واااااااااااااااااااااااااااااااو
ريماريمو
والله إني ادور موضوع مثل هذا بشمعة
حبيبتي
عندي سؤال متعبني أو بمعنى أصح موقف حصل لي مع زوجي الغالي
اتمنى اشوف وجهة نظرك فيه
قبل اسبوعين
كنت ارتب البيت ترتيب جذري
وتأخر زوجي والغداء كان على السفرة تغدوا اعيال وانا جلست ارتب قلت انتظره لحد ما يجي ونتغداء مع بعض
المهم
جاء
وأنا اغسل لبنتي الصغيرة لأنها خلصت غداء
طل علينا وحنا على المغسل صار يبتسم ويلعبها
قلت له بروح اصلي واجي لأنه اذن العصر
طلعت ولما نزلت كانوا فيه عيال عم أولادي اعمارهم 14 -13 يلعبون بالحديقة والشباك كبير والطاول قريبه من الحديقة
قال لي ترى يشوفونك روحي كلي بالمطبخ ( كان يهاوش )
قلت له لا ما يشوفون
قال إلا يشوفون
قلت شف ولدي يقرب مره راسه من الشباك عشان يكلمني لأن الشمس عاكسة
قال لا إلا يشوفون (بهوشه) وكانت الخدامة جالسة معها البنت
المهم قت له طيب شسوي
قال خذي اكلك واطلعي فوق
سكت جبت صينيه وحطيت اكلي وطلعت بغرفتي
بعد شوي طلع هو بالغرفه لأنه متعود يجلس فيها
وهو بالعادة ياخذ مني الرموت بس خلاني احط البرامج اللي ابيها
وقال لي ايوه خلي شوي هذا وعلي الصوت
عليت الصوت
ولما خلصت قمت ورحت اخذ شور
كنت مره تعبانه من الترتيب
رحت غرفة بنتي ونمت لأني ما ابي ازعاج تلفزيون وبيني وبينك مالي نفس له
المهم
قمت على المغرب
رحت اصلي لقيته يلبس ويحلق وريحة القهوة طالعه
بعد ما خلصت صلاتي اكتشفت انه راح يسهر وقال للخادمة تسوي قهوة لربعه
وهو بالعادة يطلب مني
المهم راح
بعد فترة ارسلت له هالرسالة
(حبنا أكبر من كل شي
واللي يسقي هالحب
الود
الحنان
التقدير
الإحترام المتبادل
ومثل ما إني مستحيل اسمح لنفسي برفع صوتي عليك سواء كنا أا وانت بس أو قدام الخدم والعيال
*لأن كرامتك من كرامتي *
ارجو منك تقدير ذلك
ولا تأخذ الأمور بعصبية
فكم تعم إني انثى رقيقة ومطيعة لزوجي الحبيب
شكرا جزيلا لك
وسهرة ممتعة)
لما رجع دخل الحمام ولما طلع
قلت له : أهلا
قال : الله لا يحييك ...
قلت : نعم
قال : الله لا يحييك !!!!!!!!!!!!!
المهم طلع من الغرفة ونام بغرفة بنته
وجلسنا اسبوع ولا حطيت عيني بعينه
اضحك مع عيالي واسوي اموري وهو مطنشته
بعد اسبوع قلت اهدي الوضع وارسل له مسج
هو كان عند ربعه
نص المسج تقريبا
أول شي حطيت صورته على البحر كنا طالعين نتغدى في مطعم
( عيوني أرجو لا تأزم الموضوع
أنت زوجي وتاج راسي ومهما حصل بينا مستحيل انسى إنك زوج مخليني مثل الملكة في بيتها
تصدق إني جلست أفكر في طلب رفضته لي ما لقيت
حتى لو كنت مشغول كنت تحاول قد ما تقدر تسعدني لو بابتسامة صافيه من داخل قلبك الأبيض
قولي بس من فيه من الرجال اللحين يقوم عياله الصباح لو زوجته تعبانه شوي
ولا حتى ينوم بنته !!
حبي ما فيه غيرك يسوي كذا
حتى لما تتوتر وتقول كلام مو حلو أدري إنه من ورى قلبك
لك مني كل الإحترام
وتصبح على نهار رائع كروعة روحك )
ورجع ومازال ينام في غرفة بنته
طنشته
بس لاحظته بدا يهجد ويحاول يناظرني كأن وده يجي بس أنا ما كأن فيه أحد
طنشته
تفاجأت من اصراره على النوم عند بنته
والله الموضوع تااااااااااااااااافه
بعد الرسالة الثانية ب 4 ايام صار ينام في الغرفه بس مو على السرير على الكنبه :11:<< آآآآآآآه من الكبرياء
وبرضو مطنشته
شرايك تكفين حلليلي هالموقف
والله أزمني
يمكن زمان لو قال بسافر كنت وافقت وضحكت كمان وطلبت هديه بس بعد اللي عرفته من وراه طبعا مااقدر ومن جد بكون على نار