الفزعه يا الزوجات الأوليات زوجي تزوج علي اوروبيه!!!

  • بادئ الموضوع بادئ الموضوع هيوونه
  • تاريخ البدء تاريخ البدء
وينك ياهيونه ؟كتبتي لنا مشكلتك ونمتي
قومي شوفي ردود البنات عليكي وقولي لنا وش عندك نيه تسوين .
لاني بصراحه بعد ماقريت الردود غيرت رايي:sadwalk:اتمنى انك لاتشوفينها ولاتشوفك علشان ماتطيح الميانه وتبلشين بها مثل (انعام وجارته)تحياتي لك ياعسل.:icon30: ​
 
مشكورات يا أخواتي الملكات على الردود في الأول انا كنت عازمه على أني أشوفها والحين شكلي ابخليها للظروف وبالنسبه لليلتي والله ما أخليها تتهنا فيه مع اني مااحس له بقلبي زي أول
أم عموري وسلومي وشئ اخر فيه وحده يتزوج عليها زوجها وتتوقعين أنها تقبل الموضوع بصدر رحب ما أتوقع خاصه اني ماقصرت معاه باي شي يعني متزوج فسقه من وجهة نظري والله يا ايام مرت علي اني اتمنى انها ما تمر على عدو لكن ما اقول إلا ( وعسى أن تكرهوا شيئاً وهو خيراً لكم)
 
اسمعي كلامي ززززززززيييين لاتدخل بيتك ابــــــــــــــــــــــد فاهمة
لأنها راح تطالب زيه وراح تسوي مثلك وتقلدك ولاتجالسينها ابد لأن كل حركة فيك تكون منتبه لها
ومعروف على طول في أذن المحروس 0
خليك واعية وصاحية واصبري ترى السنين الأولى من الزواج بالثانية تكون لها وهي الرابحة فيها بس ديري بالك على نفسك وأهتمي فيها والله يعينك ويفرج همك وشكرا
 
هيومه امرك عجيب حقا
لماذا كل هذا
انتي اصلا واضح انك متقبله للفكره لكن ما يزعجك هو ما عليك ان تفعليه والفضول الذي في صدرك لمعرفة شكلها
اذا الموضوع لترى ما انتي فيه فلا تدعيها اتركيها في حالها لفتره
و الجميل هو طلب العدل بينك وبينها ليه لك وليلة لها
 
شي مهم لازم تسوينه

الان لازم تقولين له قبل اي شي انو تبين منه ورقة مصدقه من المستشفى انو مافيه ايدز او امراض جنسيه

لانك ماتعرفين من اي مستنقع هي جايه وقولي انو اخاف على نفسي واطفالي

ودايما ذليه بهالمساله

واطلبي كل كذا شهر يعيد الاختبار

انتبهي لان حياتك غاليه على نفسك



موفقه
 
بسم الله الرحمن الرحيم الى اختي هيونه يقول ربي:(وعسى ان تكرهواشيئاوهو خير لكم والله يعلم وانتم لاتعلمون)اولا هذاشرع الله فرضه ولاجدال في ذلك ثانيا إن كان تنازلك عن الليله من أجل عقابه لانه تزوج فلا تفعلي لان هذا الامر يفرح الزوج وليس عليه حرج لانك تنازلتي برضاك وانتي تضيعين حقك ولاكن اصبري ثالثا اذهبي لرؤيتها واثبتي لها ان زواجه لايعنيك واحترميها حتى تبادلك ومن قبلك الصحابيات رضي الله عنهم واحتسبي الاجر واصبري وعليك بالدعاء في كل وقت وادعي بان الله ينزع من قلبك الغيره فتصبحين لاتبالين بها بل واذهبي معهالنزهه والله يرزقك الصبر
 
اشكركم اخواتي الملكات على الردود وبخاصه أ/ موزه خلفان ماادري ليش أخذين عني فكره اني متقبله الموضوع اهو ماقال لي عن موضوع الزواج إلا بعد ما تزوج وخلص شتبوني اسوي؟؟؟؟ اطلع اترك بيتي وعيالي!!أقعد أصيح واندب حظي!!! الزواج وتزوج مع أنه عمره ما جاب طاري الزواج بثانيه ابدااا وخاصه باجنبيه سواء شرقيه أو غربيه كان يتكلم بأحتقار عن الناس الي يتزوجون أجنبيات لكن ما أقول إلا الهزوى بلوى, أنا يوم اقول ودي تشوفني وتشوف اولادي وبيتي لأنه على حسب كلامه انها تعتقد أن النساء العربيات دميمات وما يعرفن ابجديات الاتكيت والتصرف أنا ابيها تشوفني عشان اقهرها لأنها من الريف الأنكليزي يعني قرويه جدا وأذا هي أنقهرت بتنكد عليه وهذا االلي انا ابيه ابي اقهره زي ما قهرني لأني طول فترة زواجي منه موفره له جميع اسباب الراحه كنت شايله عنه هم البيت والأولاد لأنه رجل أعمال وسفراته كثيره وهاذي مكافاته لي ضره اقسم بالله العظيم أني قعدت فترة وأنا أقول هل أنا في حلم!!؟؟ معقوله زوجي حبيبي يتزوج علي!!؟؟ معقوله يسوى فيني كذا ؟؟!! وشلون يجلس مع وحده غيري وووأسئله كثيره تدور برأسي لكن ما اقول إلا حسبي الله ونعيم الوكيل الرجال هاذولا مالهم أمان مهما وفرت لهم أسباب السعاده والراحه يروحون يدورون الشقاء لأنفسهم وانا عن نفسي مرتاحه في بيتي ومع أولادي وفى وظيفتي ومع اهلي وأقاربي وهو الخسران خسر قلب أم عياله قلب كان يحبه ويغليه .
 
حاسه فيج هيوونه 000لاني في نفس الوضع تقريبا000و اعتقد ان كلامهم ا(نتي احلى منها )عشان يراضونا بكلمتين ويسون اللي يبونه وطبعا ما يبون عيال من الثانيه فهي للمتعه والراحه000الله يعينا ويقوينا ويصبرنا
 
نصيحه لاتحتكين فيها / ولاتسألين رجلك عنها وعيشي حياتك كأن ماعندك شريكه والله يسخرلك زوجك .
 
عيشي حياتك وكأنها غير موجودة
هذا اصفى لذهنك وأكثر استقرار لنفسيتك
معليش.. طلب الأجر شيء وتكليف أنفسنا مالا نطيق شيء آخر
دعيه يعيش معها بعيدا عنك وأولادك ولا تتنازلي عن حقوقك أبداً.. اجعلي زوجك يعمل لخاطرك حساب
ولا تدعي البطولة أمامه برؤيتها أو ماشابه ذلك,, ثقي أنه سيعيش حياته معها بك أو بدونك..
ولن يشاورانك فيما سيختارانه لأنفسهما.. لا تتحمسي كثيرا لظنك أن الأمر بهذه السهولة!!
مرة أخرى إلعبيها بذكاء غير متوقع وأنت تشوفين النتائج إللي ترضيك قبل ما ترضي أي أحدِ كان بحول الله وقوته
 
والله انك غريبه؟

لاتصدقين كلام زوجك ترى ينصب عليك!!!

انا عمي متزوج على زوجته وطول الوقت يشلخ عليها!

يشلخ=يكذب

نصيحتي لاتشوفينها ولا تتنازلين لها عن ليلتك

ومدام زوجك مايبي منها عيال اجل ليش متزوجها ؟
 
غرييييييييبه بريطانيه تكون زوجه ثانيه ؟؟؟؟؟
هل هي مسلمه؟ لان هذا ممنوع في القانون البريطاني واي دوله اجنبيه ....الظاهر ان زوجك والبريطانيه تلاعبوا على القانون هناك ؟؟؟؟؟​

على العموم مهما كان شكلها راح تشوفك ملكه جمال ... لانهم يقدسوا الجمال الشرقي .. بس بعض الرجال العرب يحبوا الاجانب ...
على العموم ما عليك منها ركزي على تثقيف نفسك جنسيا .. تعرفي هم ما عندهم شي ما عرفوه...
وبما انها انجليزيه فسوف تطمع في الفلوس كثير كثير كثير ..ز يعني ما راح تتنازل انها تكون اقل منك في اي شيء ...

لا تتنازلي عن ليلتك ابدا ...
بالنسبه لزوجك فهو لا يريد منها اطفالل لانه تزوجها للمتعه فقط ...ومن ناحيه ثانيه غير امن من ناحيتها ... لانه لو جاب منها عيال وتزاعلوا يحلم انه يشوف عياله بعد كذا ....
بس خليك باااااااااااارده واعصابك ثلج ... لان الاوروبيين عموما باردين .​
 
التعديل الأخير:
حبيتي .. تتنازلي عن ليله معناها تتنازلي عن زوجك لها على طبق من ذهب .. لا تحسبيه بيزعل .. على العكس .. عنده اللي يكفيه ولا راح يسال فيك ...لا تتنازلي عن دقيقه واحده.
 
اهلين بنات انا احب اسال الاخت موزه خلفان انه ليش الانسان لما يكون قوة الايمان عنده عاليه يقولون الناس عنه انه متقبل الامر وعادي عنده هاللي صار؟ انا مثلا توفى وال:tears:دي وانا في الغربه من 4شهور ومااقدر اقولكم وش يعني لي ابوي(حياتي كلها بكل مافيها )والله العظيم ان دمعتي انزلت وايديني صارت ترتعش بمجرد اني كتبت كلمة ابوي ولما اقابل الناس اسولف عادي واضحك هل هذا يعني ان وفاة ابوي مااثرت فيني؟ ارجو الرد​
​
 
هلا هيونه
مثل ما ذكرتي
تنتي لج بيتج وعيالج واقاربج وشغلج
وزوجج مجرد اضافه لحياتج

وصدقيني ليندم ....الانجليزيه ما خذته الا عشان بيزاته ...وعشان هو يدلعها مو هي اتدلعه
وبيشوف الفرق

انا اشوف انج ما تسمحين لزوجج انه يتكلم عنها جدامج ابد
ولا كأنها موجوده اصلا

وخليها تتحرقص وتموت قهر ولا تشوفج....
وشدي حيلج هيونه كلنا وياج:icon30:
 
لا تقعدين تقدمين تنازلات وبعدين ماعتقد هذي تطول وايد لان الاجانب صعب يتأقلمون في بيئتنا وهم متعودين على الحريه ورياييلنا مايقبلوون بسوالفهم
 
لا حبيبتي لا تتنازلين عن حقك
فزوجك لازم يعطيك حقك والاولاد حقهم لازم يصير قريب منهم
مهما كان الاولاد لازم يصيرون قريبين من ابوهم
وانت شوفيها واكسبي اجر فيها انت عارفه انها ببلاد غربه
وبالعكس اعتبريها زي اختك
بس كل شي بحدود
 
السلاااااااااااااام علييكم
كيف حالكن يا خواتي عساكن بخير؟؟؟؟
أول شىء من قريت موضوعج ماقدرت ما أرد عليج...سمعي يا أختي أول شىء سوينه لا تخلينها تشوفج ولا تشوف عيالج ولا بيتج خليها تنقر منج لأنج صعب المنال ..وما عليج من كلامه الرياييل جذاااابين لو مب حلوة على قولته ليش ياخذها !!!!!!!!هي داخلة بيتج وحياتج تبا تتعرف عليج ولا حياتج وبعدين بطالب بحقوقها وطبعا أكثر من إلى عندج(اليديد حبة شديد) لاترضين بالوضع بشكل سرييييييييع خليج قوية ولج هييييييييييبة وخليه يندم على إلى سواه ويااااااااااويلج لو ظهرتي الطيب لزوجته ورحبتيبها هذا أكبر غلط وسيري وغيري اللوك مالج خليج لوك غيييييييييير عن قبل وفصلي ملابس أصغر من سنج وأجمل عن إلى تلبسينة وغيري طبعج وكوني رقيقة زيادة عن اللزوم وخصيصا جدامة ولاااااااا تنفعلين وخلج كوووووول وبرستيج وعيالج بعد زيدي الإهتمام عليهم..وأهم شىءخليه يعدل بينكم ويعدل بليالي (رااااااااوييه العجب ...ألف ليله وليله) وويعدل ببيته وعياله ولا تييبينها عندج بالبيت خليه ياخذلها بيت عشان يعرف المسؤولية ومصاريف , وإلى كان فخاطرج ما طلبتيه طلبيه منه لا تحرمين عمرج من شىء لا إنتي ولا عيالج لأن الزوجه الثانية مب شىء سهل لو قال شىء قوليله هذا حقي وأنت مجبور تأمني طلباتي وأهم شىء لا تشوووفينها......لااااااا تخلين في بالج أنها أنجنبية ما بتتأقلم فبلد عربي ههههههههههههههههه أعرف أجنبية خذها مواطن وتعرفين شو سوت سوت المستحيل بس عشان يحبينها تدينت وحفظت القرآن كامل!!!!!! بس عشان تتوصل لأم الزوج والحين عندها 4 عيال ويحبونها لأانها ذكية دخلت عليهم بسياسة وزوجها حبها لأن أسلوبها حببه فيها فكوني إنتي أذكى منها وبأسلوبج تغيرين ريلج لأنج تعرفينه أكثر منها وبإمكانج تردينه لج ولعيالج بس لعبي صح وفكري صح وبأسلوووووووب.......(هذا راي شخصي)
 
التعديل الأخير:
هيونه انتي من صجك تتكلمين والا تتغشمرين
انا اقرا كلامك وصج كأنك راضيه بس مستحيه من الناس
انتي قاعده تعطين زوجك مبررات لزواجه سواء كانت اجنبيه او عربيه
جد ماني قادره ارد عليك برد مناسب
ما اقول الا الله يفرج عليك ويهديك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل