آخر اولوياتك .. أنت عديم إحساس و و و ...
في بداية زواجنا كان يرفض يآخذ من فلوسي وعنده عزة نفس والحين تخيلوا .. صار لمن أطلبه شي يقول هات بطاقتك .. يعني ما عاد يهتم برأيي فيه .. مع أني أحيانا التمس له العذر ..
وأقول يمكن لأنه بادي مشروع وعليه التزامات .. و بعد يناقض نفسه .. شوي يقول جسمك حلو وخيال وشوي يقول ابيك تضعفين 10 كيلوا .. شوي يمدح شوي يذم وعلى هالحال ..

الحين أنا عارفه أني غلطت أسألتي هي ..
1- هل تتوقعين أني ممكن أصلح اللي مضى علما بأني أحسه خلاص ما عاد يربطنا عاطفيا اي شي .. قلتي لوحده من الأخوات .. يمكن ما عاد ينفع بعدين تلقين المفتاح الصح .. أحس أنها انطبقت علي

2- الشي الثاني .. كيف أبدأ ارجع العلاقه ..
3- كيف ممكن توفقين بين أني ما أخليه محور حياتي واستقل وبين أنه حيتعود على كذا وحيهملني لانه يحب بطبيعته يكون حر وينشغل بعمله ؟

اتمنى اشوف ردودكم الله يجزاكم خير ويسخر لكم رجالكم ياااا رب ..

أحبكم في الله

 

[مرام84]

H D
مين ريييييييم
في احد مايعرفها
الله يحفظها ويرزقها ياااارب
ريم هي رماريمو
اساس هالموضوع هي وزجة شمالي شرقي
ريم الله يسعدها فادتنا كثير بنصايحها
انتي شوفي الموضوع من البدايه وبتعرفي مين ريم


متابعه بشوق​

 

[زوجة شمالي شرقي]

صبـــاحك خير .. أختي الحبيبه ريــــم ..
وهنيئا لهذا المنتدى بكن جميعــــــــا .. فعلا رائعات ..
أتمنى تتمكني - مع هذا الضغط - من التفاعل مع ردي هذا يا ريمو ..
أنا زوجي شمالي شرقي .. متزوجه من عشر سنين .. وطبعا منذ زواجي أعاني جدا من تصرفاته وعصبيته الزائده وتقلب مزاجه .. وما كنت أعرف عن الأنماط وخلافه .. توني أقرأها .. ودايم أسأل نفسي وش الحل وليه هو كذا ..
الأدهى والأمر أن علاقتنا بدأت تزداد سوء .. ومن خمس سنين بالذات صرنا نتبادل عبارات جارحه .. برغم أن في البدايه كان واضح جدا حبه لي بس ما يعرف يعاملني .. وكل شوي يعتذر .. بعكس الآن .. أنا أقول له ندمانه على زواجي منك وهو بعد .. وكلام جارح أكثر من كذا ..
طبعا للأسف هاليومين أكتشفت مع قراءتي في المنتدى أن كل شي كنت أسويه كان يدمر علاقتي فيه ..
كنت أقول له .. أنت مهملني والاولاد وبس مهتم بعملك وإحنا آخر اولوياتك .. أنت عديم إحساس و و و ...
في بداية زواجنا كان يرفض يآخذ من فلوسي وعنده عزة نفس والحين تخيلوا .. صار لمن أطلبه شي يقول هات بطاقتك .. يعني ما عاد يهتم برأيي فيه .. مع أني أحيانا التمس له العذر ..
وأقول يمكن لأنه بادي مشروع وعليه التزامات .. و بعد يناقض نفسه .. شوي يقول جسمك حلو وخيال وشوي يقول ابيك تضعفين 10 كيلوا .. شوي يمدح شوي يذم وعلى هالحال ..

الحين أنا عارفه أني غلطت أسألتي هي ..
1- هل تتوقعين أني ممكن أصلح اللي مضى علما بأني أحسه خلاص ما عاد يربطنا عاطفيا اي شي .. قلتي لوحده من الأخوات .. يمكن ما عاد ينفع بعدين تلقين المفتاح الصح .. أحس أنها انطبقت علي

2- الشي الثاني .. كيف أبدأ ارجع العلاقه ..
3- كيف ممكن توفقين بين أني ما أخليه محور حياتي واستقل وبين أنه حيتعود على كذا وحيهملني لانه يحب بطبيعته يكون حر وينشغل بعمله ؟

اتمنى اشوف ردودكم الله يجزاكم خير ويسخر لكم رجالكم ياااا رب ..

أحبكم في الله

مرحبا اختي أم ميس انتي طلبتي ردودنا وأنا لان اقصر بالرد
غاليتي الشمالي الشرقي مايمشي الا بالمدح وترا مايعرف يعبر بحبه الا بالفعل مو بالقول مثل الجنوبي
وفي وحده والله نسيت اسمها تقول انتي وذكائك طلعي رمنسيته لان رمنسيته غير
ابضرب لك مثل وتتقوليين امحق مثل بس انتي اذا فهمتي الشمالي الشرقي بتلذذين برمنسيته الجفسه
زوجي عنده أبل ورحت معه عندهن هن في الشبك وجاء يبي يطلعهن وأنا لاحقته فتح الباب وأنا بطريقهن
طلعن وجن من عندي صرت اصرخ وكان عندي شبك ثاني فاضي وااااصوت لزوجي التفت اكيد هو خاف علي ومن الخوف
صار يلعن الله يلعنك ويسب فيني ماتعرفين تصرفين انتي ادخلي بالشبك دخلت الشبك يوم راحن رحت وجلست ماكلمته لانه معصب علي والشمالي الشرقي مايحب المراءه اللي ماتعرف تصرف يوم هدا جاء لمي أنا قلت ابصير عاديه مو لازم كل مره زعل واخرب الطلعه وامد بوزي فكرت بعقل اني أناالمخطئه ليش اقاف بطريقهن
جاء وجلس وكنت مجهزه الغداء بدا يتغدا وشافني عادي اضحك واسولف ومطنشه عاد هو وده يلطف الجوقال افاااااايالعتيبيه وين الشجاعه ضحكت ومشيتها وهو ماكان شي صاروالله لو كل شي بنمسكه ونحاتفهم عنده كان مانعيش ولايعيشون
اما بالنسبه لكلامك هذاااااا

أنت مهملني والاولاد وبس مهتم بعملك وإحنا آخر اولوياتك

الشمالي الشرقي اهم شي عمله لانه يأمن مستقبلك واعيالك أختي انتي غلطانه 100بالميه الله يهديك المفروض تشجعينه وتمدحينه لان كل رجل عظيم خلفه امراءه وهو يقدر المراءه اللي تقدر عمله
نصيحتي لك:الفعل ثم الفعل ثم الفعل مع الشمالي الشرقي مايهمه القول ابدآ مثلآ قدري عمله تتقولين كيف ابقول لك نصيحة الاخت المهاجره لي الله يوفقها ويرفع قدرها وجابت نتيجه مع الـ ش ش اذا دخل اول شي ابتسامه ثم الله يقويك ياتاج راسي ثم حظن دافي ثم تاخذين شماغه وعقاله وطاقيته ثم تمسحين راسه وجبهته من العرق وتقولين ادري ان هالعرق تعبك وشغلك عشاني وعشان عيالي الله يخليك لنا ثم كاس ماء او عصير ثم روحي عنه خليه ياخذ راحته يبي شي يناديك مايبي شي خليه يختلي بنفسه ييعرف انك قدرتي عمله وانك ماقصرتي معه وانك تدفينه للامام بس عاد اختي لاتندفعين مره وحده شوي شوي بتغير
وعلمينا اخر الاخبار الحلوه

اتمنى اني افدتك وفرحانه اني اول وحده ارد عليك:9:

 

[روقيه]

أنا زوجة شمالي شرقي فهل من مرحب
شكر خا ص للأختين ريم وزوجة شمالي شرقي اللي عطونا من وقتهم

 

[ام احلى بنت]

السلام عليكم رجعت بعد انقطاع عن النت
كيفك ريما ريموووووووووووووووووووو
انت طلبتي مني اسال الشمالي عن قصده في الرساله الي ارسلها لي وهو مسافر
شوقك لي يجي يوم واسبوع لا
اول مره قالي اقصد اتصالاتك ماتدقين الا اذا دقيت عليك
المره الثانيه تناقشنا على طلبات لي وقلت له ان اسلوبه في الكلام زعلني يوم طلبت اغراض لي
وهذا صار في ثاني يوم من يوم رجع من السفر قال شفتي ماقلت لك
انك بس تشتاقي لي يوم وبعدها خلاص تزعلي ماعاد تهتمي لي
والصراحه انا مااحب الالتصاق وكلام الحب الكثير
بس اذا رحت عند اهلي يومين او اسبوع ارجع وانا مشتاقه له وادلعه يوم او يومين وبعدها اصير عاديه معه بس بدون ماازعل بالعكس اتفادا الزعل كثير
تصرفاتي تكون عاديه وهو يفسرها على انه عدم شوق له
وقالي بعد ماجا من السفر انا فاضي ابغاكي تعبيني حب
والله احترت هوشمالي بس انه يحب الالتصاق بوقت الصفاء يعني لازم اكون لاصقه جمبه اذا احنا عند التلفزيون واذا ابعدت قال ليه وشفيك تعالي عندي
نفس الشي وقت النوم ودايم يسالني تحبيني ويجلس يطالع بعيوني ويقول ماشوف فيها حب
ا

كلامك تقريبا صح نفس التحليل التطنيش نفع معه بس وقت مانكون بعيدين

زي السفر
او زي لما وافق اني اروح الاستراحه رحت ودق علي الساعه 9 يبغا يشوف انا مبسوطه طبعا رديت عليه وكنت اجاوب عليه بفرح وبكلمات مقتبضه على قد السؤال يكون ردي حتى انه بعدين قال ايه مدري وش بغيت اقولك وقال مع السلامه وسال متى برجع لاني كنت مع اهلي
بعدها دق على ال12 اول مره مارديت ثاني مره رديت وقال متى ترجعونا قلت والله لسى تونا
ورحت اتسبح ودق مرتين ولارديت وارسل مسج انه رح يجي اليوم الثاني
المهم اليوم الثاني كلمته الساعه 10 باليل وقلت متى بتجي قام يتشره علي ويقول لوتبغين تجي خلي اخوكي يجيكي قلت له والله انا منتظرتك وبعدين اذا كلمت اخوي بيقولون اهلي اجلس بعد اليوم عندنا هاه بتجي قال لحظه برد عليك وجا ويوم قلت له مشتاقه لك قال لي واضح مره ازعجتيني بالاتصالات والرسايل عاتب على التطنيش

واااااااااااااااو انا مبسوووطه الحين عرفت وشلون اطنش بس بحدود يابنات اذا انا عنده بالبيت مااحاول اطنشها لانه يحب الرعايه والاهتمام اذا طلع من البيت او انا طلعت انسااااه وهذا الصح

من ناحية القوة فعلا يابنااااااااااات كلااااااام ريييييييييم صح ميه بالميه
وعلى لسان الشمالي تبعي يحب القوه الصامته
قالي بلسانه انا مااحبك لماتناقشيني بكل ثقه وقوه وان لك كل الحق في كلامك سوا عن طلب لك او اي شي ثاني
الحمدالله صرررت قويه بس الظاهر ماهي القوه المطلوبه لكن عرفت الحين انه يبغى القوه الصامته وقالي بلسانه تعجبني القويه بس مااحب اني ارتبط بها ابغى انثى تحسسني انها تحتاج لي يعني ماابيها لاقويه ولاضعيفه

ا
الحين وقت استفساراتي ياريم:
لما قالي انا فاضي ابغاكي تعبيني حب كيف اعبيه وشلون دليني؟
القوه ابغاكي تفسريها اكثر تفاصيل اكثر؟
ليه ماحب شخصيتي يوم صارت قويه هل لاني اناقشه وينقهر لاني اغلبه في الكلام مع انه مايبين ؟وهو قالي انه مايحب كثرة الجدال؟

 

[أم ذي النورين]

هلاا بالجنوبيات <<<<وه ياحبيلكم
تعرفوااا بعطيكم أسرار الشمالي الشرقي اللي بإذن الله لو طبقتوها هتعيشي أحلى حياااه
1-تقبلي الشمالي الشرقي كما هو
حسسيه انك متقبله كل شيئ فيه {يعني مثلا لو فيه صفه ماعجبتكي فيه لاتحسسيه انك متضايقه منه او انك تنفري منه إذا في مشكله مزعجتك فيه تكلمي معاه بصراحة بس الصراحة يبيلها فن وذوق لأن الشمااااالي ذكي جدا يفهم اللي ورا الكلام يعني بينيله انك متفهمه وجهة نظرة في الموضوع وتحترميها بس انه هذا الوضع مايريحك ويتعبك شوي }
بس انتبهواااااااااا تكلموا معاه وانتي حاسه بشعورك اتجاه الموضوع حسسيه بقوتك وبثقتك انه هذا هو اللي يريحكي
2- احتفظي بكيااااااااانك كأنثى {هو عندما تقدم لخطبتك رأى فيكي الأنثى بكامل مقوماتها فلا تتدفني أنوثتك واستقلاليتك }
3- الشمالي الشرقي يحب الإهتمام لكن اهتمامه الذي يحبه ليس كما تحبي {يرى هو عندما تهتمي بذاتك وتدلليها فكأنما تدلليه } باختصار يريدك ملكه يشقى من أجلك ويتوق شوقا لضمك
4- بما انه دقيق الملاحظة فاهتمي بكل تفصيله من تفاصيل حياتك {اهتمي بنفسك جدا وبأولادك وبمنزلك وأيضا يحب من تقدر اهله فهو شديد التعلق بأهله }
5- الإحترااااااااااااااااااااام هو سر مفتاح الشمالي {احترمي آرائه وقدريها واستشريه في بعض امورك فهذا يشعره في السعادة }
في النهايه صدقيني لو كسبتي هذا الرجل لأصبحتي ملكة متوجة على عرش قلبه
أتمنى انكم استفدتم مما كتبت
أتمنى لكم حياة زوجيه سعيدة​

ممك ن تشرحي ها الكلام بالتفصيل شوي...؟؟؟؟
لأني مافهمت كيف اعرف اسرار الشمالي؟؟

 

[أم ذي النورين]

انا بصراحة معرفة كيف ادخل لقلبه لأن كل ما أسوي شي وأصلح من جهة يحصل أي شي من الجهة الآخرى وينقلب هذاك اليوم نكد وزوجي صعب التعامل معه لقيته هو طعه كذا يعني حتى مع اصحابه لو واحد غلط في شي على طول ينقلب عليه والله تعبت من هذي الحياة بس صابرةعشان اولادي
حتى كل ما أقول خلالالالالالالالالالالالالالالالالالاص ما أبغى أحمل احمل
والآن أنا حامل في الشهر السادس وهو كل مرة يهددني بالطلاق وانا والله احاول ابغى اكسبه بس ماني قادرة معرفت مفتاحه إلي أقدر أدخل منها لقلبه
وكان السنتين الأولى من زواجي يقول لي إنه يحبني وإن لي معزه كبيرة حتى لو اتزوج الثانيه حيشترط عليها ان تحترمني لأني الأكبر حتى لو طلبت منه إنه يطلقني والآن يقولي إنه صار يكرهني وحتى مافي معزه لي في قلبه وكل ما اتكلم واقول شي يقولي انت كذابه والله حتى قدام اولادي والله والبيت مو معتبره بيتي ما اقدر اسوي شي في بيتي وانا ساكنه فيه كل شي هو يسويه وانا ما اقدر اغير حتى كنبه من مكانها ولو ماسويت مثلا قهوة يقولي ليش ماسويتي اقوله انا كنت حاسوي بس قلت خلاص بعد المغرب تجلس تتقهوه لأنه هو في الأساس مايطلب قهوه انا سويها واجيبها
واغلب الأوقات يشرب القهوه فيها بعد المغرب قالي وليش هو على كيفك وقت ماتجيبي القهوه تجيبيها
اول مرة يقول لي هذا الكلام قالي انا إلي خسران مو انت انا جايب القهوه من جيبي يعني هذا كلام ينقال للزوجه وكمان قدام اولادها..
قلت له ايش هذا الكلام انا قلت شي الحين عشان تقولي هذا الكلام انا قلت لك انت خسران ولا منت خسران والله قهرني وعلى فكرة دائما يقولي على الأشياء انا جايبها من جيبي مو من جيبك ..
والأن انا خايفه انه يطلقني لأنه قبل كم شهر قالي انا والله فكرة في الطلاق بس مافي اي قاضي حيكتب ورقت الطلاق إلا بعد ماتولدي الوحدة تفرح بالمولود وانا شايله هم ثاني ولا حتى فكرة في المولود..
إيش الحل؟؟؟؟اتمنى القى حل يساعدني...

 

[ReemOona]

محتاجه نصيحتكم الله يسعدكم ويحقق امانيكم ..

كيف اقنع الزوج الشمالي شرقي بزيادة المصروف الخاص للزوجة هو بنظره يكفي الاحتياجات

الاساسية وهي بنظرها لا وتحتاج اكثر كونها امرأة ولها امور خاصة لايفهمها الزوج حتى

بعض الاشياء الخاصة للبيت أو الاولاد يراها كماليات لكن هي في زمننا هذا تعد من

الاساسيات .. الحكمة والمنطق والدلع تم تجريبه ومافي فايده للآن ..

الله يخليكم نصيحتكم ..

وه ياحسرتي .. مافي ردود يا اميراااااااااااااااااااات .. هذا وأنا محضرة اسئلة ثانية

بعد اقول مالي غير الله ثم انتم ..

 

[رماريمو]

صبـــاحك خير .. أختي الحبيبه ريــــم ..
وهنيئا لهذا المنتدى بكن جميعــــــــا .. فعلا رائعات ..
أتمنى تتمكني - مع هذا الضغط - من التفاعل مع ردي هذا يا ريمو ..

أهلاً بكِ غاليتي
صباحك ورد
وهنيئاً لنا نحن بالرائعات أمثالكن
.
.

بداية ً اسمحي لي أن أقول :
ما أروعك وما أروع سؤالك <<< هذا تعبيري العفوي بعد قراءة مشاركتك مباشرة​

منذ فترة وأنا انتظر مثل هذا الاستفسار
وااااضح .... محدّد
لا حشو فيه ولا تعقيد
غير مكرر
أجدتِ صياغته وتنسيقه
ويتضح من خلاله تمعنك في ما كتبت من ردود

طبعا للأسف هاليومين أكتشفت مع قراءتي في المنتدى أن كل شي كنت أسويه كان يدمر علاقتي فيه ..
كنت أقول له .. أنت مهملني والاولاد وبس مهتم بعملك وإحنا آخر اولوياتك .. أنت عديم إحساس و و و ...
في بداية زواجنا كان يرفض يآخذ من فلوسي وعنده عزة نفس والحين تخيلوا .. صار لمن أطلبه شي يقول هات بطاقتك .. يعني ما عاد يهتم برأيي فيه .. مع أني أحيانا التمس له العذر ..
وأقول يمكن لأنه بادي مشروع وعليه التزامات ..

أحترم الشخص الذي يعترف بأخطائة بشدددة
فقلما نجد ذلك في مجتماعتنا
ولو أدرك هؤلاء أن أولى خطوات العلاج هي الاعتراف بوجود خلل وتحديد موضعه
لسهل عليهم ذلك بقية خطوات العلاج

هل تتوقعين أني ممكن أصلح اللي مضى علما بأني أحسه خلاص ما عاد يربطنا عاطفيا اي شي .. قلتي لوحده من الأخوات .. يمكن ما عاد ينفع بعدين تلقين المفتاح الصح .. أحس أنها انطبقت علي

أتمنى غاليتي أن لا يكون المفتاح الخطأ قد كُسر داخل القفل
قد يكون عالق .... يحتاج لحكمة وصبر لإخراجه من القفل دون أن ينكسر
ومن ثم استبداله بالمفتاح الصحيح

الشي الثاني .. كيف أبدأ ارجع العلاقه

حاولي عزيزتي إلغاء الجزء القاتم من شريط حياتك الزوجية
ولتبدئي من جديد في رسم لوحة جميلة عنوانها (حياتي الزوجية)
عدد ليس بالقليل من الأخوات استطاعت –وبجداااارة- الانتصار بتحقيق تقدم في تعاملها مع الشمالي الشرقي , ولو كان هذا التقدم بسيطاً أو في جانب محدد ,
المهم هو أن أضع قدميّ على الطريق الصحيح وأحرز تقدماً ملموساً
ابدئي الآن بقراءة الكاتلوج من بدايته
وحددي جانب من الجوانب التي تودين تغييرها في حياتك
كـ ( مواقف الزعل – المصروف – روانسية الشمالي الشرقي - ...... إلخ )
ومن ثم نفذي بالتدريج
ولكن احذري من التغيير الجذري المفاجئ في حياتك
لأنه مُرهـِق لكِ -من ناحية- كما أن الشمالي الشرقي شخص لمّاااااااح –من ناحيةٍ أخرى- فقد يتفاجأ ويرفض التغيير <<< عنييييييد الله يصبركم عليه

كيف ممكن توفقين بين أني ما أخليه محور حياتي واستقل وبين أنه حيتعود على كذا وحيهملني لانه يحب بطبيعته يكون حر وينشغل بعمله ؟

عزيزتي
ليكن بينك وبينه رابط خفي , خفيف
خفي ... لايلحظه البعيد
خفيف ... لا يقيدكما
متى ما أحسستِ بابتعاده اقتربي قليلاً
كلما شدّ ... ارخ ِ من جهتكِ
· احذري كثرة الالتصاق الجسدي مع الشمالي الشرقي فإن له نتائج عكسية
· اعطِ له مساحة حرة يتحرك فيها
· اهتمي بخصوصياته من ملابسه , أكله , نومه
· عبري عن سعادتك عند قيامه بنشاطات خاصة , كنزهة مع أصدقائه مثلا ً << أدري صعبة بس معليش جاملي ولو من ورى قلبك
· ليكن لكِ تعليقات بين الفينة والأخرى تبيني له من خلالها تقديرك لمشاعره وظروفه , حاولي قدر الإمكان أن لاتكون تعليقات لفظية فكما سبق وأشرت فأن الشمالي الشرقي يقدر أساليب التعبير غير اللفظية
كلمة يعطيك العافية عند قيامة بأي مجهود تعني له الكثير
ولكن الاقتراب منه وتدليك كتفيه تعني له أكثر
أتمنى أن أكون وفقت في تقديم ولو شيء يسير يعينك على تغيير حياتك للأفضل
.
.
دمتِ بخير

 

[مرام84]

انا لاحظت انو الشمالي الشرقي يعشق المساج
لتنالي رضاه او ان اردتي شكره على موقف جربي مساج القدمين ولا حظي الحب بعينيه والاسترخاء وكامل الرضا


للرفع