الغيــــره

  • بادئ الموضوع بادئ الموضوع ربي معي
  • تاريخ البدء تاريخ البدء
ر

ربي معي

New member
إنضم
2010/10/18
المشاركات
24
السلام عليكم ورحمة الله وبركاته

مســـــــــــــاء الخير لكل البلقيسات

حبيت اطرح اول موضوع لي هيه شغله صارت لي وحبيت اعرف لو في وحده استوالها نفس موقفي

شو بتكون ردت فعلها ..

ما بطول عليكم بدخل بالموضوع على طول

انا من يومين كنت رايحه العياده مع زوجي ولما طلعنا من العياده طلعت انا قبله علشان هوه كان يحاسب ولما طلعت طلع وراي واحد من الشباب الي كانو قاعدين في العياده
وقعد يتكلم انا عبالي روحه بس طلع يكلمني ويقولي السلام عليكم ممكن اعطيج شيء .. انزين عادي تاخذين هالورقه .. وانا سويت له طاف وبعدين قلت له احترم نفسك ريلي داخل واذا شافك ما بصير خير . :33:وبطلعت ريلي شافه وقعد يسالني شو فيه شو يقولج انا قلت له خلنا نروح
بس ريلي اتنرفز وقعد يتضارب مع الريال

وبعدين زعل علي على اساس اني ما خبرته ان الولد قاعد يغازلني قلت له انا مابي مشاكل
بس هوه عصب وقال لي اني ادافع عنه وللحين زعلان
ومحملني انا الغلط والله محتاره مب عارفه شو اسوي ..

لو وحده منكم مرت بهذا الموقف شو بتسوي ؟
ولي انا سويته صح ولا غلط ؟ :30:
 
حبيبتي حسب شخية زوجك اذا عصبي احسن انك ماقلتي له بس اذا هوه من النوع الهادي اللي يتفاهم فالافضل انك قلتي له الله يكون بعونك يااااااارب
 
انا لو منك انادي له زوجي يتفاهم معاه
بس انتي لا تكبري الموضوع خلص حاولي غيري الموضوع وتكلمي في اي موضوع ثاني يعني اعملي اكشن في البيت ولا تنكدي على حالك
 
انا لو مكانك مابخبي عليه وبقوله انه غازلني
عادي صرحيه عشان ماتتزعلو وتتبسبب لكم مشاكل
 
انا لو مكانك على طول اخبره من غير مايسألني خليه يأدب المغازلجي ذا
 
قولي له الصراااااااااااااااحة
الصراااااحة بين الزوجين مهمة ولها اثركبير بالاستقرار
 
خلاص حبيبتي انتي الحين يوم يرجع البيييت حاولي تغيرين السالفه ولا تتكلمييين فيهاا

سويله ليله حلوه
سهروا ع شي حلووو

وبتنتهي السااالفه


ربي يوفقكم
 
الافضل انك كنت تقولي له لانو والله هذا الزمن صار يخوف افترضي انه شافك واقف وراك ويمكن يشك فيك ​
 
مشكورات فديتكم على الردود وان شاء الله اذا صار لي موقف ثاني بقوله على طول
ومنكم نستفيد
واسمحولي على التاخير بس كنت مريضه
 
طبعا اكيد كلنا أتعرضنا لمواقف سخبفه من بعض الشباب الله يصلحهم ويردهم للحق ردآ جميلآ... لا حبيبتي اذا زوجك شافه وسألك قولي مدري ماشفت شي ولا انتبهت لشئ وأتحججي بانشغالك بالمستشفى والدواء وغيره ..لأنه حبيبتي هذه تعتبر عند الرجال شرف وعار ويسووا فيها مضاربه ومشاكل لا لها أول ولا لها آخر ويمكن توصل للقتل ..لأنه الرجل المسلم بطبعه غيور وشديد الحرص على محارمه ..واذا صارت مره ثانيه لا سمح الله من شاب سخيف انتي لا تردي ولا بكلمه واحده بالعكس أمشي بطريقك عادي وكلك احترام وهو لما يشوفك ماشيه في حالك وكلك ادب راح يسيبك ويعرف انك انسانه محترمه ويروح يدور على أمثاله ..وربنا يبعد عنك كل أذى ..
 
هل حجابك ساتر ؟؟؟؟؟؟

ربي يحفضك ويحميك من كل ذيب
ونصيحتي لك لو حجابك موساتر استريه وراح تشوفين ان المضايقات خفت كثييييييييييييييييييييييييييييييييييير
 
حبيبتي اذا كان زوجك مازال ماخذ على خاطره من السالفه هذي انصحك تدورين وقت مناسب وتصارحينه انك ماحبيتي تقوليله لانك خايفه على زعله وبيني وجهة نظرك انه بسبب حبك له ممكن يكون تصرفك خطا بس هذا اللي صار واعتذري منه والله يهدي سركم ويصلح اموركم
 
انا صرت مره في نفس الموقف بس على طول خبرت زوجي

وصار طخ وطيخ هههه

يلا خلاص صار الي صار ولا تلومي نفسك

وقلي له المره الجايه اقولك ههه
 
عزيزتى

الاحسن انو مكان يعرف

لو مكانك انى همـ ممكن جنت اسوى مثلك واخبى
 
أنا لو كنت مكانك مارديت عليه بكلمه واول مايطلع زوجي اقوله على طول وهو يستاهل ماجه دور له بنفسه
 
تصرفك سليم انك ماخبرتيه00000
ماله داعي الطلعه تتحول لمصارعه حره000أنا مره خبرت زوجي وصارت مضاربه كبيره وحاله
لذلك ماله داعي نسوي مشكله0000كلهاكلمتين ويطيرون فى الهوا من شاب تافه 0

 
انا صارلي اخس من موقفك
ثلاثه سواريه كانو يغازلون بس والله ما سكت ليش اسكت والله ما نامو الاباسجن
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل