القشور وكريم الاساس

[امة الله]

[امة الله]

New member
إنضم
2010/03/21
المشاركات
598
السلام عليكم ورحمه الله
حبيباتي عندي مشكله وهي اني لما احط كريم الاساس
يجي مليان قشور وشكلي يطلع غلط بليز عطوني طريقه
وطلع حلوه بكره عندي مناسبه​

وهذي بوسه اللي ترد اول وحده​
 
يسعدني اكون اول وحده ارد على موضوعك

وبالنسبه لمشكلتك اول شئ لازم تسوين تقشير لوجهك

بأي مقشر عندك واذا ما عندك ممكن تسوي سكر مع زيت مقشر ممتاز

وبعدين تشطفين وجهك وتجففينه

ولازم قبل كريم الاساس تحطي كريم مناسب لبشرتك اي كريم تستخدمينه

وتستني شويه حتى يجف الكريم وبعدين تحطي كريم الاساس

وافضل طريقه انك تبللين الاسفنجه بشوية مويه وتستخدمينها لتوزيع كريم الاساس

واتمنى اكون افدتك
 
انا مريت بنفس المشكله من فتره ورطبت واستخدمت كثير اشياء ومانفع كثير
لحد وحده الله يجزاها الخير نصحتني بزيت الزيتون احطه بوجهي بعد ماغسله واسوي له تقشير واحطه من الليل لحد الصباح ماتتخيلين قد ايش يرطب وجهك
واتمنى اكون افدتك
 
القشور بسبب جفاف البشره


مثل ما قالو البنات تسوي تقشير للبشره لأجل تنعم وتتجدد


وبعدها مرطب بشكل يومي

والتقشير مره فالأسبوع يكفي

*
*


وضروووري مرطب قبل كريم الأساس



وممكن بعد إذا الأساس ثقيل تخلطيه مع نقطة مرطب بيدك قبل توزيعه عالبشره


وأستخدمي أساس سائل لأنه أفضل من البودره المضغوطه للبشره الجافه


وممكن بعدها لتخفيف اللمعه


توزيع شي بسيييط من البودره السائبه بالفرشه


*

*
 
ما شاء الله تبارك الله البنات كفو ووفو يعطيهم العافية
مناسبة سعيدة بإذن الله​
 
القشور اكيد بسبب الجفاف

رطبي بشرتك باستمرار

وغيري نوع كريم الاساس يعني مثلا لا تستخدمين كومباكت بل استخدمي سائل

قبل لا تستخدمين كريم الاساس جربيه في المحل نفسه عادة يكون فيه غرفه في المحلات يضعون لج كريم الاساس اللي تبين تشترينه .. جربي كذا نوع وشتري اللي يناسبج

موفقه
 
يووووووووووووووووو نفس معانااااااااااااااااتي
لدرجة والله اني صرت لمااحط مكياج مااحط من عند منطقة الانف او الجبهه والله اني صرت اتجنبهم

بعدين بعدين صرت اسوي تقشير بأي كريم
بعدين قبل المكياج بربع ساعه احط زيت جلسرين شوي ادهن وجهي
بعدين احط الكريم
والله ماشالله طلع وجهي مع الكريم يجننننننن
حتى صار فيه لمعه

هذي تجربتي
موفقه يارب
^_^
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل