الفزعه يامنتدى الخير

[سما**]

ابغى اصلح هديه لزوجي حصلت وحده تصلح كبك وسبحه ومحفظه وقلم منحوت فيه الاسم اعجبتني الفكره لاكن السعر جداغالي اقل شي 700مافي اقل اوهذي اسعارهم ياليت تدلوني اذا تعرفو احد(الرياض)

 

[أنثى بعطر الورد]

حبيت أشاركك بالهديه ليش ماتشتري شيء له يستخدمه ويحتاجه بشكل يومي مثلا

 

[سما**]

مثل ايش ؟؟؟لاتقولي عطر مكتفي

 

[رؤى البصيره]

يالغاليه لاتضغطين على نفسك خوذي اللي تقدرين عليه وصدقيني ان زوجك ماراح يلتفت للسعر اللي يلفت نظره انك فكرتي فيه يعني مثلا انا مره رحت للسوق مع حماتي وكنت دائما اروح مع زوجي الا المره هذه فكرت بهديه له وجاء على بالي اطقم المشط اللي في علبه مشط مع منظره35ريال كلفني خذيته لما رجعت البيت وجاء هو بعد ماناموا الصغار اعطيته الهديه والله العظيم انه فرح فيها بقوه ومن بكره جابلي آيفون سكس والحمدلله

 

[همســـة حــب]

مو كل الرياجيل ما يهمهم السعر

بعضهم ما شاء الله من شكل الهدية يعرف سعرها

لكن بكل الأحوال لا تضغطين ع نفسك جيبي ع قد ميزانك

انا مو بالرياض لكن اكيد فيه ارخص التاجرات يزودون السعر حبتين

اذا ملزمة تقدرين تطلبين مثلا بس القلم والباقي من المحلات العادية

لان القلم اكثر شي يطول السبحة والكبك عليها السلام

 

[روح الخيال]

بعض التاجرات مبالغه اسعارهم

جربي روحي اخذي بنفسك وبس

والتغليف سويه , لأن الرجال مايهتمو كثير بأدق التفاصيل قد ماتهم الهديه نفسها