الفزعه يا بلقيسيات تكفن

اول شي ليش تسجلين بهالنك هذا نك سلبي جدا ويأثر عليك
ثانيا يبيلك انتي تقوين شخصيتك كثير يبيلك مزيد من الجراة المحودة يبيلك شغل كثير على نفسك
يمكن زوجك مل من الفتور اللي بينكم وفي هالزمن مع قلة الدين والفتن وسهولة المعاكسات طبيعي زوجك يروج يخون ويعمل علاقات
اول شي اتعيني بالله واكثري من الاستغفار فهو مفتاح للاقفال اكثري من الدعا وصلاة الليل تذللي لله واطلبي المعونة منه
بعدها تقفي وياكثر المواضيع اللي هنا اقرأي عن بناء الشخصية عن حب الذات ومو تقرين وبس لازم لازم تطبقين
شوفي انا كنت من زمان كذا ماعرف اسولف وحجولة مرة لكن ماظليت ع حالي وقفت وقفة مع نفسي وبديت اقرا واطبق لقيت صعوبة شوي لكن التغيير يجي حبة حبة والحمدلله كنت وين واصبحت وين

صدقيني بعدها راح تتغيرين وتتغير حياتك كلها
صبر وقوة ارادة للتغيرر واستعانة بالله ودعاء
وفيه قصص كثيرة هنا لعضوات كيف غيروا من انفسهم وتغيرت حياتهم
اقرأيها وطبقي
 
اختي الغالية مااقول الا الله يعينك على ماابتلاك
اختي يمكن انتي مقصرة بحقة الشرعي
يمكن مهمله بشكلك
الحين الرجال مايعجبهم الا اللي يطلعون بالتلفزيون صح
 
الاميره الناعمه حلو نكك بس انا سجلت وانا بقمممة الاكتئاب
آمين الله يقبل قلبي
حايليه من ناحية الاهتمام اهتم بشكلي بس شسوي شكلي بعد الولاده تغير من ناحية بطني متجعععععد وصارحني بانه مايطيق يشوفه ولما اصريت اني اشتري جهاز رياضه-من فلوسي- واتابع عند دكتوره وواجهته بانه سلبي ما ساعدني بشي قال هذا اللي بوه عين مو البطن السبب مع انه صارحني بداية الموضوع يسألني عن تكلفة عمليات الشد وانا خفت ما ادري تاثر على الحمل بعدين فقلت غاليه
وسكت والعلاقه ما جاني الا مرتين فقط من طلعت من النفاس والمره الثانيه انا سويت ليله رومنسيه وانحرج
وبعدين ماعاد ينحرج ما يهمه حتى لو صارحته برغبتي يتنحش قمت احافظ على الشويه من كرامتي الباقيه وابعدت عنه
 
من رأيي إنك تصارحيه بعلاقاته

وحتى لو جاهر فيها أحسن عشان تدخلي أهلك بالموضوع لأن هجره لك هالمدة أكيد فيها حكم شرعي وهجره لك مو بسبب إنك ماتزينتي له أو مالبستي لا أبداً في رجال يقربون من زوجاتهم بكل الحالات مو شرط زينه بس أكيد ورا زوجك سر كبير يخفيه أو لاسمح الله به عين أو حسد

انتو ببيت جديد يعني حتى النفسية تتأثر ويكون مشتاق لك لأنكم بمكان مستقل فيكم وتاخذو راحتكم ..

 
اشكر مروك اختي بقعة ضوء
والله ما ادري هو يقول عين وانا ما ادري لانه قرب مني من بعد ما سكننا ما ادري يمكن ما اعجبته بعد الولاده؟ او اتعود ع العاده لبعدنا عن بعض في الفتره الماضيه
 
الله يسخره لك ويبعده عن الحرام...

والله اني حاسه فيك ياقلبي...دامه صارحك وقالك على حكاية بطنك خلاص شدي الهمه...وحاولي تخفين الكرش ...عندك طرق كثيره دوري بقوقل وشوفي تجارب البنات وتوكلي على الله وجربي....خليه يشوف همتك واهتمامك في شكلك....


لاتنسي الدعاء له ..وسمعيه دائماً الله يحفظك لي ويبعد عنك كل شر...

طوري من نفسك واهمتي بمواهبك اشغلي نفسك شوي عنه...

حاولي تتقربين منه اكثر قولي وش شاغلك عني ياحبيبي...انا مقصره في حقك قولي عشان اكمله...ليش ماانت مثل اول تحب قربي وحضني ...وش غيرك؟؟؟ ومن هالكلام ان شاء الله يرجع لصوابه وعقله والله يهدي قلبه...

ومالك غير اللجوء الى الله بالدعاء وهو بيرد لك زوجك احسن من اول ان شاء الله...
 
الله يجزاك خير يا ووس ومان بس هو حاط شماعة العيييين
اللهم رده الي ردا جميلا عاجلا وآجلا
 
السلام عليكم ورحمة الله وبركاته سامحيني اختي المحطمه على التأخير ولكني تعمدت ذلك حتى تقرئي المواضيع التي ذكرنها لك لأنها ستفيدك كثيرا وأقول لك لقد ذكرت أختي الأميرة الناعمة معلومات قيمة فحاولي الإستفادة منها فإنه يتوجب عليك أن تغيري شخصيتك وتعملي على ذلك بجد فزوجك شمالي لا يحب المرأة البطيئة فحاولي أن تكوني نشيطة وتنجزي أعمالك بسرعة فإذا صعب عليك ذلك حاولي تنظيم وقتك وإنجاز جميع أعمالك في وقت خروجه من المنزل وحاولي التقليل من نومك وترتيب وقت نومك واستيقاظك مع زوجك لأن الشمالي يكره النوم الكثير ويراه بلادة وخمول وحاولي أن تقوي شخصيتك ولا تظهري ضعفك أمام صراخه واكتفي بالصمت وأنتي مرفوعة الرأس وعندما ينتهي أنظري إلى عينيه مباشرة وبقوة وأظهري أسفك عليه ولكن إفعلي ذلك عندما يكون هو المخطيء أو أن يكون خطئك غير مقصود ولا يستحق كل هذه المشكلة وأظهري غضبك بعد ذلك بأن تتجنبي الكلام معه أو النظر إليه ولكن إذا كلمك ردي عليه بقدر الحاجة وإذا أمرك بشي أطيعيه أما إذا أخطأت فاععتذري على الفور دون خجل وحاولي أن تشغلي نفسك بأمورك الخاصة وهواياتك وهو موجود فالشمالي يحب أن يسعى هو وراء المرأة ويكره التي تلاحقه ويكره كثرة الدموع فتجنبي البكاء قدر الإمكان وتسلحي بالشجاعة وحاولي ان تكوني منتصبة الظهر دائما مرفوعة الرأس فهو يكره المرأة التي تحني ظهرها ورأسها ويراها ضعيفة جدا هذا من خلال تعاملي مع الشمالي الغربي واعتني بموضوع ترهل بطنك بممارسة الرياضة باستمرار وبانتضام وحاولي ان تشدي بطنك وجسمك طوال الوقت وتحسني من وقفتك وجلستك وسترين النتيجة المذهلة على جسمك وعلى شخصيتك حاولي أن تنفذي هذه الأمور وسأعود لمناقشتك فيها :shiny:
 
اولآ اختي اتصحك بسهام الليل التي لاتخيب
ثانيأ اختي اوصيك ان تكوني واثقه بنفسك قدر المستطاع
ثالثأ خذي حقوقك كامله استحلبيه ماديا ومعنويا
رابعا زوريه في غرفته وانتي باتم اناقتك كل ليله
وانا واثقه لو ما اصبت اليله بتصيب بكره ان شاء الله
اسئل الله العضيم ان يسخرلك ويرجعلك رجلك احسن من اول
 
اصله مشكوره وآمييييييين
بس هو ما يأثر فيه سواء تزينت والا اصلا بالعكس اذا من جد لبست حركات<< يتحاشى كثيير يحط بباله اني ابيه كني ميته عليه
 
استحلبه ماديا مستحييل هو الي مسحلبني اصرف على نفسي وولدي
اما معنويا كيف اذا قصدك يجيبنا ويودينا يطلعنا وكذا فنااااااااادر بس من اهلي للبيت ومن البيت لاهله حتى العمل اروح مع سائق بالاجره
 
أولا ياقلبي الله يرد لك زوجك عاجلا غيرآجل ويزيد محبتك في قلبه
وبعدين أنتي تقولي المشاكل زادت بعد ماسكنتوا بيتكم الجديد فيمكن يكون حسد ليش لا؟
والله الحسد يصير بين الناس بكثرة في هالزمن
ولازم تحافظي على تلاوة سورة البقرة في بيتك وتلاوة القرآن عموما
وفيه شي ثاني ومهممممم أنتي تطلبي المساعدة بالأفكار والحلول وأنتي بينك وبين نفسك واقفه ماتحركي ساكن ولاتبادري بالتغيير كيف ماتجي !!!!!!!!!!
ياحياتي لازم تتحركي وتسوي شي وبلاش روح الأنهزامية هذي والخوف والتردد يالله أنتي قويه بالله وبثقتك بنفسك وزوجك مهما كان يظل أنسان وبشر ولازم يكون فيه نقطة ضعف
وأنتي الله يهديك لاتخليه يهز ثقتك بنفسك أنتي ماشاء الله تعرفي تحاوري وأسلوبك بالكتابة ممتاز ماعليك منه
وحاولي تتقربي منه أكثر أحس بينكم فجوه كبيرة ومافيها شي لو سألتيه عن أهتماماته وشغله ومشاكل عمله حتى لو كان كتوم مع الأسلوب الحلو والكلمات الدافئه راح يتكلم
وفيه نقطة ثانية مو عاجبتني ليش ياقلبي ماتخليه يصرف عليك ولو كنتي موظفة حسسيه بالمسؤوليه علشان ماياخذ راحته ويلعب بالفلوس على الخرابيط
**************************************
قبل لاأختم كلامي راح أهدي لك مقولة مسجلتها عندي وهي بصراحة صحيحة 100%100 وأن شاء الله تستفيدي منها
(أن الرجال بشكل عام ،حتى الرجل الطيب، أو صاحب الشخصية القوية،كل الرجال مهما بلغت فيهم الشهامة لايحبون -المرأة الضعيفة والمضحية )
**************************************
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل